joey10161009的個人專頁

原本打算訂枱今晚食，打電話去訂。以下對話內容:我:想訂今晚2大1b。阿姐:訂幾點？我:今晚6點。阿姐:3個阿？我:2大1b，小朋友未夠年齡。阿姐:咁你個b洗唔洗座阿？我:要。阿姐:咁咪3位囉，又冇話收你b錢，係計座位咋嗎我:哦。阿姐:姓咩阿？我:萬阿。跟住就比阿姐cut咗線，當場冇哂心情食，未食已經受氣受飽咗，真係好無引囉，平時1個月去1.2次，都覺得幾好食又唔貴，態度咁樣，近呢1.2年都唔想再去…查看更多

下午茶時段叫左個韮菜餃麻辣米線+杯熱華田$38 價錢平民 20分鐘左右 主角麻辣韮菜餃米線上枱！先嗒啖湯試下 老實講 有啲失望 始終我期待既係(麻辣) 點知辣係辣 不過完全感覺5到麻！少返啲辣多返啲麻就好正了 不得不提個韮菜餃！36蚊下午茶居然1碗有4粒 仲要大大粒個隻！咬落去爽口！韮菜塞到隻餃脹卜卜不但止！原來每隻韮菜餃入面仲有2隻蝦！真係充滿驚喜！韮菜餃好滿足又夠味！不妨一試！BTW 如果付款方式有八達通就方便好多！…查看更多

心血來潮想食漢和，坐言起行，gogogo！walk in都仲有少量位，2個人計埋+10$414。先黎三文魚刺身，雜菜沙律開下胃先。開完胃就直奔主題！牛肉，雞肉，羊肉，牛仔骨，豬頸肉，墨魚仔，腸仔，火腿，樣樣試齊，真係啖啖肉。好正好有滿足感飲品方面有可樂，芬達，忌廉，人參雞湯等等！不得不提個人參雞湯，次次去最少飲2碗好正甜品有我最愛既桂花糕，奶凍，豆腐花！先講奶凍，奶味好香好濃，可以試下！桂花糕就啖口左啲，不過都夠桂花味！豆腐花同外面個啲冇咩分別，冇咩特別！總括黎講，可以再幫襯，1,2個月食1次都0k…查看更多

環境幾好，刺身新鮮，食物款式多，甜品多選擇，乳酪蛋糕配料好多，最正係芒果爆珠，服務又好，價錢平民，一定要提前訂位，每次walk in都full，良心商家，會再次幫襯！…查看更多

7月21日開張當晚已經率先品嚐左1次。芝士焗龍蝦仔一隻$78加伊麵底$38，只有龍蝦仔有芝士，伊麵底完全無汁無芝士仲要係白烚，埋單2百幾3百蚊都0k接受範圍，結帳方式好記得係碌卡！係碌卡！係碌卡！覺得龍蝦仔幾好食又唔貴，於是今晚帶埋屋企人去食，3個人叫左2隻芝士焗龍蝦仔$78x2，今次冇加伊麵，始終上次個伊麵已經中左伏！！再叫多個孖寶，埋單$414，食飽飽打算埋單走人既時候，收銀丫姐就話我地冇碌卡嫁，未申請到。仲要拍收銀張枱話已經貼左紙。問心而論，第一次食飯可以碌卡，相隔2星期話卡機未申請到？你張通告紙剩係貼係收銀位，真係要到人埋單個一刻先知？如果無咁多現金係身呢？係咪訂幾圍酒席既人都要帶定2,3萬現金係身？重點係部長態度超級差，當時情況係，我問收銀丫姐:冇得碌卡？開張個日我落黎食都係碌卡埋單。企係格離有個部長即刻話:唔洗理佢，佢敢唔比錢出門口就報警。真心覺得，如果我一入門口已經知道呢間集團式酒樓係無得碌卡既，我可以選擇去㩒錢再黎食/直接食第二間，而唔係食完比錢個一刻先知，有種比人老屈左既感覺。而且咁既服務態度，真係永遠唔會再幫襯。…查看更多

態度惡劣，衛生環境不好，品質一般，都是冰鮮，訂了12點半6席，11點半到達，要求預先看場地，竟被閣置一旁，職員們只顧吃飯，即使食物再好吃，吃飯前已經吃了一肚氣，那再好吃的食物也只不過是垃圾，服務態度有沒有？…查看更多