oooooooooooooooooo的個人專頁

去開西九龍買嘢，同BF搵吓附近有冇一啲比較好坐嘅地方食個brunch，搵吓搵吓嚟咗E Hotel 隔離嘅E Delicious，俾佢嘅門面吸引咗入嚟，餐廳地方寬敞，裝修好新淨，職員都面帶笑容服務真係好好！午間餐牌好多選擇，淨係蘭香子嘅飲品都10幾廿款😳牛扒豬扒羊扒魚柳意粉都好多唔同嘅set。我同男朋友都係鍾意食牛嘅所以我揀咗一個T骨扒餐，佢就揀咗一個肉眼扒餐。百幾蚊一個大大份⋯⋯頭盤有麵包同埋湯，我個羅宋湯好夠味但唔會太鹹，啲麵包烘得表皮脆卜卜，平時唔食餐前包嘅我都搽牛油𡁻咗半個。丅骨扒我揀七成熟，煎得好香口，有返咁上下厚度，肥瘦適中，如果冇記錯好似係澳洲牛，份量真係頗大好在佢嘅配菜係比較light 嘅焗薯同埋一啲雜菜，呢個配搭食起上嚟係啱啱好，個燒汁惹味。杯餐飲咖啡有驚喜，夠晒香濃，如果朝頭早淨係飲佢都會相當滿足😍☕️👍🏻甜品方面普普通通，係布甸加蒟蒻，如果係朱古力味嘅甜品就更加好🤤都要再次讚一讚職員服務好殷勤，下次會再幫襯，見到佢有好多款小食同埋有酒飲🥂🍾️仲要好抵🤫…查看更多

我係Carmen Tam~~用Facebook log-in 0既﹐唔係好識點整返個似樣D0既user name。今次係第一次忍唔住手寫食評﹐因為呢餐飯係食得好開心~ 話說尋日同BF行完街街就去0左呢間朋友介紹我去食0既銓滿記﹐賣點話係海鮮同煲仔飯。我地叫0左個$198二人魚翅海鮮煲仔飯餐﹐入面有兩大碗翅﹐聖子皇x2﹐鮑魚仔x2﹐辣酒煮花螺或者炒蜆﹐自選煲仔飯(我地要0左扇貝煲仔飯)﹐油菜....好多0野﹐仲送0左老火湯添~~ 個湯好好飲﹐真係好老火﹐飲完好溫暖^_^。個翅真係一排排﹐非常似樣﹐味道都幾好。海鮮最出色﹐好新鮮同埋教得個味好好﹐蒜蓉粉絲蒸好香﹐聖子皇要分幾啖先食晒一隻﹐鮑魚仔都唔係細﹐但唔係我0既最愛。辣酒煮花螺勁惹味﹐都幾大粒下﹐粒粒新鮮﹐都算多﹐成個沙煲都係~煲仔飯好香﹐我鐘意拒D焦同甜豉油﹐飯粒好有米味﹐扇貝好好食﹐但下次想試下田雞同潤腸0個種傳統D0既。職員好有禮貌﹐服務十分好﹐老闆又好人又好傾﹐環境企理﹐幾好坐﹐一定會再幫襯﹗…查看更多