小小市民仔的個人專頁

今日係老公生日，上網搵左好多類型既餐廳都未有心水。突然係YT有介紹「手工海鮮私房菜」。對我黎講好新鮮，加上老公鐘意食海鮮，於是聯絡餐廳預訂兩位食私房菜。今次每道菜式好！特！別！簡單黎講：1️⃣水墨淮山：淮山口感好細滑，係好好既頭盤，令胃口打開💯2️⃣潮式骨香鱘魚子魚飯：用乾冰放在菜式底部，驚艷地散發煙霧💨，視覺效果被震撼🤩。邦哥使用本地馬友，除了有魚油，魚香之外，配搭自家製既豉油好夾👍🏻3️⃣瑤柱老雞燉西瓜：飲完好暖胃，好舒服😌4️⃣雪花菠菜苗：用雞油煮，味道唔同左，多左一份香味！好特別🐓5️⃣冰鎮南非活鮑魚：用左十幾種材料浸，好入味！鮑魚一D都唔un,口感岩岩好🫶🏻6️⃣自雪藏金龍：呢碟係龍蝦肉配南瓜汁蒸蛋白。🦞🥚龍蝦肉爽口新鮮，蛋白蒸得岩岩好時間，配埋🎃南瓜汁，口感仲滑過豆腐花，食得好舒服again!!🫨🫨7️⃣火焰十年陳花雕酒醉熟蟹：首先，多謝邦哥搵到隻八両奄仔蟹，要搵咁大隻真係一d都唔易。🦀其次，餐廳好有心熄左餐廳燈，好似吹蠟燭咁好有氣氛🎂食物方面，勁多蟹膏，好香花雕油同好濃酒味（應該係百蘭地）。第一次食醉熟蟹，好新鮮既體驗，100分推介👍🏻👍🏻👍🏻8️⃣冰雪菓子：邦哥自己整既菓子，好靚！皮既混色做得好！真係想訂一打送比人！意外驚喜係多左一份手工製既壽桃比我地。好好食😋😋😋多謝小店提供難忘體驗！下次實會再幫襯😍…查看更多

我同男朋友星期五晚去呢間餐廳。環境係唔錯，叫左三樣野：1）蠔餅，外表係大碟，但好碎同埋冇乜好蠔仔。2）蛇羹，正常但好細份😅😅3）蝦粉絲煲，勁細份，蝦冇味，粉絲勁小。成個煲啲料頭仲多蝦同粉絲😅 整體上啲味道係正常，但我地好懷疑自己食左咩，食完好有空氣感😂😂😂😂我地埋單$5xx，之後仲要食譚x先飽肚。…查看更多

我同男朋友一齊去沙田第一城食和民，叫左套餐同小食。🫓前菜：係幾舊似蓮藕既野，食完一舊都唔知食緊嘜，然後放棄咗。🐟刺身：有三塊黑黑地既三文魚刺身，睇完唔開胃，最後我冇食到。🥗凱撒沙律：一兜冇咩沙律醬，面包粒已軟身，感覺放左好耐。🥘海鮮火鍋：係二人餐黎講，份量超小，好hea，一半份量都係菜。🐙章魚燒：非常普通，應該係拎現成貨整熱，但蛋黃醬同另一個醬太小，食落偏咸🍣加洲卷：no comment, 10分滿分，佢只有4分。我開始懷疑人生，究竟我哋食緊咩？食左個「二人餐」之後個肚好空虛，平時我地兩個係屋企，一個人都食唔到一碗飯，我地唔算大食，但呢餐絕對唔飽+唔抵食。既然係咁，我地再叫清酒煮蜆同大板椰菜燒。哎呀！又失望多次🍶清酒煮蜆：蜆又細，肉又細又「柴」，重點係冇味丫！我究竟食緊咩🙈🙈🙈🙈🥬大板椰菜絲：唔係講笑，裡面勁多細椰菜絲，唸住應該好食啦掛，點知！椰菜絲係冇咪架！！咸味、甜味都冇，好懷疑係用墊底既椰絲煮😒😒😒😒成個大板燒如果滿分係10分，我會比負100分！真心難食到叫救命🆘可能我地好幾年前試過沙田新城市和民，質素好好，所以一開始對呢間餐廳有正面期望，但我地食完之後，心裡面對於和民地位係由天堂落左去地獄🤣🤣唔係講笑，但我地一致都表明以後唔食呢間野。…查看更多

今日同朋友去食生日飯，之前上網book位， remark左盡量想安排喺落地玻璃附近食，當去到餐廳， 職員安排到我想嘅位置，本身我都諗住呢個安排都幾好呀，但係一到食嘢就唔係了。😿😿😿😿我哋book咗夜晚8:00 ，嗰日餐廳裏面唔太多人，我哋嗌左一個前菜，兩個主菜，再加兩杯嘢飲，我仲記得當嚟左二份主菜嘅時候，係我哋食到大概一半嘅時候，大概係8:30呢個鐘數， 已經有職員問我哋仲有冇嘢要order，因為已經last order，但係我心諗，間餐廳10點先close，8:30已經問人last order會唔會太早呢?😓😓另外，係我哋興高采烈傾緊計嘅時候，職員已經比張單我哋埋單，完全勁掃興，我地未到9點就要埋單。（到最後我哋喺附近影完相，發現啲職員9:2x分已經搭私家車走人，成間餐廳已經閂門了）😳🤭仲有一點，因為我坐嘅位置係對住落地玻璃，夜晚會有反射可以見到我身後嘅職員，我見到佢哋係咁望住我哋碟野食完未，唔止一次，起碼有三次，然後見到我地食到咁上下，就好快過嚟收碟，佢哋嘅效率真係「好高」👏🏻👏🏻👏🏻👏🏻👏🏻簡單來講，佢哋夜晚嘅服務態度係超級差，我絕對唔會再嚟幫襯😐😐😐我以前嚟過幫襯lunch，佢哋嘅態度都唔會咁差。至於食物質素，還可以的，但係唔係特別出色…查看更多

假期去咗呢間餐廳食早餐，其實呢間餐廳一直都要出去counter先可以落order，我就覺得好奇怪，明明有幾個waitress，但係都唔可以落order咩?好似今次得我一個食去落order，但我拎住袋野，咁我放低個袋，再出去落order，其實我覺得有啲唔方便。講到早餐，我叫咗一個all day breakfast 。第一，佢個薯餅真係好大陣雪味，同好易散。我係一個好鍾意食薯餅嘅人，但係佢嘅質素令我食完兩啖，已經冇食啦。另外佢個法式多士，勁油，冇厚度，係我食過咁多個之中最差一個。最後飲品方面，我其實係叫即磨咖啡，但佢最後俾咗即溶咖啡，我估計係雀x咖啡。我都算！但係唔知係咪溝水溝得多，還是咖啡份量太少，實在太淡味，我最後飲唔到一半，就已經冇飲了。呢一間餐廳之前我都有幫襯開下晝至到夜晚，質素都可以，但今次幫襯，大跌眼鏡。至於服務方面，我覺得佢哋可以再改善，尤其我WhatsApp錄音講緊嘢嘅時候， waitress 就唔好喺我隔離問我野，最好就係我做完嘢之後先至問我會比較好啲。…查看更多