James McKay的個人專頁

 在太子，旺角鬧市中，要找一間茶記食早餐，當然很多選擇。但要找到一間有特色，有主題，有懷舊風格既而又抵食既茶餐廳就不簡單。呢間茶餐廳裝飾保留了上一手既香冮情懷風格。既然處身於有香港特色餐廳，我當然叫了香港最代表性既早餐🥣 沙爹牛肉麵，腸仔炒蛋，配熱咖啡。(因為奶茶之前試過）。食沙爹牛肉麵，除左牛肉，當然個麵質是尤其重要。這個麵質爽，牛肉不太咸，就係做到剛柔並中。炒蛋嫩滑。想不到咖啡也很香濃 。 這個早餐價錢S38, 食物價格同鄰近其他茶記相若。但卻配上傳統公雞碗，加上「掂個碌庶」既裝修。絕對是可享受食物之餘，也是打咭好地方😃。而且價錢跟比其他茶記經濟。在一日繁忙工作之未開始之前，可以在這環境中鬆一鬆，食個豐富早餐，確實為這日充沛不少力量。 還有這間茶記伙記也很健談。更不會像其他茶記，想你盡快離開。在我光顧時也發生了一段小插曲，我目睹一位雙目失明女士進來，他們伙記立即扶助及帶她到餐枱，雖然看似他們認識客人，這裡伙記都很主動協助客人.，感覺這間餐廳員工非常窩心❤️。…查看更多

秋風起，羊🐑腩肥。自然令人聯想起一個暖笠笠又窩心既羊腩煲！但要品嘗到米芝連級數羊腩煲，一般都要光顧一些小店，都是坐得擠擠擁擁的，要找到一個環境舒適地方去享受羊腩煲確實並不容易。尋尋覓覓，終於找到這間不一樣的餐館。這餐館環境舒適優雅，而且面對著九龍夜景，環境已經可說是大贏家，這次令我對食羊腩煲會有全新體驗。這晚餐廳客人不多，待應給了一張我們可以望到海景位罝餐枱。坐低不久，很快便送上美味前菜。當主角羊腩煲出場，一看已感到色香味俱全，湯底色澤鮮明，已急不及待想掃光。羊腩肉不會很「蘇」，皮爽肉腍，肉質堅硬程度剛好。配上高質素幼身烏冬。絕對比其他米芝蓮餐館有過之而無不及。最令我感到喜悅是餐廳的親切服務，用膳時，發生了一些小插曲，我們沒有為意把火開得過大，煲底開始有少少燒焦時，我們還未察覺😂，待應已主動幫我們更換湯底，調較到適中火，最感到驚喜，行政大厨也出來向我們介紹自己，還親自幫我們整理好湯底，釋心地解釋羊腩煲注意地方，非常專業。真正吃到一個窩心羊腩煲。這裡不單只有米芝蓮菜色，也有米芝蓮環境和服務。如果想吃高質素羊腩煲，又想坐得舒適。這餐廳就是一個肯定的答案。…查看更多

今個星期六很忙，到2點30先有時間開餐。見到UCC下午茶餐牌大大隻字寫住$58 。見到有rissotto,有意粉跟咖啡，賣相不錯。就係咁入左去試下。坐低先知，原來出面個牌有個好細既「起」字。又俾個架遮住左。只有一個夾餅餐係$58.其他都餐都要$78.但 既然坐低左，咁就食個好少少既下午茶。 我地坐低叫左兩個我至愛既risottos餐， 食物嚟到就明白咩叫做「圖片只供參考」。我以為自己去左間茶餐廳，食緊白汁雞皇燴飯。賣相差都算，食落去淋到好似食BB爛飯仔。味道仲要好奇怪。講真有啲難放入口裡面。雖然待應服務是不錯，他也願意換另外一個餐。我們不想浪費食物，只是換了一個。但換來都只係一碟快餐店既餐茄汁意粉。我寧願去茶餐廳食焗海鮮意粉仲好味。真係唔知幾時UCC質素變成咁。…查看更多

上星期四和朋友到就裡午善。雖然不是第一次光顧。但今次實在感覺愉快。雖然餐廳看似小本經營，但卻有酒店級素服務和食物。我們落單時候，其實有些混亂，三心兩意。但待應真非常有耐性。我們最終叫了3份羊柳，1份魚。但待應也許誤會了。他給了我們兩份魚和羊。我本來也想算了，以免浪費食物。但那位待應說不緊要，還立即說幫我更換。意外的是，他怕我要等待，送了一客餐湯給我，表示歉意。食物質素相當不錯。除了魚肉較粗糙外和咖啡一般之外，需有代改進。其他前菜和主菜到達酒店級水準當我埋單時，也發覺這待應只收了兩份魚和兩份羊價錢。其實羊柳是貴一點。當然我也補償了差價。所以別看那小店，他們的服務和酒店可以不相伯仲，值得讚賞。…查看更多

依家想找到一間酒吧有大電視睇直播英超實在不容易。即市有大電視，地方也比較狹窄。最後，我終於找到了這間酒吧餐廳。地方寬敞。更有一個我相信超過150",高清投射大電視。我可以說全港最優質睇球賽直播既餐廳。這裡9點前有happy hour ,樽裝酒買一送一。大概（$48～$52）平均都係二十幾蚊一枝。我們叫了一些小食，韓國烤雞，還每人叫了一份梳乎里，可以話係酒吧signature dish. 比起高級餐廳或酒店，份量更多，更好味。軟綿綿，放入雪糕，入口即容。我去過不少高級餐廳吃梳乎厘，好食程度都不及這個酒吧。真的必食之選。餐廳睇波有最低消費每位$150，但環境舒適和高質素食物，還有大電視睇直播賽事，很舒服，物超所值，以後睇波，終於可以睇得痛快。…查看更多

星期六經過HMV𣄃監店，實在令我嘆為觀止！裡面不單是購物地方，還有酒吧和餐廳，設計時尚之餘還帶著香港色彩。我和家人先到了餐廳醫肚。餐廳地方很寛躺，一邊是餐廳，還有一邊是bar, Happy Hour 最佳之選。酒吧還安裝了一個由幾十個大電視組成既大電視，睇足球啱哂。不過營業時間只到12點入到餐廳裡面，服務員態度親切，食物種類也很多，不要以為有bar餐廳就只適合成人，呢間餐廳也為兒童花了不小心思。兒童餐不但有小禮物，有雪糕和飲品，下午時間還有綿花糖，爆谷和扭氣球派發給小朋友。食物方面，我叫了啤酒fish & chips(唔係好記得全名), egg Benedict, 叫了兩份兒童餐，分別係pasta 和mini burger。 飲品叫了 strawberry smoothie 和ice cappuccino 。除左Benedict我覺得 酸左少少，其他食物都很有水準。食飽後到了樓上店舖行下，除了有電影音樂媒體售賣，還有很多電影有關玩具和figures.不過一般都偏貴。 但有一場來到，點都要支下既。仲可以同Batman, superman iron man 既figure 影相我覺得HMV很有創意，係香港只經營影碟生意非常困難，HMV能想出開餐廳去彌補開支。香港實在好少呢啲咁大型，咁有創意餐廳，我其實極力推介給朋友。我看到星期六光顧既人也不多，大家應該支持下。否則，很快又一間好餐廳因租金昂貴而結業。…查看更多

星期五晚要揾食實在不易。於是你去感MegaBox行個圈。經過studio city bar and cafe見唔駛等位， 得幾張枱有人，見又好耐無去過，想重臨舊地，可能有一翻新景象。這裡環境清靜，入到去好有美國色彩。一行兩人，叫了一個cheese burger(HK$98) 和一個 chicken burger ($108) 意外地竟然這裡有frozen beer ($68). 叫左一個Passion fruit 口味。 可能無咩人，食物和飲品好快就到，兩個burger 都好juicy, frozen beer 又有水準。其實星期五唔想同人爭，又唔想等位，呢間餐廳會係一個臨急抱彿腳既最佳選擇。大班人又得，兩個靜靜地又得。價錢也很合理！好既餐廳，一定要支持下…查看更多

今朝一早起身，諗住食個靚早餐醒下神然後先返工。路過灣仔呢間冰室，見到好多名人都慕名而來，當然要一試啦。當我入到去之後還未坐好，更加未有時間了解下個餐牌有乜食，個伙記已經即刻揸住支筆，企係我隔離，問我食乜，顯得不耐煩，想第一時間同我落單。(不過我見佢同啲熟客就好友善）我連忙叫左個雞扒炒蛋麵跟一杯熱奶茶既餐。唔似一般冰室或者茶餐廳既set咁多款式，但心諗廿幾蚊個早餐，又有名人讚好既餐廳，會差得去邊。食物一到，我心知不妙係我面前既係一塊只得大家樂一半份量既炒蛋和雞扒（雞皮就好大塊但無乜肉，好神奇），雞扒浸到濕哂，份炒蛋又有黑色「燶燶」地，又好「嚡霎霎」（如圖）。但又諗起，廿幾蚊，有個麵，又有杯野飲，都算係咁啦。。但當我一見到個好似未熟既公仔麵，啲麵白到好鬼膠既時候。那一刻，我真係無咩意欲想試。當然如我所料，非常難食，個湯底完全無未。個麵完全係有啲生既感覺。之於杯奶茶。。。我更加唔識形容係咩味。個份雞扒，炒蛋質地好奇怪，其實難食到我有啲想嘔，但我都可以豁出去。但一間冰室，連最基本既公仔麵和奶茶都可以咁難入口。我真的無法接受。我見咁多人讚，一定差極又個「譜」，但食完覺得差到無譜。但我只評論早餐既質素，可能午餐和晚餐係唔同。但我真係感到非常失望！…查看更多