wingyi9173的個人專頁

做完個facial，最鍾意就係落地鐵站ikea兜個圈，望下有咩可以買黎輕食，醫下小肚仔🤭🤭記得上個月係做杜拜開心果朱古力雪糕嘅，咦🤔轉左做檸檬茶雪葩啵，即刻試下先。現場有2條隊拎野食嘅，一條for雪糕，另一條for熱食，記住唔好排錯隊😶‍🌫️個雪葩今次可以配2種配料，有愛玉、荔枝椰果、藍莓熱情果爆珠、三色寒天。無晒爆珠😥傷心嘅我要左愛玉同荔枝椰果。唔洗1分鐘，店員就整好左啦。過程有d搞笑，姐姐可能雪葩擠太滿，佢倒左椰果先嘅，然後再倒愛玉，d愛玉又比較大舊，又無固定形狀，佢裝唔太到落個杯到，最後我嘅愛玉得少少😅😅雪葩冰感唔會好重，我幾鍾意，成日食個d雪葩凍到牙震，呢個會smooth少少，味道就完全係經典維他檸檬茶，食落好有feel，愛玉就好似jelly咁，一吸就吞左全部🥲想咬多2下都無機會，荔枝椰果為雪葩增加左其他生果嘅味道同咬口，無咁悶。成杯雪葩先16蚊，抵到爛🤣🤣…查看更多

早幾日上網見到有人影左一碗幾核突嘅冰圖，再寫埋其貌不揚，但味道好好食嘅限定粟米冰。驚死食唔到嘅我趁今日即刻放工搭過去北角一探究竟🤣🤣間冰店好難搵，完全無可能行街經過，行到街尾，走過車房，再行去另一邊街先搵到🫩鋪頭細細，但係裝飾幾別緻，有一塊裝滿唔同粉色系嘅磁石貼，內裡都比較清涼。首當其衝即刻order左個9/10月限定粟米冰（內心其實好想食埋社交平台限定香蕉朱古力冰，但係自己一個，真係食唔晒），再叫左個焦糖餅乾銅鑼燒（有平）。等左一陣，叫檯號，就可以出去拎啦😍😍個冰唔會話超級大個，但足夠一個人食晒，冰面有層黃色厚身cream再加粒粒粟米，食落去！！！大癲！超濃粟米味，完全唔淡，同平時飲粟米忌廉湯係兩個唔同層次，佢中間無其他配料去襯托個粟米冰，但係貌似用岩鹽芝士整嘅忌廉奶蓋已經完全同個粟米融合！味道超夾，甜中帶鹹令到成個mixture 昇華，痴左線🥹🥹仲有兜小蜂蜜醬油，我倒落冰中間，蜂蜜醬油嘅鹹甜味同冰嘅粟米味，又中和出另一種口味🥳🥳超幸福，雖然去到底有冰唔係棉花狀，但完全無損我繼續飲，係，我飲埋🙂‍↕️焦糖餅乾銅鑼燒，銅鑼燒質感綿密鬆軟，焦糖餅乾唔會話死甜，加左d 白色嘅東東（唔記得左咩黎，成個腦都係得粟米冰）令到d餅乾可以黏住銅鑼燒皮唔會一路咬，一路跌。銅鑼燒其實都好好食，但粟米冰太驚艷，完全無得比🤭🤭…查看更多

去完迪士尼，即刻出返市區醫下肚仔，同行友人唔想打邊爐，可選嘅餐廳範圍即刻縮細，終於係openrice搵到呢間餐廳。題外話：大廈門口好難搵，望住地圖兜左2個圈🙂🙂餐廳裝橫我幾鍾意，貼住宮崎駿嘅動畫電影、你的名字等海報，仲有d假櫻花，成個氛圍好似置身於日本咁我地叫左2個主食，1個前菜，1個小食同2杯飲品。赤蝦蟹籽冷烏冬😇有2隻大赤蝦刺身係面，好多嘅蟹籽仲有少少沙律菜伴碟，赤蝦新鮮，蝦身晶凝通透，質感好滑，有用飯素調味，唔係齋比芝麻醬你撈，有用心去令到味道更豐富。蟹肉海膽炒飯🙂‍↔️蛋炒飯有麻油胡椒嘅香味，飯粒分明，唔會未炒散，見到一絲絲嘅蟹肉，絕對唔係假蟹柳，海膽雖然係得一塊，但竟然有甜味，覺得唔係hea貨，一樣好多蟹籽係面，美中不足食到一半有d膩，因爲麻油味有d濃，有改善空間。吉列廣島蠔😛即叫即炸，超級熱嘴，炸衣薄而不爛，完全包覆蠔，蠔亦無腥味，水準做到。蟹籽沙律😍幾大兜，唔吝嗇沙律醬，又係好多蟹籽，底部仲有沙律菜食，青瓜絲清新，食到好幸福。罐裝波子汽水唔算貴，只係12蚊。蜂蜜蘆薈蜂蜜蘆薈用凍飲金屬杯上，keep住冰凍，蘆薈係底，冰都多左d，所以搞唔勻d蜂蜜，有d太甜，有d就唔夠味，可惜可惜。…查看更多

年頭嘅時候知道佢話會執笠，食左好幾次，最後變左搬遷，慶幸仲有得食。搬左之後，無晒人龍，唔洗再排隊，老實講，好開心😂😂久違咁食返盒小丸子同埋芝士煙肉燴麵先～拎到返屋企仲係熱，保持到溫度，雖然表皮淋左，但係佢嘅燒汁同芥末係最好嘅味道配搭，加埋d紫菜，一食難忘。其實市面好多唔同配料嘅小丸子（明太子、芝士、蟹膏醬……），但我最鍾情都係呢個原味，可能叫做回憶嘅味道？！芝士煙肉燴麵都係第二次食，芝士醬偏濃稠，多醬嘅程度完全足夠撈晒成碗麵（似食撈撈冷麵嘅麵），煙肉加香腸片，份量都唔少，望落以為好細碗，但其實食完都會飽飽地，因為芝士幾頂胃，有落黑胡椒同辣椒粉調味，味道唔會單一，有返少少刺激味蕾嘅感覺，不過都係會膩😅😅偶爾一次就ok了。其實小丸子配套餐唔算貴比多少少就有杯珍珠奶茶類嘅飲品，加多3蚊可以變大杯，最適合我呢d吸水大笨象，不過可惜無手拎，留返下次啦。…查看更多

上網見到有人話平日午市有4個鐘食打邊爐，我即刻約阿妹同佢朋友一齊去食我嘅第一次😂千海水產好耐之前已經聽過佢大名，但基於太多人客，聽聞比較難book位，所以拖到依家先扚起心肝去食。一去到門口已經排緊長龍，但環境舒適，大地方有好多卡位，坐得舒服。入到去，即刻分工合作，一個拎海鮮，一個qr code落order，一個出去夾野食。我負責夾海鮮，全部好新鮮，撈游水超快個d蝦，就實無死，貝殼類，同蟹都無放過，種類就蝦會比較多。唔洗十五分鐘經過清洗後就可以拎返去打邊爐，蟹已經斬半，蝦一落水，超生猛爆跳，好驚佢地跳落地。大頭蝦基本都有膏，其他款都好彈牙，絕對唔會因為係任食就細隻，拆蟹比較麻煩，我地只係拎左2隻，之後都無拎。貝殼類比較細隻，有d鹹，但係都好食嘅。反而係出面可以拎嘅野食令我驚艷，好多我無見過嘅菜，紫色菜都有好幾種，雞子好大粒（好奇唔知咩雞），雪櫃夠晒凍，好多煙，確保食材維持新鮮，唔會出水變壞。我地叫嘅椰子雞湯底都好食，牛肉淥完可以食到椰子雞湯嘅香甜味，汁醬都可以唔洗點。手機落單嘅野食無想像咁多，不過其實都食唔晒，燒生蠔都係巨蠔，鵝肝好厚有油香（正宗爆血管精選），飲品都好多款（好多泡茶），雪糕有哈根達斯日本版😳我食左3杯，但我個胃頂唔到我飲咁多加食咁多🥺🥺唯有下次再戰。298蚊平日12-4點，我地食3個鐘就舉手投降……希望可以見到有大胃王可以挑戰食足4小時，等我地可以睇佢地表演。…查看更多