一孖臘腸的個人專頁

❬酥皮龍情要翻depp❭肥妹話呢排突然好想飲酥皮湯，尋日臨時臨急揾左間食住先，今日有時間，終於可以試吓呢道😋本來諗住一陣睇戲，唔食咁多野，淨係試佢個酥皮湯，點知都係為食，忍唔住叫多兩味試吓甘荀玉桂蘋果忌廉湯睇落冇咩野，但上枱時已聞到好香蘋果玉桂味！甘荀同蘋果蓉飲落好舒服，又唔會太多忌廉，是真材實料的blend湯呢三文魚腸未試過，這個菜式真不錯，很真實的三文魚肉味啊，好好味，而且不得不提配菜的薯絲，都是非常香口好味溫泉蛋雞肉泡菜飯想試吓佢d飯，但肥妹唔太喜歡吃豬肉，而我又唔太吃牛，結果得呢款選擇，不過冇揀錯，辣辣地，很是惹味，冇咩好彈焗酥皮龍蝦湯佢成為今日嘅主菜，果然冇令人失望，酥皮好靚，絕不是hea焗(個碗有隻獅子都好靚) 篤開佢，龍蝦湯嘅氣味湧住出來，香濃嘅湯夾埋酥皮吃，真是一絕，比起回憶中嘅連鎖意式餐廳(馬記) 味道有過之而無不及，對於有"龍蝦湯情意結"嘅我地，真係有點感動，今次肥仔啦🤤下次要再去試吓佢其他菜式先得…查看更多

香港舖租貴地方小是常識吧，出得黎食就預左要迫，ok。凌晨12點幾，走入店內，座位只滿三成，侍應呀叔既視覺應該還停留在晚市的繁忙時段，竟然叫我同朋友坐收銀機隔離個位👍🏼坐隔離既客人走左，咁移過少少啦，呀叔即刻話唔好坐咁過，好似有預知能力咁話宜家繁忙時段，唔好霸左四人檯，環觀坐店，仲有八成空位，可能呀叔好耐無放假又或者好唔舒服，態度都十分差，都費事同佢嘈啦。食物方面其實無問題，但侍應d咁既態度就令人背脊骨落。其後都入左兩檯二人客，又唔見佢阻止人地坐😂😂😂可能我樣衰啦，所以特別針對我地此店已永久列入黑名單，永不超生。又真係繁忙時段好多人wo…查看更多

擁有緊嘅野好多時都唔懂得珍惜(講完都覺得老土) 因為工作室喺附近的關系，所以成日食呢間，特別係開夜車嘅時候，呢道就好似飯堂一樣，因為佢嘅營業時間係由晚上7,8點幾到凌晨3,4點，當然，亦都係因為附近冇咩食肆會開到咁夜所以先去，佢係貌似街邊大排檔嘅檔口仔，但佢嘅食物都係好食嘅，如果唔係，不如返工司淥杯麵好過啦係咪先 😀 再加上，我覺得港式炒粉麵飯我先會覺得係 "日常飽肚便飯之選", 所以成日去開飯 佢好食嘅地方，係粉麵飯都即炒，熱辣辣夠鑊氣，就算叫個雞扒湯麵，塊雞扒都係煎過嘅(而唔係hea叮熱)! 叉燒煎蛋飯，係好基本嘅港式野野，但易煮難精，我今日都係叫呢個，不過因為我又唔記得指明係太陽蛋果款，所以佢整左類似芙蓉蛋的 ..... 好想喊，因為我太想食太陽蛋，俾返個太陽我 ...嗚嗚嗚~ (友人叫左個西炒飯全走，都好香，不過我冇試)但如果叫佢轉, 佢又會倒左呢碟, 所以我唔想做大嘥鬼! 所以想喊還想喊，都係食左佢…喂! 又真係幾好食喎衰鬼，整芙蓉蛋飯係冇汁的，所以蛋要煎得好，絕對不能乾爭爭，你見呢碟飯，係冇賣相，但係其實佢將D蛋出邊就煎得脆，裡邊就仲有D蛋黃撈飯，再加少少豉油，絕對唔會乾爭爭，而且食法還比太陽蛋更香口，份量又夠，好滿足呀!呀仲有，唔好睇佢老細同店員兇神惡剎好麻甩咁，其實好好人架! 😀…查看更多

每逢假日週末都人滿為患，尖咀被遊客攻陷，旺角被街頭唱歌大媽騎劫，邊逛街邊閒聊在旺區基本上無可能，要享受這份時光，地點需要從長計議。就麗城花園啦！屬於住宅區所以商場在假日人流也不多，清靜悠閒！環境座位寬敞舒適又整潔，Background music唔係mk pop歌，係令人放鬆既Jazz。與友人都點了皇牌下午茶餐($43), 咖啡加兩蚊仲可以無限續杯！雖然是下午茶，但份量十足，有：雞扒蕃茄湯意，牛角包，松露炒蛋及咖啡。雞扒大大塊，湯底清淡，很奇怪點解有芽菜？唔通係傳說中既中西fusion?怪怪又淡淡的但還可以接受。牛角包中間已經切左一刀，可以夾炒蛋，好味！咖啡係即磨的☕️食物無咩大驚喜，但難得有間餐廳唔趕你走之餘仲可以俾你添飲咖啡慢慢坐，還有供兒童玩樂既corner! 大人們可以放心傾計唔驚小朋友悶親。享受了一個耳根清靜的下午，埋計果陣店員仲主動問係咪分開俾，完全唔會黑你面，眼尾仲望到有其他店員同d小朋友玩。係一份唔造作既親切感👍🏼…查看更多

「還記得街燈照出一面黃，還燃亮那份微溫的便當，剪影的你輪廓太好看」時值春夏交替，濕熱曖昧的天氣特別容易沈溺在回憶，那年大專時代最喜歡與男朋友放學後到處閒逛，有次走到紅磡某小街，聯記店面毫不起眼，但就是喜歡這種樸素，從此這店成為了愛吃辣的我們之首選。到了今天，已經分開了各自有伴侶，但這種天氣又喚起了記憶，再次去了聯記。好幾年沒有光顧了，環境檯櫈依舊，堂食都是用外賣盒盛著。點了酸辣粉，手拍青瓜，回鍋肉及大腸。酸辣粉湯底濃厚有面豉香，薯粉軟硬適中索滿湯汁。回鍋肉醃得入味，但略嫌肉質過硬。至於大腸外脆內軟，配合埋辣汁非常好味。最愛的手拍青瓜，入味爽脆，一解悶熱感菜式同酸辣粉都偏辣，建議怕辣的朋友走辣，但如果食川菜唔辣的話就無左果種風味，不如唔好食了。另外聯記每月會有幾日暫停營業，建議去之前打電話問下。菜色味道一如以往，反而變的是自己。…查看更多

每逢經過葵涌廣場，只要有時間，我都一定會幫襯呢間pancake店，原因有幾個： - 好味，足料 - 超抵食 - 店主店員的親善 - 我鍾意食pancake 唔經唔覺，已經幫襯了十年多，由最初在遊客區的地段，因為建築物重建而被迫結業，直至在葵涌廣場重遇，我感受到的是他們那一份熱誠，老闆多年來一直無間地親自製作pancake，沒有厭倦，見他們店經常排長龍，就知水準是得到保證和認同的！ (上圖攝於12年前)再者，香港甚麼都是潮流，新興的小食店很多開1,2年便結業或轉型，而這十多年也曾經有過不少同類型的pancake店，也好像沒有一間能維持這麼久，而且仍是主打pancake的! 店內有多款選擇，主要分為咸/甜、冷/熱，熱的餡料有吞拿魚，咸牛肉等選擇，非常足料好味和飽肚；而我通常選冷的當甜品吃，餡料主要是各款鮮果和雪糕Pancake ，"識食梗係食塊皮"，而冷和熱的餅皮各有特色，熱的會弄至卜卜脆，更香脆和飽肚；凍食的皮就軟屬彈牙，但也不失香味。他們很多時都會有限定新口味推出，但今次我就回歸原本，點了一件香蕉朱古力pancake，不過是熱的！ 即製嘅脆口餅皮，餡料如常份量充足，香蕉啱啱好，不會太生不會太熟，而朱古力醬更可選擇Nutella! 好~邪~惡~啊~價錢方面，只係$24，雖然沒有堂食，不能"食環境"，但相信外面要雙倍價錢才吃到這個質素呢!葵涌廣場是掃街好地方，可是今日不太肚餓，下次再掃 😀…查看更多

食咩好呀？呢句同「有野交未呀？」於返工時聽到既次數係相同的。如果價錢ok又款式多，真係唔介意日日lunch都食同一間。上次試左小菜，今次就試下生滾湯飯啦，連埋野飲(特別飲品要加錢)都係38蚊。Choose Life. Choose a job. Choose a career. Choose a family....每次面臨選擇腦中都會浮現迷幻列車既經典對白，而呢個生滾湯飯好唔好食，完全取決於如何選擇配搭。食過幾次之下，都有d攻略可以同大家分享：揀咩都好，加左西洋菜個湯一定會好甜！而今次既配搭係：西洋菜，魚皮餃，豆腐同雞，個湯真係無敵咁好味！大家不妨參考下呢個揀法…查看更多

日日出街食晏，有時已經諗唔到食咩好，今天我…決定食麥記! 講真，冇乜幾多間連鎖快餐店可以keep到咁穩定嘅水準，而又可以推陳出新，勁!今日我就試佢個新包包:餡料有蛋、生菜、炸雞塊和醬汁，名為“東京の夜”， 個名咁繁華璀璨呀，相信係因為以黑色的包喻意夜幕；而且採用了之前將軍漢堡那一款醬汁，所以充滿日本風味；至於雞，我便還未能參透何解，不過因為我向來少吃牛，所以很開心可以試到這個新款包呢!味道方面，如果是麥記粉絲，必定會吃得出這款包是由幾款合而為一的，包括麥香雞包的雞塊、芝士蛋漢堡的蛋，將軍漢堡的醬汁，再加上之前星戰系列的黑色麵包，但你以為是胡亂組合嗎? 那便太低估它啦，這的確是一個新的口味感覺! 推介呀!另外也點了薯條、香芋批和士多啤梨奶昔:由於是外賣，薯條拎到返公司都已經唔脆，始終都係堂食好味嘅對香芋批有點失望，因為數年前的味道比較真實，現在的味道好像假了一點，也甜了一點，不過如果不比較，這仍是一款能刺激味蕾的菜色而士多啤梨奶昔是我的情意結，即使聽人講，話粉紅色素是在乜乜蟲提煉，也改不了我對她的喜愛，好飲呀！(美中不足的是，原來中環店的這個餐會貴$2 )…查看更多

秋高氣爽，春光明媚，雖然季節形容不符，但今天的確就是這種感覺。當然要趁著好天氣結伴郊遊，由慈雲山-->沙田圍。到達終點走到覓食分岔路，右是領匯商場，左是熟食中心，平日都幫襯唔少大集團啦，有得揀當然揀小店吧。叢林不割下，如何建造繁華？這個年頭的餐廳都裝修得美輪美奐又富有特色，又工業風又偽懷舊...etc啦，食物又要想盡辦法博人影相上載，租金貴地方小搞到間格密麻，腳都伸唔直。出去食餐飯但求有位擺袋伸下腳已經好滿足，小小野都扯咁遠，因為好耐未試過出去食飯可以伸直隻腳，哈哈。點了一份炸雞髀薯條同檸檬茶share。薯條好淋，唔熱又唔脆，應該炸起放左一段時間；炸髀，當然都係凍晒，可幸層皮仲係脆，味道不過不失，檸茶既茶太濃。真係唔太好食，不過行完山可以舒舒服服咁坐下已經唔錯啦…查看更多

今年清明時節並沒雨紛紛，仲好好陽光，去完鑽石山拜山，就行落富山邨食野。 舊邨式設計的富山邨，有舊式士多，文具鋪，茶樓，最唔少得係呢間舊式茶餐廳，由門面裝修，餐牌以至食物，都係 "真.舊式"，一般扮懷舊嘅餐廳絕難媲美。 講返食物，老實講，都係一般茶記應有嘅，我都係是但叫個茶餐：叉燒公仔麵，跟雙蛋，方包，凍鴦少甜。 叉燒肥瘦適中，但顏色太鮮了，可能較多色素，麵ok，冇太淋，太陽雙蛋都ok (出邊食過唔少個蛋黄是熟透的, 好冇feel) D老人家講笑話 識食一定係先篤穿個黄啜，我都覺得真係正D 驚喜係件包好夠牛油，正呀喂！ (唔記得影相)凍鴦嘅茶啡比例適中，茶同啡本身都冇怪味(真係唔係必然㗎) 難得佢有舊式西餅賣，一定要整返件！"唔該，我要件...圓形有占(果醬) 喺面果件" (由細到大都唔知呢件野學名叫咩)椰絲味好香，唔會太甜，唯蛋糕唔夠軟屬，不過都未至於哽頸，食佢嘅風味都加晒分，老西餅萬歲！…查看更多

剝完牙無咩胃口，自動過濾了面及小菜餐牌。只點了一碗豬肝粥。對我來說，好味的豬肝粥要具備以下條件：豬肝大塊厚切，沒有苦味，軟稔適中、粥底不能過杰。而這碗粥符合了認為好食的條件，而且仲係生滾粥。只是粥底略為偏咸，以及太多芫茜(個人喜好) 三十蚊碗有這種質素算是滿意環境？只可以話食完唔會想坐多陣先走…查看更多

飯堂位於工業區附近，是上班族的食堂。於我來說，食餐飯最重要是平靚正。什麼啅頭包裝，很多時只是為了掩飾不足，言過其實，會導致失望。毫無特色的店面裝修，不算太清潔的環境，竟然有一種唏噓的感覺。始終晚上沒有了陽光，會覺得凍，所以點了一個煲仔菜，魚香茄子沙嗲肥牛，配有白飯及湯，不用五十元。新鮮滾熱，沙嗲汁夠味，總之一個煲仔菜應該有的優點都包括。而例湯當然是例牌味精湯。沒有期望入到去，卻意外地滿意，或者味道只是中上質素，但在返夜班的日子裡，有一個地方能食得滿意，是幸福的。…查看更多