cklsbg的個人專頁

依家出街食一個晚餐要幾多錢？如果仲要食得飽又要幾多錢？屯門這一間(拉)麵店，就可以滿足你喇！部份仲要係40元有找。吉烈豬扒拉麵首先係個豬扒，真係炸得好靚，當然就同樣地熱氣啦！配拉麵個湯底都預左係一般般，但好夠熱，成份都係40元，仲想點？不過份量好足夠！唔會渣留攤俾你，豬扒已經炸得咁好食，都已經係嬴晒。炸雞拉麵炸雞係好夠熱，仲要外脆內軟，難怪大部份人入到嚟都係叫炸雞飯/麵拉麵同上啦！嘻嘻最後，嚟岡一食野，真係要清楚佢個玩法，否則真係會令你怒火中燒。就係要等！某程度上，都真係等得太耐，出面已經等了十幾分鐘，原因都係人多姐……但堂食入到去，由坐低到有得食，最少要等20+分鐘，真係要有心理準備，得1個師父煮架咋……外賣的話，一定要落左單，再係周圍行下。仲有係食炸野，真係真係真係要問清楚或者睇清楚，如果唔係預設有醬的話，要求醬汁係要加錢。環境嚟講，係迫夾架，真係只可快食，但眼見坐耐D，都冇問題！總括嚟講，青年三五知己、一家大細嚟快食真係不二之選！…查看更多

這裡的海南雞飯確實好好食，大大碟，配油飯， 送例湯，男人嚟食絕對夠飽！加錢的小食及飲品，建議都係選擇雞翼或白雲鳳爪，其次春卷都可以架，串燒就唔好揀了。飲品方面，免費的，羅漢果水及檸檬薏米水。強烈建議選檸檬薏米水，因為羅漢果水確實是超甜；另外再加錢的奶茶都是超甜，視乎閣下的喜好逐少少加糖也未遲。其實這間大叻跟屯門V CITY某間餐廳更好吃，不知是否地理環境問題，總是很少人。不過少人有少人的好處，因為想真係三五知己吹水或者二人世界撐枱腳，環境太嘈反而不便。…查看更多

同朋友摸下酒杯底吹水短聚，傾下計，建議到這間嘆一嘆。首先，這間舖限時90分鐘，要訂位的，本身大家都忘記訂位，要等20分鐘，但老闆仔都肯出來留客，話有枱幾點離開，可以睇定食咩，他們可以預先安排，一入座就可以食用，無須再等！環境，確實有點迫，但衛生仍能保持！遇到有需要人士，老闆都會主動移開枱櫈，方便顧客入坐或離開，呢間餐廳有很多人幫襯，亦有外國人一家幾口，但他們不似我們坐足90分鐘，仲有係老闆極之準時地請我們離開，不過明白的，三五知己吹水，就一定要睇住時間呀！^_^…查看更多

這裡已轉了很多手，到金港做，已經係做得最耐的一個集團。本身係呢到熟客，因為係得一間(亦可以話係獨市生意)，所以很多時一家大細都係來到這裡醫肚。這裡食物味道唔係話一流，但今時今日呢個市道，呢個經濟狀況，係唔係每一日每一餐都要有皇帝級的款待？跟其他大集團，例如稻香、鴻星，或者可能冇咁好味，但價錢必定相差一大截~~~~可能大家覺得小弟冇要求，但坦白講一句，真係差唔多...........咖喱牛腩煲：食左大半年都冇改善，連加一要6X元，次次叫親都係得3至4舊牛腩，搵鬼食咩？6X元叫個蝦仁炒蛋仲好，起碼送到飯先！各位千萬唔好揀呢個菜。沙嗲金菇肥牛煲，夠晒熱辣辣！送飯佳品！粟米班塊，即叫即整，夠熱！家庭飯必叫！影都影唔切，好快俾家人食晒！灌湯餃，特價時段就抵食，夠飽肚！必叫！燒豬，皮脆，係有D厚肉左，但絕對OK！薑爆鯇魚腩！夠香口！值得叫！乾炒牛河，都可以，係油膩左D~~~如果可以保持份量唔好時大時細碟，咁就更好！極為惡劣！熟客都係咁話！潮濕回藍天，滑到好多公公婆婆，絕對係民事索償黑點，老闆要好好搞好衛生。因為舊屋邨，一定多老人家，呢個位真係勁勁勁勁勁勁滑，事但滑到任何街坊都唔好，仲有，沒有警告板，有咩損傷，一定賠死酒樓老闆。各位服務員都好好，唯獨是呢個間酒樓的廚房真係要投訴一下！！！例子一：成日漏單，試過落單、再CHECK單，一定有落到單，但最後都係冇左..........原因話入面剛剛出唔到票；例子二：試過落單、再CHECK單，一定有落到單，但最後都係冇左，但同一ORDER遲來的隔離個客就遲來先有，最後一籠。原因話太多單，D汁將票黏實晒............呢個廚房碼頭要鬧下~~~~~~~~…查看更多

灣仔呢間忠記粥一直很好，我亦是第一位讚它的，但不知是否太多人惠顧，令到食品質素每況愈下！就例如 生滾粥系列 23 元，食一次半次真係話好好食，因為是「味粥」嘛，我一星期內，可以食忠記生滾粥 3至4 次作為早餐，可以作出比較。最後食左3至4星期，頂唔順(不知是否長期食太多味精而長期腹瀉)生滾粥：味精愈來愈重，很鹹！過鹹！太重味精！配料：生滾豬肉丸粥>>>肯定亦加上好多味精，因為好鹹！加上「味粥」，鹹上鹹！配料：生滾滑牛粥>>>滑牛過滑，肯定「乸」得太緊要。配料：生滾肉片粥>>>過「林」過軟，肯定又係乸」得太緊要、太耐。白粥：暫時最ok，最穩陣炒麵：暫時都ok，勝在夠大碟！但開始愈炒愈油了......評語：客人來到粥舖，大部份人應該是想清淡一點，但呢一刻忠記卻是有點背道而馳。建議：生滾粥請不要再落太多味精，適量就可以了，甚至可以不落，以味精來吸引客人，只會弄巧反拙。其實白粥亦可以生滾的，不是嗎？…查看更多

無論夏天或冬天，白粥(6元)都係健康食品，用來做早餐就最o岩！忠記的白粥都好綿，個人認為唔落鹽都夠味！但如果覺得味道太寡，可以揀油炸鬼(6元)，食過2次，即使拎返去到公司，都仲脆仲暖，如果堂食就更正。同埋呢到個炒麵(7元)真係好大包，如果配埋個粥類做早餐，男士絕對夠飽！買2包炒麵做午餐都夠食。仲有腸粉(12元)都好好味，價錢跟茶樓的相若，2大條腸粉呢個價錢相當合理。12元 / 13元一個又飽、又抵食、又較健康的早餐，真係唔敢再奢求了。只希望忠記生意愈做愈好，毛利愈賺愈多之時，都可以保持呢個價同呢個份量！XD…查看更多