Together-baby的個人專頁

上網睇到有新開的甜品店，又試試先。千層薄脆拿破崙: 個皮勁脆，唔係太甜，有D似麥芽餅味道。吉士打得幾滑，而且甜味剛剛好。美中不足是士多啤梨有點酸，不過這是季節性的食品，總不能怪店子，亦從此證明了，此店用料新鮮，果然是招牌菜。抹茶雪糕芭菲: 抹茶雪糕味道很重抹茶味，配上多款新鮮生果。CREAM 又不是落得很重手，還可以接受，但若能夠再減少CREAM 的份量那就最好不過。那一塊大大的餅，咬落很脆，將它整細塊配上雪糕味道更是一流。…查看更多

好耐之前已經聽過哩間舖出名西多士同紅豆冰，今日慕名而來，試下佢係咪真係咁好味。我地叫晒佢餐牌上打上星星的食品，但其實也不是太多，而且都是大家提及過的食物。奶茶紅豆冰: 沒有什麼特別。茶味不是很濃很特出，紅豆不是很甜，但仍有豆香，唯一是夠凍，可能因為佢D冰夠碎夠多。沙嗲牛肉西多士: 不像一般西多士的只有甜，加上牛肉令西多士的甜味淡了，而且夾著牛肉是一個新嘗試。可惜牛肉沒有牛肉味，而且不是很嫩。雪菜肉絲炸豬扒米: 最普遍的一道。 雪菜鹹，炸豬扒似煎豬扒，而且薄薄的沒有口感。總的來說，食物也不是很特出，是款式有上較新穎。或許因為出名了，質素開始下降。…查看更多

地點:如果唔係平時有係附近行開，應該都唔係好識行入黎。舖面: -要行十幾級樓梯，對於老人或推bb車的客人唔係好方便。 -臺係多，但坐得好迫，二人臺得好少，而且張臺唔大，要拿拿臨食左部分先放到其他食物。 -可能坐得近廚房，好大油煙味。食物+飲料: -多選擇，應有的都有，可惜冇甜品。 -雞肉串燒最正，好大串，又夠味。 -有d野食好鐘意食，但就算你點5客 (如八爪魚仔一客有兩隻)，佢只會睇你臺有幾多人而俾，最終俾得兩客我地。 -值得一讚，沒冇漏單! -飲品選擇一般，特別在清酒都俾你任飲，我之前去果d都冇服務: -服務態度唔錯，keep住收野換碟。 -即使好忙，仍會放下腳步答左你問題先。 -見你放左件衫係椅背，會立即用個椅套幫你套住件衫。…查看更多

睇都冇睇清楚，見到都係賣出名的牛肉餅就衝左入去，但應該差唔多，下次要試返最想去果間先得。牛肉餅: 人人都話好食，但我覺得冇咩特別，可能因為我一咬d汁就流晒落隻碗到，食唔到佢d汁。但我好清楚見到隻碗既油並唔係好多，豉油就反而多d清真炒飯: 唔知係咩，聽完個staff 講決定一試。我覺得同普通炒飯冇分別，一樣咁多油，食左都唔知有咩料落左。小籠包: 非常多汁! 汁多到食到咳!豆沙窩餅: 熱食好食，凍左好硬，下次都係最後先叫，因為都黎得好快。…查看更多

附近有咁多間甜品鋪，當然要依埋先走，最後選左係哩區最熱門的一間。芝麻糊:好味呀，一d都唔水，好有芝麻味，又唔甜，個味岩岩好。凍椰汁西米露: 冇咩味，而且有粒粒碎冰。問完先知原來可以唔要冰粒，原本話幫我地換，但因為始終都依過，唔想浪費，最後冇換。擂沙湯圓:用花生做面，都ok既，但我都係鐘意用黃豆粉的多d。值得一提既係services，幾忙都好，佢地會笑住做生意，又唔僧催你落單 ; 有外國人黎食，亦好熱心咁sell，又問佢地岩唔岩口味，走既時候又會同你傾幾句，果然係發揮好客之道!…查看更多

見到哩間餐廳可以望到個海，於是決定試試。前菜: 芝麻醬吞拿魚沙律,，個醬超好味!好香的芝麻味。 田螺，都係個汁好味，仲可以用黎搽包食。主菜:茄汁芝士焗豬扒配紅酒，精髓係點點的番茄，酸酸地幾開胃，塊豬扒都好厚，原本以為食唔晒，點知望住藍天白雲，慢慢享受，又食得晒。牛扒，好厚好多汁。講真，食物真係一般。如果想好好休息下的話，哩度係一個唔錯選擇。望下天氣幻化，食飽再行下d鋪仔同海邊，過一個寫意的假日。…查看更多

成日都唔記得打返哩篇食評，但好彩我對佢既印象仲係度，因為都好深刻。我地揸車入去食，係停車場度泊左車先知道原來餐廳自己本身有位俾客人泊車，早知唔駛俾錢人賺。見到個餐牌D野食都好健康，最後點左個三文魚扒飯同海鮮意粉。包:先黎餐包，有面有D一粒粒黑色既野，幾得意幾好食。湯:忌廉湯同棻湯相比，忌廉湯好味D。飯:塊三文魚扒OK。意粉:果然係海鮮意粉，好多海鮮，每款有兩舊，D料都算新鮮。飲品:我飲熱薑蜜，OK，好有薑味，少少辣，但可以接受。甜品:好似係檸檬CHEESE CAKE，只記得細細件，唔會好甜，同好清，一D都唔覺自己食緊CHEESE。服務:當日係東亞運第一日，個個食客同店員都都好緊張咁一齊為港隊打氣。係睇既同時，店員仍會密切留意每台食客需要咩，又會同食客傾埋一份。好似我地咁，因為我食得較慢，店員見我另一位同事已食晒，而我又差唔多食晒之時，佢會拎個DRINK LIST 俾我地睇，又會先幫我同事收野，以方便一陣上飲品同甜品。…查看更多

見到一間普通既食車仔面的餐廳有咁多評價，收工特意走黎食，果然得喎。一去到以為冇位，老闆即叫我地直行，入面有好多位。入到去，真係有好多位，但過左一陣就坐左好多人。面:叫左兩碗面，個湯好清，完全冇油，有油都係因為我落左麻油既關係，但d麻油真係幾 香。唔知咩係加拿大瘦煙肉扒，所以點左佢，但可能我本身對煙肉麻麻地，所以覺得冇咩特別。飲品:飲品係雪梨水同山楂茶定水，但我覺得山楂水似呀媽煲既甜涼茶。小食:最好味係佢既魯肉餃，老闆娘送黎既時候仲會教你點食:先食餃同菜，最後飲湯，真係好人。其實唔只對我地係咁，對其他食客，佢地都好細人咁教佢地應該點食，需唔需要落配料，點既食法先食到食物既精髓，真係好細心。埋單時仲會問你對舖頭D野食既意見，計數又會係你面前計清楚俾你睇，加埋佢地親切既笑容，如果某天經過哩度，我會再搵佢地。…查看更多

好耐之前已經想試，終於試到喇!咸檸七: 酸酸地，幾開胃，因為本人對汽水冇乜興趣，所以只飲了一杯，但佢個份量應該有兩杯左右。番茄豬扒面: 聽同事意見，豬扒唔錯，但面冇乜特別，同埋好多番茄係上面。番茄牛肉通: 專登黎食佢架，番茄冇面的咁多，但個湯好香番茄味，又唔酸，岩岩好。 牛肉好"林"，但冇乜牛肉味。 通粉煮得岩岩好，唔會"林"得滯。檸蜜脆脆: 真係好脆，檸檬同蜜糖份量岩岩好，兩者好平均，唔會話俾任何一隻味蓋過。 甜甜地，又唔係好甜，岩岩好。咖吷多士: 可能走牛油關係，我比較鐘意食脆脆多過咖吷，但都食到淡淡椰香。 多士軟綿綿的，同脆脆成一對比。…查看更多