Daisuke的個人專頁

仙跡岩係好多80後的兒時回憶，最出名肯定係台式珍珠奶茶和厚身吐司。唔講以為仙跡岩執晒，點知屋企附近竟然有分店，去會所先發現，真係幾隱世😂。嚟呢度必叫胚芽奶茶、蜂蜜綠茶，好飲過大部分連鎖飲品店！叫任何飯麵加飲品半價，好抵！但老實，咸食就好一般，甜食仲未試😅，呢度環境夠大夠舒適，無咩人岩晒嚟hea。而且餐廳內有兒童遊戲區，可以安心放低小朋友，有玩具和好多圖書，小朋友放電一流啦！注意，餐廳開11點，收8點（但明明寫收9點？）…查看更多

平時食開佢3阿哥的「美」線，但「坦仔」新出的木瓜魚湯「美」線真係食過翻尋味。煮過的木瓜又腍又甜，脆肉鯇無骨唔腥，精華係個湯，差不多每次都會「忍」晒，唔洗另外叫嘢「忍」。配料我會揀加「肌肉」，令碗「美線」更完美。雖然圖片睇落好plain好flavourless，但事實上係好夠味，好食過清湯好多架。推介大家去堂食，一來天氣凍堂食熱辣辣，二來堂食的「美線」軟硬程度比較優勝，外賣的比較硬身（可能凍左？）旦禾吾之呢個湯可唔可以加辣？…查看更多

數唔到幫襯過幾多次，要睇睇影過的相回憶下.....以下係由2020年頭到今日，幫襯左7次，大概每月食一次次次都係午市來幫襯，因為有午市定食，仲免加一！大部分時間都係食西京燒銀雪魚定食，我稱佢為「營養午餐」，有魚、菜、米飯、蒸蛋、生果（沙律）、湯，係咪營養豐富呢？魚肉紮實得0黎好滑，而且無乜魚骨0岩晒我呢啲懶人，西京燒製法係甜甜地，但非常好下飯。魚生丼亦好推薦大家試，魚生鮮甜而且份量足，唯一美中不足係好多時想點極上魚生丼都會無海膽點解點解點解⚠️呢度午市開到三點，請注意⚠️…查看更多

平時食開豬扒飯配太陽蛋，已經好滿足。今次試新0野，0黎個「鮮牛豬扒飯」豉油汁。鮮牛好入味、嫩滑、無渣、無根、加上煎香左真係好好食啊！出色過豬扒，以後都要叫鮮牛，大力推薦！清碟完全無難度，豉油汁真係撈飯一流，不過啲飯有點偏乾同硬，唔知係咪當日下午4點先幫襯有關係呢？⚠️注意：想食豬扒飯要早啲，呢度唔開晚市，所以我4點幾食當下午茶連晚餐鮮牛豬扒飯$50（連熱飲品$54）豬扒太陽蛋飯$42（連熱飲品$46）…查看更多

晚市自助餐經驗奇差。第一、選擇少。無生蠔；龍蝦每人只限一隻；熟食3-4款，蒸魚都無條；grill station無羊架；無面包、芝士、cold cut；即製crepe 竟然只有一種士多啤梨醬選擇，想食朱古力醬都無！第二、食物質素麻麻。叫蒜蓉焗龍蝦，食落一陣燶味，食一半已經放棄；即製waffle 軟淋淋，媽咪雞蛋仔$3x蚊好食一百倍；鵝肝醬配的面包理應係烤過脆身，但事實係淋的濕的，好難食；鵝肝即煎但水準奇差，表面不脆，食落似油浸熟，多士一樣軟淋淋！第三、侍應服務需改善。一開始無人收碟、倒水、到晏少少趕落場時連未飲完的湯都收埋。總結，每人$6百幾（已8折）食呢啲真係無回頭！…查看更多

第二次幫襯lunch buffet，無令我失望，其中熟食、甜品最出色。因為上一次食到水準不錯的海南雞飯，今次一定要返兜，點知今日無提供。幸運地遇到廚師一問之下佢竟然煮一份俾我！！！雞飯好出色，色香味十足，雞肉好滑，唯一建議唔洗落豉油，因已配三色醬。成碟清晒好滿足呀！想多謝及讚揚當日位廚師體貼的服務，係自助餐以上提供make to order services呢個服務係香港真係好難得！一定會再幫襯，希望再次食到美味海南雞飯…查看更多

Yoho咁多餐廳，唯獨家上海長期有人排隊，係有原因架！星期六5點半前到達，已經有唔少人等入座，因為食過好多次，Menu睇到熟，即刻點菜無難度每次必點：排骨蛋炒飯$82超大分量，兩人係食唔晒的，但次次黎都要點。呢碟炒飯唔係推介菜式，不過炒得唔錯，飯粒乾身分明、唔會過油、豬扒又好食食過番尋味：椒鹽黃花魚$98香口、皮脆肉嫩、點解咁好食架再點一個小食：雞絲粉皮$62完全無特別，就咁睇都想像到的味道，下次點小籠包/生煎包好好多。埋單$300仲送$150 coupon，下星期再黎過…查看更多

突然想食蕃茄通粉，即刻去華嫂嘆返碗。可能呢排好多公司work from home,平日下午1點食飯時間不用等直入坐卡位唔洗搭枱。一坐低，侍應俾左個紙袋仔用黎裝口罩，又幾貼心喎！一個人叫左牛肉蕃茄通粉、熱奶茶。牛肉睇落好柴但食落又唔會，仲幾好味，湯底無得頂，通粉分量多到食唔晒。奶茶無影，奶落太重手，唔滑，「杰撻撻」一啲都唔好飲，飲唔到半杯放棄左。⚠️注意⚠️呢度唔提供紙巾，記得自備，呢度一包tempo$3。…查看更多

第一次同老公叫左8隻芫茜餃併冬菇木耳餃、6隻煎韮菜餃、6粒鯪魚球、1杯熱豆漿、1杯熱銀菊露。餃子好足料，大大隻，唔會過份調味，但蟲草花湯底就普通啲。鯪魚球正正常常啦，豆腐有凍熱揀，岩晒我隔左4日又去食過，因為真係好味又抵食！今次食左8隻韮菜餃併冬菇木耳餃、6隻煎韮菜餃、炸豬排、熱豆漿。餃子依然咁好味，今次的豬骨湯好味過上次蟲草花炸豬排都好食，會encore! 一路食一路有唔少人來買生餃，心思思的我都買埋一份阿姐話買兩打送半打，我又真係咁聽話買夠兩打。話時話，呢度啲服務幾好，等我食晒兩打半生餃再黎幫襯…查看更多

以為香港咁好引入東京池袋好出名個間「無敵家」, 即刻搵埋朋友去食。唔知係因為時間早定真係冇人食, 我地6:30 去到計埋我地得2 台客。。。。叫最基本的R-1 豚骨湯拉面, $68。湯底: 唔錯, 冇豚王咁濃。拉面: 好難食!!!! 好似食緊車仔面的幼面咁.....同和幸、豚王、一風堂差好遠!! d 拉面係掛唔到湯汁.....配菜: 紫菜, 木耳, 蔥, 四季豆 (好似冇煮過, 生的) , 2 塊叉燒 (有d 鞋)個拉面咁難食, 個湯底幾好都冇用。依家咁多拉面店, 呢間真係試一次就夠(如果你唔試唔心息的話)。…查看更多

琴晚補完習專登去fuk"s cafe 度食0野都係睇過呢度的食評& fuk's website 的留言才去啦.叫左車打汁三文魚天使面& 芝士白汁豬頸肉薯波粉飲blue berry果醋, 吃豆花豆漿做甜品.好飽好飽!三文魚天使面比較好食, d 車打汁唔錯唔錯~薯波粉就ok 啦,幾特別. 但有點滯.豆花豆漿幾好幾好~ 有我鍾意的豆漿同豆花~ 唔太甜, 感覺上好健康^^service 係一流個哥哥( 老闆?)好細心同我地介紹啦仲知我係睇完openrice 才去的XD加上價錢抵~ 咁岩冇太多客人, 坐得好舒服~…查看更多

同4 個朋友去食過一次最好食係"柚子燒系列" 真係好好食又係即刻整, 所以好新鮮呀而且可直接同師傅落order , 好快就有得食啦個度d 師傅幾好人丫, 好有禮貌, 好nice ~只係入面好焗, 好熱><而我地拎no. 等位時等左好好好耐!好多no. 遲過我地的人都有得食, 我地仲等緊!因為人多, 要等大枱可取的係幾抵食, 好過GENKI ~…查看更多

次次都係去食lunch , 環境唔錯ga只係有d 座位迫左少少食肉燥飯, 好大碗~ 都算ok而咕嚕雞球飯就正喇~咕嚕雞球同飯分開上的, d 雞球好夠味好好食野飲就普通啦, 比起其他店冇咁甜, 岩我口味^^而且好抵食, 學生餐$20 , 雞球飯就$40…查看更多

我係荃灣返學, 日日都係呢頭食lunch不過我點都唔會去江戶前食過3 次, 第一次試過已經bad list佢之後2 次都係因為朋友要求去先再食佢地d service 好差!叫人冇人理, 我試過order 之後半個鐘先有得食食左唔夠2個字就要趕住返學校! 又貴喎! 學生餐咪又係貴同唔好食!個度d shusi 不知所謂, 難食過百佳買個d .唔明點解咁多人去食我寧願去"稻草人"啦~ 好食得多…查看更多

之前同老豆阿媽同阿哥一齊去食lunch , 好多人~所以我地等左好耐先落到order.不過唔係等左好耐就有得食個日冇晒海南雞飯, 失望.叫左燒豬頸肉set lunch, 有菜( 好好食喎) , 湯, 一大碗飯( 唔係普通白飯,好味~ 阿媽話加左d 汁落去煲)仲有好大碟豬頸肉~我一個人梗係食唔晒啦~仲叫左吉列豬扒同雞扒飯, 我就冇食, 不過屋企人都話比出面D 茶餐廳0既好食, 加上好大碟, 4 個人食3 set都食唔晒~…查看更多