amberwww的個人專頁

如題，KFC既下午茶貴左又份量少左，但總比沒有好，以前一開始好似$21，不經不覺$23啦，但份量反而縮晒水，哎，好過冇啦，相比其他快餐店，都算係醫肚之選。拿，睇圖都知呢個S1餐有幾細，勝在包野飲。KFC一向D奶茶都係不錯的，茶奶比例岩我口味，茶味比較重，亦不需加糖都好飲。飯就明顯好細，醬汁又少。雞更加瘦小，冇乜肉，係個葡tart叫有水準，香脆内滑。總體黎講，等餐太耐，夠人但D人手腳超慢，食物就OK la,食得過。希望唔好再加價！…查看更多

呢排成日落雨，心情都灰灰地呀，好彩有朋友仔帶我食好野，即刻開心晒。原來呢間日本料理都好近大圍站，如果坐巴士，更加一落車就係，美林邨冬菇亭，好易認呢。黑豚肉火鍋超級正，初頭冇留意有，但見鄰枱食緊，非常吸引！一上桌就係一大盤肉和菜，誠意十足，以價錢同質素來講，仲幾抵添，一睇D肉色澤就知有級數，蔬菜翠綠、菇類大大粒，份量多到一次過都放唔晒入鍋，夠晒3至4人食。不得不提此湯底，豬骨濃湯非常惹味，未滾都已經香氣撲鼻，大家一邊食都一邊飲晒D湯了。我地都覺得自己好似食緊日本美食漫畫既料理，因為食材擺盤同刀工真係好精緻呀哈哈！原隻魷魚筒好好味，非常推薦的餐前小吃，軟綿唔黏牙，原隻大大條，不過太好食，好快清晒了。相信刺身係每間日本料理的重點。呢度食到既只有精品，新鮮到不得了。每塊都是厚切毫不吝嗇~口感一流。三文魚、三文魚腩、帶子、北寄貝、赤蝦等。赤蝦更加係珍寶size!超鮮甜！我諗個個黎呢度既都一定要試啊！忌廉蟹肉薯餅即叫即做，香脆熱辣，肉質充盈，幾滋味，值得encore~最後叫左呢個藍旗吞拿魚蓉帶子蟹籽飯，睇相都知帶子有幾大隻，又爽口，呢個配搭無得彈。估唔到美林邨地方不大，竟然收埋一間咁有水準既日本料理，值得支持呢~…查看更多

今日去黃大仙探朋友，佢話呢邊間金記都好食，咁就試下，叫左幾個小菜配飯，份量好夠，不過食左一半先記得影相哈哈!最中意係泰式可樂豬扒，肉質嫩滑，醬汁十分入味，下次黎都一定會再叫。另外咕嚕肉個甜酸都較得剛剛好，好多肉，唔會得大舊骨。星洲炒米d配料同粉一樣多!值得一贊。而且唔會切到得絲咁幼，好有嚼勁。米粉火喉控制得宜，唔油膩，岩晒注重健康既香港人口味，正呀!呢度d凍檸茶好大杯，茶都飲得出幾新鮮，唔錯唔錯!…查看更多

同朋友去開附近，下午茶時段正愁去邊食，我提議揀左金記一定冇中伏啦~平時返工只去灣仔果間金記lunch，呢邊第一次來，水準一樣掂，而且都近地鐵站，食完返去好方便大家都冇食lunch,叫左幾樣一齊食，全部比想像中大份，幾抵! 奄列蛋同火腿比其他茶記足料好多，啖啖有火腿海鮮烏冬係我們至愛，好快掃清! 好多蝦同鱿鱼呀!出面食小炒至怕麵多餸少，呢碟幾正，份量足夠誠意，而且唔會太油膩味精，食完冇乜口乾，炒得好均衡入味，goodgood ar薯條都好大份，又香又脆，好有薯味，唔會太粉，美中不足係隻脾老左d哈哈沙律我一向唔食，不過我frd話夠新鮮喎，信佢啦XD豬扒好大塊，唔會出面咁有大條骨，煎得好香，又軟~食完不妨欣賞下牆身d海報，好搞鬼，睇得出落過心思，香港人都一定會心微笑ww另外，值得一提，卡位夠多，岩晒傾緊食野，唔會嘈，非常好w…查看更多