eddie eddie的個人專頁

星期日下午1點15分已訂座付費，去到攞台一片混亂，過了10分鐘先可以入座，坐低只叫了茶後完全冇人理，點心紙又冇，等了5分鐘先問我地係咪食放題，飛幾張纸埋黎入左去，跟住揾人入單要追住個待應，等到2點10分一件點心都冇，3吹4請發哂脾氣先係隔離台其中order飛2籠黎叫食住先（完全不是自己點的），再過多10分鐘仲未有又想飛碟煎餃來，今次講明唔要快d追單，結果自己張單要到2點半先有，最終食到成肚氣冇再落單，而且好多點心、小食因為售完已經漏哂單，所有食物種類已經唔多，共42種但比你得20款多dd，食物很普通，水魷、鹵水蛋、咸菜豬肚唔夠入味，其實好多食物都唔夠味，中下級點心。但唯一最快是收錢，付了加一茶錢後完全冇理會找錢，结果問完經理叫我去收銀拎錢，去到其實好多台客已找好但冇準備出去比人，完全唔知想點…查看更多

如果以熱狗點做店舖主打，隻士林熱狗算唔合格，即整既食物無可能係凍，醬汁ok但而熱狗包明顯烘過但係已經淋身凍了，以$32整體口感有如$10 ikea貨色; 另外熱狗加$12可配2份小食，再加$5可轉大薯條，咁我地問店員可否轉做$24芝士煙肉薯條，但店員只答$26，咁即係單點，我地再問再揀已經黑面兼語氣其差，結果不再問快快手逐一單點算了，之後站在一旁等食物又見對其他人服務正常，我懐疑是她看顧客是以熟客或政見去作選擇性服務態度？總括來說食物是ok，薯條即炸很出色，而且政治理念正確，大家立場相同，但員工服務有待政善…查看更多

我𠉴公婆星期二晚7點到場用團購諗住享受一次蟹宴。從相片、餐單見有幾款以蟹為主題美食, 到場時全場9成爆滿, 心中已有不妙, 先到蟹區排隊, 只餘下幾隻呈現微黑不新鮮長腳蟹腳, 不見餐單上咖哩炒蟹、新加坡辣炒石蟹、大量平價細花蟹、數隻凍蝦, 熱盤經常真空、從未見過refill食物用一小碗倒入大盤內當成整碟refill、亦有很多食物提供一次性就算, 壽司飯未熟有生米、刺生切好放在室温下已不夠新鲜, 蟹肉手卷仲離譜, 仿蟹柳絲配青瓜絲用厚餅皮包住超難食, 值得推介只係Haagen dazs同排長人龍既生蠔, 第一次去食buffet, 食完一碟食物後, 竟開始食雪糕, 大部份顧客竟然用搶食物方式大量清走剛僅餘少量refill既食物, 後面排隊既顧只得個望字, 做平價buffet都要有良心去䁠錢, 以埋單每位$310來講整體質素比市面上百幾蚊平價日式放題或tea buffet仲差一大截…查看更多

6月28日晚約了舊同學聚舊, 一下子點了多款食物, 第一round只來了一半, 漏單嚴重, 附加$28只有天X牌迷你罐頭鮑供應, 其他如花膠、碗仔翅一律欠奉, 直至2小時埋單後亦沒出现。就算芝麻雞翼亦沒來, 串燒、天婦羅等只來了一次, 埋單加一每位3百實屬搞笑, 就算上年在同店食中午放題亦比今次好好多, 最搞笑店員將我們所有碗筷收走後再問我們所點食物有冇到齊, 我即時回答乜都無到, 起身離開, 可能店員聽到我當時見有十幾碗花膠送到叧一台客, 我大叫其實有花膠!…查看更多

很久沒寫食評, 看似很平的團購、幾千的成團紀錄及這裡的食評, 結果中伏已回, 食物質素很一般, 種類比普通市面上日式放題少很多, 吃了不夠一小時已無聊地數一下6張點菜紙上的食物種類包括燒物、沙律、刺身、壽司及手卷等共只有72款, 很多重覆的種類如雞翼、軟殼蟹、牛肉、雞皮、雞軟骨等, 不知是否張價就貨還是環保不想浪費食材, 除壽司刺身外每樣都很的式, 鰻魚切出來比小指還細但味道可以、牛柳粒好似碎屍案咁、海膽手卷上的海膽份量比茶匙份量還少、軟款蟹手卷的軟殼蟹只有突出來可見份量、內裡全是飯及好淋身紫菜、可憐的日本蕃薯仔竟然是蒸出來、海膽很明顯不是身鮮貨、赤貝及帶子沒味道, 後來尾段因為冇野好食狂吃支豆送汽水, 另沒什麼值得影既食才及影相既心情所以沒拍下來!!講好的名菜香橙焗銀雪魚去了那裡? 團購相片與實物相差太遠, 唔怪得有POST曾說可向海關投訴貨不對辦真心希望這店用心經營, 不要為了做團購破壞自己的品牌, 眼見太多做團購的非連鎖店好快倒閉…查看更多

初開店時很多人排隊等外賣，點知中伏，與老婆2人選炒豬肉飯$48，炒年糕$40，2串魚蛋串共$16，全部共$104，貴了一點以為韓食唔會差得去邊，48蚊既炒豬肉飯用一般蒸飯膠兜裝住，只有半碗份量，泡菜豬肉味道尚算OK不过比其他韓式食店有段距離，可惜份量太少，兒童餐份量比他多，跟住泡菜炒年糕，真係oh my God, 與其説炒年糕不如説烚年糕淋醬汁，而且係凍兼年糕硬實，份量相當出眾地少共7條年糕2片魚片，食了3條年糕後忍唔住掉了，最正常我估係魚蛋，雖然明顯煮左好耐淋淋地又暖暖地，比年糕熱少少，但份量叫大串，只係靠魚蛋吃飽，咁既趕客質素真係冇下次…查看更多

平安夜晚本來打算西餐廳2人世界, 點知老婆想食泰式野就唯有揀呢間特級食店 , 食物真的一般, 馬拉盞炒通菜炒不香而過辣 , 菜身太林一PAT PAT的; 串燒3串起每串11蚊算不過不失之作, 只是花生醬味道不出眾, 相比之下, 街邊串燒醬料更香更濃; 小食併盤唯一特色係炸皮蛋(蝦肉包裹) 、其餘春卷、豬頸肉一般貨色, 選擇不多, 價錢偏貴; 另點了泰式蝦膏炒飯, 因溜單而最後未能品嘗, 不知味道如何…查看更多