starrychow的個人專頁

牛角新推出嘅晚市套餐，以$158嘅親民價起跳，多款燒肉套餐可供選擇😍😍😍 每款定食已包含前菜、沙律及昆布湯。基本套餐已經包含豐富嘅肉類選擇，最令人驚喜嘅係，只$3、$5、$9、$15等超值價，即可加配單點美食，無論係豬、牛、雞、鰻魚定海鮮，應有盡有，大大提升咗套餐嘅豐富度同吸引力。免費無限追加嘅牛角飯同飲品亦係一大亮點。牛角飯相信大家都唔陌生，超好味😆 而無限暢飲更有汽水、梳打水、蘋果汁、橙汁、烏龍茶、柚子蜜、茉莉花茶等，真係令人大呼過癮！…查看更多

有日下午同屋企人去咗沙田星海薈飲茶，原來餐廳係大眾點評2024商圈嘅人氣好店。入到去環境唔錯，坐得舒適。 首先蜜汁叉燒份量多，肥瘦均勻，肉質鬆軟。乳鴿皮脆肉嫩 , 十分JUICY。 呢度點心手工製作 ，真材實料。鮮蝦餃皮薄餡靚，蝦肉爽口彈牙，蟹籽燒賣皇上面鋪滿咗卜卜脆嘅蟹籽，口感豐富，味道鮮美。 薑蔥牛柏葉處理得乾淨，冇一絲異味，牛柏葉爽脆可口，薑蔥嘅香味濃郁。懷舊棉花雞嘅雞肉嫩滑。 最後，安格斯牛肉腸粉，腸粉皮滑溜，安格斯牛肉嫩滑、牛肉味香濃，真係好滿足！ 呢間餐廳環境舒適，絕對係一間值得推薦嘅人氣好店！ …查看更多

呢個兩道菜嘅午市套餐$168，有頭盤及主菜。頭盤方面，我哋一個揀咗凱撒沙律、一個揀咗田雞腿。沙律有羅馬生菜、半熟蛋、煙肉粒、鯷魚、麵包粒、巴馬臣芝士同埋凱撒沙律醬。田雞腿啖啖肉，有香草味仲配有薯蓉。主菜方面揀咗慢煮雞胸同埋西冷牛扒。慢煮雞胸係呢度嘅signature ，真係有驚喜。雞胸幾嫩滑，慢煮嘅方法可以鎖住肉汁。另外，西冷牛扒就揀咗5成熟。肉香濃郁，味道唔錯！配有薯仔及椰菜花。餐廳幾特別，望出去窗口可以望到海。…查看更多

尖沙咀呢間粵菜可以望到海景，下午有精緻點心！首先，叫咗舟山海蜇頭配柚子醋作為前菜，清爽開胃。海蜇頭爽脆，柚子醋酸甜，可以提升食慾。水晶蝦餃皮薄餡靚，蝦肉爽口。魚籽燒賣喺傳統燒賣嘅基礎上加入咗魚籽，提升咗口感同鮮味。而黑金和牛酥聽個名就覺得好矜貴，和牛嘅油脂香味加上酥皮嘅鬆脆口感，好特別。另外炸海膽雲吞，雲吞入面係蝦，再有海膽汁可以淋上雲吞面，係一道比較創新嘅點心。金網鵝肝蝦卷，鵝肝微香、蝦爽口，加上金網嘅香脆，口感層次豐富。胡椒鮑魚灌湯餃，鮑魚嘅鮮味加上胡椒嘅辛辣，湯底濃郁。黑豚叉燒腸粉選用黑豚肉作為餡料，肉質更加鮮嫩，配上滑溜嘅腸粉皮，係一個唔錯嘅選擇。最後嘅甜品黑糖馬拉糕，鬆軟香甜，黑糖嘅香味濃郁。…查看更多

呢餐融合咗台灣菜嘅精髓，終於一試台灣必比登推介嘅鴨肉。叫咗2人餐，櫻花蝦麻醬A菜，係沙律菜，夠清新份量又好。山藥鵝骨湯，湯底濃郁鮮甜。滷肉時蔬，滷肉肥而不膩。揀咗招牌煙燻（大份）嘅份量十足，鵝肉煙燻得恰到好處，外皮帶有迷人嘅煙燻香氣，肉質鮮嫩。白滷水鵝頭，滷水鹹香，肉質軟嫩好味。鵝油拌飯看似簡單，卻蘊藏著不凡嘅美味，滿滿鵝油。最後，散叫嘅鹽酥雞，外皮金黃酥脆，內裡肉質鮮嫩多汁，鹹香嘅調味恰到好處~~…查看更多

有4款口味嘅大閘蟹：清蒸、太雕蒸、油鹽焗、花雕熟醉，可以無限追加！除咗無限追加嘅大閘蟹，仲有一人一份嘅定量菜式，包括鮑汁扣原隻鮑魚伴椎茸、蟹粉瀑布上海麵、窩巴、手抓餅同西班牙橡果黑毛豬叉燒！鮑汁扣原隻鮑魚伴椎茸，鮑魚炆得入味，口感軟糯，鮑汁濃郁香醇。蜜粉瀑布上海麵、窩巴、手抓餅可以一次過試晒三款！西班牙橡果黑毛豬叉燒肉質鮮嫩，肥瘦適中，叉燒醬甜甜哋，好惹味！其他任點任食嘅菜式都唔少，包括片皮鴨、蟹粉小籠包、椒鹽豬小排、椒鹽海中蝦、避風塘雞中翼、麻香四季豆、川味牛柏葉等等，仲有多款包點同甜品，食物選擇都好豐富。可以任點任食大閘蟹，鍾意食大閘蟹嘅朋友千祈唔好錯過！…查看更多

呢度點心好經典，都係廣東人飲茶嘅必點之選！呢度仲有唔少造型點心，幾有創意！首先金魚餃造型可愛，皮薄餡靚，蝦肉鮮甜，係一個好受歡迎嘅點心。三件嘅份量啱啱好。雪茄蝦春卷整到雪茄外型，外皮炸得金黃香脆，內餡嘅蝦肉，口感豐富。翡翠帶子燒賣賣相精緻，帶子鮮甜，燒賣皮薄餡靚，口感爽滑。一籠有3粒。香煎櫻花蝦蘿蔔糕煎得香脆，蘿蔔糕嘅口感綿密，加上櫻花蝦嘅香味，更加惹味。雪梨咸水角幾得意，外皮炸得香脆，內餡有豬肉。…查看更多

呢個下午茶幾精緻，下午嘆下茶幾好。首先四宮格茶歇，每款都好精緻。溫糯香普洱琉璃果子，聽個名就覺得好特別，似啫喱果凍嘅口感，配上普洱茶香幾夾。芒果茉莉林明頓，芒果同茉莉花都係好清新嘅配搭，中間有少許忌廉。伯爵茶 scone 係經典嘅下午茶點心，伯爵茶香濃，焗得脆脆地。而話梅蕃茄就酸酸甜甜，可以清新吓味蕾。四宮格茶歇配大紅袍，滿滿茶香。另外爬樓梯飲品，蜜瓜烏龍、鳳梨、蘋果，呢三個口味都幾清新，試吓唔同嘅味道，幾有層次！呢個下午茶無論係賣相定係味道都唔錯，係一個好適合同朋友一齊嘆吓、傾吓偈嘅選擇！…查看更多

呢餐由飲品到甜品都幾有特色，平日夜晚都幾多人，我哋坐咗喺吧枱位置幾chill！首先講吓飲品，Mango 手搖冰茶，芒果味香濃，夠晒冰凍，啱晒夏天飲。熱花生拿鐵就比較特別，微微花生味同咖啡味幾夾，口感香滑。主菜方面，蘆筍帶子墨汁捲捲意大利粉，賣相吸引，墨汁意粉煮得al dente，帶子煎得啱啱好，蘆筍爽脆，整體味道唔錯。黑蒜醬烤豬排脯配薯條，豬排烤得外脆內嫩，黑蒜醬味道濃郁，配埋薯條，真係好滿足！甜品方面，Jasmine Tea Cream Souffle，茉莉花茶味清香，口感鬆軟，味道唔會太甜，幾清新。最後再叫多咗杯朱古力咖啡☕️，夠晒香濃。…查看更多

呢餐簡簡單單，好滿足！幾款都係經典嘅菜式，做得都唔錯！首先講下招牌原味小籠包，皮薄餡靚，湯汁鮮甜，真係好食！不過要小心燙親，因為啲湯汁真係好熱。兩個人食，六粒嘅份量啱啱好。另外，蔥油餅煎得酥脆，蔥香味十足，口感鬆脆，一份有兩件，然後切開四小件。揚州炒飯炒得乾身，粒粒分明，配料豐富，有蝦仁、叉燒、蛋等等，味道調得啱啱好。一碟份量非常多。最後嘅甜品宮廷驉打滾，軟糯煙韌，豆沙餡香甜，外層沾滿黃豆粉，口感豐富。…查看更多

呢餐港式風味十足！首先講下個港式咖喱五寶麵🍜咖喱汁夠晒香濃，辣度適中惹味。五寶方面，魚蛋彈牙，魷魚爽口，蘿蔔炆得夠腍，牛筋同牛肚都好入味，炆得夠淋，整體配搭好味😋三式芝士龍蝦汁焗海鮮飯轉咗意粉，芝士味香濃，龍蝦汁亦都濃香，夠晒熱辣辣。小食叫咗南乳豬手，炆得夠腍，南乳味香濃。菲菜豬紅就比較特別，豬紅滑溜香辣，幾開胃。飲品方面，樽仔奶茶茶味夠濃，奶味香滑，夠晒港式風味。凍檸檬雪碧就夠晒清爽，啱晒夏天飲。…查看更多

呢餐高水準刺身、鐵板燒套餐真係好正😍由前菜到甜品，每一道菜都做得唔錯！首先上嘅係沙律，清新爽口，麻醬嘅香味恰到好處。之後就到刺身拼盤，間八薄切魚味鮮甜，口感爽滑；包住馬糞海膽鮮甜 creamy，配上紫蘇花，更添一份香氣。燒脆皮春魚，皮脆肉嫩，加上日本蔥更香。壽司方面，北寄貝爽甜，拖羅油脂豐富。筋子配上柚子皮，味道清新。北海道馬糞海膽更加係鮮甜無比，好好味😋鐵板燒環節亦都非常精彩，馬友魚煎得外脆內嫩，魚肉鮮甜；蟶子爽口彈牙，充滿鮮味；大蝦肉質鮮甜，彈牙爽口；鵝肝煎得油香四溢；薄燒牛嘅牛肉味濃郁，肉質嫩滑。整體嚟講，呢個刺身鐵板燒套餐無論係食材嘅質素、廚師嘅技巧定係服務嘅態度都非常出色，絕對值得推介俾鍾意食日本菜嘅朋友！…查看更多

呢度晚市客飯套餐真係抵到爛！試咗兩個套餐，分別係菠蘿咕嚕肉$72同沙薑雞$79，有齊前菜、菜、湯、主菜同埋甜品，真係好難搵到咁抵食嘅選擇！首先講吓菠蘿咕嚕肉，咕嚕肉炸得外脆內嫩，酸酸甜甜嘅醬汁好開胃，配埋啲菠蘿，更加清新。份量都唔少，絕對夠飽。配菜方面，啲菜都幾新鮮，炒得都唔錯。原盅燉湯味道清甜，飲得出係真材實料。最後嘅蛋撻，外皮鬆脆，蛋漿滑溜。至於沙薑雞，雞肉嫩滑，沙薑味香濃，送飯一流。配菜同湯都同菠蘿咕嚕肉套餐差唔多，都係咁好食。整體嚟講，呢兩個客飯套餐都非常抵食，食物質素唔錯，份量又夠，絕對係一個高質又經濟嘅選擇！下次經過一定會再幫襯！…查看更多

今日去試咗間餐廳新推出嘅午市半自助餐，整體感覺都幾唔錯，性價比幾高。自助區嘅食物幾精緻，而且無限量供應開胃菜，有凍湯、火腿、凍蝦多士、吞拿魚沙律、飯、麵包等。凍湯味道清新，啱晒夏天飲。火腿、凍蝦多士、吞拿魚沙律，味道都唔錯😍主菜方面，我揀咗牛臉脥飯同埋燒三文魚柳。本身係OXTAIL，但當日轉咗beef cheek。sofrito 同 bomba rice 嘅配搭好夾，味道濃郁。三文魚柳煎得啱啱好，外脆內嫩，配上簡單嘅調味已好味😋甜品方面，BURNT CREMA CATALANA 嘅焦糖脆面配上滑溜嘅忌廉，口感豐富，加上 flaming orange wine 嘅香味，真係好正！CHURROS 炸得金黃香脆，配上濃郁嘅朱古力醬，亦都係一個唔錯嘅選擇。…查看更多

呢間拉麵店真係值得推介！唔單止拉麵出色，服務態度仲好好，環境又舒適，整體感覺真係一流！首先講下個熟成雞白湯拉麵，湯底真係好濃郁，飲得出係用新鮮雞熬製而成，入口順滑，帶有淡淡嘅雞油香味，真係令人回味無窮！拉麵亦都煮得啱啱好，配上嫩滑嘅雞肉同埋其他配料，真係完美！至於熱成雞煮干醬油拉麵，湯底就較香，醬油嘅鹹香味同雞湯嘅鮮甜味互相平衡，加上煮干嘅香味，層次感好豐富！拉麵同配料都同雞白湯拉麵差唔多，一樣咁出色！除咗拉麵之外，小食方面都值得一讚！炸雞外脆內嫩，肉汁豐富，調味啱啱好，唔會太鹹，真係好食😋甜品方面，開心果Tiramisu真係好有驚喜！Tiramisu嘅口感綿密，帶有濃郁嘅開心果香味，甜而不膩！另外焦糖布甸焦糖味香濃。飲品方面，冷泡八女煎茶亦都唔錯，茶味清新。服務方面，店員都好有禮貌，而且好細心，會主動介紹菜式同埋留意客人嘅需要，真係好貼心！環境方面，餐廳裝修簡潔舒適，座位寬敞，坐得好舒服，可以慢慢咁嘆拉麵。總之，呢間拉麵店無論係食物質素、服務態度定係環境都令人滿意，絕對值得一試！…查看更多