zctlcb5的個人專頁

鬼馬日籍主廚Motoyama San一改傳統Omakase嚴肅fine dining風格，每次為客人帶來歡笑同一個輕鬆自在嘅高質餐飲體驗。搞笑嘅佢雖然成日講笑（客人一舉起相機佢就會即刻擺chok pose🤣），但專業嘅係佢嚴選嘅食材絕對新鮮，刀工、食物質素同烹調技術絕對拍得上其他「神店」。星期一至四嘅晚餐$880主打壽司，分兩輪用餐。星期五六晚餐冇分時段，比較relaxed同多嘢食，包括和食（例如燒魚、汁煮菜式）及刺身，用料份量慷慨，$1800一位絕對物有所值！😇 …查看更多

我們一人二行打算食下午茶，女友叫咗一份腿蛋治，我叫左一碗牛腩河。腿蛋治到咗，女友食完，碗牛腩河都未來。叫個侍應追下，敷衍了事，道歉都冇句。叫老闆娘追一追，佢竟然話牛腩內嘅蘿蔔要另外分開蒸，要耐啲。咁嘅藉口都作得出。凡係識煮嘢食嘅人都知道蘿蔔係落埋同牛腩一齊炆嘅，點會係分開蒸？就算真係分開蒸，係咪應該煮好先至打開門做生意？就算真係即叫即煮，係咪落單時應該話比個客人聽要等好耐？？由落單去到送上碗牛腩河，足足半個鐘頭。老闆娘親手送上牛腩河，一句嘢都冇講，劈低就走左。成個過程直至埋完單一句道歉都冇。要等得耐唔係問題，食物味道平心而論也合格。但呢間野嘅老闆同所有員工嘅態度都好有問題。食到一肚氣，在此勸喻任何人都不要幫襯!!!…查看更多