streetfoodmob的個人專頁

早幾日放假俾人捉咗去食pancake，兩個人又思鄉病發作，就揀咗嚟多次GRAM食啦😋🇯🇵好耐之前試過一次呢度嘅soufflé pancake感覺好好，今次就一於試吓新嘢啦！我哋兩個人叫咗一份石板街pancake，故名思義就係朱古力味pancake加入果仁同棉花糖，甜度唔錯，但係質感如果可以鬆軟少少就perfect啦！pancake份量亦都唔細，兩個人下午茶share就啱啱好👍🏿另外呢度同尖沙咀分店一樣裝修風格，感覺舒適，放假搵唔到地方hea就可以嚟呢度嘆吓啦…查看更多

🥞pancake嚟計，一直比較鍾意傳統buttermilk多過souffle嘅質感，所以一直都好想試吓呢間呢間J.S. Foodies，今次機會終於嚟啦飛雲🤤！我哋兩個人分別叫咗Blueberry Cream Cheese Pancake（原本想叫souffle pancake不過俾我ban咗😂）同Herb & Sausage Pancake，另外再叫多份薯條share。Blueberry Cream Cheese Pancake面頭有大量果醬，cream cheese食到有d檸檬味，唔食甜品嘅我都覺得正，不過講真有啲漏😩而Herb & Sausage Pancake就有煎蛋、腸仔、雞肉同沙律，個人覺得隻蛋煎得好靚🍳，但係雞肉就好實同唔夠熱，下次可能都會揀返其他款式🤔最後嘅薯條配truffle同sour cream，薯條即炸但係就應該冇等一陣先上，太油了😕整體上餐廳氣氛都唔錯，光猛得嚟都好闊落，可以翻兜，不過希望下次唔使再坐自修室檯望住牆食啦😂…查看更多

情人節前夕嚟咗Fukuro試試鬼佬化嘅居酒屋，未到正日呢度都非常busy，所以早一日嚟係正確決定！由於餐廳不設訂位，所以一收工就嚟到呢度等啦。不過可能人多關係，最後要坐喺面對住牆嘅高櫈位，講真有少少mood kill，好彩氣氛好好，唯有大部份時間打側身坐啦😩今次叫嘢食交俾隔離果個發板。首先嚟嘅生蠔非常新鮮，加入柚子醋同本身蠔味非常之夾，不過價錢都講緊五十幾蚊一隻，唔能夠食太多啦💸我哋亦都叫咗Crispy Caramel Butter Corn，🌽栗米面頭嘅牛油焦糖脆皮味道好濃，但主角嘅栗米味依然突出，個人認為呢隻豪華版栗一燒係全餐最出色嘅一道菜👍🏿Japanese Omlette玉子燒面頭加咗蘿蔔蓉同三文魚子，可惜玉子本身質感一般，有一舊夾落去直頭散開咗🤦🏿‍♂️最後我哋淨係叫咗魚生丼一個主食，食材新鮮，飯嘅質感同醋嘅份量都準確，但係就講真唔會太特別，可能下次會試返枱枱都叫嘅炒烏冬同和牛三文治啦🤔…查看更多

識我嘅朋友都應該知我對burger同拉麵係有份執著，而 Beef & Liberty 就係其中一間我每個月都要去食一次嘅餐廳。由灣仔星街店食到中環蘭桂坊店，我幾乎食齊佢哋成個menu嘅burger。至於最鍾意邊款？佢哋嘅Bacon Cheese同呢款Black Pepper都係我嘅最愛。Beef patty肉質結實而juicy，食咁多次都未試過會散開跌出嚟，調味到位，再加入大量黑椒，非常惹味！配料唔用普通生菜，而加入濃味嘅rockets，再加埋raclette芝士同炒香嘅甜洋蔥，成個包係好食到出唔到聲。配埋即炸嘅粗薯條同啤酒，呢個dinner冇得輸！…查看更多

心思思想回鄉又未到出發日子，唯有留喺香港搵好食嘅拉麵啦！今次嚟到深水埗呢間麵屋一京試咗呢碗極上ラーメン，配料總共有六塊叉燒，另外再加流心蛋一隻，份量非常充足，大胃口嘅我亦都食得大滿足！⠀湯底方面揀咗豚骨濃湯，湯頭好杰而且味道非常濃烈，如果唔係食開濃厚系拉麵嘅朋友可能會覺得太油膩，但係配搭中身麵就好夾，最多都係食完飲多兩杯水啦😂⠀⠀一京暫時已經入咗我嘅香港拉麵top 3，準備又要發堀新嘅拉麵啦🤔⠀…查看更多

🌮早排睇完Netflix嘅The Final Table，發現其中一位參賽嘅Taco King 原來喺香港都有間墨西哥餐廳，星期二即刻捉埋幾個friend去試吓😎⠀⠀位於堅尼地城嘅 11 Westside 逢星期二都會做 #TacoTuesday 嘅promotion，所有taco同啤酒都有半價，完全滿足到我嘅食量🤤🤤🤤⠀⠀先講第一款Carne Asada牛扒taco，細細個taco裝滿曬燒過嘅牛扒條，醬汁辣辣哋好惹味，係全晚最高評分嘅taco！⠀⠀之後兩款Al Pastor同Baja Fish分別係豬肉同炸魚嚟，豬肉加入咗菠蘿所以味道帶甜，但係就會辣少少；而炸魚都幾脆，味道溫和少少，整體都好食嘅！⠀⠀另外我哋亦都叫咗一個Carne Asada Fries，份量絕對足夠4個人share，叫埋啤酒就perfect曬啦！⠀…查看更多

唔知由幾時開始香港突然興起食新派中菜，早幾日成班人約食飯又唔想食西餐，所以就揀咗去中環嘅唐宮小聚試吓啲小菜同點心啦🥟第一款嚟到嘅係成日見到嘅黑金奶皇包，加咗三行金色嘢有style得嚟包身軟熟，奶皇亦都好香濃，相當唔錯。之後嘅猛虎咬豬係塞咗一大舊肥豬肉嘅包點，醬汁幾香，大量酸菜中和返豬肥腩嘅油脂，但如果一個人食曬都幾濟。🦑椒鹽魷魚鬚味道一般，粉太厚，不推薦🙅🏿‍♂️🍍火燒菠蘿入面裝住辣汁牛腩，牛腩幾淋，但係可能辣汁太濃味，唔太食到菠蘿味，但我相信送飯係唔錯嘅！乳鴿係全餐最好味嘅，呢度嘅乳鴿比平時食到嘅多咗少少唔sure係茶葉定香料嘅味，價錢亦唔貴，推介2個人叫一隻！另外仲有叫咗幾款嘢，但係就冇乜特別，所以都唔專登介紹了。整體嚟計呢度價錢中上，但食中餐嚟計都幾舒服，一班人食吓嘢傾吓計係唔錯嘅👍🏿…查看更多