kate0123的個人專頁

去M+博物館之前諗住喺圓方搵間餐廳食，本身想前一晚book定位，但原來只限walk-in。星期六早上大約12點嚟到，果時唔係好多人所以可以直接入座，但到開始進食時驚訝已經全場坐滿，好在有早啲嚟😳叫左個蟹餅配番薯條，蟹餅啖啖蟹肉，而蕃薯條炸得幾好，香脆而且少油。另外sauce 份量都好夠。仲叫咗個煙肉忌廉蛋汁意粉，忌廉汁好香同creamy，煙肉都多，意粉份量好夠，兩個人share食啱啱好，如果唔係就會太滯⋯…查看更多

上星期同朋友約食晚飯，朋友預先喺openrice book咗呢間餐廳，有折扣優惠👏🏻果日係平日晚上，餐廳唔係好多人，所以坐得尚算舒服。餐廳係日式木系設計，所以感覺上好舒服。我地叫咗個炸薯角配黑松露醬($78)薯角大件，份量多，但唔夠脆，冧咗啲啲。兩個人食個前菜已經好飽😂。黑松露醬好惹味，食起上嚟同薯角好夾。不過要記得襯熱食，因為凍咗又會變到好難食。另外叫咗吉列芝心豬扒．日式咖哩飯($158)豬扒炸得幾好，唔油。入面有流心芝士，好惹味。咖哩汁香濃同埋夠多，撈飯好食👏🏻整體嚟講，食物份量都足夠，性價比ok。同埋食物選擇都多，有機會都會再嚟。…查看更多

落雨咁啱經過呢間上海菜餐廳，餐廳有街坊小店嘅感覺，所以試試。店舖座位唔多，而且座位位置間偏窄，唔會坐好耐嘅感覺。因為冇idea 食咩好，所以都係選擇咗招牌菜式，感覺上會穩陣啲。叫咗個招牌墨魚餅菜飯估唔到份量好大，如果胃口細嘅記得叫少飯廢是浪費食物🙌🏻好耐冇食太陽蛋嘅我，見到太陽蛋好開心。其實太陽蛋加甜豉油加菜飯已經好好味。至於墨魚餅煎得香脆，但有少少油，不過可以接受。整體嚟講，食物一般，但幾有街坊人情味嘅感覺，如果唔想食連鎖店嘅食物都可以嚟呢度試試。…查看更多

放工後同朋友經過呢間泰國餐廳，聽朋友講話呢間喺尖沙咀都有分店，佢之前食過覺得幾好味，所以就決定dinner食泰菜😊雖然係平日晚上，餐廳都幾多人。一入到去，職員本身想叫我地坐樓下，但我同朋友都想上樓上坐，職員都好好比我地坐樓上。我地叫咗個炒通菜，炸蝦餅同炒金邊粉食。炒通菜新鮮，味道夠咸香，好惹味；炸蝦餅唔油，口感彈牙；炒金邊粉都唔會好油，上面層蛋整得好靚，餸料多，食完覺得好滿足。整體嚟講，餐廳性價比都高，份量充足，味道正常偏好，下次會同朋友再嚟。…查看更多

朋友隨意喺openrice pick up一間餐廳，見睇相環境好似幾闊落，嘢食好似都ok，就決定嚟試下。餐廳樓底好高，座位闊落，有格調，我鍾意佢盞燈，好浪漫好有特色嘅感覺。首先，職員送上包，有特別推介我地點包用嘅醋，我覺得比平時其他餐廳嘅醋好食。我地仲叫左青口，冇沙同夠兩個人食😛之後就叫左職員推介嘅signature dish - MACCHERONI AMATRICIANA，佢一整個pan送上嚟，keep到warm好耐👍🏻，每條長通粉都有醬汁，同埋有好濃郁番茄芝士味，好惹味。不過因為佢用豬頰肥肉，所以食到臨尾會有啲滯。但整體係好特別嘅一道dish。我地仲叫咗個Steak，同add on咗菠菜。Steak 味道幾好，但略嫌有少少韌，菠菜好食嘅。最後，食意大利菜必點Tiramisu，呢間個tiramisu 好重cream味，我同朋友一致覺得pici 果款tiramisu 啱食啲。整體而言，食物質素唔錯，環境舒適同server attentive 係好大嘅加分位，有機會都會回頭一下嘅。…查看更多

放工同朋友想食泰國菜，就walk in 咗呢間餐廳，餐廳座位闊落，設計感時尚，啱哂同朋友暢談。餐廳冇set menu，我地兩個叫咗炒通菜、炸蝦餅、炒金邊粉，同兩杯飲品。泰蒜香辣蝦乾炒通菜（份量多，蒜味香濃，有少少辣，惹味好食，我同朋友清哂成碟菜）蝦炒金邊粉（份量足夠，配料多，唔會話炒到好油淋淋）泰式炸蝦餅（熱辣辣，炸得啱啱好又唔油，個甜酸醬好惹味）整體而言，餐廳好啱喺金鐘想食泰國菜嘅人嚟，性價比還可以，同朋友聚會啱哂。…查看更多

朋友係長洲地膽，一到埗長洲就帶我地去食沙嗲牛肉米通。我之前嚟過幾次長洲，次次都係食大大粒魚蛋、芒果糯米糍，或者其他嘢，所以今次朋友推介食陳通記真係有啲驚喜😆餐廳好多人，所以等食物都比較耐，如果嚟食要比啲耐性等食物。喺出面餐廳比較少食到米通，口感好特別。沙嗲湯底濃，仲有好多花生碎，花生愛好者必食呀。牛肉整得都好入味，唔韌。另外食物份量好足夠，我果時係同朋友share一碗都覺得飽。整體食物好食，價錢合理，終於明白點解個個都專登嚟食。…查看更多

記得以前有喺圓方食過呢間，當再想去食時發覺餐廳已經結業，見到openrice 話尖東果邊仲有，所以就嚟咗食😀周末最啱嘆個all day breakfast，所以我叫咗個baker’s breakfast，食物份量足夠，煙肉好脆身，鬆餅咸咸的，好特別。其餘食物都係我平時鍾意食嘅，食物好啱我胃口。飲品選擇咗Matcha Latte，花紋拉得好靚，啱哂打卡❤️整體食物質素同環境都可以，之後如果周末想chill下都有機會會返嚟。…查看更多

想食sukiyaki 好耐，除咗日山外，都唔知邊度有好食嘅壽喜燒，朋友見openrice 多人推薦，所以就提議食呢間。佢主要有三個set選擇，分別係Supreme Wagyu Set ($1280)，Deluxe Wagyu Set ($980)，同埋Premium Wagyu Set ($680)。我地要咗一個Supreme set，一個Deluxe set。前菜：粟米唔夠甜刺身唔夠新鮮，有啲雪藏味，但因為餐廳主打壽喜燒，所以都冇expect咁多生蠔好大隻，都ok，好肥美壽喜燒好味，肉味濃可以問佢拎多啲蛋漿整體嚟講，壽喜燒好食，其他食品質素麻麻，試一次就夠，未必有再想嚟食嘅感覺，但如果喺香港想食壽喜燒嘅話都可以嚟體驗一下。…查看更多

朋友生日揀咗食呢間，佢之前都有食過而我係第一次嚟😀一入餐廳覺得好relax，餐廳樓底好高好開揚。食物選擇多，我地有叫其中一樣signature dish - 太卷，卷物由唔同食材配搭，口感特別，好味！仲叫咗天婦羅，蝦大大隻，炸得啱啱好，又唔會太乾太油。當然唔少得刺身，好新鮮👍🏻👍🏻 刺身擺盤靚。餐廳環境同食物質素都好好，職員知道我地慶祝生日，仲送咗sake 我地飲，下次有機會會再同朋友嚟gathering😊…查看更多

間唔中會同朋友catch up一下，今次佢揀咗呢間餐廳。雖然係平日，但餐廳都full house，好彩朋友有一早book定位。叫咗個二人份量嘅seafood platter，職員好有耐性簡介唔同oyster 嘅產地，texture，味道。生蠔好新鮮。仲叫左個main course（燒雞）同白酒，下次嚟要試下啲hot starters and other oysters😊Overall嚟講，性價比ok，環境好chill，職員attentive ，同朋友下次會再嚟😛…查看更多

12月頭我同朋友再加8個朋友仔(即total 10個)去食韓燒!因為預祝一位朋友生日我地提早左一日bk位, 所以有房坐! 間房冇咩特別, 有個tv only但係出出入入好麻煩, 好迫(座位與座位間)我地一開始就去左拎三文魚食, 佢岩岩出, 所以都幾多三文魚呀拎到, 不過好唔新鮮 仲有加州卷, 三文魚sushi食, 不過我冇去食是日夜晚選擇專攻燒野食我都燒/煎左幾多扒類同雞翼.. 唔錯 佢醃得好入味所以自己煎果d我唔加以評論啦, 係抵食既呢方面,我地有得打埋邊爐, 基本上平時打邊爐既材料粗略都有,例如少量丸, 大量腸仔, 菜, 麵, 肥牛..etc但係肥牛我想講佢好唔新鮮.. 隻色變晒.. 太差了 :(至於佢果度d甜品唔叫好食, 我記得有芒果布甸食, 不過好少芒果料 而佢有個位俾我地自己整格仔餅食, 幾正, 自助形式我落佢果d蛋漿再加自己溝既砂糖同麻醬(?) 超級好味佢果度仲有少量熱食不過我冇食到了..整體黎講, 我平日去$88 2hrs價錢算係ok既, so-so, 未叫抵, 質素唔算高, 不過係接受到既同埋我地有朋友生日早d bk房係會送個cake, 果個cake好難食, 我都唔識形容個味了, 又唔係最common既朱古力//雜果, 總之就唔好食 而果度既職員服務態度總算ok既, 有某兩個幾友善tim!…查看更多