yuyu1215的個人專頁

嘩嘩嘩！ 廢話唔多講， 小弟少去山頂行街街，聽聞沙嗲煲在網上評價非常高， 一於去試吓， 發現餐牌上竟然冇沙嗲煲，令我有點失望。於是，我就改選了黯然銷魂飯，希望能彌補一下。點知口感完全冇咗應有的嫩滑，咀嚼起來非常困難。更令我感到不滿的是，這份飯居然賣到九十幾蚊，實在有些貴。可能我唔識貨， 真係好難食啲叉燒。 我之前在Mikiki食過同樣的黯然銷魂飯，當時的叉燒滑嫩可口，根本冇問題。相比之下，今次在山頂的叉燒就顯得非常不堪，令我感覺非常不值。整體的用餐體驗都很受到影響，真係有點掃興。希望下次能有更好嘅餐廳選擇，唔好再遇到類似的情況。就這樣，88！ …查看更多

好耐冇踏足過咁懷舊的環境， 係囡囡介紹我去的，我以為呢啲咁嘅模式已經消失咗，原來還在， 試咗幾樣嘢最好味，真係超級懷舊嘅炸芋頭，唔係間間整得好食，抵讚環境好像幾十年前， 我亦會帶我媽媽過去體會一吓那様懷舊嘅環境👍👍…查看更多

唔係第一幫親， 已是多次了， 多數食中午餐 90 分鐘任你燒， 雖然中午餐款式唔係多，已夠你燒，夠你食， 飲品算是多款，有酒，有茶，有水，有汽水任你飲， 環境氣氛都好好， 員工禮貌都好好。 :):):)…查看更多

皮薄餡靚， 餡料超多， 味道超好味， 尤其是黑芝麻， 滿滿的餡料，不得了 不得了。☺️☺️☺️☺️☺️簡直係不得了，我會再去食買，會再試吓舖頭裏便仲有啲咩好食嘅嘢。☺️☺️…查看更多

好耐冇去過九龍城呢間金寶食泰國菜了， 可能時間晏啦 1:30 pm ，舖頭只得我哋一台，好似包場咁，環境相當舒適。生牛肉河，海南雞飯，春卷拼盤， 串燒 12串 ，濕炒河。 除咗濕炒河唔夠濕之外，其他都OK嘅☺️☺️☺️值得一試…查看更多

嘩😳不得了，不得了，成日搵蝦多士，阿女就介紹去食呢一間。 平民地方舖頭唔算大，坐落都舒服。 當然叫咗碟蝦多士， 芝麻西多士， 小籠包同埋一碟叉燒腸。 佢嘅蝦多士好鬆脆，就算擺咗一陣間，暖咗都好鬆脆， 再試埋個芝麻西多士， 呢個就不得了喇😋太好味喇😋一定會再去食過，一切開芝麻就會慢慢流出嚟， 咁樣整法原來係好夾㗎。 小籠包都好好食。 腸粉就厚咗啲啦啲皮。，比較厚身啲。 口感都係一般。， 總之個芝麻西多士係好好味。😝我亦都會介紹啲朋友仔去試吓😋😋…查看更多

知道樂富有開，快啲去食， 地方不算是大， 排隊嘅人流都算多食嘅人都算快，我哋不嬲鍾意食牛肉飯㗎啦， 平靚正，牛肉飯M碼 $29 超級超級超級抵食。 溫泉蛋又不得了⋯⋯呢間嘢其實都會時常幫襯。👍👍👍…查看更多

唔打唔撞，路過此地即管上去幫襯吓， 旅遊勝地？ 專做旅客生意？ 但又好似好多明星嚟食飯？ 蝦多士最主要尋覓嘅目標，有黑松露嘅蝦多士， 可能我對黑松露麻麻地（食火水） 但我另一半食得津津有味。 只有一個蒸籠燒賣好味好食。 其他都係一般般， 個拉麵可能係台灣風格， 所以同我響上海舖食嘅有點唔同。…查看更多

朋友介紹，，佢講咗好多次㗎啦，，今次就特登九龍入去元朗食， 似普通一間茶餐廳咁，舖頭裏面很多都是食緊豬扒雙蛋飯👍👍招牌推介？ 我又試吓先， 又OK喎，加埋啲豉油，叫埋杯凍檸茶，我還特登叫侍應煎多隻荷包蛋，成件事都好夾㗎， 都算是冇去錯啦☺️☺️☺️☺️。 …查看更多

知道最近新開咗間舖頭食日本拉麵， 即管去試吓，咁啱做緊萬聖節佈置。平民價👍 叫咗個叉燒拉麵和炙燒鹽麴五花肉（豚骨），手機入單，傳送手機order 5分鐘唔使即到，所以咪快囉。個湯底好好味🤤。 這樣價錢這樣味道，其實OK👍👍…查看更多

實在太好食😋太好味道😋完全係唔識得形容呢個榴槤嘅味道，因為實在太好味啦！呢個係叫超級超級好食嘅特濃D101柔佛黃金榴槤燕麥奶新地👍👍👍繼續支持，期待ikea新嘅另一個味道。我所知D101榴槤新地做到6月28日，29日有新另一款味道，超級期待呀！我相信ikea每一隻款都好好味😋因為我愛榴槤。我全家都唔食榴槤，只係得我一個食榴槤，我一食親榴槤全部人即時彈開，但…我喺IKEA見到好多人食，我相信都有好多人鍾意食呀！…查看更多

好耐冇幫襯👩‍💼大家都想食韓國燒牛肉👨‍🍳，所以選擇呢一間。環境唔同咗，門口位置改變左，細細間的超級市場，有凍肉、有雪糕等等，好多唔同種類嘅嘢買。入到去裏邊坐低，慢慢睇Menu，員工主動介紹，服務態度好好所以選擇食咗個最貴嘅套餐再叫多幾樣嘢，芝士粟米🌽雞蛋泡菜不斷添加，仲有前菜添，套餐嚟到，見啲雞肉🐔海鮮🦞牛肉🐂豬肉🐖拼盤都好新鮮、炒年糕，無骨甜雞、豬腸、再嚟個人蔘雞湯配白飯，唔錯唔錯，總括都唔錯，只係貴咗啲啫。…查看更多

見好多好評，就去試一試，叫咗2個煲，全部都系雞髀肉，叫咗個兩小麻辣，超辣。和一個芝士雞煲，環境唔錯，食物都唔錯，只系雞煲全部用雞髀肉（冇邊口感）和芝士雞煲＂窿抵＂成煲變咗燒窿嘅味道。大致上都可以。…查看更多

每一個月僅有一日會路過呢一度，因為要去見醫，今次亞囡陪我就去試吓，叫咗個醬油拉麵、叉燒丼、追加南瓜餅，整體來講都好，南瓜夠晒趣，只係個拉麵湯底咸咗啲。值得一試嘅。…查看更多

同朋友聚會，朋友鍾意食海鮮，就嚟咗呢度啦！我就麻麻地但都會試一試，我最鍾意榴槤炸彈，我覺得呢個最好食的。呢度嘅熟食都唔錯，好多選擇任君選擇，雖然我對海鮮麻麻地，起碼都仲有好多熟食俾我點，侍應都好好招呼，海鮮熟咗佢都會主動行過嚟話俾我哋知，食得。環境都算唔錯啦！只係張枱細咗D。…查看更多