LION25的個人專頁

朋友聚會，試下新嘢！！上黎見到這間嘢都多人讚！！Book 黎試下！！一去到七點二，眼見店內都有七成滿見到個waiter 份book位list full 哂聽到有人無book位，個waiter 都已講full!!真係厲害！！入到去座，環境唔錯，但都幾迫，這個惟一個缺點！！率先叫在杯嘢飲！這杯叫virginMary，我頂唔順好酸！！其後由我發板:):)首先實係叫必食推介BBQ babyback Ribs真係烹調啱啱好，又唔駛用力就切開，真係回味！！然後叫在兩個Pizza，一個四季pizza，另一個我都唔記得叫咩！！四季pizza都ok，但另一個就普通！！又黎Grilled Lamb Chop，唔羶，好正，可借得四塊！！再來雞串，同蒜蓉薄餅同個意大利飯！都真係唔錯！！啲侍應真係好有禮貌，在場都見到啲外籍人士！！埋單都每人都只係百二蚊，真係抵都難！奉勸一句，晚上唔book位都幾難walk in食到呀！！…查看更多

行完山，有啲肚餓。忽然想起灣仔附近多啲選擇！！所以搭地鐵去灣仔！！之前行過知道有這間印度加尼泊爾的餐廳，但無試過，所以決定試一試！！入到有條樓梯上去！！不過都唔係好多人！！一座低已經有頭盤食，不過唔夠胡椒！！啲侍應好nice！！不過全程英文！！這度有啲set dinner-->一係印度一係尼泊爾！！結果最後都唔叫set dinner！先黎兩杯嘢一杯芒果、一杯香蕉！！不過都普普通通！！再黎個青口(GARLIC MUSSELS)，值得一試跟住個FISH MALAI TIKKA 底部有洋蔥！鐵板上，啲魚無骨！！好好食加多個TANDOORI PARATHA，都差唔多飽！！早知唔叫個個TANDOORI PARATHA！！攪到飯(CHICKEN BIRYANI)先得差唔多一半，真浪費！！整體黎講，服務OK!!雖然英文，但佢地好似識聽中文！！食物大部份都OK！！下次可以試下其它埋單計都唔夠三舊水，奇怪MENU寫住要加一，但佢地免收我地！！…查看更多

同班Friend 晚上食完潮州野都好似唔夠，行行下就走開食甜品，見到這間野介紹過，未試過就走入走試一試。入到去，唔係好多人！！但始終被個Menu吸引！個menu 好靚，攪到樣樣都想試！！結果揀在心太軟芭菲、千層薄脆拿破崙同芒果芭菲。先講芒果芭菲，芒果夠鮮，但其他d配料比較甜，食唔慣真係唔好試！！接著千層薄脆拿破崙，芒果又係夠鮮，士多啤梨就酸d，混合起來都ok，一大淡食落去，好舒服呀，值得再試。最後，心太軟芭菲，本來期望個心太軟切開會d朱古力溜出來，點知無，有少少失望！！但朱古力純度都ok！！但其他d配料真係好甜呀！！整體黎講「太甜！！」，如果無咁甜，好食好多！不過下次要試下北海道3.6牛奶製成布甸。…查看更多

晚上七時許，一行四人走去食日本野。今晚食D平時較少食的東西。望落MENU，見到已加了價。不過唔緊要，最緊要食得輕鬆舒服，最難得同d知己食，同埋食到d好野，貴一貴都值得。結果經兩個幾三個幾個鐘的時間，原來不知不覺食了十幾樣，覺得好食，自然影相。要推介就係個他他牛。我地一食就兩大碟三文魚配象拔蚌，三文魚變成配角了。:)食完他他牛再黎十八切，十八切變得比下去。地獄焗蠔食得辣得覺得好正，個侍應客人投訴唔夠辣，所以加在辣。D侍應好好傾，介紹好多好野，例如火脊三文魚腩，幅圖個個件唔幾得咗叫咩芝士鰻魚壽司。亦介紹我個FD用唔同方法飲清酒。結果佢都埋單一睇，成九百幾，但食都好野同識在一d方法飲清酒【雖然我都唔係點飲】，還可以學到一些道理。值得！！…查看更多

上來開飯網站，無意之中見到這間私房菜有八個讚，於是Booked 枱試一試。去之前一日已經由我話事，老板娘比意見，落定單食啲咩。不過最辛苦應該係行樓梯上幾層樓，無電梯，當做運動。一去度無幾耐已開始上頭盤，椰菜絲沙律，開胃。話咁快被我地五個清哂。之後，響螺雞湯，每人一碗，落足料，正。真係想再添。到主菜，五味雞，老板娘話生鮮活雞同落足料。果然佢無介紹錯，食落去甜甜地酸酸地。又係好快被清倉。還有每人一碗紅米飯，好健康。再來荷葉燒魚立魚，老板娘都幾比心機。條魚唔腥用在香茅，又係清。跟住就海鮮，貴妃蚌同聖子，貴妃蚌好鮮甜，相反個聖子個芡就麻麻地同豆豉唔勻，但都ok。黎到接近埋尾為炭燒豬手，可能老板娘出在黎同人吹水，結果有一隻燶在部分。有點失望，但另一隻都ok，因為我d friend食完第一隻，覺得燶，所以無食。由我試試另一隻。至於魚湯浸豆苗，魚湯都ok，但我d friend話豆苗好似唔夠熟，可能有機菜啩，中規中矩。最後就係甜品，太少，真係慘。想食多杯。整體上值得一試，得別五味雞及個湯，係臨尾差少少。埋單都要九百二，不過計一計個老板娘好似無咩點賺，可能自在煮野。一個唔錯的私房菜選擇。…查看更多

諗住晚上九點，應該唔駛等位，點知去到都要等位，好彩等得唔耐！！好多人呀入到去，即時叫我的至愛砵酒焗桶蠔同日式青芥牛柳，果然水準無咩點變，一定要叫！日式青芥牛柳熱食落去成個人醒哂，正，擺耐少少就無咁勁哽。千葉豆腐齋睇刀鋒都夠，但比我之前係這度食細碟咗。都ok始終嚟度都要叫番個蛇羹孖寶，話明蛇羹孖寶一定有蛇羹，另外就係糯米飯。:)我個Friend本來話唔食鹿，驚燥，結果最後都屈服於我，食落去，食完感覺良好。食在六碟原來最貴的竟是東風螺，成九十八元，但起碼無沙。都ok，但嫌少得劑。整體來講，再要去多次。:)…查看更多

晚上七時左右去到差點去在同一條街北京個間，都算好彩入到還有少量位，但都好多人呀！！過多三四分鐘就要係出面等位！叫在三樣野！有兩個都應該必食！一個牛肉餅:)，另一個鍋貼！:)個抄飯就普普通通！都值得再去！如果想慢慢食或想坐得舒服的話，就唔好去！因為人流都幾多！…查看更多

去襯九龍城，到好多時都會順道食甜品，這間係我都幾鍾意食！間野如果八點後開始多人，有時見到都要座出舖外，都好多人等！但通常我都會早啲食，唔駛等我至今係這間鋪食過啲甜品，可以睇睇圖片:)間鋪我暫時最鍾意的是心太軟同白雪黃金卷！值得可以試下！！唔算貴！！…查看更多

差唔多晚上七時，一到埗已見入面都幾多人！出面好多樣版！但睇個樣牌最搵笨應該係個咖哩納豆！！等了兩分鐘，哈哈！有位，但坐係店鋪最出！唔緊要！最緊要有得食！！見到個餐牌！分奄列同無奄列！！有奄列無得揀辣度！轉套餐加十五至廿五，二至四樣野包括湯、飲品、雪糕、沙律再加十八蚊又可以轉甜品！！一點菜，個女侍應好有禮貌，我問咁多野都無嬲到仍然笑住答我！結果兩個人揀在個酥脆雞咖哩飯同咖哩吉列豬扒奄列飯，前者加多十五蚊(蘋果汁加雪糕)、後者加多廿蚊(和風雜菜湯加蘋果汁加雪糕)先講下個和風雜菜湯，好好飲呀蘋果汁就無咩特別，越飲越無味！:(擺係枱個盒紅色野唔知咩黎，試下都試唔出咩！:(主角來了酥脆雞咖哩飯同咖哩吉列豬扒奄列飯！先講酥脆雞咖哩飯揀唔辣！d雞唔算特別好食！咖哩吉列豬扒奄列飯！！早知唔要奄列，叫咖哩吉列豬扒飯！！奄列只是隻蛋，無其他野:(但咖哩同吉列豬扒味道剛剛好，要試下呀！！但咖哩汁比較多！！座係近門口，嘩！成七點半！見到開始好多人排隊呀！原來個主角在後，雪糕！(士多啤梨加雲里嗱)士多啤梨有少少酸酸地加埋d雲里嗱甜甜地的配搭值得再試！…查看更多

今日行過，間野開在都成個月！依然好多人等呀！！鋪頭細細，但人手數落成七八個人！！大熱天時，買杯野飲飲！不過見到寫住紅豆布丁奶茶推廣價$14大元，即管試試！今次等好久呀！比平時等多在成個字！！終於試下一試之下覺得好過另一間又賣紅豆布丁奶茶！不過d布丁少在d，多d好少少！！唔知推廣期後買幾多錢呢？？另外，小弟係這間野買咁多杯，最好飲暫時係三兄弟奶茶及焦糖奶茶:)至於寒天冬瓜茶，記住要叫少甜，唔係都幾甜架！！而家凡購買任何一飲品，即可獲一點！集滿十點免費換十五元以下的飲品一杯！！至到今年十月三十一日！小弟都換在杯(三兄弟奶茶)飲！…查看更多

經過荃灣，d人話民豐水餃及雲吞好食，順道行去買！下午兩點幾三點，都唔算多人！入到去，可能遲在，無咩選擇！只係買鮮蝦水餃及白菜豬肉雲吞返到屋企煮，先試個白菜豬肉雲吞，塊皮厚在d！:(都足料！但相對鮮蝦水餃就比下去。都值得買！…查看更多

中午約在兩個FD食中午！鱷魚恤中午實多人！鄰近工廠區，無計！三個人叫了十樣嘢！上咗身咁！嚟襯都差唔多叫安格斯肥牛抄河及叉燒包！因為肥牛抄河都算ok！:)叉燒包小點，幾抵！(上碟時加d酒淋上個煲仔上)安格斯牛腸，以為都好似其他酒樓係碎牛！點知唔係！有成兩片！！不過始終最過癮的是迷你版甜品！整體上ok！但座位太迫及份糧較少！:(…查看更多

見到APM開在幾間新野，所以試一試！七點幾，嘩！好多人等緊！好彩唔係等好來就有！兩個人竟然比四人枱！！見到個餐牌，見到啲廚師推介！所以叫了個【豚腩香丼】$56元及【咖哩海鮮烏冬】$58元先講個【豚腩香丼】，都值得一試:)D豚腩唔算肥:)，但個麵豉湯好鹹！:(【咖哩海鮮烏冬】，個扁烏冬食落唔係幾係烏冬，但啲烏冬都ok！但個咖哩湯底可能d咖哩粉太多太粉至於個飯糰無味架。埋單加一$125.4元。送兩把得意的「地頭雞」及「甘薯豬」扇:)中等，個飯可以再試，烏冬勉強。下次試下個蒸籠料理睇下咩味先！哈哈！…查看更多

見到咁多食家師兄師姐都覺得綠林正，始終都要試一試兩個人三點零五行到間鋪外，一入去，已經成十幾廿人，真係咁好食？？開鋪五分鐘都咁多人！記得這度D食家話豆腐布甸正，於是座底即叫豆腐布甸再加個芒果涼粉。豆腐布甸一試哈哈！真係有豆腐味，都ok！:)至於芒果涼粉都覺得ok:)可能剛剛開鋪，D唔係點解凍！下次都可以再試一試！…查看更多

成八點，見到間野無人等位，試試！兩個人，叫在三樣野，埋單成兩舊幾，好似無食過！！下次唔黎！！第一樣：煎蛋卷：四大件，無咩特別！:(第二樣：都唔知咩薯餅！伸笨！第三樣：蟹粥：都唔似粥，好鹹，又貴，又唔好食，結果食完都要行去食甜品！下次都唔會試，D：侍應都好少咁！…查看更多