平時甚少同男朋友兩個人去食中菜，因為習慣食中菜都係一班人一齊食，可以share，每次都會好豐富，令我哋覺得兩個人好似有啲難叫餸咁。但今次會選擇食中菜，係因為我哋用左AE FHR program book咗The Langham住一晚，program會送酒店dining credit，而酒店入面有三間餐廳，其中一間就係香港唯獨兩間得到米芝蓮三星嘅中菜廳之一嘅唐閣，所以就決定晚餐去唐閣，試一試米芝蓮三星中菜嘅滋味。由於得兩個人，我哋總共叫咗三道餸，滷水豬仔腳、叉燒、生炒糯米飯 。1）滷水豬仔腳我同男朋友都冇影到相，但我哋一致認為係三道餸入面最好味😂我男朋友話試過喺出面啲酒樓會話因為當晚冇人擺酒，就唔會有豬仔腳食 ，所以愈來愈少機會食到尼樣餸（佢講喳，冇fact check） 。而我本人見識少，印象中我好似未食過𠻹😂但唐閣嘅滷水豬仔腳真係令人一試難忘，好好味😋😋😋口感好好，外皮爽而厚度適中 。見到好少人提尼個餸，推介大家試吓👍🏻2） 蜜汁餞叉燒以前喺明閣食過叉燒覺得唔錯，所以今次都要試吓唐閣個叉燒。叉燒一嚟到，嘩😳個外表冇得輸，燒得好靚，聞到好香，勁吸引！味道甘香，肥瘦適中，加上啲燶邊，好味呀😋😋3） 生炒臘味糯米飯發現我哋又係冇影相𠻹 。一到冬天就會好想食糯米飯，雖然喺三道餸之中其實味道比較普通，但係都好食嘅（可能因為已經食到飽飽地😂），糯米飯炒得乾身之餘又夠香，而且係季節限定，平時冇㗎！雖然食埋糯米飯之後已經好飽，但我哋本身都預留咗空間要食甜品嘅😆我哋叫咗兩碗糖水，一碗蘋果雪燕，一碗木瓜雪耳 。我哋又係冇影相😂雖然味道冇咩特別，但滋潤吓都好嘅，價錢比坊間甜品舖又唔係貴好多，而家啲甜品舖食尼啲閒閒地都五十幾蚊一碗啦 。其實除咗自己叫嘅嘢食之外，餐廳仲有送每人一碟前菜同甜品 。前菜） 蒜香鮑魚鮑魚唔韌，配埋炸蒜粒，食完真係會令你開胃👍🏻甜品） 杞子桂花糕、鳳梨酥桂花糕清甜好味 。鳳梨酥外型係一個梨，仲係熱嘅所以勁香，外層鬆脆，好味😋今餐食飽真係超級滿足😋😋😋埋單原本係$1,3xx，尼個價錢食到米芝蓮三星仲要真係好味道，絕對會令人下次再返嚟 。我哋扣咗dining credit之後，剩係要比百五蚊喳，抵到不得了🤣…查看更多
