為食猫出巡的個人專頁

今日無意中經過呢間店，買咗佢嘅香蕉糕試試，可惜佢嘅香蕉糕只能講可一不可再。首先，聞不到香蕉味。其次，食入口死甜死甜，亦食唔到有香蕉味，強勁嘅沙沙口感有如放入一大匙羹白砂糖入口食，食完條脷都覺得乸乸地。佢都算係我食過數一數二唔好食嘅香蕉糕沒有之一。作為一間曾經係米芝蓮推薦嘅小食店，只能說很遺憾它不是我杯茶。…查看更多

個意粉汁呈粒狀，一舊舊，出晒油。呢個效果只有微波爐翻熱嘅cream sauce 先會咁，出晒油。見啲人post 嗰相係有隻蛋，我個份係無蛋。見到都唔想食，食咗幾口已經食唔落，好難食，味好怪。最終係要去排毒。經外賣平台賣$118,賣啲咁嘅嘢俾人食，店主同我廚師良心會唔會痛？…查看更多

去旺角食完飯諗住食甜品，間間都大排長龍就你一間仲有位，好啦就 try try, 朋友點焗西米布甸，老闆娘失業OL就要等十幾分鐘，我地都ok。。。等咗廿三十分鐘都仲未嚟，我地就問老闆娘，佢話幫我地睇睇。。。轉頭就話個system有問題，啲單亂咗。。不用十分鐘。。。登登登登。。。。焗布甸上枱。。。嘩，齋望都覺得唔對路，個樣好似將啲爛飯放上去咁，一pat pat，亦都無焗布甸應該有嘅啡金黃燶面。。。朋友一試，唔熱而且啲custard分明顯未開好，仲可以食到D粉。。。。同個老闆娘講啲嘢唔熱，佢話“咁奇怪？“，好似仲話幫我地焗返。。。最終我地唔要走咗。。。。第一，老闆娘對於焗布甸無焗過嘅啡金黃面一啲都無覺得有問題，我唔知佢係咪未見過或者食過焗西米布甸。。。第二，waitress 又唔覺個甜品唔對路。第三，亦係最關鍵嘅問題就係廚房入面十幾廿歲嘅"甜品師父仔"，你咁嘅嘢都夠膽拎出嚟俾客食，我諗你亦應該要有膽面對快將失業嘅可能。。。老闆娘，你真係要好好反省吓食物質素、店舖管理同進修甜品，對食品嘅要求明顯好底，你無其他店咁好生意真係有原因。。。我知依家好hit半熟，但係都唔係咁攪法囉！…查看更多

朋友預早兩星期經tablemap book 枱，confirmation email 同reminder都有收到，但係去到個類似經理嘅男人話無呢個booking, 話無收過tablemap通知，而且仲有一班女士都係經tablemap book 咗枱佢地餐廳又係唔知。。。我地被安排坐門口啲高枱，個經理仲反話都無同我地confirm個reservation咁即係無booking record 咁款, 好似我地有問題，全部嘢賴晒tablemap，仲話已經唔係一次發生呢啲嘢，又話啲booking confirm 晒，無其他枱俾我地。如果個日唔係星期五，一早就去第二間食啦。。。過咗十分鐘左右個經理話有枱俾我地坐，咁我地就入咗去。。。我地四個人都覺得啲食物認真係麻麻地，唔係啲人講得咁好，環境好迫，枱貼枱, waitress 小姐未食完就想收啲碟 。。。我地order咗british deep fried combo, rib eye, pork chop and scallop pasta, 個rib eye not juicy 又唔林，炸魚啲魚肉好削，甜品都唔想係個度食。。。應該唔會再去食囉！。。。我地唔應為係tablemap嘅問題，一向book其他餐廳都無事，就係你一間有問題，最吊鬼係第二日tablemap email 確定咗我地有出度囉！…查看更多