maysan0_0的個人專頁

多次經過這家店，落地的玻璃窗、簡樸而溫暖的裝修，早已有想進來點一杯咖啡，享受寧靜的時光。這天是星期天，那邊街道仍敲鑼響鼓的在表達雜技，圍觀的群眾送上零碎的掌聲; 這邊卻是非常寧靜，讓你忘了自己在旺角。問店員有沒有不加奶的純咖啡，他叫我點了Americano，但餐牌上卻是沒有的。收費是按regular coffee。另外點了一個朱古力酥。選了角落的位置，在木製的桌子上，打開書本，好久沒能在旺角的咖啡店能如此悠然地看書。先來的是溫好了的朱古力酥。啊？為什麼只是給我一根叉子?平時S記、P記都有刀跟叉啊? 難道我要用手撕開他嗎? 抱著嘗試的心態用叉子把酥切開。啊～ 原來這酥很柔軟啊～ 吃著，咖啡也來了。啊？這次是沒有咖啡糖? 先來喝一口好了，咖啡帶有酸味，也有輕微的苦澀味。倒真的不需要加糖。(不過，咖啡冷卻後酸度提升，還是建議加一點糖)。下次，想在旺角寧靜地渡過一個下午，不妨考慮一下這個地方。…查看更多

今年的生日很特別, 因為有一位同自己同一日生日既朋友, 決定請假, 相約去坐360. (話說360在生日當日, 出示身份証, 即送免費來回普通車票, 前提是你要先排45分鐘隊....)在網上看到呢間餐廳幾靚, 朋友早幾個星期已打電話來book位. 可能因為係平日既關係, 我地2點幾去到, 都唔夠3張枱既人入座.先講環境, 樓下有工程, 所以坐在窗邊的雅座, 頓時失色不少.... 但整間真的是玻璃屋, 陽光非常好, 很有歐洲的感覺.我很喜歡卡位, 望出去很開洋, 而且地板的地磚, 天花上的古典風扇也生色不少.餐牌是木做的, 做得很精緻, 餐具及擺設也很有心思.我及友人點了兩款蛋糕, apple crumble & marble cheese cake.賣相是十分之好, 但apple crumble應該是在冰箱拿出來的.... 蘋果餡是冰的.... (至少放在微波燼叮熱才拿給客人嘛.....)marble cheese cake則是一正常貨色.熱咖啡是很濃味的咖啡, 朋友覺得有點苦, 我倒是蠻喜歡.在這裡hea了1小時, 加起來都沒有10枱人.結帳時詢問如何可以不步行回去大澳巴士總站, 侍應叫我去問reception. 去到reception, 又叫我出碼頭自己找電話打.... 難怪我剛才到埗時, 聽到離去的人說, 服務真係一流到呢.... 現在我明白了!我最接受不到的是她的衛生間, 地下是濕的, 還有紙在地上沒有弄乾淨. 既然自稱為一間酒店, 希望可以改善一下這一點. 謝謝!…查看更多

係香港文博物館行左3粒鐘, 脚仔痛兼有點肚餓, 本來想去食雞粥, 但點知未開檔。知道呢間鹽焗雞飯好好味, 特地前往。下午4點幾,無咩人, 點了一碗鹽焗雞飯炒底。一碗既份量大概係湯碗size, 女仔食剛好。炒底果然好食d, 第一啖飯入口好滑, 有旦汁, 好驚喜! 雞既肉質好滑~ 不會太咸, 配沙薑剛好。熱奶茶就普通啦~ 食完先叫會好d, 因為個飯炒底需時, 杯茶都凍哂lu ~…查看更多

在北角聚會, 所以特地來吃蝴蝶腩撈粗. 因為個名真係好特別. 原來蝴蝶腩是因為個牛腩切到好似雙飛咁, 似隻蝴蝶. 幾有趣.粗麵真係好粗, 有2cm闊, 有咬口, 我唔係太鍾意, 但一定好食過大家食果隻手搖麵.個汁食到落底都幾咸. 可能係我沒有將d汁撈勻之故.附送一碗清湯, 應該是用牛骨煮的吧, 我覺得太子既麵檔既清湯好味d.不過都算是北角一帶不錯的選擇.舖頭細細, 人多可能難搵位啦~ 2個人去就最啱啊~阿姐不時埋來話呢個腩好食, 加d沙茶醬好食; 都幾friendly咁喎~btw, 佢仲有撈飯食架~…查看更多

母親節, 媽媽話想近近地食壽司, 唔想去元氣, 所以去左羽壽司. 6:50去排隊, 等左半個鐘才有位. 係我前面有個女人5個人, 佢好似等左好耐. 呢個舖最多係4人枱. 5個人真係有d麻煩既~ 三文魚子, 親子卷仍然出色珍寶帶子未上次咁雪, 但係都仲係好凍...想不到佢個三文魚南瓜湯原來幾好飲~侍應應該是太忙, 服務態度真係可以再劉德華學習下. 唔好成日叫極都唔應, 或者黑埋塊面先得架....不過, 羽壽司真係抵食~ 而且是土瓜灣區最好的選擇啦~…查看更多

早前友人升職加薪, 帶了我們去新蒲崗的店吃晚餐. 非常美味. 但位置不太方便.及至聽到紅磡也有分店, 一直想來試試, 只是杳無機會.昨天終於跟友人來了紅磡此分店吃午餐.午餐的湯是忌廉栗米湯. 跟罐頭湯差不多.頭盤是芒果鴨肉沙律. 菜有點苦, 但鴨肉不錯.牛柳真的非常柔軟.甜品是啫哩, 沒有什麼特別.價錢HK$68.00在周末可以享受一個這樣悠閒的午餐也不錯.假如桌子與桌子間的空位可以多一點便更好了. 在寸金尺土的香港恐怕是一個奢侈品吧..…查看更多

由早上10時行書展行到晚上8點. 真係唔止有d倦咁簡單. 與朋友決定來到此有展覽才開檔的port cafe食buffet. 加12蚊先有野飲一杯. 熱盆無咩揀. 但係可能人倦啦~ 食沙律都覺得好好味. 130蚊只係食沙律同甜品抵唔抵就見人見智啦. 但係有無敵大海景, 都叫做賺左啦. 熱盆有咩好食我真係無印象. 但係cheese cake真係好ok. 但係佢出左一次就沒有再出啦.... 可惜....…查看更多

朋友去過說好, 所以與其他朋友一齊去食. 我地4個女仔, 早一日已經reserve左, 所以一入去就有位. 原本怕凍安排坐入面. 後來朋友說不如改出面. D待應馬上幫我地arrage. 坐出面真係好正~叫左:青木瓜絲沙律: 正~ 朋友唔食木瓜都大讚好味~蝦餅: 真係好好食喎~ 必叫!椰菜苗: 無乜特別青咖哩: 咖哩好食, 不過d雞麻麻奇呢炒面: 呢面好少, 不過ok 啦...4個人都好細食~ 不過大家都說可以再來試其他野~…查看更多