xylialee01的個人專頁

真係嬲到震呀！今日中午入左e間餐廳，叫咗個$108嘅鐵板牛扒定食，諗住豪少少食餐好嘅，點知中伏！ 😤 個牛扒一嚟到，塊鐵板竟然係凍冰冰嘅！我隻手掂落去，一啲溫度都冇。塊牛扒食落口都係凍嘅，暖都唔暖吓，好似擺左出黎幾個鐘咁！ 🥶 前菜同湯都係凍冰冰，成個餐得個飯係熱嘅！ 🤯真係完全接受唔到囉！食物凍冰冰又難食，仲要收咁貴！$108食個咁嘅質素，真係好令人失望！下次都唔會再去幫襯啦！ 👎 👎 👎 奉勸大家如果見到呢間餐廳，真係要諗清楚先好入去！ 😫…查看更多

今日19：30電話叫外賣，19：45去到，店員竟然話無落到單，咁算，我唯有即場叫，等左20分鐘，攞到返屋企，叫4碗麵，比得兩對筷子，仲要錯湯底，叫左豬骨湯(理應係奶白色既)，比錯左雞湯，完全唔係果樣野。。。另外，叫哂4碗有芫荽蔥，有一碗無比到，已經唔係叫一碗有一碗無，咁都漏得。。。電話叫果下店員已經有覆單，但竟然去到無落到，已經好差；點知最後都係比錯野，好差既體驗。食物正常，不過不失。但服務同品質唔得，好失望…查看更多

好無奈，今日19：09打電話去美樂雲川叫外賣，之後大約19：29去到比錢，比完錢順便多口問收銀姐姐會唔會已經有得攞，姐姐答我佢地其他職員整好會攞出黎，咁我就出門口等。我一直係門口等，全程無離開過，見到愈來愈多人no.後過自己都有，已經覺得奇怪；不過諗可能佢係我比左錢之後先開始整，咁唔緊要，等多一陣。最後等到19：54都未有，終於忍唔住入去問一問。入到去問收銀姐姐，唔好意思，可唔可以真係幫我睇睇有無漏單，因為真係等左好耐。姐姐睇一睇張單，轉個身睇後面放左既外賣，竟，然有我個外賣，佢攞左比我，但一句唔好意思或者任何野。我果下勁無奈，同佢講岩岩我問你，你又叫我出去等，但原來有你又無理到。之後姐姐理直氣壯咁同我講，唔關佢事，正常應該佢哋(其他同事)攞出門口，我都唔知點解。 其實出錯唔緊要，問題係員工一啲禮貌都冇， 唔單止唔好意思都冇句，仲要好似話返個客轉頭咁， 真係好差😅…查看更多

四個人食，叫左個套餐，有燒肉，蝦等同一個部隊鍋。另外叫左個牛肉飯同海鮮蔥餅。食物黎到，燒肉係正常，但部隊鍋比平時出面食差，年糕極粉，同得好少料。另外牛肉飯得d牛肉碎，而且個飯完全無味。而海鮮蔥餅入面全部係粉，好似未熟咁，一人食左一件已經無人再想食。最重要係服務態度極差，職員要叫幾次先有人黎，收野收個碗就走，要叫幾次先收走曬d野！！！叫職員幫手換燒板，佢求期放到唔岩位就咁走左去，要再叫職員整返🙄🙄🙄總結一定唔會再黎，好差！！…查看更多