珊° ▨ 〒﹏〒 ▧的個人專頁

上星期去食叫左兩碗野，首先落單已落錯，要河粉黎左麵。加豬手，但廚房岀漏。改完之後，侍應阿姐態度麻麻地，咦咦哦哦話唔關自己事，咁我做顧客，唔通個粉麵有問題仲要同你搵返落單阿姐對話咩，加上其實我都冇怪責成份，十分平靜咁叫佢幫我跟進。但阿姐態度反而令我不滿，好似係我嘅錯咁！咁你廚房岀漏豬手唔通我入埋廚房講咩！另外，舖內有一位沒穿制服但幫忙抹枱的女士，我唔知佢咩人，懷疑是老闆娘。眼神陰深，動作怪異，令人不安。。。雖然店裡的人有問題，但我覺得佢嘅食物質素係Ok嘅。如果唔怕落錯單，岀漏單，可以去試下嘅，我就覺得食得唔係幾暢快囉。…查看更多

放工後到尖沙咀取網購貨物，經過這間不算新開，但每次經過都有人幫襯既外賣日式魚餅店，今次決定幫襯一下在玻璃窗外研究了一陣，有買二送一優惠，要左北海道帶子魚肉串，明太子醬小丸魚餅，流心蛋魚餅。老老實實，幾種魚餅個味道其實冇乜分別最有特色係有流心蛋魚餅入面隻蛋。其他係食唔出帶子，明太子什麼的......雖然味道普通，但店舖位於尖沙咀逛街旺地，相信吸引不少遊客來買小食醫醫肚。值得一贊，係店員會主動問要否加熱…查看更多

晚上約左朋友在觀塘做facial，放工後先在APM先打底。網上見到有人介紹呢間以茶為題既店舖，店舖位置不多，只有數個卡位同埋一條長台，以自助形色買食物。雖然朋友身體不適，所以未能品嘗頗多人介紹的綠茶甜品。不過我地試左都幾多人介紹既茶漬飯。鰻魚茶漬飯 - 分量不算多，以女生來說八成飽（平日食茶記碟頭飯會食剩1/3）鰻魚味道幾好，茶湯夠熱，味道頗佳。明太子茶漬飯 - 分量同樣不算大，但明太子俾得幾大方，朋友食得滿足。可惜加左湯既明太子飯食食下有d咸。另外每人+＄6要左杯熱煎茶，味道正常。整體食物質素不錯，只係分量較少。下次會試埋甜品同埋Green tea latte另外值得一贊座位旁附有叉電位，方便大家hea一陣...…查看更多

今日兩個飯腳都放假，一個人黎到呢間以豬潤作主打的小店食lunch。中午十二點來到，人流不多，只有兩三個人，環境清靜。第一次來到當然試試呢度既豬潤啦，所以叫左個豬潤鮮牛肉蕃茄薯仔湯米粉 （＄42）+ 熱咖啡 （＄5）。落單後食物好快黎到，賣相吸引。豬潤口感好滑，唔鞋，略嫌牛肉俾得太少。蕃茄湯底酸左少少，可以淡味返少少。咖啡不過不失啦，普通茶餐廳質素。總括黎講，食物味道都唔錯，店員十分友善。下次多D人，可以試埋小食，例如豬潤包。…查看更多

今朝去左呢度叫左一個豬柳蛋通粉早餐。排隊不算多人，大概有３－４人。不過，比左錢等左成一至兩個字才整好食物。:(失望的是，碗粉不是熱辣辣，只是暖暖。可幸的是，味道正常。另外薯餅和熱ＣＯＦＦＥＥ也是ＯＫ的。…查看更多

多次來到澳門，都沒有試過坊間很多好評的【潘榮記】買金錢餅。二點幾，不算多人排隊，大概有十多個人吧。伯伯好快手整一塊塊熱辣辣的金錢餅。反而負責袋餅的呀姐手腳好似有點慢慢的。似乎有點故意慢慢來，讓多ｄ人排隊造下勢。最少買十蚊，都有幾多塊。可能期望過高，金錢餅味道食落唔算特別，有淡淡的蛋味，甜甜地，餅身比較厚，所以唔係鬆化，脆身的感覺。個人認為鉅記的金錢餅比較好食。話雖如此，人手新鮮製造的金錢餅已經不太多。見伯伯一邊整餅神情輕鬆自在的，也可感受得到伯伯對整餅那種享受的心情，是值得欣賞的文化。願伯伯身體健康，下次再來澳門一定會再幫襯的。…查看更多

一落船。因為酒店未夠鐘ｃｈｅｃｋ　ｉｎ所以食少少野先。下午二時多，店內不算多人，不用等位。記得呀ｓｏ介紹這裡的魚角好味，所以要了一碗【淨魚角】。因為店內沒有寫單的習慣，結果漏了單。等了十多分鐘，終於送上。一碗有六隻的魚角。外皮用魚肉製，質地煙韌。內裡的魚肉也十分鮮味，不會過鹹。味道不錯，值得試試。在回程前，我還再經過買一盒魚角回港做手信呢。…查看更多