8lampard的個人專頁

日期：4月1日 星期二近期我光顧了信州日本料理，點了他們的招牌牛肉壽喜鍋。進入餐廳時，首先引起我注意的是播著的張國榮歌曲，這讓整個用餐氛圍變得非常懷舊和溫馨。我想信老闆對張國榮有著深厚的喜愛，才會選擇在餐廳裡播放他的音樂，以此來紀念這位偉大的藝術家。牛肉壽喜鍋的味道讓我印象深刻，牛肉鮮嫩多汁，搭配著新鮮的蔬菜和香濃的醬汁，每一口都讓人驚喜。鍋底的湯汁吸收了牛肉的精華，讓整道菜肴更加美味。除了食物，餐廳的環境也相當不錯，雖然當天有不少客人，但氛圍依然讓人感到舒適。在這樣的經濟環境下，仍能吸引這麼多人光顧，顯示出餐廳的實力與受歡迎程度。信州日本料理已經營了十多年，能持續受到客人的喜愛，足以證明他們的品質與服務。總的來說，這是一個值得推薦的餐廳。不論是食物的美味還是獨特的響應曲目，都讓我有了一次愉快的用餐體驗。希望下次能再來嘗試其他的菜品。…查看更多

朋友脫離舊公司的魔爪，搵到份高薪厚職，要去食餐好既慶祝一下。朋友話去堅尼地城食日本野啊。我地呢d九龍人，只會識油尖旺，中環，灣仔銅鑼灣，竟然要去港鐵的盡頭⋯⋯星期五晚上到，佢竟然無訂位～幸好還有壽司吧可坐。壽司吧不大，只有6個位；餐廳也不大，坐得廿幾人。原來朋友係呢度既熟客仔，入到黎佢好似返左屋企咁，同師傅好熟～我睇下餐牌，佢叫我唔洗睇，自己叫係食唔到時令野咁話，師傅會安排。由前菜開始：-京都新鮮腐皮好鮮豆腐味，加上特製醬汁，清甜開胃。-水茄子/白栗米日本時令。茄子配柚子汁。白栗米的鮮甜實在太可愛。-炸魚鱗我以為係魚皮，佢一再強調係：真·魚鱗。餐廳自家制，要先風乾數天，再輕輕炸一下，灑上少鹽，佐酒佳品。-刺身先上鯛魚薄切，非常爽口，淡淡的魚香味道，加上酸汁，實在美味。石垣貝：這個是第一次吃，好震撼好爽口鮮味的感覺。但原來不是來自沖繩。秋刀魚原來秋刀魚的季節已靜靜地開始了，鍾意食日本野既人，絕對是期待已久，魚味十足，齒夾留香，配上清酒後，更令味道倍升。筋子 （三文魚籽）味道相當濃郁，魚籽十分脆口，只是有點咸，不過配上羅白茸就中和了咸味。鮑魚配蟹膏這又是另一震撼味蕾的菜式，難以形容的口感，師傅說配合清酒更加美味，又係餐牌沒有的菜。 其餘刺身都鮮味十足，地金目鯛；深海池魚；赤鯥；拖羅。壽司方面，小店是用赤醋做壽司飯，師傅捏得非常緊緻，而內部的米粒則比較鬆散，中間存在很多空氣。這樣的壽司飯在客人用手拿起的時候不會鬆散，而入口時又可以輕巧地散開。由於自己酒量淺，只可以盡量回憶一下吃過的壽司。油甘魚腩/ 牡丹蝦/ 火灸大拖羅/ 和牛/ 左口魚邊/白海膽～ 等等。最後師傅安排了一碗像奶一樣白色的魚湯，正好可以把酒精退一下，確實是巧妙安排。師傅自制綠茶綿花糖，完成了這餐驚喜的Omakase 。朋友話日本菜最好是坐壽司吧，可以跟師傅多一點溝通，Omakase 就是信任廚師的意思。…查看更多

以經是第N次來呢間餐廳了今次和4個朋友一齊來慶祝其中一個國老友升職，所以諗住食好D，我地㸃了2個set lunch 12 只oyster ! Lunch 我地叫了Caesar salad ,羊，牛，和一客 A la crate menu 的青豆雞,個salad 吾使講啦,有食過一定知好野！羊都幾好,不過有D根, 個牛扒好食,但最主要都是個法式青豆雞, 我之前見過人食,想食好耐，今次終於食到了,佢地話係招牌菜!果然不負招牌之名!非常好食！不過都幾貴,但其實4個人都未必食得哂！重有oyster 非常新鮮,海水味一流!叫了之白酒house wine 由經理介紹的Chardonnay 好好飲!因實在太飽食吾到甜品了！特別在此多謝靚仔經理親切的招呼!!…查看更多

同女朋友諗住慶祝情人節,知道屋企附近有間新餐廳開張,就諗住去試一試,當晚大約8點鐘去到,我已經見到坐無 設,一入門口已經有個好熱情的待應招呼 我地,等左一陣,已經有一個非常新鮮既面包和一個好軟滑既牛油送到,第一個印象唔錯,跟住當晚我點了頭盤係田雞加田螺和一客由個待應介紹既法式豬頭肉,再要兩份佢話招牌的魚湯,主菜就要了一份羊扒 ,而我女朋友就要了一個銀雪魚,等了大約5分鐘,頭盤到啦,個田雞真的非常好食,有D出乎 意料之外既好食,到那個豬頭,都感覺非常特別,最少都有80分,我同我女朋友都非常滿意.不過不知是否太多人的關係,0個湯等左 差不多20分鐘都未到,跟住那個待應生非常唔好意思地解釋,因今晚同一時間太多人的關係,所以佢話請我地飲個湯,態度非常之好,而事實上個湯都非常之好飲,好啦,到了今晚的主菜了,羊扒 和那個銀雪魚,絕對可以比美大酒店既水準,到了甜品,因為已經十分飽的關係,我們只要了一份Apple tart ,而那個甜品都非常之好味,總結來講,我一定會再幫襯呢間餐廳,呢間餐廳真係吾錯,西環終於有一間有水準既西餐廳了!!…查看更多