Jsnlam's Profile

睇到CEO推介，見到啲食物賣相好得於是今日元朗特登出黎試吓本來諗住當下午茶，4:50PM到，已經有人在門外排隊原來餐廳下午會落場 (建議餐廳說明落場時間)見10分鐘左右就開，就等一等環境由於我一個人食既關係，只能安排G/F bar枱G/F bar枱位頗暗，少少嘈，不過唔逼，bar櫈唔太好坐(建議裝擱腳位，會坐得舒服啲)食物選擇menu好多選擇不過冇乜圖，有選擇困難症既我睇openrice推介叫野食叫咗吉列千層芝士豚肉卷、廣島蠔鍋、蓬鬆玉子佢有好多清酒選擇，可惜我今日渣車，唔飲得酒食物質素蓬鬆玉子: 蛋超滑超好味，入面有類似egg benedict既汁，好開胃，份量可供2-3人食廣島蠔鍋: 8隻蠔，好大隻，好鮮味，湯好甜，可以飲埋而唔算咸，份量可供2-3人食吉列千層芝士豚肉卷: 外層炸皮薄而脆，入面豬肉好滑好juicy，口感好而豚味香濃，豬肉內仲有芝心，芝士多到溜出黎，不過外皮同餡好易散開；有吉列豬扒醬同另一款酸醬跟埋，好味，份量可供2-3人食服務服務幾好，我聽到另一邊客人想叫酒，店員會詳細講解感想一個人食咗三樣野$511連加一，覺得多啲人一齊食會抵好多同可以試多啲嘢好想快啲再黎，帶多啲人，試多啲野，又可以坐二樓…Read More

上環太多人，同朋友搵唔到地方食飯，無意中發現左呢間餐廳，原來係好野~環境 -  幽雅，音樂好聽，可惜座位不多，只有好似三張枱，同幾個bar枱位。我同朋友坐bar枱，不過坐bar枱望住廚師認真整野食，亦係賞心樂事。地方夠靜，傾計亦好舒服。服務 - 友善有禮，有主動介紹食物食物 - 魚生新鮮好味，壽司味道夾得好好，壽司既飯量亦岩岩好，逐件上，好似omakase。食完岩岩好，唔會太飽餐具 - 用既碟好靚價錢 - 200蚊既午餐，已經係最平 (另有幾個餐都係200蚊價位)，不過都算值得再過開黎上環食飯，會再黎回味~…Read More

外賣經歷當日老婆想食呢間既外賣，於是未到12點已打電話叫外賣自取聽電話既，竟然可以話驚唔記得，叫老婆12:15打電話提佢跟住老婆12:15打俾佢提佢，確認12:30可取外賣為了讓我唔洗等，老婆叫我12:40去到我12:40去到，收了錢，一直等12:55問了一下，外賣是否已有收到的答覆是: 「打電話叫外賣唔係唔洗等架，外賣都要等架」(送西口西面)最後1:10取得外賣，我實際等是30分鐘(但已預先在12:00打電話叫外賣，並確認了12:30可取)餐廳外等外賣的地方只有一小簷蓬，好熱好曬。有人食煙，冇得避。見到其他等堂食既人，都覺得佢地好慘食物質素至於食物，雖然真心不錯，味道OK得黎唔貴，但也並非甚麼好味到值得等既食物。豬扒飯的豬扒頗厚，只有一塊，但很咸。豬手飯的汁味道很好，但骨多肉少，豬皮表面有黑色不知名物質，有點嚇人。雞翼飯正常。飯量算多。最好味係加12蚊跟既浸菜，菜新鮮而跟既汁很甜(唔知有冇加糖)。結論唔會再幫襯…Read More

難得過上環，行過見到呢間餐廳外面裝修幾有特色，價錢唔算貴，得三張枱但1點呢啲時間冇人，於是決定入去試試，費事去其他餐廳要等位。入到去，坐低左，就發現其實入面冇乜特別，好簡單同刻板既格局，只是牆上有烏絲燈加稍深色既牆身，叫做有少少氣氛。是但選左個menu內接近最便宜既免治豬肉意大利粉，$128。呀侍應哥哥仲同我講好味。前菜好快上到黎，睇落以為味道會好似個樣咁精緻，不過入口普通。有口感，但味道簡單。旁邊既dressing好少同冇味，似真係為"dress"隻碟而落。不過我寧願呢個前菜好味啲。跟住佢上左一塊面包，冇講任何野。塊面包唔係意大利包，似係密度較高既白面包。跟住我問佢要左舊牛油，先發現枱旁邊有油醋。不過舊包的確較適合搽牛油多過點油醋。塊包係微暖既，搽牛油食OK。隔左幾分鐘，意大利粉到。呢個意粉唔係普通意粉，好似刀削面咁粗，有口勁，免治豬肉都係好有口勁，不過成碟野好普通。上既時候面頭有一大pat芝士粉，其實似乎係得個芝士粉味。可能我唔識欣賞。餐飲既話，咖啡要加$20，檸茶檸水唔洗加錢。野食咁既質素，我真係唔敢加錢叫咖啡。最好笑個侍應驚死我睇唔到部咖啡機，我揀完檸水之後，話我知個咖啡係即磨既，指住佢部咖啡機。其實唔知呀侍應哥哥知唔知，大家樂/大快活既咖啡都係即磨既?  即磨咖啡值唔值錢，係睇用咩豆、邊個沖、沖得好唔好，而唔係指住部機就可以收多啲錢，開得餐廳，部部機既spec都差唔遠。呢度唯一特別好既地方係，上菜好快。簡單講，唔會有下次。…Read More

好少機會黎深水埗食lunch今日終有機會呢間我之前食過兩次，一次下午茶，唔錯另一次係lunch，唔難食今次諗住俾多次機會試下叫左個$88聲稱燒和牛飯餐先上既係一個西湯冇味的，有色有渣，但味道近乎水唔係牛油都慳返掛？牛肉飯係我飲左兩啖個湯就上左嘩，光速燒牛呀實在高效率到要拍掌（如果真係即叫即燒的話）得六塊牛冇配菜？唔緊要，有大量燒肉汁包你送到飯其中有舊牛仲可以練牙力，趙到你夠皮全餐最好味係杯咖啡好後悔冇去食米線/蛋牛治不可一，不可再…Read More

好耐冇食過，經過想食佢最出名之一既豬扒包，貨不對辦不在話下，粒番茄好似未洗咁，有跡。個包竟然可以冇汁，乾啃⋯ 奶茶冇乜特別，不過唔係好熱服務同一般茶餐廳一樣的差不過食物唔好食，感覺好差臨記都係演員呀，專業少少，好無？永不再去 …Read More

岩岩搬黎元朗，行過又新街，都唔覺有似樣少少既餐廳，好多都五十蚊食個客飯好在朋友介紹我去呢間Never too late，雖然個位置唔太就腳，不過好在唔洗book都有枱叫左個午餐，食魚南瓜湯既南瓜味好濃，但唔覺有太多牛油，好飲個魚好好味，皮脆肉滑，推介咖啡好好飲，唔太濃/苦，好香唯一美中不足係加錢既甜品比較普通本來有啲擔心唔夠食，不過原來佢有湯又有沙律，同埋個魚有跟薯蓉 (幾大份)，所以最後都好飽服務幾好，上菜好快環境舒服，樓底高，乾淨西餐黎講，我覺得好抵食下次試埋佢其他主菜先 …Read More

我同老婆一齊去食，6:10叫曬食物，6:40食曬其他已點既野食，都欠一客芒果軟殼蟹卷。先搵個高高瘦瘦既男侍應追單，但他沒有明顯追單的動作，亦沒有同我地講返要幾耐先有。再搵另一個女侍應追，佢有去廚房門口，返黎話追左，跟住就行左去。最火滾既係其實有其他芒果軟殼蟹卷出俾其他人。最後同個疑似女經理追，佢又係走去廚房講兩句，跟住咩都唔同我地講就去左做自己野。最後把幾火，7點左右埋單走人。老實講板長唔算好平，比元氣貴，食物同元氣差唔多，但服務明顯比元氣差。我諗我唔會再幫襯板長。食其他野，都好過俾錢買難受！…Read More

記得大老闆介紹過呢間，於是帶埋老婆同仔黎試。尋日去左高銀金融中心食左一間日本餐廳既午餐，所以好自然用左黎做比較。地方寬敞同整潔（同商場成強烈對比），服務不錯。叫左兩個午餐，一個牛肉鍋套餐，一個壽司套餐。前菜：正常，沙律汁幾好味。刺身：黎既時候已落檸檬汁，好味牛肉鍋：牛肉量唔算少，下面配菜充足，湯底唔會好似出面一般日本餐廳果啲咁咸，唔錯壽司：超好味。老婆激讚吞拿魚拖羅同吞拿魚小卷，比起尋日果餐既吞拿魚刺身飯好味好多，有好多吞拿魚既油脂。其他壽司都好好味，味道似之前係東京一間貴價壽司吧既壽司，可惜我唔識形容點好味法。佢啲壽司係逐碟出既，似乎係等我地食完第一碟先出第二碟。甜品：有四款揀，我地選既creme brulee同cheese cake都好味。creme brulee唔太甜，蛋同奶味岩岩好。cheese cake芝士味唔算好濃，不過好滑，加個厚餅底，幾balanced整體：雖然環境冇尋日果間好，侍應亦唔會送你送到出大堂仲比個90度鞠躬你，但係呢度既侍應聽到我老婆講想比紫菜個仔食，侍應就拎左幾塊俾我老婆，同埋我個仔間中好嘈，佢地都會逗逗佢。壽司質素比尋日果餐好，熱食就尋日果間稍勝。我老婆覺得呢間比尋日果間抵食，會encore。…Read More

半個鐘等到第一個意粉，40分鐘等到第二個意粉，雞翼等足一個鐘，連追多次都冇改善，最後雞翼要外賣包走 自助服務，即係冇服務，熱水都係要自己裝，餐具都要自己攞。最慘係味道好一般（可幸唔算難食），同價錢大把選擇。味道偏淡，其實有啲似大家樂既意粉，唯一係啲蝦比較爽口。其實等咁耐先有嘢食，一有嘢食，就好似餓狗搶屎咁，食龍肉都冇味啦。最好笑既係張單最底話，想做一件事，全宇宙會幫你完成，不過追咁多次單都完成唔到。冇下次…Read More

難得過黎鰂魚涌拎野，係openrice見到呢間野咁多好評，梗係要試一試啦。一點多啲，冇人等位，任坐。聽到佢今日午餐有慢煮牛肩，聽落吸引，就叫左牛肩，跟個沙律。沙律有溫泉蛋加balsamic vinegar，味道唔錯，不過估計係雪櫃岩岩拎出黎，好凍。餐包一少片，微暖，配埋牛油幾香口。咖啡未食前菜就已經上埋，都OK，為左唔令佢變凍咖啡，主菜未到我已飲得七七八八。冇提供任何水。主角既牛肩，比想像中普通，一大舊肉加啲sauce、薯蓉同煮到超淋既雓菜。肉唔夠tender & juicy，配菜可以一笑置之，唯有薯蓉較滑同creamy。係餐廳入面，我見到有個 "Passfeed"既貼紙，好似有優惠，download左個apps睇，唔明。問個店員，佢hea我話要同Passfeed間公司聯絡左先有優惠。算，埋單走人。我見到有visa既貼紙，攞張咭出黎比佢，佢又hea我話午餐唔用得咭(餐廳入面冇任何標示話lunch唔用得咭)。算，俾現金。反正我以後都唔會黎。找左既散銀拎去附近買梳蕉算。…Read More

The place is quite cosy and well decorated. The staff there was quite nice and briefly described the food to me. The soup was not as thick as western ones and it gives fresh taste of tomato. The lamb was quite amazing (tender and juicy) and the rice got some taste from the lamb on top. I was also given a dessert which also taste good.One thing about the salad - the caviar is too salty in taste and the salad was given too much caviar, so i need to give up some to get a balanced taste.Not outstanding, nor it's price high, but it's Good for those who want a feel of the Eastern Europe / Russian cuisine. Also good for couples as it wasn't noisy and the decorations gave a good mood.…Read More

Warm reception; cosy and clean.Salad - fresh and yummy. nice plating.Main - Steak and salmon.  Steak is a bit stiff on one side but tender on the other.  Medium rare with nice pink color. With seasoned potato and a bell pepper. All works quite well.  Salmon is ok.  Moist though not very soft.  Side vegetables are a bit bitter though.Dessert - Pineapple base with coconut-flavour mousse.  Refreshing but not too sweet.Given the reasonable price, recommended overall.…Read More

因restaurant week而試了這間的午餐，固定餐牌$198冇選擇地點 - 兩個地鐵站之間，電車路旁。店名不顯眼環境 - 不錯。裝修OK靚服務 - 不錯。食物 - 除醃製食物外，似乎都新鮮。廚藝 - 沙律 - 賣相不佳、汁較酸          蒸蛋 - 好味          湯 - 好飲，不太鹹          刺身 - 不錯          天婦羅 - 好味          飯及漬物 - 好鹹。飯好味。          生果 - 凍橙。橙甜咁既價錢，其實附近有好多選擇。即使係restaurant week呢個價，我都唔會想再黎。其實，佢可以選擇一D較大眾化口味既食物整呢個餐，可能我同老婆會覺得好味D。…Read More