AlstonLeung6033的個人專頁

同女朋友慶祝紀念日，上網見到佢哋做緊優惠，價錢都幾平下，最吸引我係個牛骨髓，就book咗枱嚟食。餐廳環境正常，地方偏細不過都算坐得舒服，燈光偏暗，服務都幾好，店員會仔細介紹菜式同埋到會送一啲小食。食物方面，最令我滿意嘅都係個牛骨髓，擺盤、味道都係會令我想再番黎食。兩個主菜還好，我就叫咗牛，咁佢就係切好上碟嘅，咁店員會當晚特選幾隻鹽比客人嘗試，呢樣嘢我覺得係幾特別同埋都會詳細介紹每一隻鹽嘅特點同埋口味等等，牛扒方面嘅質素我覺得唔算太出色，合格之作。而女朋友就叫咗豬，意外地好食，醬汁同埋肉質都係非常之好，相比之下牛扒會比較遜色。網上訂位優惠附送左紅酒俾我哋，普通質素。另外最後甜品方面就有個蛋糕，都係屬於非常普通嘅質素。整體考慮到呢一餐其實係非常之平，能夠喺呢一個嘅預算做到呢一餐，性價比方面我覺得其實係做得好好。坊間好多人均600-800$嘅西餐廳都係做返咁上下嘅質素，有時仲會中伏，所以雖然依餐未到好難忘，但我好respect 佢哋，能夠用牛骨髓依道菜令成餐飯生色不少。Overall:7.5/10 …查看更多

同朋友去左cwb 搵嘢食 黎左依間想試好耐嘅pizza 入到去環境偏暗 但個vibe都幾適合吹水/拍拖。見到menu 主要有pizza / pasta / salad / Drinks 我朋友之前食過 分量都偏多 我哋又唔係好叫左個half half pizza （crazy cheese/超級撒亞人）上碟都幾靚仔/pizza 個皮係做得好soft 面粉發酵係有落過功夫 味道整體係中上 (8/10)另外佢有好多Beer 揀 都幾得意 我叫左杯Peroni 幾smooth $79人均消費：200幾$…查看更多

今個weekend 同女朋友去左西環個邊行下 去試一間burger 不過無開。無奈下行左去附近搵嘢食 見到Dare 就入去試吓。入去似台灣/日本家庭小店咁 有部電視機 地方細細地 同女朋友研究完一陣就叫左個意粉同炸雞Don。意粉🍝合格有餘 正常 7/10 ； 食完個炸雞Don都未到 催左兩次 最後差唔多20-30分鐘先有 不過我好肚餓唔理咁多 即刻食左先講 ：Ay！？ 幾好食喎 係用左美式炸雞burger 個隻peanut butter 調嘅sauce 個mixture應該有花生醬 少少喼汁 chilli powder and herbs。好食 😋8.5/10補償返我食唔到burger ge 唔開心。依間野會有下次👍🏻Overall: 8/10…查看更多

今日同女朋友去左旺角食完晏 行街行到去油麻地 見到am pm 依間都好似開左好耐嘅外賣甜品鋪🍫🍮🥐🍦Menu 林林總總 好多選擇 最後想試下佢個牛角包🥐waffle 朱古力🍫味$35 另加$10 有3.6牛乳雪糕 on side 3.6牛乳雪糕🍦好食過雪糕車 waffle 係用格仔餅機夾牛角包🥐整出黎 都係無得唔好食 淋上朱古力醬 偏苦嘅朱古力粉 少少朱古力碎on top 朱古力🍫都濃又唔會好甜 幾好👍🏻 下次會試佢個招牌味 布甸🍮 依間野會再幫襯😛Overall ：8/10…查看更多

今日去咗旺角沙嗲王食晏 睇返原來都好耐冇食 有啲掛住佢哋嘅白咖喱香茅豬扒飯 試吓睇吓有冇退步先 咁我就叫咗lunch set 白咖喱香茅豬扒飯 汁另上 再叫多咗兩隻雞翼做小食 整體而言質素係keep到嘅 香茅豬扒非常軟身 配上甜甜地嘅白咖喱 非常惹味 好送飯 不過個雞翼就比較普通 咖喱份量都足夠撈飯 埋單好似$60幾 非常夠飽 間唔中嚟食下都唔錯…查看更多

今日同朋友仔嚟到中環搵嘢 一路都想試吓呢啲舊式香港茶餐廳 入到去環境都係八九十年代圓枱圓凳 懷舊風咁我哋個日係食lunch 每人叫咗碗面 朋友叫咗碗蕃茄湯豬扒公仔麵 味道好一般 茄湯味道唔濃郁 湯底屬於偏鹹 正常偏甜會好食好多 豬扒都係一般貨仔 我就叫咗喇沙湯豬扒公仔麵 湯底正常普通 個人認為好過碗蕃茄湯 另外叫多咗個豬仔包煉奶俾得唔夠多 都係一般貨色 叫左檸茶奶茶 正常 埋單$ 133 應該都唔會再嚟食 因為真係好普通 咁嘅價錢可以有更加好嘅選擇 Overall : 4/10 …查看更多

今日嚟到朋友介紹嘅pizza Maru 係一間韓國fusion餐廳 裝修服務都尚算幾好 不過不失 今日假期啊過嚟食lunch 咁我同朋友叫咗兩碟嘢 分別係韓式牛骨汁炸雞 泡菜卡邦尼意粉 咁呢兩樣嘢都係未食過嘅 炸雞肉質不過不失 未去到好多肉汁炸得有少少乾身 可以做得更好 醬汁調味都幾好 係食到有啲韓國風味 另外個意粉都唔錯 泡菜加落去變咗有少少辣辣地嘅cream撈意粉fusion菜黎講係夾嘅 未食過嘅朋友仔都可以試吓嘅 講返價錢啦叫咗兩樣嘢買單300幾蚊 分量都正常 唔算話食到好飽 所以性價比有少少偏貴 不過考慮佢係開喺銅鑼灣希慎入邊 呢個價錢都可以接受嘅 整體而言都會有機會再返嚟食 下次會試吓佢個Pizza Overall: 6.8/10…查看更多

今日舊地重遊 同朋友黎到太古城Apita搵嘢食醫肚 基本上呢個築地章魚燒小丸子係必食 可以話係太古名物 一定係要叫玉子章魚燒 一定會食過返尋味 以前都成日嚟食 但係質素都係keep到 章魚燒燒到外脆內軟 最上面嘅燒汁同埋沙律醬永遠都係好大方 加埋玉子沙律 配埋一齊食 每一啖都超級滿足 絕對係過足癮 唯一係價錢貴咗少少 不過佢嘅質素同份量都絕對對得住呢一個嘅價錢 $50 8粒 佢哋個炒麵都唔錯不過今次就冇叫到 如果大家肚餓可以嗌多個炒麵試吓佢啲燒汁配沙律醬撈埋一齊食都好正 依間嘢絕對大推👍🏻👍🏻👍🏻…查看更多

同女朋友嚟到旺角口痕想掃街 嚟到肥姐小食 見到門口大排長龍 質素應該有返咁上下啦 咁我就叫咗一個王牌試一試佢，分別有墨魚細腸同埋雞腎。首先講個滷水汁係幾出色嘅 調味啱啱好 值得一讚係墨魚同埋雞腎 墨魚口感一流 而雞腎係三個入邊最入味 細腸就不過不失啦 如果下次再嚟我會淨係叫墨魚同埋雞腎 不過要留意真係好多人排隊 我哋叫完企咗喺側邊食 食完成條隊都係keep住咁長 冇郁過🥶不過排都唔駛等好耐 等五至10分鐘都已經可以買到了 都值得推介嘅👍🏻 係略嫌佢貴咗少少…查看更多

今日嚟到西灣河太安樓 試一試魚蛋佬 一嚟到勁多人排緊隊 可能之前張敬軒有拍YouTube介紹過所以呢排勁多人食 咁排咗一陣就叫咗兩吋腸仔兩串魚蛋試一試佢個汁 其實都唔期望佢有好大質素因為其實睇佢價錢都係好平 應該都係普通來貨 所以主要應該都係食佢嗰隻汁 味道其實講唔出有少少咖喱味佢有啲似沙嗲味有少少辣但係主要都係屬於甜甜地嘅 整體味道其實就唔算話好好食 腸仔都係煮得唔夠熱 魚蛋都唔係好入味 醬汁太過流於表面其實就唔算好好食 不過依個價錢其實都算係咁 口痕嘅朋友都可以一試嘅 …查看更多

今日嚟到筲箕灣東大街試一試呢個I love 班戟 一直好多朋友都叫我試 話好正 叫咗一個焦糖燉蛋倍豆腐味雪糕 等咗一陣就整好 $32 價錢都算平 焦糖燉蛋意外地好食 配埋個餅皮甜甜地幾夾 豆腐味雪糕就正正常常唔係好甜 整體都幾好食嘅 但我期望會大啲 經過嘅朋友都可以一試嘅 …查看更多

今日同朋友去開荔枝角AEON行吓 肚餓係入面搵野醫肚 見到間淺草炸雞🍗 地方好大 坐得好舒服 又無乜人排隊 就一於試試佢👍🏻朋友叫左個秘製芝麻蒜蓉炸雞Don 🍗調味我唔太鐘意 感覺普通 炸雞新鮮熱辣 份量好多 不過不失 合格之作 我叫左佢個南蠻他他醬炸雞定食🍗 炸雞外脆內軟 配上他他醬同埋少少椰菜絲 好好送飯 另外叫左個甘辛雞翼都好食😋 醬汁甜甜辣辣 肉質鮮嫩多汁🍗可能全部新鮮炸起 值得一讚 價錢意外貼地 兩個人食埋單 $129 經過朋友仔可以一試 🦦🤙🏻…查看更多

同朋友去開荔枝角D2 Place 係附近搵嘢食。見到依間pickabowl 好似幾過癮 美式日本fusion菜 自選魚生醬汁飯嘅Don 以前係Vancouver食過幾好味 係香港食都係first time. 我同朋友叫左two bowls and one coke share 一個係西班牙蒜油三文魚 西班牙蒜油熟蝦係幾好not bad 整體味道偏淡 醬汁期望可以再濃啲 刺身質素整體普通 依個價位唔太值 未必有下次嚕 埋單$184 都偏貴 份量都唔多 有啲唔夠飽😂 大家參考下啦🦦…查看更多

同朋友黎到尖沙咀 試吓西班牙油炸鬼 Churro 鋪頭細細 不過裝修唔錯 有個bar枱坐and 特色wall 比人打卡 menu 有好多口味 我同朋友揀左strawberry 味 $50左右 兩個人share 🤙🏻 鋪頭係用透明玻璃 可以睇到店員整churro 幾過癮 講番個churro 雪糕🍦係意外好食 質素係水準之上 好creamy 而churro 外脆內軟 好香肉桂粉味 有啲似McDonald’s apple pie 加雪糕咁食 當然佢好食好多 忍唔住一口接一口 整體係好食！絕對會有下一次 兩個人share 岩岩好 過下口癮 推介🤙🏻🤙🏻…查看更多

今日放工想食沾麵 上網搵左依間 多賀野 評價好似唔錯 就試試佢。佢係新K11 入面， 裝修係靚 幾有特色 坐得唔算寛鬆 不過睇得出佢餐具 碗碟都落足本錢心機 打卡唔錯嘅。我同朋友叫左兩碗 豚鴨沾麵 應該係佢哋招牌 另加個小食 蟹肉薯餅 $400左右埋單 K11果然係唔同啲 好彩份量都夠飽嘅 湯底調味幾好 略嫌稀左少少 濃稠啲會更掛汁 而沾麵質素唔錯 水準之上 份量都唔少 溏心蛋同叉燒就另上 質素只屬正常 整體合格 未有特別驚喜或好好食嘅地方 蟹肉薯餅就正常 以佢半價黎講 可以一試 Overall K11地段 收費貴係可以接受 不過期望佢會比到我好滿足嘅感覺 可惜只屬合格之作 依個價錢 我諗未必有下次🤙🏻…查看更多