PPigs的個人專頁

之前試過厚豬扒，唔係好識欣賞。再試早餐，最普通B餐，沙爹牛麵，炒蛋，蒜蓉多，凍奶茶。如果蒜蓉多唔啱，只能改齋多，牛油都冇滴果隻。對比其他配蒜蓉多嘅餐廳，都可以改配牛油方包，呢點毫無彈性。食物味道都可以，凍奶茶得個甜字，完全飲唔到茶味。最慘俾我見到有啲嘢，由通道爬去前面枱底。原本諗住快快食完閃，可惜我轉頭一望......嘩！！係咪同一隻？定前後夾擊？冇再研究，極速閃人。同樣價錢，我會去大街另一冰室，起碼炒蛋多士可以轉蛋治，仲好味好多。…查看更多

間嘢响前街市，冇咩裝修，都冇咩要求。下午茶叫三文治餐，餐蛋治加凍奶茶。凍奶茶冇咩特別，得個甜字。拎起三文治食果陣，隱約有一陣酸味，但食落又好似冇咩特別，一邊食一邊聞，就係有一陣酸味，但搵唔到原因。以為係餐肉變壞？但食落唔似，就係咁帶著疑惑食咗左一半。當準備食另一半果陣，又係一陣酸味，但係比之前更濃烈。再聞再睇，初時都冇咩特別，但係一反轉...... 嘩！有粒檸檬核嘅？謎團立即解開，咁有特色嘅三文治，冇心情（膽量）再食，冇咩必要都唔會再食。…查看更多

午餐時間行到藍屋附近，冇咩食，似乎呢間最大最多人，人迫人坐得唔會舒服，叫咗鮮茄牛肉飯。全碟飯除咗一塊牛肉，其他我只能叫佢肉碎，細到手指頭咁大。鮮茄更加少得可憐，其他餐廳點都會有三幾舊番茄你食下囉，佢只有啲汁。或者係我叫錯咗鮮茄汁牛肉碎飯啦，40幾蚊，想我再去都難。…查看更多

到中環做嘢趕時間隨便就入咗呢間食晏，差不多兩點關係故即時有位，坐低發覺出事喇。想食飯但係冇午餐快餐之類，唯有散叫，最平個飯都$48，叫咗個粟米肉粒飯加凍檸茶，共$48+$19=$67。真係O晒咀。好彩個飯都算足料，粟米汁香濃，粟米同肉粒都多，肉粒亦算大粒，總算物有所值，但係咁貴好難會再想幫襯囉。…查看更多

機會只有一次, 我絕對冇樓下朋友咁好人。晚餐點咗門口張相影得好靚o既「蟲草花雞肉米線」 , 記住, 係雞肉。但係, 請大家評下理, 呢碗究竟係雞肉定係雞骨米線? 雞骨仲多過雞肉, 實在令人難以接受。食完有個冇著制服o既女人埋嚟收碗, 可能係老闆級掛, 同佢投訴咗幾句骨多過肉, 明明餐牌寫「蟲草花雞肉米線」, 點解咁多骨? 佢咁答話: 「我哋啲雞係一隻隻... 有啲人鍾意食肉, 有啲人鍾意食骨...」臨走有個著制服o既大嬸埋嚟添筷子, 佢將一堆筷子由一個水桶拎出嚟, 準備插入筷子筒之際, 發現有一條麵痴住咗响啲筷子到, 佢就咁拎走條麵, 若無其事咁就將啲筷子放入筷子筒喇。究竟, 啲筷子有冇洗乾淨? 點解會有啲麵痴住?原本等食o既時候, 我仲諗住下次不如食果個好似超多餸o既過橋米線, 不過, 我估我以後應該都唔會再嚟。…查看更多

記得間嘢初初開果陣，人流唔多，服務都唔差，今日重臨，真係不知所謂。因為坐無虚席，响門口企咗一陣，冇人理，見有位，拿拿聲坐埋去，都要等一陣先叫到個大嬸嚟執枱，點知佢真係執枱，冇抺枱又冇奉茶，我好唔明點解呢三樣嘢唔係一齊做？跟住搵咗個哥仔寫嘢，叫咗菜遠牛肉飯，改肉片，咁跟住等啦，以為人多要等，等咗廿分鐘，之前個嬸嬸走嚟問落咗單未，答佢叫咗嘢等咗好耐，佢跟住去查機，點知佢話冇落單。嘩！當堂呆咗一呆，佢即刻話即刻幫我落單，我當然立即走人表達不滿，咁嘅服務態度簡直不知所謂，但我唔明點解現在反而會坐無虛席囉？從此又少一間心水餐廳，因為以後唔會再嚟！…查看更多

百零蚊任燒任食的確幾抵，結果要限時食，只可以燒個半鐘，原本你情我願冇問題，但係呢間啲侍應，未夠一個鐘就拎張單嚟叫我賣，都算，賣完單就開始車輪戰式收嘢，最後廿分鐘唔想再燒想食其他熟食啦，班友見你熄咗火直頭連餐具都收埋你！我响銅鑼灣分店未試過咁囉，人太多就開多間舖，唔好催命符咁趕人走吖！…查看更多

聽講點心特別，專誠嚟一試，點知嚟到拎飛等位，但見同𨋢有人唔拎飛靠搵熟人有位，已經好唔高興，點知門口知客仲話，要拎飛就要等好耐，好似唔想做你生意咁，咁唔公平待遇，唔食就算，以後都唔會再嚟！…查看更多

入嚟食個飯行街, 揀咗呢間聽講好出名o既大排檔, 環境只係60, 70年代啲大排檔咁, 唔係咩新鮮嘢。我自己叫咗餐蛋麵, 熱奶茶, 同友人夾份叫咗個西多咁。餐蛋麵賣相已經唔掂, 個蛋煎到爛晒, 影響咗食慾, 個碗太細, 裝湯唔多, 食慢少少真係連湯都冇埋, 雖然見佢係用一丁麵煮o既, 但係又唔俾埋包麻油嚟, 麵好似有少少煮過火, 總括嚟講唔係咁好食囉。西多中間應該係夾咗伽央, 但係唔係想像中咁好味, 唔係好明白點解咁多人俾讚最好都算係杯奶茶, 叫咗少甜, 除咗聞到茶香, 仲飲到啲茶味添~試過就算, 冇咩嘢唔會再食喇~…查看更多

之前去過中環店下午茶, 覺得環境食物都ok, 今次因為一啲不快經歷轉咗嚟試灣仔店食早餐。同朋友叫咗兩份通粉早餐, 包括火腿通粉, 炒蛋, 厚多士同奶茶。火腿通粉有類似忌廉雞湯o既濃湯底, 味道好夠, 配兩片1/4塊火腿片o既火腿, 我覺得如果切火腿絲會易食啲囉。炒蛋又滑又好味, 唔知係咪要加埋啲咩一齊炒, 屋企剩係用蛋點都炒唔到一樣o既蛋。最弱應該係果包茶包奶茶, 始終唔係港式茶餐廳, 不過都可以接受, 比好多大酒店啲奶茶仲好。最緊要係環境寬敞, 坐得舒服, 冇人不斷喺到問你嘢, 食得開心。…查看更多

放假入西貢行下, 食lunch時間亂打亂撞見呢間唔係咁多人, 餐牌又有想食o既嘢, 決定試下~餐廳有室內同室外位, 天氣凍, 坐入面好。初初見店員都係外國人, 有啲驚, 點知原來係識講廣東話o既~同朋友叫咗兩個set:1. 海鮮湯 + 炭燒雞胸扒 海鮮湯超多蕃茄, 雞胸扒唔鞋, 配上蘑菇汁都幾好味, 食咗一塊多啲已經好飽, 啲沙律都食唔晒~2. 蘑菇湯 + 摩洛哥燴羊肉 蘑菇湯超多蘑菇, 羊肉冇蘇味, 配薄餅好味~餐份量超大, 非常滿足, 而且環境清憂, 絕對係放假無無聊聊消磨時間地方~…查看更多

去過幾間唔同o既滋味一方 (應該係同集團吧?), 最差都算呢間.食午餐, 叫咗個鹹魚茸炒白菜o既小菜套餐, 因為本身唔係咁好魚, 叫之前仲擔心鹹魚會唔會有骨之類, 點之嚟到之後, 咩憂慮都冇晒.點解? 成個餸, 唔好話鹹魚茸, 連鹹魚汁, 鹹魚味都冇, 就算蒜茸都係好以頭皮咁細粒, 仲要得幾粒好勉強先睇到, 啲白菜苦架, 成碟嘢收$41, 又細碟, 有冇攪錯呀, 真係數碼港冇嘢食就襟住搶? 連飲嘢$47, 好失望, 俾多$10 出香港仔食都唔會再嚟!…查看更多

晚飯時間冇咩人，心寒一截，但約人在此冇辦法，間嘢似燒味起家，食叉燒燒肉飯，叉燒好堅韌，燒肉過咸，飯太淋，啲汁怪怪味咁，加凍飲成$44好唔抵囉，美心大家樂好似仲好仲抵食。而家仲好口渴…查看更多

之前一直有幫襯開午飯, 因為唔使點等位, 啲嘢都算ok, 但二舖合一之後多咗人幫襯, 服務又好似差咗, 所以都少咗去, 今日見冇咩人再去, 真係激死人!差唔多下午1點40去到, 同個侍應講1 位, 佢竟然示意我坐去一張已經坐咗3個人o既4 人枱, 但其實呢個時間已經冇咩人, 眼見空o既四人枱都有兩三張, 由兩張六人枱組成o既12人枱都冇人坐, 如果繁忙時間要我搭枱冇所謂, 但係都已經飯市尾聲仲咁多位, 點解要我去同人迫嗟? 就連果3個人見個侍應叫我坐埋去都呆咗一呆, 我覺得既然你唔顧我感受, 我都唔理你, 掉頭走人, 枉我地震之後冇人敢食日本嘢果陣, 我都唔怕幅射支持你, 好失望, 決定以後都唔會幫襯!!…查看更多

之前見到食評, 大比數:), 今晚一試, 同樓下位朋友一樣中招...同朋友叫咗一個馬拉盞雞粒石鍋飯, 同埋豬肋骨吉列豬扒雞翼配飯 (其實原本係叫薯菜, 佢又嚟咗飯, 照食啦:(), 有湯同嘢飲送...個石鍋飯, 淡而無味, 只有啲雞有少少咸味, 勾唔起食慾...另外個餐, 隻豬可能太細, 豬肋骨冇咩肉食, 吉列豬扒因為啲汁而淋晒, 個雞鎚仲流, 仲生生地架, 嚟到呢一刻, 咩心情都冇晒, 飲埋杯嘢走人, 好似有甜品都唔食喇...…查看更多