alan_cklai的個人專頁

15/11為太太慶祝生日…臨急臨忙訂檯…好在仲有位…訂位時備註咗係「生日飯」…無想到餐廳會為我地額外預備每人一個壽桃…真係好驚喜，好貼心…食物上菜係比較慢…初頭都覺得真係慢咗啲…但係到啲食物嚟咗，擺到入口食…真係覺得值得等，因為慢工出細貨…食物好好食…擺盤都好靚…去洗手間時見到廚房有兩人工作…所以食物即煮…確定唔係預製菜非常鍾意食個肉燥飯、擔擔麵、芒果炸豆腐小店細細地，唔會太嘈，坐得好舒服…值得大家支持…查看更多

用八達通買左$26蚊麵包，收我$36...我check 真d, 發現收多我$10...我：你收多左我$10...收銀：比番$2你....（求其喺機拎...好似打發我走咁）我：$10呀！收銀：哦..$4...（依然發緊夢...再塞多$2比我）我：係$10呀！收銀：比番你...（終於醒，比$10我）全程無道歉、無核對....之前收銀都試過趁排隊人多...快快手扮出錯...收多我幾蚊...比我捉到...不止一次...大家小心！…查看更多

今朝去美心皇宮飲茶...坐左好多人...不過唔多人等位...所以一去到就有位...不過.....員工少....等開茶...等擺位...都幾耐....雖然要等....但我地好體諒..食物都係推車仔...唔係用點心紙...好欣賞D 姨姨...知我地想食蝦餃...即使唔係佢賣...佢都會停車...幫我地去搵....令人最嬲O既事...O係埋單發生....叫左埋單....等5分鐘先有單...(我體諒)侍應A 拎左我張credit card....又等5分鐘....(我又體諒)侍應B 拎我張credit card 番o黎比我簽....我簽完名...侍應B 就比番credit card 底單...點心卡,同埋收據我....同我講"多謝哂, 拜拜"..之後即刻走左...我好奇怪...點解佢比埋張點心卡我...因為通常都係茶樓keep...我想問...不過個侍應已經走左.....於是我心想...可能美心入哂電腦....唔需要張卡啦...咁張卡又有我信用卡簽名....我就拎走埋...檢查清楚...我就撕左張卡...呢個時候...一個無名o既侍應C 跑出o黎...佢見我手上張撕左一半o既點心卡...佢當住其他食客...罵我 "張卡我地咖....挪到咁...有無攪錯呀!"...我同佢講..."你同事比我...無用咪撕囉..."佢扮聽唔到...返返入去...我無同佢嘈...因為我體諒佢好忙...不過事後...我打左上去意見熱線投訴...…查看更多