kirsten的個人專頁

黑松露雜菌意粉 $54意粉彈牙、滑，醬汁岩岩好，如果再多啲更香濃。菇類夠香，帶有甜味。Dirty $30 （跟主食好似有平）Expresso底微酸，奶啡味道平衡，少飲咖啡嘅我覺得易入口，但再順滑啲會更好。小店只有2-3人主理，但態度從容不急，出餐時間合理，由食物及飲品睇黎店主用心。但可能位處舊區，地方冷氣滴水，冷氣唔太夠涼（但都可接受）。非葵青人可能會略嫌地址有啲吊腳，但因為咁個價錢好平民，野食仲比過百蚊嘅cafe高質😌總括係性價比高，食物高質，地方細但唔逼，老闆親切。…查看更多

見咁多人熱捧又係💛店，特登去試～1. 虎蝦配濃蝦汁蛋麵 - 跟餐配焙茶鮮奶 +30 再補差價 +$10蛋麵彈牙香濃，冇梘水味，好少餐廳有/ 整得到；虎蝦嘅蝦頭同肉折斷左，照送上比客人，感覺有啲求其，但食落爽口冇雪味2. 奶蓋焙茶鮮奶（跟餐叫）完成失望！茶味好淡，甜度不足，奶味又唔係濃，奶蓋同冇係冇分別....唔知點沖出黎😅3. 奶蓋合桃鮮奶奶味同合桃味香濃，有粒粒碎合桃，令飲品口感味道兼備環境：有啲蟲仔飛飛下，仲會痴住menu....近門口地下濕曬，有啲嘔心，但冇人處理拖乾；青花瓷器擺設附近都係啲噴霧（殺蟲/殺菌？）同埋好多支細支仔搓手液，有啲大剎風景:(服務：當時店面得1-2枱，但想落單冇人理；奶蓋合桃鮮奶得hot可揀，但店員話要預個奶蓋因為熱飲而冇左😓但問佢點解得熱嘅揀、改名話有奶蓋，但叫左又會冇左奶蓋呢？佢又答唔到，好奇怪....隔離枱仲遲過我地落單，啲野都到左一半（叫嘅野基本上一樣），但我地咩都未有。 當開始有齊野食同野飲，話佢知set嘅湯未到，佢先好似突然發現我地叫左set....落單同上菜嘅員工溝通不足😥整體只覺得主食有驚喜，飲品較遜色、並非其他人所講咁好.....地方亦都唔岩打卡，唔好太高期望。…查看更多

蛋糕外觀好靚、擺盤亦好精美，可惜價錢偏貴。辣醬雞肉多士：辣味適中、菜與肉及酸種包配搭得宜，但雞肉煮得較老較鞋口，酸種包脆身得來有點太硬，幸好配辣醬及菜一起吃不會過份乾身。手撕豬肉Burger：炭燒煙薰味重、Juicy可口，肉絲幼細，漢堡脆口，但整體味偏甜；拌碟沙律清新、青蘋果片新鮮爽甜。大紅袍黑糖麻糬蛋卷：以大紅袍命名但被黑糖味搶Fo、茶味卻非常淡口（近乎沒有茶味），麻糬軟林不煙韌，蛋捲少許乾身。特濃抹茶慕絲蛋糕：蛋糕上層抹茶慕絲濃、不會太甜也不苦澀，但下層抹茶戚風卻只有香精的假抹茶味。岩茶牛奶：岩茶原來是烏龍茶，飲品茶味及奶味平衡、甜度適中，如茶味更濃會更好飲。整體性價比低，但甜品令人失望。店內人流不多也是個chill下的選擇，但一個lunch 兩份咸食+ 小蛋糕及1杯飲品索價接近$400，間中1-2次可接受，但可以有更多其他cafe選擇。另外，有些店員一邊在水吧食野一邊與整食物/飲品的同事聊天，令人擔心疫情下衛生問題，希望餐廳可加強員工衛生意識。…查看更多

唔知啲好評點黎🤔book左枱限時2個鐘叫左2 set晚餐，一個係a.龍蝦+意大利飯，另一個係f.牛小排+crepe前菜係菜+紅莓雪芭+餐包，餐包咸咸地有香草味，好香好食。a set睇menu感覺比人呃左，原來龍蝦已經mix埋左落飯。味道都幾好，但啲龍蝦汁少少苦，龍蝦幾爽，但冇咩味，份量少。f set個牛小排分量都好少，啲肉質好林，冇口感，完成食唔到牛味。反而crepe 有驚喜，甜甜地幾香。甜品完全係大伏，聲稱係70%朱古力mousse,但一畢起好liquid,流質，好似溶左嘅雪糕，食落成口粉，明顯用朱古力粉沖，哪來70%？好甜一點都冇朱古力苦味！最後比左錢打算坐多陣，因為book果時話限時2小時，但仲有接近1小時佢地就開趕叫我地比錢，想趕我地走（但其實已經比左錢囉），staff超冇禮貌又趕客。唔明啲好評點黎，人又冇禮貌野食又差，整唔好咁好食唔好改咁好聽嘅野食名🙄以後唔會去😭…查看更多

以前食過葵芳店嘅金莎朱古力流心pancake，一試難忘，用心製作，性價比高。今次試咸蛋黃pancake兩塊，要等20-25分鐘，但其實15-20分鐘就整好，pancake疊得靚，而且完整冇爛。面頭係奶味忌廉，淡淡地，提高左pancake蛋味。內裏係咸蛋黃味，見到有一層層橙色嘅咸蛋黃餡，食落咸咸地，既香又滑，同外層嘅甜甜地忌廉同pancake好夾，食落唔會滯。質感輕盈又唔易爛，食曬都唔覺飽，聞落亦好香咸香味。…查看更多

天仁新食品，諗頭跟著外界趨勢賣疏孚里pancake,定價不貴而且甜品賣相跟圖片差不遠。是日下大下，人流也不多所以等待食物和坐位時間也很快，大約10分鐘甜品就整好。叫了個913茶王pancake和鐵觀音蛋糕。pancake有點爛了，用913茶忌廉遮蓋，是唯一缺點。忌廉茶味不錯，不算淡也不算濃，適合濃淡口味的人。pancake質地軟綿綿，蛋味不差（當然很難與Flippers)相比，但口感不會像一陣風。有士蛋啤梨粒及珍珠作配搭，口感豐富又不膩，但士多啤梨不太與pancake不太夾，而珍珠十分彈，與甜品一同入口很自然。鐵觀音蛋糕茶味強烈，更有一點點苦澀，適合重口味的人。但不知為何吃到有點酒香味，可惜與茶味不夾，好像怪怪的。蛋糕有茶味白玉和紅豆，配在一起吃有驚喜。白玉亦有茶白，口感煙韌，好好味。…查看更多

見咁多好評，啲burger相又好唔錯，於是試試。是日星期日tea time但都唔洗點等入得。門口staff service唔錯、有禮貌。食物叫左個BLT Combo，揀左薯格。Burger份量幾大，夠二人share。肉夠厚、份量都多。可惜店鋪聲稱肉會係5成遮，但一見到個burger明顯已經接近9成熟！比起其他人介紹嘅紅紅地5成熟差好遠...好失望。食落個burger亦因爲塊肉太熟而唔夠juicy，sauce同肉嘅醃料都唔夠，所以好淡，肉味係有少少，但都唔算濃。Burger入面嘅beacon煎得太熟，都幾硬。成個包整體唔會難食，又唔係好好食，淡味，又唔夠juicy🙈。Combo有埋氣水同薯格。薯格比m記/KFC還差，太硬，似翻炸，唔似有薯仔，而且偏咸。仲有條青瓜，酸得黎超級咸！咸到食一啖要飲幾啖水，同一小杯嘅超淡味沙律相反。比錢時嘅外籍staff態度幾差又囂張，好似人人得罪佢咁…查看更多

見menu價錢唔貴一於試下味道。叫左個海南雞飯+咸檸七（少冰）。雞油飯粒粒分明，但略嫌過硬，味道都ok，唔會太淡。雞肉幾滑，雞皮唔會好肥又唔會好厚，但冇咩雞味，雞皮顏色唔夠黃。最欣賞了係果3款點雞嘅醬，比人有唔同選擇，味道都同雞肉好夾。咸檸七（+8）少冰真係唔會比好多冰，幾體貼，溫度岩岩好，咸檸好好味。成個餐仲有個湯，正常野。最後送上一個紫色大菜糕作結。以呢個價錢貼質素算唔錯，而且唔洗加一，抵食。…查看更多

想搵個坐得舒服嘅地方傾下計所以選擇左呢道。見好多家庭都帶埋小朋友一齊黎食，心諗應該都幾welcome一家大細。叫左個麻醬雞肉意粉、芝士海鮮墨汁石鍋飯同一個牛油果沙律。雞肉意粉好香，微熱，雞肉好嫩滑，份量陪2個人share,麻醬好多。芝士海鮮墨汁石鍋飯好香，熱辣辣，一畢起芝士係拉絲，但又唔會太漏，飯嘅調味加埋芝士好夾好好味，成個飯唔會因為起石鍋入面而好乾，反而佢keep到好濕潤但又唔會林曬。海鮮都係蝦同墨魚果啲，冇乜特別，但成個combination好好食。牛油果沙律就冇咩牛油果，普普通通，但菜量幾多。不得不提，服務好好，staff好有禮貌又好注重顧客舒適度，佢地會特意幫人推入啲sofa等人食得舒服啲，亦會提人啲飯同石鍋好熱要小心。…查看更多

我和朋友都吃得津津有味 :) 點了忌廉海鮮飯，只是$3X這個飯有滿滿的忌廉，而且牛奶味香濃，絕不是只得少少忌廉而不夠撈勻飯的。食物味道不錯，而且新鮮熱辣整好!另外，也有剛炸好的薯條，外脆內軟，不會油膩也不會太乾!吃完一條又想再吃，好味!服務方面，店員友善，面常帶笑容!雖然我們在房中，但他們也不時看我們有何需要!看到這家cafe真心為顧客服務，態度100分 *當日我們得6-7人，早一日book他就留了房間給我們!坐足5個小時也不會趕!門口有coupon學生可免加一和送一客薯條或puff，十分便宜 午餐平均只是$30多元，有杯soda/普通飲品 埋單只是$280左右~cafe來說真的十分抵!而且食物和服務質素也好!唯一不足是: 房間環境一般，沒有什麼decoration…查看更多

本身只是因為受到店子的價錢所吸引:)於是膽粗粗和朋友一起叫了幾個飯!最平的飯只是$16嘩! (不好食也抵)我個人喜歡吃牛, 所以點了個蒜香牛粒飯$22, 老闆會叫人等候5分鐘才來拿用上的當然是蒜汁, 蒜味好濃, 也有點過咸, 但撈飯好OK!汁量剛好, 不會少呢而主角當然是牛! 份量不少, 這個價錢絕對值得!牛肉咬落不會太硬 (熱食一定肉質更好), 肉味十分豐富!!想不到便宜的價錢, 但肉的質素那麼高! 很有牛肉味, 吃起來很香! 絕不是街邊的貨色! 一點兒雪味也沒有呢good~肉味拍得住貴價牛!另外, 老闆人也很好, 對客人滿有笑容, 也十分細心他會待客人來取飯才落汁, 令汁不會冷掉, 飯又不會林掉…查看更多

這間小小cafe位於一個偏僻位置, 但不難找到一踏進咖啡店的area, 感覺與外隔開, 不似街外的繁囂, 反而有的是寧靜店員很快放上menu, 下單時她也細心回笞問題, 態度親切:)是次點了一個cake set: Latte, 綠茶榛子蛋糕 (非Americano需補回差價:$36+3)由於自己少喝咖啡, 因為要求不高, 只能由我個人感覺評論Latte一送來, 拉花沒甚特別, 但足以令人看見便高興,而且奶泡是滿滿的, 有點不捨把它喝進口裛喝了一口, 拉花就下陷了一邊但foam依然豐富咖啡對於這詰些少飲咖啡的人非常易入口, 入口溫和, 順滑, 有淡淡的奶味, 順著喉嚨滑落, 沒半點不自然而且溫熱適中, 不會燙口, 也不會冷冰冰的喝到最底, 拉花仍在, 奶泡仍在, 我實在忍不住吃掉那些泡缺點只是, 咖啡香味欠缺, 而且入口沒有甜味另外, 綠茶榛子蛋糕在我第一口吃下是有點後悔的感覺 (早知點綠茶紅豆會正常點)蛋糕軟硬剛好, 餅底也不會特別厚和硬,綠茶味很濃而榛子味卻不突出, 整個配搭有點怪 可是, 配合咖啡, 頗有相輔相成之感, 蛋糕隨之變得可口而沒甜的Latte也慢慢滲出甜味, 令整杯咖啡喝起來更美味舒服就這樣, 一個悠閒的下午就此度過, 是令人滿意的咖啡師和店員都是有禮, 工作時不急不忙, 使人也想慢活一下*當天想坐在入面, 但店子的椅似乎只適合一個人的顧客, 令結伴的人有點卻步 (而且出面還有點冷)*環境上希望會改善, 因為不時有非顧客在cafe附近抽煙, 呼吸很辛苦; 而且有後來的顧客是抽著煙坐下, 似乎沒有顧及非煙民的顧客…查看更多

星期五總是比較多人, 所以等了一等才有位環境不宜靜靜地談天, 但如果喜愛熱鬧氣氛, 就剛好!4個人叫了6碟(5種)東西, 但份量還是夠的:)有些食物名和價錢不太記得><1. (好似叫)燒火腿飯 $3X塊肉的皮好硬, 整塊肉都是瘦肉, 味道一般, 飯亦沒有一pat pat2. 磨菇pancake $19不太熱, 味道淡淡的, 先吃這個會好一點餡料不少, 有不少磨菇, 吃多也不膩, 挺好吃3.炸雞翼 $2X/4隻很香口脆口, 入口還嫩的, 只是4隻太少, 雞翼也很細隻4. 肉丸 $29/15粒一碟(10粒)配薯波, 一碟(5粒)配意粉, 因為原來薯波可免費轉粉這個是招牌, 一定好吃, 特別是汁好好吃, 果醬是淡淡不會好甜但肉丸好像細粒了, 而薯波就是大小不一5. 芝士丸 $6/5粒 (原價$9)脆脆的香口小食, 不似有芝士夾心, 而且不濃味但點了汁就好不同! 汁是辣的, 又有芝士味, 很惹味用來伴飯也很不錯整體都是吃得快樂, 不會有難吃的食物, 而且十分便宜!…查看更多

素聞這個炭燒雞蛋仔出名, 碰巧見伯伯, 他問我們是否吃, 如果吃就馬上弄雞蛋仔^^$13一底, 跟市區非常出名的媽X雞蛋仔一樣價, 但既然來到, 覺得炭燒的物有所值一點XD只等幾分鐘, 新鮮熱辣的雞蛋仔出爐了(媽X雞蛋仔做得非常脆, 但只有個殼, 內裏空心的, 而且沒什蛋香)但伯伯的雞蛋仔, 香味十足, 外脆內軟, 雖不及媽X脆, 但脆得非常天然,是炭烘的香脆呢! 還有是它滿滿的蛋香, 中間是好像蛋糕一樣, 十分軟, 好rich的口感, 又不會乾口, 一個人吃相信會飽肚但千萬不要放涼, 不新鮮就不好吃, 而且不夠脆的!…查看更多

看見又是炭燒的, 聞到很香, 不禁試了燒魷魚仔($10/3隻)誰知真係香氣四溢, 而且他在燒的時候加了蜜糖和醬汁吃來不是乾口, 味道濃濃的, 愈吃愈美味! (但也挺硬, 要趙碎才好吞)所以我最後還是忍不住多買一包離開大澳, 當小食…查看更多