ysting的個人專頁

天氣開始涼 又係打邊爐既季節！想食麻辣雞煲，所以係openrice度搵左倫哥私房菜。我大約七點上到去，時間尚早又係平日，所以都唔洗等位，到七點半到八點既時候就開始滿座。我揀左198既任食雞煲，上到枱啲姐姐會教我地兩分鐘炒一次，炒四次就會熟，不過其實佢地有時間既話都會主動幫過黎幫我地炒炒完之後勁香，食落啲雞都好嫩滑唔會鞋，不過雞煲既重點梗係個辣汁啦！我幾鐘意佢有好香既花椒八角味，食落麻香辣度又唔會過份刺激，有時食其他太辣真係一啖雞配一啖水倫哥食完一轉之後可以refill一次雞，但其實佢本身份量已經有一隻雞，兩個人食完一轉已經飽五成😂所以就無再叫 留肚加湯打邊爐，有蕃茄同酸菜湯底 我揀左酸菜火鍋配料都幾多架！仲送海鮮拼盤，有鮑魚，帶子，海蝦，廣島蠔，好足料。任食既係出去拎既，可以按自己既食量黎拎，避免浪費脹卜卜既蠔🤤整體配料既選擇都唔錯，湯底都好惹味，但食完隻雞都飽左一半🤭，所以食左好少野就要收工雞煲係值得黎食既！…查看更多

疫情期間生意難做，難得唔係屋企食飯，一定要盡力幫襯黃店！桔梗我諗唔洗大家介紹，今日第一次黎食，即使八點幾都大排長龍，好彩地方夠大多位，九點左右都可以入座。兩個人主食叫左帆立貝奶油燉飯 炸軟殼蟹漢堡燉飯只係120蚊左右，但黎到見到飯上面鋪左五粒又厚又大粒既帶子，超足料😋仲要用左可以做刺身既帶子，煎到表面金黃，但入面仲keep到生帶子嗰種嫩滑既口感同鮮甜味個汁到有心機用左幾種調味料，辣辣地同咸咸地，可以balance番忌廉嗰種漏既感覺，不過略嫌個汁太濕，乾身番少少會更好炸軟殼蟹漢堡今次side dish係配魚柳，唔洗驚唔夠飽炸軟榖蟹好穌脆，入面勁多蟹羔！不過比較驚喜既係個包，餐廳淨係注重漢堡個餡，用普通包就算，但佢用左帶甜味既餐包，加上焗到脆脆地又充滿牛油香，配埋一齊好好食，最後配上一杯cappuccino，就帶番口罩離開喇…查看更多

位於尖沙咀既樓上西餐廳，價錢合理，環境舒適👍除左有固定menu之外，平時都有啲廚師推介既菜式上菜前會有藍餐包，岩岩焗起，牛角包散發牛油香氣兩人分量唔馬虎欖油香辣蒜片炒虎蝦虎蝦炸過先炒，連埋蒜片一齊食 超香口雖然望落俾啲油浸住，但因為係橄欖油，所以都無乜油膩感，不過隻虎蝦就細左少少牛扒叫左五成，口感juicy，牛味都夠濃，無咩可以挑剔不過個人鐘意用蒜頭做配菜多啲😛松葉蟹味噌蟹羔龍蝦汁意大利粉蟹肉足料，蟹羔咸香，撈埋意粉食幾正！個龍蝦汁其實好creamy架，唔襯熱食佢就會痴埋一舊🤣我食開清淡 覺得咸左少少由於份量都幾多，兩個人食三碟都好飽食物質素唔錯，但可能人手唔夠，上菜都幾慢 由餐包至第一道菜都隔左成三十分鐘先到，除非同幾個朋友傾住等，如果唔係真係耐左啲。…查看更多

放工約左朋友係附近食飯，去到棉登徑見到呢間新開既日本居酒屋 決定試下紫薯沙律黎到見到第一條問題就係：沙律呢？🤔原來係由蘿蔔粒同菜粒加埋醋搓成既紫薯泥，所以食落都幾爽口，唔會有食左好多澱粉質既罪惡感😂 係一道開胃既前菜，四個人分每人半粒份量岩岩好雞肝，燒得幾香口，而且大大粒唔會偷工減料！配埋檸檬汁食減低油膩感芝士雞肉丼，芝士迷最愛半流心撈飯食無得輸！每次食串燒都必點既雞翼火喉剛好仲保留到肉汁，唔會過乾，個皮又脆口海量葱豚肉丼，真係無改錯名，係海量咁多葱！撈埋雞蛋同豉油原汁原味，一個人食哂一碗無難度 雞肉串，有啲似日本個隻雞肉串關東煮，雞肉同軟骨一齊打碎拎去烤，不過我無點到雞蛋食就咁食味道都唔錯呢個甲羅燒係單點，但佢係白飯神偷，強烈建議點碗飯配黎食！ 蟹糕超香，溝埋蛋漿一齊送飯，簡直欲罷不能如果單點就咁食就重口味左啲，一個人食唔哂一個。最後叫左四杯唔同既梳打，怕甜既我竟然唔記得叫少甜，但又ok喎而且無藥水味！食物唔錯！不過間鋪較細同得好少位，想試既朋友book定位會穩陣啲呀…查看更多

連鎖店莆田最近推出左用蟶子做主題既晩餐用$198既價錢可以選擇兩道菜，今次揀左花雕蟶子同叁芭炒蟶肉前菜揀左未嘗試過既土荀凍，扁肉湯，另加左一個必食推介既興化炒米粉。土荀凍上網搵過土荀即係沙蟲，本身叫之前都有啲猶豫😂驚過唔到心理關口，不過講到咁出名既家鄉小食，人一世名一世試下啦！望落又唔係好蟲，連埋一碟酸酸甜甜既醬汁一齊食。食落啫喱好滑而且帶咸香，但單食味道會較淡，一定要撈埋醬汁，咸甜酸都有，味道又多左層次。土荀就有啲似切到好似紙咁薄既白灼象拔蚌口感，煙煙韌韌幾特别扁肉湯味道好似潮州紫菜湯，扁肉好似餃子咁係一層煙韌既皮包住餡，都幾好味叁芭炒蟶肉用叁芭醬爆，鑊氣好夠但唔會好油，都幾辣蟶肉大粒份量亦都唔少，無沙，而韮王都仍然keep到口感爽脆，算係一道出色既香口小菜！花雕蟶子呢道菜著重鮮味，只要蟶子新鮮同時間控制得好，唔需要太多花巧野。蟶子幾肥幾飽滿，花雕撈埋海水咸香，將蟶子既鮮甜帶哂出黎🤤一客都有十幾隻，美中不足係其中兩三隻食到有少少沙。興化炒米粉外貌平平無奇，但會為你帶黎驚喜！炒米粉本身已經考功夫，落得唔夠油會痴鑊，炒得大力又易斷，但呢個興粉米粉極幼細，仍然炒得好乾食又條條分明唔會碎哂！食落都好有鑊氣香口，因為米粉好幼細，食落口感好綿，技巧味道口感都做到滿分，推介！！推介興化炒米粉，回頭率極高！！👍👍…查看更多

銅鑼灣地鋪租金貴，開得既大部份都係連鎖食肆，所以想搵食好野既小店一定要發掘樓上鋪！Hugo Grill係Sogo附近既商廈入面，唔算難搵，一出lift就見到大大個磚紅色招牌。位置算闊落，坐位唔算多，環境都幾寧靜，夜晚可以約朋友黎小酌一杯。lunch menu有十款左右，包埋自助沙律bar，餐湯同餐飯，價錢都ok!主菜黎之前去左salad bar，選擇唔算多，但基本既生菜粟米青瓜蕃茄等等都有，絕對夠食！餐湯係南瓜湯，南瓜茸都磨得幾滑！頂級牛板腱扒，五成熟份量唔算大，岩哂OL肉質鬆軟易切開，牛味濃郁，亦都無咩筋side dish有薯條同菜，$135黎講好ok!比較驚喜既係三文魚扒，個皮燒得好香脆，食落亦都好夠魚油香，完全唔乾身，肉質都好嫩滑，平時鍾意食牛既我都比較推介呢個不過個人覺得配薯蓉會再夾啲！lunch set黎講包埋自助沙律，餐湯同野飲都係大約$140，性價比唔錯！…查看更多

今日經過何文田，突然好想食日本料理，於時同朋友去左係土瓜灣既金鶴拉麵。由何文田地鐵站行過去10分鐘就到，好近同易行！門面足滿著日本小店既風格。一入到去，店員好快就安排我們入座，一入去覺得地方好似好細，但其實上面仲有一層秘密空間。我地分別點左店員推薦既金鶴。雞白湯拉麵（$98）加配左2個小食，火炙日本黑豚叉燒（$28午市加配優惠）同明太子雞翼（$48）。金鶴。雞白湯拉麵蛋9成熟，口感唔錯，配上乾身既牛肉條更加是滋味十足！加上溫水慢煮既雞肉，口感滑身，有埋木耳等拉麵配料。麵質軟硬適中，湯底唔會過油或者太淡太濃，整體都好夾，成為呢度既必食之選。火炙日本黑豚叉燒不得不提既串燒！咬落去外脆內嫩滑，唔會燒到肉燶哂。串燒汁都同黑豚叉燒好夾，滋味十足！明太子雞翼2個人建議一人叫一個拉麵，再加一至兩客小食，咁就會好飽好滿足架啦！…查看更多

有朋友極力推介兆萬嘅極上帝王放題， 話刺身好豐富， 多選擇， 所以上星期就去食睇吓係咪咁正啦!裝修都好有日本感覺!七點都已經好多人喇， 坐低睇吓都幾多選擇喎， 仲有 d 特別野送。 我地就揀咗生蠔同磯燒松葉蟹蓋。 飲品櫃自己揀， 連維他奶都有。 第一輪刺身以刺身船上， 睇落去 d 刺身好新鮮喎， 牡丹蝦三文魚， 另再加個生蠔海膽， 新鮮肥美呀。 前菜， 炸物， 天婦羅當然唔少得啦， 仲有泰式食品， 款式多選擇多。 仲有雪場松葉蟹火鍋， 松葉蟹啖啖肉又新鮮， 令湯底都有鮮甜味。 甜品就雪糕雪條比較多， 如果可以多 d 西式甜品會仲好 d 。 總括嚟講都值得再 encore 。…查看更多

今日想介紹一下銅鑼灣呢間超有特色既餐廳距離時代廣場好近，行過鵝頸橋向左轉就到既MAMADAY!位於一樓樓上鋪, 一上到黎已經見到好有特色既裝修入面以美式風格裝修為主，色彩繽紛，再配上充滿香港特色既設計元素望出去就係Time Square, 晏就黎呢度食lunch真係有種忙裡偷閒既感覺！我叫左士多啤梨沙冰，用左新鮮士多啤梨果醬整，酸酸地夠醒胃揀食野喇，連menu既設計都好用心, 真係會令人有心機續頁睇唔會快飛!之前都有睇過其實呢間餐廳係台灣黎既，不過menu都將D菜名譯哂做廣東話名, 親切感十足香港人講廣東話嘛!叫左呢個必點既 唔好咁大期望蒲燒鰻魚蛋包飯, 加錢升級做原條鰻魚 $140不過上菜個陣我真係好大期望條鰻魚好巨形呀!淋上醬汁既鰻魚魚皮略帶油脂，肉質嫩滑，入口即化，配上滑蛋一齊食真係會有種幸福既感覺！蛋包飯用上珍珠米，粒粒分明比鰻魚汁包住，口感煙靭，好味！蕎麥麵配沙律菜，肩胛肉眼牛因為冇左蕎麥麵，所以staff用左薯仔黎代替，唔會煮到全熟，咬落仲保留左少少爽脆既薯仔口感肉眼自動以５成熟上菜，雖然望落有Ｄ乾身，食落又冇(應該係我掛住影相乾哂)，牛味幾香濃，仲唔會有筋，點埋燒汁因為Lunch時候有限, 所以都好難同朋友叫多幾樣野食慢慢暢談，呢度環境好好又寧靜，野食都高質，一定會搵日夜晚再約朋友黎食過，試埋呢度推介既明太子薯條!…查看更多

食慣日本菜,西菜,有點厭倦想轉轉口味?不妨試下泰國菜!泰國菜呢排愈開愈多,但想質素有保證,當然簡返D老牌店鋪。今次要介紹我食既呢間餐廳係金蘭花泰國菜館,位置九龍城龍崗道。這次點左幾道招牌菜式咖哩炒蟹 - 蟹肉附上濃郁既咖哩汁,同蟹肉既鮮甜完美結合。蟹膏唔會太膩,咖哩汁仲可以配上蒜蓉包來點綴,更添一番風味!酸辣去骨鳳爪 - 入口酸酸辣辣,鳳爪口感爽口,作為凍食餸酒一流!大圓法包椰皇咖哩雞 - 呢道菜名乎其實係麵包雞,麵包將雞既味道鎖住,雞油味好香,搭上咖喱汁,味道一絕!…查看更多

想試呢度既忌廉烏冬好耐，不過次次係百樂中心上去都要排好耐隊，一直擱置，今日決定的起心肝去食！上到去啲staff安排左我地坐二人枱，lunch time都幾爆，遲多五分鐘可能要等位喇。兩個人食叫左咖哩忌廉烏冬，頂級牛里脊套餐同埋咸蛋薯條，三樣都係罪惡感極高既野食咖哩忌廉烏冬個樣好療癒烏冬已經用左啲咖哩汁去煮，所以都好入味，軟硬度都ok，同忌廉撈埋一齊食之後變得好creamy，不過俾想像中無咁杰，岩哂夏天食！頂級牛里脊套餐，用鐵板煎住上，好香！配菜用左芝士磨菇同黑醋洋葱。切開牛肉個陣有大量牛肉汁湧出黎，肉嫩好juicy生熟程度都控制得好好，不過staff其實無問我地要幾熟，所以怕生既朋友可能要叫菜之前講定喇。咸蛋薯條，每條都沾滿左咸蛋黃, 炸到金黃色好穌脆！因為都炸得幾乾身，所以唔會有太油膩既感覺，而且冇我諗到咁重口味招牌忌廉烏冬都冇令我失望，如果LUNCH TIME黎最好BOOK定位啦…查看更多

放工漫無目的咁係openrice搵下有咩新野食，見到呢間係食夏威夷野🤔可以好似車仔麵咁揀餸既壽司飯，好得意咁！Menu要揀左用咩刺身做底先，然後可以揀冬菇 海帶等等既配料，最後揀埋醬汁同toppings就完成啦！除左壽司飯都有糙米同沙律菜揀，想食得健康啲既客人又多個選擇。揀好就會係你面前即做揀左一碗係三文魚，海帶牙，三文魚籽，蟹籽，冬菇配鰹魚醬汁。另一碗就呑拿魚，蛋絲，蟹柳，蟹籽配鰹魚汁。黎到好色彩繽紛刺身切粒上，新鮮程度都唔錯，見到佢已經撈過鰹魚汁，所以都唔太需要加鼓油，好夠味，加埋其他配料，一啖接一啖就成碗飯食哂😋份量都唔少架，細食既人絕對食唔哂！两個人食大概二百蚊，其實都有少少貴，始終除左刺身之外啲材料都係平野，不過有得自由配搭都幾好，一試無妨👍👍…查看更多

好朋友聚會，想揀間坐得舒服又安靜既環境，羲和雅苑係不二之選。位於尖沙咀海旁，望出窗可以睇哂成個維港！不過因為窗邊主要係大台，我地只有４個女仔，所以餐廳職員安排我地坐４人卡位，有小包廂既感覺先黎一碟開野小菜，手拍青瓜用左麻油同埋麻辣汁做調味，青瓜雪得夠凍，食完好fresh!蜜汁脆芋絲呢個係驚喜雖然周圍都有得試，想像到佢既味道，不過就係因為咁反而有驚喜。用蜜糖炒切到好幼既芋頭絲，上菜既時便仲係好熱，咬開乾左變脆既糖漿表面，入面既芋絲都非常脆口，好似食薯條一樣，好好味獅子頭一人份淺嘗，獅子頭夠脂肪所以幾滑，個茨唔會太杰，仲配埋一啖飯到呢度最出名既片皮鴨喇，師父會推隻鴨出黎係你面前切，等緊既時候已經聞到好香切緊既同時餐廳職員為我地介紹左唔同部位既食法同埋醬料除左平時成日見到既青瓜同蔥，仲多左藍莓醬，山渣條，爆炸糖，洋蔥同芥末。左邊既係鴨胸附近既脂肪？（其實師父有好努力話比我地知邊度，但好抽象）一層好香既油脂，要配爆炸糖同藍莓醬食，唔洗包住塊皮食，口感幾得意，微酸既藍莓醬中和左油膩感。中間係鴨胸肉，皮好香脆！師傅教我地點芥末食，入口好香鴨肉味，同脆鴨皮夾埋一齊食都幾有層次，因為呢個部位冇咁多油相對較瘦，個人鐘意呢個多D最後係鴨腿肉，會跟番傳統既片皮鴨食法，但皮入面既餡可以換成夾山渣條，藍莓醬同洋蔥，不過有Ｄ搶味..鐘意傳統青瓜同蔥多Ｄ鴨腿肉好嫩滑松茸素佛跳牆一人份，以為只係一盅湯，點知勁多料呢！食完片皮鴨有Ｄ溜，飲完個湯清下個口啦黑椒鹽炸粟米，見到幾得意試下，上面Ｄ椒鹽好惹味，粟米炸完唔會乾身而且清甜海鮮毛血旺，一黎到已經比個份量嚇親，好大盆！入面Ｄ海鮮好豐富，有大蝦，生蠔，帶子，青口同八爪魚，仲有其他薯粉呀，午餐肉同埋金錢肚鴨血等等。佢個外表好似部隊鍋但係其實一Ｄ都唔HEA！因為Ｄ海鮮既生熟程度係岩岩好，個生蠔入面係勁滑！睇得出係有用心控制唔同食材落既時間，唔係咩都放哂入去煮熟就上菜，幾值得試。食到呢度已經好飽，但眼闊肚窄既我地叫左好多野食，水煮魚，用左桂花魚整，岩岩上菜個陣仲見到Ｄ辣油滾緊，魚肉好嫩滑，不過有少少地方刨唔乾淨Ｄ鱗多數係魚尾同腮既部位，所以我地清哂Ｄ魚肉，有鱗既位就浪費左籠仔櫻花蝦海味蒸飯，好彩份量唔多，不過又幾好食啵雖然係蒸飯，但Ｄ飯粒粒分明夠乾身似炒飯，好香蝦味，４個人每人分到一碗仔。最後係拆骨肉燉白菜，食到呢度真係好飽，飽到唔記得影相不過呢個個湯飲落係會舒服同消下滯既畢竟我地前面食Ｄ野都幾重口味，Ｄ菜滾到淋哂入哂味，飲完清湯作結如果想食中菜又想搵個環境好可以傾下計，野食又高質既，大家不妨黎試下羲和雅苑！…查看更多

難得星期一放假, 聽朋友介紹黎左呢間係大埔既八妹雞煲! 呢度開到凌晨2點架, 我地黎既時候仲算早, 所以唔洗等位就有得入。食食下就愈黎愈多人!雖然叫雞煲, 但係其實除左雞煲以外仲有好多湯底選擇, 偏好清淡既我最後揀左藥膳花膠醉雞鍋 (半隻)好足料, 勁多紅棗! 滾緊既時候散發住藥膳既香味, 忍唔住飲左幾啖湯先開始食野之前叫埋野飲, 其實黎之前睇openrice食評已經睇中左呢度有大檸茶, 唔洗飲汽水咁漲胃, 唔係周圍都有供應架, 諗住同男朋友一人一杯, 自己個杯叫走甜 點知原來唔可以, 因為茶底已經較好左無辨法啦, 不過男朋友話佢個杯檸茶係沖得好味既! 安格斯肥牛, 肉質夠哂腍,有油花 而且以$188既價錢, 份量好多呢!唔係成日見既台灣腸都有得食韭菜餃好好食, 皮薄, 舊餡都好足料好香!鮮炸響鈴, 炸到脆卜卜上台, 放落去吸哂D湯底黎食, 正呀另外仲叫左蟹籽墨魚滑、午餐肉、蟹柳、栗米、娃娃菜同埋四寶丸。蟹籽墨魚滑值得試下,彈牙得黎會食到墨魚粒係入面, 味道好鮮甜!2個人食咁多野真係超飽...不過湯底真係幾正, 可以再黎食, 其實佢開左2AM, 大家放工收遲左都唔怕冇得食~美中不足係冇走甜凍檸茶, 希望下次黎既時間有得飲啦…查看更多

啱啱出糧諗住去食餐好🤤😏今次嚟到兆萬嘅神户屋食嗰日式放題啦!話明日式同埋放題 一嚟到梗係要整嗰大大大刺身先喇🤤🤤🤤依度嘅刺身無乜雪味 而且仲多厚肉🤤🤤我就最鍾意食天使蝦同有頭甜蝦刺身 隻隻都又厚又甜好正呀😍😍😍食完刺身就要食下啲壽司嗱👏🏻👏🏻依度嘅火炙三文魚🍣真係入口就慢慢溶 仲有少少沙津醬真係要encore再encore😍😍😍其餘嘅帶子花之戀都好值得試！除咗啲主食之外 依度嘅小食都好吸引架 好似炒蜆 炒通菜 芝麻雞翼 全部都好正呀🤤🤤🤤仲有一個壽喜鍋可以揀呀 唔鍾意日式嘅朋友都可以叫個部隊鍋嘅 任君選擇🤤下次嚟開旺角油麻地 記住嚟試一試依嗰抵食放題呀!😍😍…查看更多