Jacked Liu的個人專頁

講真，本人都好少喺OpenRice出評論，呢間真係可能有期望先會失望😌（都係睇咗影片分享平台 條片慕名而來）第一次食咁難食嘅泰國菜，叫咗個細冬陰功湯，係完全淡茂茂嘅，仲衰過平時飲湯包，最尾淨係飲咗幾啖成煲都冇飲，勁差！鹽燒咗條唔知咩魚，冇乜味都算啦，又冇汁，仲要啲肉質係偏軟，但都已經叫唔難食🙂‍↕️個雞中翼配埋泰式辣醬係McDonald 嘅味道😹個生菜包就最正常，係爽口同大份總括嚟講，我隨便入一間泰國菜都分分鐘好食過佢，冇一道菜係驚艷，仲要排隊嘅話真係勁唔抵😹😹懷疑香港人平時食開…….🤮🤢🤮🤢…查看更多

諗住星期日一家人食餐飯，見到呢間好似都幾多人讚，就去食下啦！入到去都發現燈光昏暗，人客都唔多，其實係優點，環境夠靜！但係個冷氣真係唔係好得，中央系統熱到有啲出汗。而食方面，唔知食乜嘢就嗌咗個4人套餐八樣餸試吓，中晒伏！個羹好稀，淡茂茂，用豆腐整冇乜誠意；據聞吊燒雞同埋咩梅骨係招牌最好食，食完我覺得好正常，冇乜驚喜；個蝦球賣相已經好差，仲要勁鹼，調味單調；西蘭花帶子，冰鮮帶子，淡茂茂；個芥蘭淋到阿伯冇帶假牙食都ok ；炒麵線味道都偏鹹，但屬於正常嘅；最後個是日甜品係紅豆沙，仲要係每位得半碗，小弟從來未食過咁稀嘅紅豆沙！成個體驗瞬間極差！真係早知去食大排檔好過呀，埋手單四個人仲要成千蚊…查看更多