hkfoodie_vic's Profile

今日夜晚，我去到呢一間位於荃灣廣場嘅日式餐廳食飯，餐廳有提供唔同嘅晚餐餐單，選擇都幾豐富。肉類方面，有提供牛扒，豚肉，以及係魚肉等等。飯同埋意粉嘅選擇都幾豐富，例如有咖喱飯，扁意粉等等，都幾有特色。炸蟹肉球拼薯餅蟹肉球非常足料，每一啖都食到鮮甜嘅蟹肉。照燒三文魚魚皮烤得好脆，肉質鮮甜，仲可以配埋其他配菜一齊食。日式照燒雞pizzaPizza嘅表皮焗得好香脆，入口唔會覺得太油膩。開心果巴斯克芝士蛋糕芝士蛋糕入口有香濃嘅芝士味，證明真材實料。整體嚟講，我覺得今餐嘅食物好高質餐廳成個用餐環境亦都好舒適，座位夠晒闊落，食物質素對得住佢嘅價錢。…Read More

今日夜晚，我同朋友去咗銅鑼灣食飯，依間餐廳提供一系列嘅特色菜式，安裝包括海南雞，麥片蝦等等。奶油麥片軟殼蝦麥片蝦粒非常之酥脆，蝦肉飽滿彈牙，入口肉質好紮實，鮮甜可口。另外，呢度菜有唔少隻軟殼蝦，烹調得幾出色。蟹肉炒飯炒飯炒得好香濃，米飯粒粒分明，加上用咗唔少蟹肉，令到成個炒飯都食到蟹肉嘅鮮甜味。榴槤爆漿一個甜品好有特色，麵包烘得好香脆，榴槤亦都夠晒入味，入口有榴槤嘅香味，適合鍾意食榴槤嘅人。美祿爆炸呢個特飲都幾有特色，有唔少嘅配料，加上入口唔算太過甜，成杯飲品亦都好大杯。整體嚟講，今晚嘅食物會各有特色，價錢亦都唔算貴。…Read More

最近同成班好朋友去咗觀塘嘅「御膳」慶祝聚餐，餐廳好貼心，師傅特意為我哋設計咗一份好有特色嘅餐單，每道菜都令人好驚喜！😋首先上枱嘅係「蒜蓉粉絲蒸蟶子皇」，蟶子真係好大隻，食落完全冇沙，仲好鮮甜！配上濃濃嘅蒜蓉同滑溜粉絲，真係超級惹味！🧄接着就係「極黑豬叉燒」，用咗豬柳梅部位，即叫即燒，表面燒到微微焦香，入口軟嫩又多汁，仲帶少少甜味，好正！🐷然後係「菊子魚」，呢道菜用咗原條沙巴龍躉2斤，配上特製柚子醬汁，味道清新又帶啲酸甜，魚肉好滑又好鮮，好開胃！🍋 推薦！！！仲有「避風塘炒大肉蟹」，蟹肉份量十足，炒得好香口，加上大量炸蒜，蒜香味好濃，食到停唔到口！🦀最後仲有「炸子雞」，雞皮金黃香脆，睇得出係用油淋熟，唔係炸，入面嘅肉好嫩滑，一啲都唔油膩，仲保留到豐富肉汁，好出色！🍗成餐飯每一道菜都好有心思設計同烹調，味道又好，大家都食得好開心！如果你都想同朋友試吓呢啲特色菜，可以打電話 搵師傅幫你設計餐單！👍…Read More

今日我去咗呢一間位於荃新天地嘅潮州菜食飯，餐廳有多款特色點心，甜品，飯面等等嘅選擇。我留意到佢哋仲有唔少特色小炒添，例如煙熏豆腐，鹹蛋黃菱角，燕麥荷花瓣等等。我自己就對佢啲點心比較有興趣，我分別叫咗抱抱蝦餃，黑蒜蝦燒賣，麻婆豆腐小籠包，每款都幾有特色。抱抱蝦餃蝦餃造型好精緻，皮薄餡靚，蝦肉爽口彈牙。黑蒜蝦燒賣燒賣有好大舊蝦肉，用料十足。麻婆豆腐小籠包依個小籠包入口有少少辣味，呢個諗法非常之創新。鳳梨雀仔製作得非常精緻，入口有香濃嘅鳳梨香。鮑魚東坡肉飯米飯吸收咗東坡肉嘅精華，非常好味。整體嚟講，我覺得今餐嘅點心好有特色，餐廳嘅製作好認真，每款都令我好難忘。…Read More

今日夜晚，我同朋友去咗呢一間專門食羊肉嘅餐廳打邊爐，餐廳嘅羊肉由內蒙古運過嚟，非常之新鮮。餐廳也提供多種唔同羊肉選擇，例如羊上腦，羊後腿，羔羊肉等等。唔同部位嘅羊肉，有唔同特色嘅味道，例如羊上腦就有少少奶香味，羊肉入口充滿肉香。我自己比較鍾意嘅係羔羊肉，入口有淡淡嘅脂肪香味。除咗羊肉之外，餐廳仲有提供唔同嘅海鮮，例如蝦同埋蟶子，啱晒鍾意食海鮮嘅人。除此之外，仲有串燒可以選擇，有燒蝦，燒鱔，以及係燒羊肉。串燒燒得好香脆，加上表面焦脆，更加突出到肉嘅油香味。依度仲有提供一系列嘅打邊爐配菜，當中梗係唔少得丸類同埋餃子類啦，選擇都幾豐富。最後，我哋仲叫咗啲甜品。甜品嘅選擇都幾多，有多款唔同款式嘅糖水，例如紅豆沙，種類都幾多。…Read More

今日夜晚，我同朋友去咗呢一間位於宋王臺嘅火鍋店食飯，餐廳樓高兩層，有多間包廂，私隱度好高。呢度嘅調味料種類幾多，有多種唔同嘅配料俾我哋選擇，適合唔同喜好嘅人。鍋底方面，有好多唔同嘅選擇。今次我哋叫嘅依個椰子雞湯，材料十足，湯底鮮甜，可以先飲幾啖湯，先至開始打邊爐。刺身方面，呢度提供嘅款式都幾多，鮑魚入口鮮甜，證明用料好新鮮。我哋另外叫咗牛肉，牛肉嘅味道偏濃郁，脂肪唔會太過多，質素唔錯。另外我哋亦都叫咗椒鹽鰻魚，鰻魚入口充滿魚油香味，非常之惹味。整體嚟講，我覺得今餐嘅食物質素唔錯，餐廳嘅位置亦都幾方便，令到成餐都幾有驚喜。…Read More

依間位於中環嘅居酒屋，啱啱開業冇耐，今日經朋友介紹，專登過嚟食晚飯。依間居酒屋又提供一系列嘅菜式，包括前菜，串燒，海鮮，以及係甜品等等。照燒雞丼雞肉入口彈牙，肉香味突出，雞肉經過燒香之後，帶有焦香味。飯團飯團嘅表面燒過之後，頗為焦脆，仲可以配埋紫菜一齊食。牛舌牛舌嘅份量都唔少，入口多汁，油脂味頗為突出。原隻燒雞腿雞腿幾大隻，外皮燒得好香脆，仲依然保持到雞肉嘅肉汁，非常好味。整體嚟講，今餐每樣嘅菜式都唔錯，烹調得幾好。…Read More

呢一間位於旺角嘅牛肉火鍋放題店，啱啱開業冇耐，我今日就趁住今晚得閒，就專程同朋友去打邊爐。我哋就叫咗佢嘅手切牛肉放題，呢個放題提供唔同部位嘅牛肉，包括五花趾，雪花等等。呢間餐廳主要嘅賣點，係佢哋會即場喺店舖內切牛肉，再奉上比顧客。牛肉嘅擺盤非常精美，每款嘅牛肉都有佢嘅特色，例如雪花就比較有油脂香味。除咗牛肉之外，呢個放題仲包括咗其他食物，例如蝦滑，墨魚滑等等。小食方面，有反沙芋，雞翼等等。雞翼製作得認真，入口有香濃嘅南乳香味。飲品方面，選擇亦都幾多，當中有奶茶，烏龍茶等等。另外，雪糕嘅款式亦都好多，種類五花八門。整體嚟講，今餐嘅食物質素好好，牛肉亦都好有特色，適合鍾意食牛肉嘅朋友。…Read More

尖東海旁一向有唔少餐廳，我今日就同朋友嚟到呢一間位於尖東海旁嘅越南餐廳食飯。餐廳環境好優美，裝修好靚，燈光亦都好有情調。餐廳嘅食物都幾多款式，有湯，前菜，燒菜，海產等等。烤扇貝扇貝都幾大隻，入口清甜多汁，唔會煮得太過乾。串燒沙嗲串燒燒得又香又脆，肉質彈牙，有淡淡嘅燒香味道。沙嗲醬汁調得好好，入口唔會太過辛辣。烤鮮鴨配酸甜椰子醬鴨肉烤得好香脆，皮下脂肪唔算多，配埋酸酸甜甜嘅醬汁，非常惹味。整體嚟講，我覺得今餐嘅食物都幾有特色，加上餐廳採用嘅食材都唔錯，所以每道菜式嘅味道都幾好。…Read More

最近莆田做緊鰻魚節，推出咗唔同嘅鰻魚套餐，我今日就同朋友去咗呢一間位於荃灣廣場嘅莆田食飯。普寧豆漿焗鰻魚鰻魚焗得非常之香，入口有豐富嘅魚油香味，完全唔會覺得腥臭。脆皮蒜香雞雞肉入口彈牙，外皮好香脆，入口有香濃嘅香味，充滿肉汁。原汁焗排骨排骨入口非常之香濃，肉質軟腍腍，煮得好入味。海鮮滷麵麵條彈牙，有唔少嘅配菜，例如蝦肉，蜆肉等等，入口唔會覺得肥膩，煮得好入味。整體嚟講，今餐嘅食物質素唔錯，鰻魚菜式亦都好有特色，真係食到舔舔脷。…Read More

依一間龍亭鐵板燒，啱啱開咗新嘅分店，位置位於尖沙咀山林道，餐廳嘅裝修非常之雅致，好吸引。三文魚沙律三文魚入口好清新，有魚油香味。刺身刺身嘅亮點分別係生蠔同埋海膽，兩款刺身都好新鮮，海膽入口鮮甜可口，完全不覺得有腥味。海鮮海鮮方面，有蝦，蝦肉彈牙爽口，非常之鮮甜。鵝肝多士鵝肝充滿鵝油香味，入口非常之滿足，加上多士好香脆，呢個配搭真係非常好。炒飯炒飯炒得好香口，加上用上大量嘅三文魚子，令到炒飯入口鮮甜，非常好味。甜品最後個甜品係雪糕，雪糕入口好幼滑，味道偏淡。整體嚟講，今餐每樣嘅質素都唔錯，餐廳嘅地理位置好優越。…Read More

今日，我同朋友嚟到呢一間位於荃灣廣場嘅川菜食飯，餐廳嘅裝修非常之雅致，座位寬敞，燈光好柔和，成個用餐環境都好舒適。提起食川菜，好多人都會諗起水煮魚，我留意到餐廳有唔少用上河鮮製作嘅菜式，當中包括水煮魚，清香魚等等。蒜泥白肉白肉入口脂肪肥美，配上香濃嘅蒜香，非常好味。青椒清香魚魚肉入口彈牙，充滿魚肉嘅香味。加上青椒入口唔算太過辛辣，適合唔太食辣嘅人。瓦煲焗胡椒海蝦海蝦入口彈牙爽口，胡椒嘅味道非常突出。樟茶鴨鴨肉入口充滿肉香，脂肪嘅味道唔會太過濃郁，非常好味。整體嚟講，餐廳嘅食物好有特色，唔少嘅菜式都唔係咁容易係普通酒家食得到。…Read More

今日中午，我同朋友一齊嚟到位於宋王臺附近嘅私房菜食飯，餐廳個裝修好優雅，以精緻嘅中菜作為賣點。陳皮無錫骨呢度餸菜有香濃嘅陳皮味，豬肉煮得好軟腍腍，亦都好入味，味道唔錯。鮑汁柚皮生菜煲柚皮吸收晒醬汁嘅精華，非常入味，入口軟腍，製作得非常認真。鮑汁扣大鵝掌鵝掌入口有香濃嘅油脂香味，配埋香濃嘅鮑汁，真係好好味。芥末蝦球蝦球入口彈牙爽口，蝦肉嘅味道好突出，加上芥末唔會太過辛辣，所以唔會搶晒蝦球嘅鮮味。整體嚟講，今餐嘅餸菜都幾有特色，加上餐廳嘅座位好舒適，所以今個午餐都食得好開心。…Read More

今個假期，我特意去到東涌同朋友一齊去食飯，依一間位於東涌嘅中東菜，喺區內幾有名氣，今日我同朋友就去咗食佢哋嘅自助餐。自助餐嘅款式都幾多，有以鷹嘴豆製作成嘅唔同菜式，味道分為幾種，包括有原味，蒜香等等，適合唔同口味嘅人士。冷盤方面，有蠔同埋大蝦等等。蠔肉入口鮮甜，海水味香濃。大蝦就口感彈牙，感覺都幾新鮮。主食方面，有唔少嘅炭燒肉類，例如雞肉。雞肉燒得好香脆，帶有燒焦咗嘅香味，令我忍唔住食咗幾舊。另外有一點值得一提嘅係，佢哋呢個自助餐係有一款流心蛋，我個人就幾鍾意食呢款流心蛋。整體嚟講，我覺得今餐嘅自助餐算幾有特色，加上價錢非常相宜，所以不枉我今日專程嚟食。…Read More

今日我同朋友去咗呢一間位於上環嘅印度菜食飯，餐廳裝修得非常之有印度風格，提供一系列嘅特色印度菜。炸米餅配薄荷汁米餅炸得香脆，入口唔會覺得太過油，沾上醬汁一齊食，係一道好有特色嘅印度小菜。串燒雞柳雞肉烤得好香口，入口充滿肉汁，加上因為已經預先調味，所以非常好味。印度炒飯炒飯炒得唔好太過油，飯粒粒粒分明，加上幾足料，所以呢個炒飯都幾滋味。芝士烤餅烤餅烤得好香脆，每一啖都帶有少量嘅芝士香味，製作好認真。整體嚟講，餐廳嘅用料唔錯，當中有唔少特色菜式都值得一試。…Read More