monsterwinniew的個人專頁

亞洲胃真係要定期出去食中餐，中餐黎講上海菜真係我首選，今日就同朋友嚟到銅鑼灣樂天王朝，食下小籠包，滿足下個胃😋特色皇朝小籠包（8色/8粒）$1488款小籠包包括：招牌原味小籠包、川味小籠包、蒜香小籠包、芝士小籠包、糟溜絲瓜小籠包、蟹粉小籠包、鵝肝小籠包、黑松露小籠包，全完味我都好鍾意🤣小籠包皮薄餡靚，湯汁又多，入口有爆汁感覺。蘿蔔絲酥餅（3個）$52有驚喜，以為油膩，原來幾清新，外表酥脆，裏面軟綿綿。芝麻醬油麥菜$72清新選擇，油麥菜冇咗平時嗰種草青苦澀味，入口爽脆清新，芝麻醬同新鮮嘅油麥菜好夾。竹炭流沙包（3個）$48竹炭包口感鬆軟，流沙爆餡。香辣水煮魚（小辣）$208起初以為唔夠食，點知呢個水煮魚嘅份量充足，配菜好多，有我鍾意食嘅芽菜、薯粉、海帶等等，全部都好入味。主角魚片嫩滑冇咩骨，好好食。…查看更多

蘭桂坊真係一個寶藏地方，埋藏住好多特色嘅餐廳。今次又俾我搵到一個寶藏，以後同朋友飲飲食食多咗個唔錯嘅選擇！由中環地鐵站行大約4-5分鐘到加州大廈，搭lift 去23樓就到。一開lift 門就俾餐廳嘅佈置吸引，以紅色日式裝修為主，昏暗燈光浪漫時尚又relax ，非常有心思。菠菜沙律冷盤，胡麻醬非常惹味，估唔到同菠菜味道咁夾，係一度開胃嘅前菜刺身拼盤包括：鯛魚、帶子、蝦、拖羅、平目魚，每一件都厚切入口啖啖肉，而且非常新鮮冇腥味鮑魚卷上面係磯煮鮑魚，清甜彈牙，包住咗已經炸到脆卜卜嘅松葉蟹肉紫蘇炸蝦粟米粟米清甜，炸蝦酥脆唔油膩，口感豐富魷魚筒已有燒汁喺上面，完全唔需要沾醬，新鮮鹹香牛肉丼未食過咁好食嘅牛肉丼🥹每啖飯都有肉汁包裹住，好香，牛肉份量又多，又有青瓜片，中和返，小清新…查看更多

最近夜晚約左朋友去食放題，我哋去左旺角兆萬中心8樓神戶屋度試下。入去坐底之後，我哋用QR code叫左好多野食，有刺身拼盤、手卷、壽司、熟食炸物、沙律前菜，好多款任揀。升級海膽生蠔任食⁃生蠔無腥味，肥美鮮甜😋⁃松葉蟹爪肉質鮮甜，啖啖肉，⁃其他海產刺身拼盤份量岩岩好，有鮑魚、希靈魚、醬油蝦、帶子、泰式生蝦、海膽等，款式多，岩哂樣樣想試嘅我哋😝燒物⁃燒有機菠蘿好甜又多汁⁃韓式炸雞系列入口熱辣辣，脆卜卜，芝士醬香濃沙律&前菜⁃黃金牛油焗粟米粟米好香牛油味，有咬口卷物⁃芝士蟹籽壽司⁃神戶和牛卷和牛唔嚡，多肉汁飲品區自助⁃各款汽水、啤酒、果汁…查看更多

約了很久沒有見面的朋友食飯，當然要食得好d ，沙田交通方便，於是我就約沙田等。而且亦都想帶朋友試吓呢間餐廳，所以就選咗Butlery ❣️約咗7點，去到已經有人等緊位，好彩我地有訂位😌侍應帶我地坐低後，我地就迫不及待叫野食😋酸忌廉牛油果醬薯條$55薯條係必點，酸忌廉同牛油果中和咗薯條嘅油膩感覺，仲越食越開胃新鮮海膽，香煎帶子&蟹肉海膽忌廉汁意粉$178完全冇諗過海膽、帶子同蟹肉三樣海鮮夾埋以咁鮮味，海膽忌廉汁非常Creamy，每條意粉都可以沾有海膽忌廉汁，鮮味難以形容煎牛扒配焗蔬菜，肉汁&香蒜青醬$192牛扒點咗七成熟，肉嘅表面微微煎香，保留咗肉汁，入口好Juicy焦糖脆脆奶昔$69非常推介，邪惡程度同食咗一個甜品冇分別，奶昔好滑，焦糖粒粒增加口感百利咖啡忌廉甜酒奶昔$70有Baileys的酒香，又有咖啡香，加埋奶昔細滑，味道好夾…查看更多

而家食嘢越嚟越有要求，又要搵食物質素高，又要乾淨，又要可以影靚相嘅餐廳🤣Hot Pot 熱·海鮮火鍋私房菜就符合晒我想要嘅條件❣️我同朋友兩個人嚟到餐廳揀咗卡位坐，因為每一卡座位都有懷舊香港特色嘅地方，非常適合影相。侍應嘅熱情招待，令我哋好快就可以揀好食啲乜嘢。香濃沙嗲豬骨鍋$208打邊爐湯底好緊要，一上湯底已經聞到濃濃嘅沙嗲香味，見到鍋裏面有好多豬骨同埋惹菌，熬出嚟嘅湯底一定新鮮濃郁手切安格斯牛小排$328 我同朋友都好鍾意食牛，一嚟就鎖定咗呢個手切安格斯牛小排，份量多，肉味好濃，好好食手切牛頸脊（細） $228 牛頸脊係侍應介紹，我之前從來都冇食過，一食之下果然冇介紹錯，牛肉非常嫩滑手打丸拼$128粒粒丸都好有特色，非常飽滿，一咬肉汁就出哂嚟，蟹籽墨魚丸，尤其出色，爽口彈牙珊瑚蚌$118份量頗多，新鮮，最鍾意食煙煙韌韌同埋爽口嘅貝類海鮮厚切午餐肉$58原本冇諗住叫午餐肉，但見到隔籬枱有叫，真係非常厚切，忍唔住叫返一碟嚟食炸芋片$48打邊爐必食，芋頭條外面炸得好鬆脆，淥嘅時候唔會散，入口粉嫩見到飲品有雜果賓治（$38），貪得意叫嚟試吓😝，朋友就飲加多寶$18…查看更多

同有儀式感閨蜜慶祝生日，搵餐廳一定唔可以馬虎。估唔到可以喺熱鬧嘅旺角搵到一間寧靜又有浪漫氣氛嘅西餐廳—— Amplifier restaurant 。我地2個人點了一個Amplifier signature set($1088/2)Starter 2選1白酒忌廉青口白酒嘅香氣融入咗喺青口入面，忌廉質地柔滑有濃郁奶油味道，白酒、忌廉、青口味道好夾5選2香煎鵝肝（+30）鵝肝好大塊，兩邊煎到金黃脆口，裏面保持嫩滑形成對比。鵝肝味道濃郁，入口軟滑即溶，非常好食蒜香牛油田螺酥皮盒酥皮盒好鬆脆，裏面載住大大小小嘅田螺，完全唔韌，非常適合做Starter餐湯蟹肉龍蝦濃湯非常Creamy，龍蝦味道濃郁，蟹肉嘅份量都唔少，係我最鍾意飲嘅湯主菜香煎日本帆立貝蕃茄醬意大利麵結合咗海鮮、蕃茄醬、意大利麵嘅美食，帆立貝嘅鮮甜同蕃茄醬嘅酸甜互相配合，意大利麵煮得啱啱好，麵質彈牙慢煮美國威靈頓牛柳係今餐最期待嘅食物之一，酥皮金黃鬆脆，包住慢煮嫩滑嘅威靈頓牛柳，口感豐富。慢煮嘅過程將牛柳嘅肉汁鎖住，令牛柳嘅味道濃郁多汁。再配合蘑菇洋蔥等配料，一啖入口令人難以忘懷是日甜品x2朱古力慕絲蛋糕，朱古力味道濃郁，蛋糕結實，係我喜歡嘅口感，真係好想encore多一份 餐飲x2…查看更多

今次火鍋控朋友帶我去到銅鑼灣醉鍋打邊爐，滿心期待✨去到火鍋店見到個海景即刻嘩咗一聲出嚟，估唔到可以一邊打邊爐一邊望海景。我地坐喺窗邊位，開始悠閑嘅火鍋時間。首先點咗黑松露雜菌火鍋湯底（$168）。黑松露好香，加上5、6種雜菌，忍唔住飲咗碗湯。😝因為唔想破壞鮮甜湯底嘅入口味，係12種醬料（$22/位）裏面，我加咗蔥花、醬油同特別少少嘅辣椒粉。調好醬油，就開始揀野食。竹蔗茅根（ $28 ）下火清甜，解渴羅漢果菊花茶（ $28 ）有淡淡菊花香，微甜頂級安格斯牛小排（小）（ $208 ）淥10-15秒，熟咗之後，唔沾其他醬汁，牛味香濃嫩滑，原汁原味手打墨魚丸（ $58 ）墨魚彈牙，口感豐富韭菜餃（ $58 ）韭菜味唔重，皮薄餡新鮮三色鮮制生麵（ $68 ）淥咗好耐都無咩變質，仍然爽口，好厲害👍🏻日本頂級黑毛豬豚腩肉（ $228 ）完全無豬臊味，而且切得好薄好靚，味道口感都一流台灣腸（ $68 ）啖啖肉，又多汁雜菌拼盤（ $78 ）增加湯底嘅菇量，湯底一黎，我就加雜菌落去一齊熬湯蔬菜拼盤（ $78 ）有5-6種蔬菜，種類多而且新鮮…查看更多

慶祝紀念日，想搵一間環境氣氛都好好嘅高質餐廳，知道重房搬咗黎銅鑼灣，所以就即刻book 位。溫馨提示記得book 位，可以請餐廳預位房間或者吧枱位置，同師傅互動、欣賞佢嘅手勢😊Dinner omakase $1588/位先付：南瓜凍、三文魚子菠菜刺身：北海道白子配蘿蔔蓉酸汁、冰見寒鰤、醋鯖魚、岩手縣真豪、北海道喜之次，全部都好新鮮同埋矜貴，師傅刀工均勻細緻，將魚肉質感完全呈現，入口鮮甜金箔鮟鱇魚肝鮟鱇魚肝口感柔軟順滑，細膩濃郁脂肪味道，食完口裏面仍有口甘嘅感覺磯煮鮑魚磯煮鮑魚使用新鮮的鮑魚，經過磯煮的處理，鮑魚肉質變得柔軟又不失彈牙口感金鯛配南瓜湯球金鯛肉質鮮嫩結實，味道鮮甜，配上分子料理南瓜湯球，入口爆汁，同金鯛口感對比有趣手握壽司深海池魚、海膽、甜蝦、赤貝新鮮刺身是手握壽司的關鍵，與柔軟而彈牙的壽司飯互相配合，每次見到壽司上碟都係一種視覺享受紫菜天婦羅拖羅紫菜天婦羅脆脆口感，加上拖羅刺身同火炙拖羅油脂香同刺身鮮甜味道，令人垂涎欲滴魚湯魚湯鮮味濃郁，淡淡香甜Tiramisu千層蛋糕😋甜度恰到好處，奶油清甜軟滑…查看更多

潮藝館位於尖沙咀彌敦道63號iSquare國際廣場6樓602號舖市面上嘅中菜越做越精緻，想突圍而出並唔容易，今日就想一嚐新潮與藝術結合嘅新派潮式中菜。菊花茶（ 茶位$28）菊花清香，茶壺下有蠟燭保暖，十分雅致。小食（$38 ）酸菜花生做飯前小食， 開胃。懷舊春菜煲($198)是一道著名的潮州菜，以春菜、豬肉排骨作為主要材料。這道菜的特色在於其清淡的味道和具有春菜的鮮嫩和爽脆口感，風味獨特。去骨鵝件($278）鵝肉去骨，肉質軟嫩，味道鮮美。係潮州菜其中高級的美食。胡椒豬肚湯（ $138 ）一個很受歡迎的湯品，在潮式中菜中亦很受歡迎。湯的味道濃郁。豬肚嫩滑鹹菜鮮爽，胡椒嘅辣味亦有助驅寒令整個湯嘅香味提升不少。蜆肉鵝肝炒飯（$228 ）不用多說就知道這個炒飯的矜貴程度，翻炒得乾身，粒粒分明，蜆肉鮮甜，鵝肝味濃。綠豆清心丸。（ $48 ）傳統潮式甜品，清心丸細細粒，口感煙靭配合綠豆甜湯，令人食唔停。…查看更多

12月真係一個慶祝月份，無論係好好食一餐獎勵自己又或者同朋友慶祝，都係必須要架😌同朋友慶祝生日，搵餐廳，見到網上食評都好好，就決定即刻book枱。入到餐廳，職員好細心安排咗我哋坐吧枱，座位闊落，而且可以同大廚互動，同埋欣賞佢嘅手藝，又有得食又有得睇。我地每人叫咗一個一人餐😋三日月一人前鐵板燒餐$798/位前菜三小點：煙燻雞肉刺身，煙熏味濃郁，好香、麻醬豆腐，豆腐結實唔鬆散、明太子沙律，入口卜卜脆，味道好好，令人印象深刻。牛油果沙律：牛油果、沙律菜、四千幾蚊車厘茄配上胡麻醬柚子汁，酸甜開胃又清新！牛油帆立貝：大大粒，彈牙鮮甜，墊底嘅菠菜都好好食茶蒸碗：蛋滑配黑松露香，碗底有木耳絲，爽口，入口層次分明深海野生白鱈魚、帝王虎蝦（二選一）：份量巨型，蝦肉彈牙，有微微焦香。廚師用咗蝦膏煮汁，濃郁香甜。香煎白鱈魚嫩滑，配上白蜆汁同埋意式雜菜。紐西蘭肉眼扒、鹿兒島黑毛豬肩、鹿兒島薩摩赤雞（三選一）紐西蘭肉眼扒七成熟，牛肉味濃，嫩滑Juicy，配埋炸蒜片又係另一番風味。鹿兒島薩摩赤雞，肉嫩，外皮煎得香脆加上日式燒汁，風味十足。另外有香煎蘆筍、茄子、蓮藕、鮮冬菇配菜，平衡食肉嘅油膩感。鐵板炒飯、海膽炒飯（+$38 ）、洞庭烏冬（+$10 ）（三選一）炒飯有櫻花蝦同紅酸梅肉，非常香，有口感，而且酸梅味道清新，食到一半可以加入熱湯同Wasabi一齊食，變咗茶漬飯。麵豉湯有豆腐昆布，入口清香，昆布味道突出。甜品：朱古力雪糕為呢個晚餐，完美作結。因為朋友生日，我仲叫多咗一件一口蜜瓜卷蛋生日甜品，朱古力粉灑上朋友嘅名同埋小雞公仔，有心思，而且加咗提子，蜜瓜等半碟，再灑上心心脆糖，賣相吸引，而且全部都可以食用。成餐飯一邊睇師傅整嘢食，加埋擺盤非常賞心悅目，性價比十分高。…查看更多

識我嘅人都知我好鍾意去居酒屋度食嘢，今次就嚟到好少踏足嘅大角咀搵食。同朋友兩個嚟到，都係想搵啲小店為主，貪小店夠地道。嚟到居酒屋已經見到精緻嘅日式裝修，好似去咗日本嘅感覺。我哋兩個女仔都係食量細，但係好鍾意試唔同嘅嘢，所以就叫咗好多嘢食。時令刺身拼盤七品$328見到都嘩一聲，好大盤，刺身又大件又新鮮😋因為想試唔同嘅串揚，就叫咗六款最想食嘅嚟試吓：日本南瓜（$ 12）、日本迷你甜薯（$12）、煙燻豚肉（$22）、豚肉蘆筍卷（$12）、帶子（$28）、三文魚（$18），每款都冇令我失望，外面炸得鬆脆，裏面保持原有食物嘅風味。蟹籽沙律$42蟹籽沙律係我每次食日本嘢都必叫嘅食物之一，因為非常清新好味。總括而言，今次居酒屋嘅性價比好高，嘢食份量足，我哋兩個食到捧住個肚走。…查看更多

今晚想同朋友過一個chill 又慢活嘅晚上，法國餐係一個唔錯嘅選擇。係沙田比較出名嘅法國食物除咗Odelice!真係諗唔到第二間，所以就黎咗喇。係餐廳門口已經感受到法式浪漫氣氛，玫瑰花、藍白裝修，經典法式配搭。坐低之後先叫生蠔同白酒，再點一個2人餐（可以選2個湯/沙律、1個前菜小食、2個主菜、一個甜品）😋食物賣相同味道都好好，而且份量岩岩好。同朋友一邊飲酒、一邊食飯、一邊傾計，過咗一個放鬆嘅晚上。…查看更多

突然想食泰國菜，於是就嚟咗交通方便嘅旺角，見到有一間泰國菜館排長龍，就決定試一試。餐廳叫阿來泰式地道風味，由旺角地鐵站D出口行2分鐘就會到。我同埋朋友兩個人叫咗唔少嘢食。泰式鐵板蠔仔蛋$98份量勁多，每食一啖蛋都會有幾隻蠔仔喺入面，加埋秘製辣醬，非常惹味。蒜蓉包$38食泰國菜必點之一，牛油混合蒜蓉香味，多士十分脆口。豬頸肉炒芥蘭$78芥蘭炒得啱啱好，豬頸肉份量都多，如果蒜香味濃啲加少少馬拉盞就更好。泰式小食拼盤$158有雞翼、蝦餅、魚餅、素春卷、鮮蝦春卷，份量十足。最鍾意食蝦餅同埋魚餅，炸得酥脆入口彈牙。生蝦刺身$88泰國嘢必點之一，蝦鮮甜，點埋秘製醬汁好食。鹹檸七$25酸酸甜甜，十分解膩…查看更多

日本野係一間舒適可以讓客人感到放鬆同時享受食物的日式餐廳。一入餐廳已經受到侍應嘅熱情招待。我地一邊食一邊傾，唔覺唔覺就點咗好多野食😝石燒吉列牛小排套餐$296石燒版嘅烹調方式令到牛肉保持口感同埋封鎖住肉汁，如果你鍾意食吉列牛，一定要食呢一道菜。追加$48/3件厚燒鰻魚玉子石燒牛小排$198可以親自喺石燒版上面烹調牛肉，根據自己嘅喜好調整牛肉熟嘅程度炭燒牛舌串$64炭火燒烤可以令牛舌保持肉汁同埋口感。火炙三文魚壽司$40/2件火炙過程中魚肉表面微微燒焦，與壽司飯柔軟口感形成對比一脆一軟口感豐富。明太子沙律壽司$30 /2件明太子爽脆，每食一啖魚卵都有爆裂感，口感豐富。牛油果軟殼蟹卷$138新鮮牛油果質地柔軟，炸軟殼蟹酥脆而不油膩，兩者配合恰到好處。甲羅燒$168 /2隻蟹蓋上鋪滿蟹肉、蟹膏、鵪鶉蛋、魚子，在明火烤爐上烤 6分鐘，就可以將所有食材攪拌撈勻，在燒2分鐘就可以配梳打餅一齊食。蟹膏蟹肉鮮味濃郁，非常滋味！…查看更多

日本料理真係百試不厭，以後去旺角又有多一個食飯嘅地方。喺旺角站E2出口，行大約3分鐘左右就會到前菜：沙律（冷）、麵豉湯（熱）壽司盛盒10貫$228全部都係手握壽司，時令食材，魚生非常厚同新鮮，二百幾蚊有呢個質素，非常抵食。北海道帆立貝三文魚子丼$188帆立貝肥厚鮮甜，入口啖啖肉。漬三文魚子粒粒分明，味道鹹香，連飯一齊放入口，鮮甜味美。甜品： 3.6牛乳布丁布丁口感軟滑，牛乳味濃，而且唔會太甜， 10分喜歡。…查看更多