小米113的個人專頁

呢個疫情中成日係屋企食,已經悶到爆! 見咁耐冇幫襯蜀府....今次專登過嚟食🤪.....果然冇令我失望! 真係Keep到水準👍🏻！ 今晚重有個新優惠, 避風塘龍蝦半價....所以我即刻嗌左! 真係好好食🤣🤣🤣⋯⋯另外仲叫咗條烤酸菜桂花魚,個樣靚到即刻比我食咗! 所以冇影到相, 下次一定會影返相黎呃like🤣🤣🤣🤣另外重叫咗個安格斯牛肉嚟打邊爐! 兩個人食到飽! 真係好滿足🥰🥰⋯⋯希望疫情快D過!☺️咁就可以一大班人再黎食😂…查看更多

曾經我都覺得這間小店,又經濟又實惠,味道都可以! 但經過今日嘅午餐! 令我以後都不會再幫襯! 😖我叫咗韓式辣炒豬肉飯......(因為之前食過,覺得幾好食)..所以今次再叫! 😩⋯⋯點知出事! 由於太肚餓,我立即食哂配菜先,再食辣豬肉! 食第一啖.....已經知道中伏☹️⋯⋯點解冇辣味😨??? 得酸味⋯⋯我以為自己問題! 再試! 真係想鬧人! 成碟野酸😖到食唔到! 重要豬肉片得四片, size 細過我手指公! 都算啦! 唸住求其食飽就算! 但無奈地, 酸菜加白飯, 頂! 真係好Q難食! 最終前前後後, 我只食三啖,就埋單走人!我重專登問個侍應.....頭先個碟真係韓式辣炒豬肉飯？？ 佢答我(係)😱! 我只係同佢講酸到食唔到! 成碟冇用過咁! 張單重打錯係牛肉飯😔…查看更多

今年新年我選咗蜀府嘅盆菜....原本諗住冇乜驚喜.....見佢寫住升級金蠔同大鵝掌, 咪膽粗粗試下！🙊因為價錢又唔貴！6人盤菜都係$798, 仲包埋送元碲🤗!! 初四約埋成班朋友就返屋企試下....打開盤已經好驚喜! 盆菜啲餸好滿! 鵝掌真係好大隻,冇呃人架! Size 好似我隻手咁大😍😍😍😍, 同埋真係用金蠔😍😍! 成班朋友都話好好食👏🏻👏🏻比出邊嘅大集團更出色👍👍！值得一讚! D芋頭真係好好食, 芋頭食落去係好粉,好林😘😘😘連我唔鍾意食芋頭都狂食下年嘅新年我一定訂返佢! …查看更多

之前都有睇過openrice睇過依間甜品鋪.點都估唔到裝修真係好靚環境真係坐得好舒服!一入到去 員工對我的態度就好似屋企人一樣非常親切同埋笑容非常之甜仲有人比水比我， 重要重要唔係普通清水係一杯檸檬水 真係非常體貼!!之後到食甜品既時間啦我同朋友叫左一個草莓拿破崙同一杯小紅帽乳酪雪糕!草莓拿破崙- 依家真係好少甜品舖有拿破崙食啦！師父飛常有心機做左個士多啤梨花比我好曬，拿破崙皮飛常鬆脆吉士一食就知道係用雞蛋做出嚟，令我覺得佢地一D都唔hea!!小紅帽乳酪雪糕-真係非常有心思既設計!用膠杯裝乳酪一放上抬就可以見到一層層配料同乳酪!士多啤梨紅卜卜一D都唔酸仲好大粒!乳酪味道都非常特別甜多過酸我都係第一次食到炸...最後我覺得非常抵食， 非常值得推介十個讚十個讚低比五星星！！…查看更多