tiffytaf的個人專頁

咁多間韓燒店，最中意都仍然係喜來稀肉。然後佢終於係登龍街出現登龍街新店好寬落，而且有𥦬開，唔會好似平時燒肉店咁焗促。不過都係食物最緊要！我同男朋友兩個人一共叫左五款肉，一個麵 同兩罐韓燒必飲果汁 最先黎到既當然係果汁，提子汁真係每次必點！重有粒粒果肉！好好彩地飲到最後一罐～～因為本叫左兩罐，另一罐已經變左桃汁。然後就是好大碟既燒牛舌 薄得黎又帶點爽脆，而且好快熟，岩哂好肚餓既我地肉已經有輕輕調味，所以唔洗點加醬都已經夠哂味！ 然後亦係每次必點 豬腩肉～～ 豬腩肉肥瘦均秤，但係美中不足之處就係每舊厚薄唔同，薄個啲就口感差啲喇～ 成晚最最最中意既係 真 · 雪花牛肉油花分佈均勻，做到入口有化既感覺～輕輕每邊十零秒就食得水冷麵亦係我每次必點～～ 又有啲碎冰，酸酸地既'湯底'。重點係麵超煙韌，好好咬 最後就係護心肉同喜來烤肉。護心肉［不是下圖］略嫌太厚，未熟就已經燶:( 喜來烤肉就比較係薄燒牛肉既感覺～幾香口，配飯很不錯～ 兩個人竟然可以食哂咁多野名副其實既肉宴！依舊係我韓式燒肉第一位 …查看更多

終於食左期待好耐既法國菜呀！老牌既西餐廳，員工都係叔叔級，而且對菜式非常了解，服務重好親切同大食朋友再次兩個人大戰四人份量因為每次都會眼闊肚窄叫完先發現有咁多hehe先黎既當然係麵包啦～暖暖地，配牛油又點會唔好食😂 所以我係食哂啦當然😂 前菜叫左三個，好彩份量都唔算太多。先黎既係 Pan Fried Foie Gras $98 ～ 成晚最失望既菜式真係依個:( 因為表面完全唔脆邊～雖然鵝肝味有，不過真係好普通。然後就係 Salt cod brandade $98 呢個超喜歡呀～ salt cod蓉，再加溫泉蛋。魚味夠香， 重有蛋汁令佢更滑溜，同薄麵包係絕配！最後一個前菜就係個樣好epic既 Bone Marrow$108 飲媽媽湯最中意就係食豬骨重有入面既精髓！今次係成條上上面重有田螺同香草～呢個罪惡感超重，因為每一口都係香濃既肥膏呀田螺就無乜特別，係呢度只是配角～～然後就係兩個法式湯，一個魚蓉湯 魚蓉味香濃，無骨碎，唔腥！值得一試～但洋蔥湯就真係唔太合我口味.....除左上面既芝士之外，我真係唔明呢種味道..🤔 接下來就係兩個主菜，先來的是巨型 Lobster Bouillabaisse $468 原隻龍蝦不突止，下面重有好多唔同既海鮮，好似魚同蜆～所以除左龍蝦之外，下面個汁/湯先係重點！忍唔住飲左好多 蝦肉多膏而且唔會過熟～啖啖肉好正～多汁之餘重好鮮添～呢個價錢真係抵食！最後就係 Onglet $268同樣有驚喜既主菜～中間肉嫩，肉味香。唔係超化既肉，脂肪唔多但係完全唔韌！比起好肥既肉，肉味濃，唔肥但又唔韌既，我更中意！最後最後既當然係甜品啦！同朋友叫左兩個比較light既，第一個係creme brulee$65，糖面略嫌太厚，但雲尼拿味超重，超多雲尼拿籽！而且都夠香滑！ 最後pear tart$65,味道清甜，但係就唔算好突出。再去既話會試第二款。 …查看更多

誤打誤撞找到 堅道 這間超小店：炸魚有三種，最平的$55，最貴的blue cod$75: 因為不夠現金，所以選了最便宜的 hoiki+ half scoop 薯條$15。等候時間不短，大概因為當時非繁忙時段，所有食物即叫即做！好可愛的包裝，將魚和薯條都用紙包起，這樣才不會將食物焗稔！先食薯條，很香脆的外層，裡面卻超軟，還帶回薯仔甜味。只下點鹽就夠好味！魚的份量其實亦很多！這份脆漿不過厚，而且食下去毫不油膩的確是給我很好的第一印象。魚厚身而且肉非常實在!魚味濃....正在驚訝之際，老闆開口：噢 我把你的魚換成 blue cod 了!天啊 老闆太好了!!!小店沒有座位，只有企位唷！所以還是建議外賣。一 定 會 回 頭 的 因 為 真 的 很 不 錯！…查看更多

其實我經常食宵夜，但係好多時選擇都唔係好多，多數都係大排檔個類。不過最近就發左呢間開24/7既burger！今日同男朋友黎到咁岩佢地又做緊和牛sliders既promotion，就有兩個迷你和牛漢試下！ 和牛既肉又真係唔同啲！肉質軟稔重好多肉汁！加埋青瓜既清新，解左芝士既膩，味道真係配合得幾好。等左一陣milkshakes先上，叫左一杯strawberry milkshake一杯cookies&cream兩杯其實flavours都唔假 不過cookies我自己覺得crumbs可以粗粒啲， 食到crumbs就更滿喇。而士多啤梨味唔會有藥水味，而且味道夠香，我自己就中意士多啤梨味啲 而burgers 我地就揀左兩個cheeseburger 不過一個double一個single 建議女仔真係唔好挑戰double haha因為真係好大份 兩個burger既patties既生熟程度都做到medium不過就比較乾身。始終試完和牛 依啲patties既質素真係食落會唔同啲 hahaha 單層睇落係無咩料到 不過食落都好勁嫁 因為芝士同醬汁都多 難免會膩，所以我自己就覺得單層岩岩好！除左兩個包 重叫左sweet potato fries。比普通薯條無咁脆，但蕃薯味香甜又真係令人好中意 真係一個夜媽媽想食burger既好去處 …查看更多

呢幾日凍凍地，想食番啲圍住個爐既野 又唔想食韓燒 就揀左日式燒肉和匠。同韓式燒肉相比，日式燒肉少左啲gimmick 野，俾人既感覺係較注重食材，而和匠亦都真係提供到高質食材。我同朋友就叫左個沙律做前菜 始終食燒肉會比較油膩 都係食番啲菜打底好啲 沙律汁清新，配新鮮蕃茄確係幾開胃！沙律菜亦無出現我最驚既苦味！不錯的開始 另外重叫左芥辣八爪魚！不過個人覺得芥末味唔夠重，可能係我太重口味.... 前菜之中我最中意就係 雞泡魚乾！甜甜地 又香 加埋個醬 好好食！ 然後生料就好快上喇。先黎既美國牛小排油脂分佈平均 一睇就睇得會好化！ 係格網上面燒既紋真係好靚輕輕兩邊都燒廿秒到就食得喇！牛味濃，最緊要係油脂香充斥口腔！ 然後豚腩肉充黎喇！超薄切既豬肉片 已經有啲鹽係上面。肉質軟稔，不過點解我食到午餐肉味既haha 食左一輪肉就到比較難處理既鰻魚。因為易燶既關係 成日都覺得會燒得唔好，好彩店員樂意幫忙。 燒得好既鰻魚真係超好食 肉夠多汁之餘 皮又勁香脆中意！ 最後一款生料就係我超級期待既緬甸虎蝦😱因為佢真係超超超巨型呀！ 燒個陣好擔心佢唔夠熟 但又驚燒得耐 啲肉老哂唔好食，所以最好都係問下店員應該燒幾耐。 燒完側邊又燒下背面～到我地見到都離哂殻就決定開始喇！一夾起就見到原來連背面都有膏嫁！ 蝦肉鮮甜，重點超多膏 食到想流眼淚～～連蝦頭都要食埋 因為真係超甜！ 食完咁多肉就以一個冷烏冬作結。不得不提既係 烏冬極煙韌，食得出係靚貨。我同朋友本身飽飽地 但因為烏冬質素奇高 所以都清哂成碟！日式燒肉呢間的確不錯，可以再戰 …查看更多

突然想食扒 所以就同朋友黎左依間美式扒房 環境極暗 好有情調 當日都見到好多情侶係度食飯 但係浪漫氣氛就爭啲喇 因為都幾嘈Dinner set items唔係好多，我地就叫左一個set加一個散叫pasta! set包埋前菜同甜品先黎既係parma ham asparagus truffle salad. truffle味道香 配鮮嫩露荀好夾 而且溫泉蛋生熟岩岩好！平時成日覺得parma ham太咸既我今次都覺得今次既配搭唔錯！食完前菜黎既係兩杯milk shake!個樣真係勁吸引！ 前面既係 nuts 'bout tella - nutella, 後面就係 salted caramel! 但係兩杯飲品既味道就有啲失色喇。雖然個樣好睇得，但係nutella既味道弱，而且有啲太稀。salted caramel反而不錯 只係咸味有啲太重。之後黎既就係牛扒 16oz rib eye！ 超巨型呀 好彩同朋友無一人一塊扒，如果唔係一定食唔哂。一切就知牛扒肉質軟熟，而且真係做到medium rare! 牛味濃！適合愛牛既朋友。而一邊既薯蓉都唔可以睇少 因為極香滑～～調味亦岩岩好 驚喜之一！差唔多食完牛扒之際，squid ink clam pasta就黎喇～ pasta煮得岩岩好，而蜆都非常新鮮。不過食到個口黑哂hahaha最後當然要食個甜品啦 dinner set包埋既pana cotta & choc soup 但同樣地 令做有啲失望～pana cotta質地好硬，完全做唔到滑溜既感覺。重要奶味欠奉....呢度甜食真係一般。但主食很不錯! …查看更多

呢間餐廳雖然主打食蠔，但就比起出面食蠔既地方casual好多。一坐低，店員就開始介紹店內主打，亦依我同朋友既口味揀左啲蠔同一枝rose 先黎既當然係rose啦 味道輕輕帶點甜，但酒味都頗濃。兩個人飲一枝有啲多😂不過粉紅色又真係好靚！ 然後黎既就係蠔 我地一共叫左三款：Orsta' or, Pousse, Magnifica. 三款都唔錯 我當日最中意就係Pousse😋 個日食最鮮甜就係佢！ 食完蠔就食左兩個appetiser 第一個係 parma ham and melon salad 足料同大份既 不過parma ham太咸 好彩哈蜜瓜夠大塊 可以平衡番個咸味另一個頭盤就係 Pan fried goose licer其實姐係foie gras...應該係 一拎想黎覺得好開心嫁 因為勁香 不過一切開發現過熟即刻失色唔少。而主菜我地叫左兩個，先黎既係羊架 顏色對版一切開有肉汁！唔會太騷 而且肉質夠稔～不過四舊羊既大細切得一舊厚一舊薄...可以做得好啲既位。最後既就係大蝦天使麵:( 好失望既一道菜 天使麵極乾 以為自己食緊生麵王......大蝦亦過熟好失望調味其實係不錯的 最後以雪葩作結，不錯的 不過係同其他餐廳既差唔多..🤔…查看更多

Ocio曾經旺極一時 開左好多分店，雖然依家得番一間，但水準好似維持得更好唷！一坐低，靚女店員就拎水同menu俾我地可能因為唔係繁忙時間去，服務真係好好。我同朋友兩個就叫左一個 漢 堡 窩 夫 份量好大 兩個人食真係岩岩好！首先要講既係 薯條超香脆 一食就知新鮮炸起!!漢堡窩夫超厚 個人認為兩舊蕃茄真係有啲多重要兩舊都超厚切 所以我地將其中一舊分開食左如果唔係應該擺唔到佢入口... 漢堡扒有肉汁而且生熟控制得好 又唔會好散！但係留意 窩夫係斑蘭味..... 食落嚇一嚇 因為甜味頗重 而且重帶椰香味 （斑蘭黎講做得唔錯😂）但係配漢堡扒確實有啲格格不入。雖然漢堡扒同其他配料不俗，但窩夫不搭 扣左啲分！然後黎既就係雪山熱香餅～外表對版，而且好軟身！一食落去確係有梳乎里感覺，但食食下食到麵粉既味道同口感..亦有點失色。 但係一旁既店家自製雲尼拿雪糕係一個驚喜！超香雲尼拿味而且好滑 唔會食到有空氣～最後因為頭先既薯條令人印象深刻 決定叫多個芝士薯條！ 店員送上既時候 有細心提醒岩岩焗起 隻碟好熱要小心 :)芝士份量大方，但就因為焗左令薯條無左原本既香脆。不過兩款薯條其實都好唔錯。 …查看更多

終於終於終於食到爽腩喇！！說不出的爽呀真係!星期六,一點零入到去，人龍不算太長都係等左大概廿分鐘。等既時候非常擔心會賣哂爽腩好好彩入到去叫到最後一份淨爽！！重每人叫左一個牛面珠粉～牛面珠唔肥，但肉質軟稔個人覺得比起普通牛腩好食d!然後爽腩就黎到！！一望就知真係唔同d成碗都係膠質重既腩！個種口感真係普通牛腩完全無得比！好似食緊一層骨膠原又有少少似豬手皮，但係又無咁稔真係好食到唔捨得食哂 群記另一重點就係個牛骨湯三個碗都飲到一滴都無！…查看更多

越開越多cafes，終於開到西營盤！經過一條長長既斜坡，就見到招牌同窄窄既門口小店有兩層，地下位置較少，只係得幾個靠玻璃既吧檯位同咖啡吧我order左一個croissant set 同一杯flat white就上左樓上等～上面其實位置都唔係好多，大概有10零個而擺設同裝修都好靚！店入面有唔少咖啡用品既裝飾先黎既係flat white, 味道較淡，有少少被奶蓋過而且奶打得唔夠滑coffee wise 係有d失望不過食物有驚喜！有咸有甜，兩款都係驚喜的好味牛角包酥脆非常 一咬落去咔嚓咔嚓！！配埋上面的汁 － 咸味 - honey mustard 甜 - custard牛油味同醬汁味道好夾配菜都唔馬虎～個菇菇一切落去爆哂汁好juicy，煙肉唔會太乾 而且唔會太咸 很不錯 ＾＿＾cafe 有自然光 舒適非常有插頭 有wifii 有toilet適合摺一天～…查看更多

之前見到好多人食蟹膏蟹蓋，終於約到朋友一齊試下上到去見到位置唔多，而且都幾迫~ 同隔離枱坐得好近先來既係前菜 其實只係菜加薯片碎 係幾有趣既做法而且因為店內人手不足，等候時間不短，所以係等既時間都差不多食哂 haha然後黎既係沖繩風沙律上面滿佈沖繩特產 海葡萄串＆苦瓜片睇落好對版！海葡萄既味道其實無乜，但口感有趣，脆卜卜而苦瓜片爽脆，苦中又帶甘甜其實餘下既魚生片都只屬配角，又因為等下一道菜既時間比較長，所以我同朋友又完成左成碟 hahaaa食哂之後就黎左蒜片厚切牛舌  每次食飯必點項目～～牛味夠香 而且肥美 配埋蒜香味輕易完成一碟！接下來係成條上既赤睦刺身魚味唔算濃 不過燒香左既皮實在令魚肉加分非常！個種火炙味確實令人非常回味！另一重點係我地食完條魚之後，師傅幫我地炸番條骨！炸到非常酥脆～我就食唔停 hahaha 不過食個陣真係要小心d因為朋友就俾d骨𠝹損左個咀 :S接落黎就係重頭戲！味噌蟹甲羅燒～侍應先將放滿蟹肉同蟹膏既蟹蓋放係爐上面，然後加入鵪鶉蛋同蔥花，不斷絆勻。最後加埋麵包糠～蟹味濃郁而且有蟹肉絲，每一啖都好滿足！ 食完其實已經半飽hahaha不過當然要食埋燒海鮮啦我地就叫左 白鱔＆魷魚＆蜆新鮮既燒海鮮其實一定好好味睇住d蜆開口 重有濃濃海水味白鱔唔lar脷～而且加埋鰻魚汁就好正！魷魚係驚喜之作因為燒既時間岩岩好超軟熟重好有鮮味！最後既甜品～柚子雪葩擺係柚子入面好的骰奶味頗重，不過無蓋過柚子味而且夠冰，減膩很不錯～～**** 燒既process 全部由店員進行，所以食得舒服燒既時間亦岩岩好～～ …查看更多

平時出去食和牛燒肉總係要就住就住一個唔小心就食到over budget見到依間和牛任食就孖埋個foodie friend 一齊試下任食套餐包左餐前salad, 三款刺身 但就只得一份 無得再叫～不過重點都係任食肉姐～～呢個餐係有 沖繩A4/A5和牛，沖繩豬肉,雞肉,香腸 同埋蔬菜白飯 任食。雖然我地只係兩個人，但係份量一d都唔細！先黎當然要試下d牛肉啦見到色澤有唔同，店員都解釋每碟肉都有三款不同部位。不過碟碟都唔同，因為係由師傅決定！任食黎講，質素真係不錯！肉質夠軟，同宮崎和牛比脂肪較少，無個種脂肪溶化既感覺。不過同時亦無咁易膩，戰鬥力都高d! 而且牛肉味都頗香，簡簡單單加埋沖繩特產雪鹽已經好夠味！食完牛肉，就開始進攻其他肉類。豬肉都夠肥，燒完之後脂肪幾香，不過肉質唔夠軟，相對牛肉就失色得多。雞肉都一樣，食落有d乾。可能因為脂肪較少，始終肉都係肥d 香口d最後既沖繩香腸就有三種不同口味，分別係苦瓜，辣味同原味。苦瓜味係食到最後有輕微回甘，而辣味係比原味香口。我同朋友一致認為牛肉質素最高，建議去試既朋友都係專注食牛肉。…查看更多

最近常在社交網站看到一個個滿滿的海膽杯，終於有機會入元朗會一會呢隻杯！今次同朋友食既都係 OMAKASE好好彩有得坐吧，全程望住師傅表演！前菜有三款，而最impressive既就係呢個黑松露茶碗蒸超滑溜的蛋，加上每一啖都係滿滿既松露味，前菜已經令人好滿足～～接落黎就食左深海池魚，白子，帆立貝係睇住師傅預備白子既時候，我已經非常驚訝 hahaha因為真係第一次見 first impression係點解咁似腦白子係咩？其實係魚類既精巢聽到依度 真係疾一疾 不過個個都話好好食又好補身，所以當然就要試下！係滑嘟嘟既口感，鮮味非常profound接受到生蠔既朋友應該都會幾中意的 可以一試唷！帆立背亦令人印象深刻！並非得個稔字而係爽嫩既口感，連平時對帆立背無咩好感既我都好中意！黎到中段，師傅拎左一大舊拖羅出黎，即場表演分拆不同部位既拖羅又係第一次見到咁多種既部位既吞拿魚亦食到脂肪最少同最多既部位脂肪最多既淺粉紅色，真係入口即化！油香充斥口腔～只係輕輕沾點鹽已經好好食重有中拖羅～～輕輕燒一燒，令油香更重，入口即溶加埋芝麻既香氣，又係令人印象深刻既味道！鮑魚亦係另一亮點！師傅預備既鮑魚肝汁，味道非常濃郁但完全沒有苦味一層層分明既鮑魚掛汁強質地軟熟，鮮味非常！而另外比較深刻既就係海老因為平時我極怕食呢隻蝦，總係覺得好乾無味，點知食落完全係相反！不但完全無乾既感覺，重好多汁添！壓軸既就係我期待左一晚既海膽杯！！見到老闆準備個陣已經係一個享受～一層一層既海膽疊上去海膽非常鮮甜，而且份量真係好大方！簡直令人唔捨得吞！食個陣好似食雪糕咁，入口就化開既鮮甜！不可不試～最後以日本蜜瓜作結，係上桌之前，師傅噴上whiskey輕輕的酒香，令香甜蜜瓜的味道更突出！以上只係當晚令我印象最深刻既部分食物～～總括而言 真係好impressive既omakase! 而且師傅好樂意耐心解釋每種食物的特點雖然一路食一路聽，好多都唔記得 …查看更多

鐵板燒因為食物大多都係簡單燒一燒，所以食材好重要上個禮拜就同朋友試左一間好滿意既。每樣食物都係一串起兩串止，好似好少咁，所以同朋友就理所當然地眼闊肚窄.....先黎既係比較輕量既鮑魚＆燒明太子。明太子是朋友最愛，可是個人認為就咁食真係有d太咸不過係好香口，明太子愛好者就話好中意 haha南非鮑魚剛剛熟，肉質保持夠軟，而且一咬真係有汁，鮮味十足！切成薄片，很方便。然後來的就是免治雞肉棒，裡面連同雞肉還有點軟骨有點脆脆的口感，還有肉汁點一大個蛋黃的醬汁，味道很豐富～燒雞翼個人覺得味道比較普通，而且有點乾，所以不推介唷這個是讓人驚喜的野菜！！首先很欣賞洋蔥燒得夠時間，不會有好辣好生既感覺，淨低既係甜甜既洋蔥味而隔離既燒蕃薯同南瓜質地軟糯，非常討喜～翠肉瓜水份保留得好好一咬係爆哂汁!然後因為我好中意食魚，當然都有叫啦紫蘇葉'喜'魚，紫蘇味好香，不過魚既質地偏實，不是行嫩滑路線隔離既燒鰻魚望落好乾，同朋友都以為伏伏地，不過食落超驚喜！！個皮超脆，不過入面既肉又keep到好滑!!泡菜炒豚肉料非常足，豚肉肥肥的，油香足，辣辣地食番d菜感覺無咁膩然後重頭戲就黎喇！黎個一下我同朋友都呆左因為鵝肝煎得非常金黃忍唔住哇左出聲一拎上手發現兩件都超有份量一咬落去發現超脆口但入面又好嫩鵝肝味係充斥成個口腔真係香到唔捨得吞！其實食到呢到我同朋友已經飽到訓不過咁中意食牛舌既我當然就有嗌啦再次係想不到既足料！有成十幾舊牛舌，重點：非考刀工既薄切牛舌重點二：非cheapcheap無牛味既牛舌係好重油香既靚牛舌！！所以雖然口話好飽，我同朋友都成功食哂！最後以菠蘿雪糕作結！朋友揀左芝麻兩個都好 不過實在是菠蘿較香，而且重有果肉！完美既句號！食左咁多＆食材質素高，我同朋友都覺得好抵！新張期內重有85折！…查看更多

係中環唔想食cafe唔想食麵，想食啖飯，朋友就介紹左呢度！叫左個滑蛋叉燒飯 睇到都知超嫩滑蛋同飯比例岩岩好 每一啖都可以有蛋又有飯叉燒唔肥，但完全唔柴重點係超級無敵咁多蔥令到個飯超香口！碟頭夠大 餵得飽我中環食個晏 $36 絕對超值！…查看更多