EatwithYu的個人專頁

葡撻口味$41 試左就會知點解佢會係招牌必食雞蛋仔很香蛋味，而且很脆！每一粒雞蛋仔都夾住葡撻！咬落去，外脆內軟，入面既蛋味很濃，甜度適中！而且入面既餡料冇話爛哂，仲保留完整蛋撻口感！難怪佢會係招牌！貴錢雖然比一般雞蛋仔偏貴少少，但係味道不錯而且又可以用黎打咭！ 值得一買！推介👍…查看更多

户外坐位都幾寬闊，有4張枱，每張可坐2-4人！環境都幾舒服😌 cafe有個貼心位，就係坐位旁既牆上有掛鉤🪝，方便狗主可以掛住狗繩，咁就可以放心同狗狗一齊進餐😚值得一讚！食物🥘唔算太餓，所以叫了輕食-BLT Croffle 培根萵苣蕃茄Croffle $75本以為只是輕食，但其份量可以話係主食level😅croffle 有2舊，但脆而且唔會太油！然後再有一大份炒蛋，估計應該最少2隻蛋！蛋炒得香滑唔會太過熟！ 將炒蛋加煙肉配上一口croffle，口感非常豐富！ 而且非常之夾！煙肉🥓只係簡單煎熟，並不是脆卜卜煙肉，但係感覺較健康。煙肉唔算好咸同油膩，再配上蛋同croffle, 成件事係好夾，好飽肚！生菜同蕃茄都好新鮮，而且都算多，佔碟一半份量！ 淋有少量芝麻醬，不錯！飲品熱latte $55價值偏貴，整體唔差，豆味偏nutty , 但我覺得可以再濃多少少會好啲，依家好似奶多了，也許加多shot 會好啲！之後發現手沖價錢相比之下唔算貴好多，一杯手沖都係 $45 ，下次會試一試！…查看更多

店舖裝修主色係橙白，俾人一種有活力但舒服既感覺！最欣賞係雖然店舖不算大，但非常開揚通風！店舖有兩面都係窗口位，而且店員係打開哂所有窗，自然光入哂鋪！影相一流！👏🏻餐牌設計感很好！係一盒光碟💿！而且入面真係有隻CD！當日去係閑日既中午，3點前都可以叫lunch menu , 價錢$78,包一杯飲品！ 如果係學生，只需要$58！ 價錢相宜！咖喱啡雞扒米飯仔 $78 份量唔算好大，女仔食係足夠既！食物不夠熱，一上枱只係微暖🫠 (利申: 只用了1分鐘時間去拍照)0不過同我預想既咖哩飯唔同，我以為係有咖哩汁係旁邊，但原來係已撈好！(呢個都唔係大問題，每間做法不一樣) 但係咖哩味偏淡，幾乎係食唔出咖哩味🫣 比較大問題係，menu寫係米飯仔！正常一睇都會覺得係飯！英文menu 寫的是ORZO,其實係一款米粒狀既麵食！係麵不是飯！其實有啲失望，因為真係想食飯先叫飯的😥 呢隻麵既口感就好似食緊一粒粒既意粉，偏硬😥而且唔掛汁，再加上少汁，所以食落真係冇咩味道！雞扒味道都不錯，正常！Latte加錢叫了latte,不錯既豆味突出，nutty 其實很支持小店，但奈何食物真的不算出色，應該不會再光顧了希望有改善吧🍊…查看更多

環境:非常舒適！少有2層糖水店！特別係上層位置闊落，仲睇得出老闆係有心思去裝修！店內都有唔少打咭位！重點係！店主係愛貓之人，鋪頭有幾隻貓店長，非常可愛😍食物:抹茶雪花冰 $45性價比勁高！個冰係好濃抹茶味，而且棉密！入口即溶但唔會覺得冇味道！配料仲有自選雪糕，紅豆同寒天，再有少少練奶！但絶對唔會好甜！甜度岩岩好，仲有唔同口感！大推！白雪又係好好食！芒果足料！配搭西米同小丸子，椰奶，成碗配搭很襯，口感豐富！再加上芒果雪糕，很滿足！甜度也是剛剛好，不太甜！…查看更多

份量十足！足料！honey mustard比例岩岩好，唔好太多！入面既雞肉唔會柴，而且份量好多！蔬菜都新鮮！ 對於女仔嚟講，絕對飽肚！Bagel 烘得香脆！仲有少少煙韌！包面有啲芝麻令bagel昇華不少，很香！整個bagel都係很不錯，很有飽足感！推介俾bagel控！Latte $38都係有水準奶同豆很夾，唔會太重奶 or太重咖啡味Nutty！呢個價錢黎講，很不錯了環境地方唔算大，枱與枱之間都比較近！如果坐滿人會比較侷促但木系裝修風格舒適！平日去少人坐也不錯店員友善，唔會趕人走♥️…查看更多