Divinity的個人專頁

今日同屋企人響銅鑼灣行完街，為中秋送禮作最後衝刺。之後帶距去左一間富有港式情懷嘅港式麵店《麵家》。唔講唔知原來距地所供應嘅麵係來自有超過 50年老字號《永樂》，河粉係來自有超過70年嘅《雙喜》，全部香港制造。我揀左個名非常好意頭嘅”咩都有麵”$78。有櫻花蝦雲吞，魚蛋，貢丸，牛丸，墨丸同秘製慢煮肥牛腩，我加左$10 要個加底幼麵跟魚湯。屋企人就嗌左碗雙拼招牌櫻花蝦雲吞拼秘製慢煮瘦牛腩跟幼麵$65。我地再嗌多個時令油菜- 菜心苗同兩杯壹品豆漿。聽講距地嘅慢煮牛腩係自家炆製，雲吞亦都係自己新鮮包。難怪食落去嘅口味係更精緻同有份匠心。牛腩可以選肥或瘦，我認為肥牛腩嘅油香更正，滑如明膠，肉質嫩滑。個湯底更係飲得出落足心機，而且飲落唔見有味精，健康兼有營養，適合飲食追求原味道的人士。另外裝修精緻而不落過份強調港式舊年華的俗氣，店面乾淨俐落。@mingaa.hk #銅鑼灣美食#銅鑼灣餐廳#銅鑼灣#探店 #麵家 #雞白湯 #雲吞麵 #魚白湯 #老字號麵廠 #肥#牛腩 #雲吞 #wonton #hongkongstylenoodle …查看更多

澳門雖然同香港距離比較近但係我哋平時認識嘅都係只有咖喱豬扒包同埋葡撻好多餐廳都冇特別話過嚟香港開分店今次到太子食咗呢間喺澳門有78百年歷史嘅叠記。原來本身創辨人叫許叠，所以店名就直接叫叠記。距地嘅咖喱汁食落去真係比較重口味嘅，坊間好多餐廳嘅咖喱醬食落唔會特別辣，但係佢哋碗澳門辣腩河淨係個湯底就算沾一沾，個辣味都會喺個口度交纏。佢哋嘅腩肉大大塊好襟食。另外叫了瑞士汁豬頸肉飯，豬頸肉夠大塊，不過可以林一啲無咁孩身就更加好食啲，佢哋個飯嘅米都好有米香同埋適合索汁食，都可以加少少辣腩河嘅湯汁湯汁，令到湯汁嘅辣味中和返更加易入口。餐廳嘅光線都比較充足，位置同空間一眼望入去就一目了然。有時食下一個品牌嘅人情味同堅持都係一件賞心既樂事。…查看更多

尖沙咀可以話係最易嗌倒朋友出來撐檯腳嘅地方，今日同個舊同學去左泰濃麵 Siam Noodle 食晚飯。呢度有4 檯卡位同7 檯散桌。空間尚算骨緻，客路以年輕人為主。係羊粉嘅我叫左一碗羊肉片金邊粉船湯$75配泰式香茅班蘭梳打特飲$29。海鮮控嘅朋友就嗌左卜卜蜆河粉配冬陰功湯$95同泰式龍眼冰特飲$29。香濃嘅船湯配上羊輕輕嘅羶味兩者相容性同互相提味能力十分好。個龍眼冰飲落唔會太甜，口味頗清新。香茅班蘭梳打都解渴嘅但d班蘭味只係頭一啖比較明顯。朋友話d 卜卜蜆實淨而且有肉，個冬陰功湯易入口且味道恰到好處。店員也頗熱心，知我朋友提著包包，到一有張卡位檯嘅時候馬上同我地換位兼且將d 食物搬過去。d份量來講，夏日炎炎胃口唔太大嘅話六，七成飽係做得到，要再添食也可以嗌一d 小食如泰式炸腩仔或者炸魚餅等。…查看更多

Cupping Room 尖沙咀店呢個優越嘅地理位置真係吸引左好多國內嘅朋友來打卡，然後發去社交平台分享。特別係夏天日照更長，d位去到七點黃昏仍然座無虛席。呢度可以飽覽尖沙咀海運大廈OTE，西環海傍同埋西九龍海濱嘅景色。最低消費係一杯飲品或食品就可以坐75 分鐘慢慢打卡打個夠。叫左一杯髒髒咖啡Dirty 同一杯冰的抹茶鮮奶，Dirty 只斟到隻杯8成左右，奶味尚算順滑。抹茶鮮奶略嫌口感偏淡，不過在坐的人似乎都著緊拍照多於嘆咖啡。…查看更多

Bischofia by Mood 喺觀塘經營左兩年，最近仲舉行了一個畫咖啡杯嘅比賽。呢個名其實係指一種分布於印度、中國南部和中部以及東南亞以至澳洲束北部等地的秋楓屬喬木植物。店家呢個名可能寓意佢係可以極為迅速生長同抵擋住風浪。佢哋係一間主打情調同休閒輕食嘅餐廳，入面嘅空間感都不俗，餐廳嘅燈光柔和，裝潢整體都簡潔。鍾意慢慢嘆返杯咖啡嘅朋友仔嚟呢度食個 weekend brunch 的確係十分之寫意嘅事。佢哋嘅雞胸肉椰菜花飯亦都比較適合…查看更多

週末冇嘢做，想搵個遠啲嘅地方搭遠d車Hea吓時間，來到荃灣西如心廣場二期，有一間富有新咖坡牛車水色彩嘅餐廳叫玖子茶 Teh Jiuzi ；彷彿去返上世紀20年代的獅城華人飯居。佢哋有個食物選擇十分多嘅$199二人餐，有三類食物選擇，其中C類可以點兩款小食，仲要係星期一至日都可以嗌。我今次揀咗例牌份量嘅招牌星馬雞，其實A類仲有另外九款選擇。砂煲肉骨茶同泰式火山骨齋睇餐牌賣相都非常之吸引夾大份。B 類我點左泰式風味海鱸魚。如果鍾意食多啲青菜嘅朋友，其實可以指點下馬拉盞炒時令菜。晚上七點十分入到去餐廳大概有六成滿，坐多20分鐘成間鋪差不多都坐滿晒人。的確現今香港人十分重視性價比，人均$100嘅晚餐而又可以食得飽，佢哋真係喺食物選擇體面同份量兩個要求上滿足得到食客嘅需要。C 類我就嗌左馬拉蝦餅拼魚餅同埋沙嗲雞肉，兩種食物都係啖啖肉，而且有比小食更多一點的份量。 另外如果係飲品都係加$10，椰汁紅豆冰同凍桔仔話梅水比散嗌平左分別$13及$10，個杯仲要係差唔多有四百幾毫升，解渴之餘兼且襟飲。佢嘅經營有啲似而家方間中式嘅菜館同時有京川滬菜嘅混合，雖則話係主打星加坡菜，但係都有泰國同馬來娘惹嘅食品選擇。…查看更多

上星期同同事一齊去咗呢間有和風設計嘅餐廳面睇落會係比較有格調，起初都以為價錢會比較貴不過原來佢都有啲抵食嘅套餐我同朋友都叫咗日式暗烈雞肉飯隻蛋食落都係滑嘅，同埋啲雞扒都唔會話有陣冰鮮味。$108 包埋一杯嘢飲而且好多座位都有卡位大家傾下計嘅時候都舒服啲店內仲有一位外籍人士做侍應位置大概係以前希慎超級市場Market Place買壽司嘅位置呢度都成為咗不同午市套餐嘅甲級戰場 亦都成為一個中常價位OL最腳嘅集中地…查看更多

之前喺K11 Musea見過嘅Arte By Padaria 最近喺更就腳，同樣都係K11旗下嘅藝術館Art Mall登陸咗。呢間主打結合視覺、味覺同嗅覺黃金三重享受嘅藝術型甜品店，將藝術與甜品完美無瑕地嚟個天仙結合。我定咗格幾十秒先至決定好揀邊兩件蛋糕返屋企食。話說萬聖節月底就到，以南瓜味做主題嘅蛋糕自然成為入饌嘅焦點。色澤鮮明嘅小南瓜造型蛋糕，深深地令我注意着。呢件小南瓜芒果椰子奶凍配紫薯慕絲蛋糕，外層係南瓜造型既糖漿,入面頭果層係紫薯蓉，下面果層係椰子Panna Cotta。個芯係芒果。個甜度係易入口嘅。底層墊著嗰塊綠葉，諗都諗唔到原來係曲奇。個蛋糕嘅整體色調係好有萬聖節嘅神秘色彩。我再掃描望吓個櫥窗，第一時間就俾呢個色澤金黃嘅「唯一的愛」法式反烤蘋果杏仁撻吸引著眼球。反烤蘋果撻方間又會叫佢做翻轉蘋果塔，係一種用蘋果為派(pie)皮，小麥粉為內涵嘅特殊塔(Tart)類甜點。面層係晶瑩漿狀果凍包著香甜可口的蘋果，最下層是酥脆批底，滿滿的幸福感在味蕾間洋溢著。…查看更多

今日見天氣唔錯慢慢乘着中環扶手電梯漫遊喺些利街扶手電梯轉角位發覺呢間喜多嬉かき　見佢個位置幾骨子，而且私隱度高一於入去來個慢活的週末午餐佢哋個午市餐目有11項選擇我叫左滑蛋鰻魚丼$128同埋醬油脆脆西冷定食$128鰻魚飯個飯底夠濕潤鰻魚燒得恰到好處，而且醬汁唔會上得太重洋蔥同蛋都好足料脆脆西冷有啲燒焦嘅蒜片喺面頭加上西冷肉亦唔會過肥或韌身唔使蘸醬汁就咁配飯食都好餸飯再加$8叫多一杯柑桔梳打消下啲油膩感兼解解渴另外加配兩串肉類串燒都係$28於是就叫咗免治豬肉串同埋羊肉串各兩條羊肉唔係太重膻味，而且肉質實淨有嚼勁。免治豬肉串個面頭燒嘅火候剛剛好，咬開中間八成幾熟，食落軟腍。另外菜類串燒就叫咗秋葵同埋大䓤車厘茄串，可以為呢餐飽飯加上啲清新嘅感覺。最後要重點比讚嘅一定係餐廳由北木島直送嘅生蠔（牡蠣）。加配六隻喜多嬉生蠔都係$108味道有原味蘿蔔蓉昆布蔥花柚子啫喱雞尾酒汁六款味道都將生蠔嘅清新同鮮味細緻地托出來。生蠔新鮮大隻又肥美，而且有少少鹹鮮。服務員都好熱心同埋殷勤，俾我隨意選擇想坐的卡位。週未場內唔算太多人，而且食客都算斯文，都係一啲一家大細嘅組合。…查看更多

今日同屋企人去三木韓國料理主力試下佢哋嘅韓牛特選套餐-入邊有肉眼扒,牛柳,薄裙肉同牛排肉加韓牛生肉片「黃瓜條」，另外又叫埋醬油蟹拌韓式紫菜飯，蒸水蛋及海螺伴麵。聽老闆介紹話韓牛每週由韓國空運直送，係肉質軟嫩新鮮的保證，最鍾意佢哋嗰個蒜油醬汁，配埋剛剛滴住少少油脂嘅烤韓牛食特別惹味。另外一個食法係可以伴生菜加少少炸面豉醬。枱上都有一壺熱騰騰的韓式麥茶，可以幫我消除牛肉的油膩。張枱夠大，而且同其他枱有距離。空間感十足，更好友90年代嗰種氣息。我指嘅係當年嗰種繁盛同闊綽嘅感覺。餐牌嘅食品種類算係多樣。而且老闆亦主動同我哋打牙笅，談笑風生。…查看更多

『無骨香辣三杯雞肉燥飯』 HKD 45 雞肉大塊而且富醬油味,係飽肚之選。加$5 可享『愛文芒果汁』,清甜去膩。菜式5分鐘內送上 但肉燥唔算好熱。『麻辣魚腐花枝新竹米粉』HK45,份量頗generous而的確食到麻麻的辣。花枝丸有3粒而且有嚼勁,加$7配杯『凍即磨咖啡』可以降降溫。再來個『台灣苗栗香辣牛肉麵』HKD56,嗌小辣口味痺一痺個口就可以,牛肉足料唔見靭但稍厭乾身,未有完全吸收湯底精華,加HKD9來個『士多啤梨牛奶雪香』。冰雪有D蓋過奶味,但總算入口帶滑。加多份『七味雞翼3只』 HKD22算係功德完滿。總結份量令性價比推高,唯餸菜可以加熱D先出會更佳。侍應工作態度不錯,夠快捷且客氣,不失為令人愜意的一頓晚餐。#101台式休閑餐廳#台灣菜#三杯雞#新竹米粉…查看更多

今日來到新蒲崗工廈COTIBISTRO入到餐廳燈光有d微暗而且懷舊 頗適合情侶約會座位分隔有致 有不少卡位點了明太子鰻魚意粉 HKD 82醬汁有D重而杰身 但有鮮口的魚子醬鰻魚肥美而嫩滑 意粉尚叫 Al dente韓式烤牛肉飯 HKD 68牛肉大大塊 但醬汁有D重口 飯粒分明大粒套餐可以配沙律或者餐湯於是每樣點了一份餐湯係蕃茄湯, 有d芝士粒係飽肚D但有D怪沙律配芝麻醬餐飲週末要另點收正價點了凍玫瑰鮮奶咖啡 HKD 42冰塊唔算好多但夠凍 而且夠奶滑玫瑰味未算突出不過環境寧靜,適合情侶約會或者朋友聚腳#coti#cotithebistro#咖啡#西式餐廳#新蒲崗#工廠大廈地下cafe…查看更多

Groovy 是頂呱呱的; 吸引人的意思這餐廳私人而入屋的西餐格調令人有一點小眾團聚用餐的感覺一眼可以看透餐廳的內蘢 三位侍應小生沒有音樂奏播但有輕鬆而細聲的私語聲座間沒有太多人 喜歡安靜聊天的人的至愛主菜點了KD318 切成8條狀 5成熟至啱口味另叫了西班牙有骨黑毛豬扒 HKD 260 份量大D會更正 兩者的薯蓉不錯吃甜品叫了心太軟HKD 80, 有一球雲呢拿雪糕 最大路的做法從玻璃窗看看出面的雨景時間一路溜 食到七分飽 …查看更多

朋友同我慶祝生日去左新寧餐廳食.緬懷一下舊上海西餐的風味.1946年創立,一聽就知道係老字號.記得數年前喺上海食過一間1897年創立的德大西餐廳.是日就重返一下上一輩食西餐的味道與情懷.自己叫左西冷牛扒套餐,有羅宋湯及凍咖啡. 朋友叫左白汁雞配沙律.一人可以選一款麵包價錢尚可,主要係食環境同服務.我認為適合情侶或老朋友聚舊.…查看更多

Always wanted to get seated at Classified for a cozy afternoon tea.I made up my mind to go there and munch some delectable dishes.Get seated with mum and ordered a Grilled Steak Sandwich (Roquefort butter, onion chutney, lettuce, tomatoes and dill pickles)The steak is medium cooked and the toast is chunchy too.Price would be more reasonable on my empirical experience if it is around $90.Whatever, I think it is okay to pay for $112 as I have more time to get seatedand do some reading.I liked to try other dishes more but it was almost 5pm. A cozy afternoon snack and I liked to come again on more quiet occasions like these than the busy hours. Ordered for a cup of regular coffee to reinvigorate myself. Haha, I justread from the news that it can help to boost long term memory.Hope that it is true. :)…查看更多