lshmary99的個人專頁

星期五放工超肚饑，朋友食過推介我去試下這間點心小點。兩個人叫咗：蝦餃：大大粒，好彈牙，好好味！鳳爪：好入味，阿婆個人喜歡淋D流沙奶黃飽：飽仔精緻，餡料好有水準，好食！蝦米煎腸粉：彈牙，足料蠔汁炆花菇：兩隻$22低到無朋友，好好好食！加個白飯就正！店主和店員有禮，勤力收碟，加水。加分！食得出係用心香港本地自家制小店。好多選擇，已經諗定下次食咩。佢仲有外賣速遞網上外賣平台, 叫返公司開party都得！加入了我的中環飯堂之一！…查看更多

用另一Apps訂位有折扣優惠。一行三人星期六準時去到，員工服務有禮，待客恩勤，店舖整齊乾淨，贊！鍋底唔麻，得個辣字，重味精。失望！地道化到呢⋯⋯如無食過正宗麻辣火煱的多層次複雜味，應該會無咁失望。火煱食材新鮮，黃喉，鴨血，魚腐，羊肉都幾好食。牛舌無牛味。食親麻辣都越食越開心興奮，未試過越食越無興趣。反而豬骨湯的豬骨都尚可，加埋蔬菜好味。埋單職員先話煱底無折扣，大家要小心。總之，期望越高，失望越大。唔會有下次。…查看更多

星期五遠離市區，走入淺水灣爽爽的！我們三點到達，已有兩枱外藉人士。服務員笑容親切，温文有禮！環境優雅，播著柔和的音樂。點了cinnamon & almond tea, 好香好味！咸點的sandwich 和 黑松露旦撻 好好味！ scone 微暖 加上 strawberry jam ， 幾好味！其餘甜點如預期。整個份量超飽，隔離兩枱都食唔晒！我地飽到晚餐都skip埋。好高興不是去半島個間，因為淺水灣這間環境一流！下次會入嚟試 brunch!期待！…查看更多

為興祝家人生日，所以食好D! 就訂Sun Brunch 啦！再加上朋右極力推介這餐廳，一個月前已訂坐。當日十一時準時到，receptionist 好靚女，但得佢一個人帶位，客人一堆出現，佢忙到呢⋯⋯一開始，坐咗三成客，當時都有服務！但當有六成客時，已無人收碟，成枱碟！大家想像到咁高貴豪華的環境，但⋯成枱碟！太失望！去到後期，我杯酒無晒都無人refill.連揾個waiter的機會都好渺茫。食物就好有驚喜！大廚好有水準！首推 cheese library! 極高水準！超好味！和無花果小吃好配！芝士大師好親民呢！另外最喜歡三文魚子和帶子！好新鮮！fish & chips 和 grilled seafood 最正！食物選擇多，高質素！但服務就⋯⋯⋯強差人意！…查看更多

朋友推介紹這間日本小店，是咖啡迷必試！星期五的早上十點，環境雅緻，舒服，有4枱人。是日經過，叫了 coffee late doppio, 果真超濃，超厚的咖啡。絕對是我杯咖啡！另試了旦治，旦成1.5cm 厚。可分兩餐食！感覺象旦玉子或旦布甸般滑！但價錢不便宜，但價得一試！經過會再賞咖啡！…查看更多

元旦日，我和海外朋友午餐小聚。見此點幾精致，朋友又食得清淡，便試試。興致勃勃，一行五人，由於我朋友最喜歡旦卷，但女侍應話廚師今日無返！ 無旦卷！之後聽到隔離幾枱都想要旦卷！當然又係無啦！之係，炸雞，紫薯片正常，份量細。點知，後來上的飯團仲細！真的啱細胃口人士囉！怪不得全店得一位因男士！跟本無可能飽！最後到甜品，又百無！只得Brownie!想點呀？ 點做生意架？真的又貴！又唔夠食！仲要百無！唔會再有下次囉！…查看更多

偶然入大圍食個午餐，選了這間客家菜。出地鐵站行五分鐘，好方便。是日賽馬日，有十多人睇緊賽馬！好彩仲有位。坐底見午市套餐平平無奇，但後來見午市都超大份，夠兩個女仔分，尤其雞飯午餐，蒸魚套餐都好大份！下次要試午餐！而我地卻叫了白果豬肚湯。足夠我地五個人，每人兩至三碗。好多豬肚，白果，好味！另叫了紅酒糟炒米粉，微甜，幾好味，第一次試紅酒糟可炒粉。另外，豆鼓鯪魚炒油麥菜，幾好味！最後當然餐八寶鴨！外層炸得酥脆，內有鴨肉，粟子，眉豆，咸旦黃，糯米/粘米。好好味，間中一間油油地，都ok 啦！…查看更多

偶然經過見十多人等位，好奇下見到有台灣牛肉面，即心思思想試下。等了約20分鐘，終於可以入坐。先試鹵豬手飯晚市套餐。椰子紅棗雞湯好味，上湯椰菜都唔錯，加$6台茶紅豆冰正！ 但可惜豬手有‘羶’味。另叫台灣牛肉麵中辣，辣中帶甜，面又彈牙！唔錯！另加4隻餃子，望見餃子皮唔錯，如餃子皮厚D好食D。餡料麻麻，可以不用試。總括，台灣面 ， 椰子湯 和 紅豆台茶 好好味。會再幫襯！之後發現佢有另一個外賣珍珠奶茶counter，一店兩味，好醒！…查看更多

偶然見街市內大排長龍，見到泰式咸肉，嘩！必試啦！星期六下午，排了十多人，老闆娘手腳快，不用十多分鐘就到！眼見其他食客清湯加一大匙辣椒汁，辣椒粉，泰式醋。我跟！由於我是外買，咸肉少脆，即場食應超脆！咸肉不會太肥，整體味道好地道。記住加晒所有辣，醋調味呀！另外雞飯個汁好精彩，撈飯一流！所有雞起骨，好滑。整體好好食！油飯普普通通，跟埋個冬瓜雞腳湯。好認真！另見好多男士見泰雜冬蔭湯，下次另一選擇。咁經濟嘅泰粉泰雞，真的抵食又好味！…查看更多

自上年去過四川食麻辣，一直念念不忘。朋友今日偶然提議試下這間，地點中環，趕方便。由於食缽缽雞，所以坐卡位，地方寬敞舒服。待應細心介紹後，我地要咗小麻小辣缽缽雞。正常辣白肉面。個白肉面完全百分百四川味道，麻辣平衡剛剛好，面質地一流！大滿足！另外缽缽雞選了小麻小辣，材料鮮味十足！但個白麵麻辣剛剛好，缽缽雞比了下去。但仍鮮味十足！已決定下星期再去！…查看更多

星期五晚和朋友食生日飯。餐廳地點係銅鑼灣，好就腳。一行三人，七點到餐廳，只得兩枱。餐廳環境舒服，無壓迫感。枱與枱之間闊落。氣氛幾好。最重要沒有限時還枱，可𣈱所欲言！由於經 Open Rice 訂枱+朋友生日，全枱一人一杯house wine， 好開心。餐前包點暖暖的，好正！兩款都好好食。頭盤：我地三都叫海鮮併盤。非常新鮮，好味。蠔鮮美，蝦大隻又彈牙，平時不吃翡翠螺的我（怕腥），也食了兩隻，因鮮甜又彈牙！有驚喜！主菜：我們叫了豬 和 肉眼扒。 好淋，好滑。分量夠！連配菜的番茄和薯片都好好味。個介苿醬和豬好夾。好滿足。最後，甜點，我的荔枝雪芭好清，哈蜜瓜清甜。朋友的芝士旦糕仲有生日字句。待應服務態度有禮和勤快。近來藉得贊賞的一間餐廳！…查看更多

今日懷著試新嘢的心態嚟名苑。我地約早上十點到，等了十多分鐘便有位。由於今日公衆假期，坐近門口也無所謂啦！但一坐底，先嚟一個點心，之後要等到十一點先嚟餘下的點心！芋角多油到成個紙盞都係油。腸粉係要有油，但都唔洗油光滿瀉！嚇死人！個义燒包內好多肥膏，仲好甜！真係咩茶樓嚟架！一定無下次！…查看更多

朋友介紹，話依間係觀塘中諗到唯一好味的餐廳，一於去試試！星期六，一點，去到得五枱。樓底超高，Tiffany blue 嘅 color tone, 感覺好休閒。牆天花用咖啡豆麻布袋裝飾。由於龍蝦意粉賣晒（一點已賣晒），我就試個大蝦扁意粉，好鑊氣，蝦味濃郁！蝦肉彈牙！正！另試咗豬，烤得又香又滑，中間微微粉紅色！啱晒我口味！杯Flat white 都夠濃！好回味的一餐！下次會試漢堡包，好多人食，好大份！中間的漢堡肉成大半寸厚，好有份量！…查看更多

是日好想食pizza, 見到有間新店，環境舒服休閒，樓底又高，Tiffany blue 和白色裝修，一試後，大愛！當日是星期六，full house,等了一會便有枱。 Crispy pork belly 比想象中更脆，有濃濃的豬肉味，配sparkling 可中和咸味。可說是我吃過pork belly中的top three!Pizza 係我至愛的超薄底，簡單而濃味的材料, 大量的 olive oil 和 rocket。 好滿足的一個lunch! …查看更多

行完山到油塘，發現依間小店頗多人，便抱著試下心態。點知一試便愛上！我食的是雞腿（+$4）米線。雞腿又滑又不會太肥，仲有芽菜和豬紅。食到有脆脆的，相信是豬油渣。食得出湯底有雞湯和豬油。太好味，連湯都飲埋，之後無口渇喎！老公叫的咸肉鴨肉泰河，炸過的咸肉太太太好味！我會短時間再嚟幫襯！好掛住噢！下次再試其他食物，咸肉必食！P.s 食完先發現無影相…查看更多