mahelenma的個人專頁

去數碼港睇戲順便食埋晚飯, 呢個商場嘅餐廳唔多選擇得嗰4,5 間. 住附近嘅朋友推介呢間日本菜, 所以就揀呢間啦~可能係weekend關係, 餐廳裡面好熱鬧差唔多坐滿(但個商場好empty人影都冇個-_-") 我地被安排到近露枱的位置, 感覺很開揚, 還播住英文歌, 有點外國feel~我地首先點咗d刺身, 賣相很漂亮, 似一件藝術品, 刺身上仲佈滿金泊同菊花瓣!!! (感覺好豪華, 搞到我有d唔捨得食hehehee)味道同賣相都一樣咁正, 尤其係龍蝦, 三文魚腩, 海胆~ :)另外再叫咗三文魚腩刺身同赤貝刺身----- 赤貝係即開嘅, 味道鮮甜爽口空運加拿大海胆----- 鮮甜肥美, 必食之選和牛刺身----- 呢個我諗唔洗介紹, 睇相就會明白, 超級美味, 入口即溶!!! 熱食方面都唔錯, 不過賣相冇乜特別所以就唔逐樣po相喇~立魚湯----- 好濃郁, 真材實料白雪雪, 超讚:)串燒----- 牛舌ok ; 雞皮燒得啱啱好金黃色, 好味! 鵝肝多士----- 如果你食慣酒店日本菜做嘅鵝肝多士, 呢個可以唔洗試~:(燒銀雪魚----- 好味,不過略甜了一點~火局蠔----- size夠大隻又夠肥, 火局得啱啱好, 味道亦調教得唔錯, 推介總括嚟講食物質素很好而且價錢合理, 不過 service可以再好d........…查看更多

有朋友黎香港玩, 就簡左呢間新開冇耐的K﹣TOWN. 首先來的是前菜，個kimchi 真係估唔到咁好食，好新鮮，一食就食得出係自已整的， 唔會太辣，好食過好多韓國餐廳. 我地唔駛3分鐘就食晒碟kimchi. 韓式焗蠔， 隻蠔好大隻，好肥美，有好多cheese, 焗得剛剛好， d cheese 好好食, 我地叫左兩隻， 一人一隻，點知我地食完仲想再食， 之後再加多兩隻。 海鮮豆腐鍋亦唔錯，石頭飯，都很滋味。鐵板牛柳亦值得推介，牛柳很鮮嫩 。總體黎講， 食物真係唔錯， 價錢亦很相宜， 會再去食～…查看更多

食物普通，set lunch 價錢大眾化, $58-88. 叫左個牛柳pasta , 牛柳硬左d, 好難咬，pasta有d辣。BBQ ribs 就ok, 對得住價錢。門口帶位女待應態度差，好似唔想做。帶位時面黑。我坐個位比較入，冇咩人經過，同一位女待應行過時，我叫＂唔該＂，想要隻碟用來食包，點知佢大聲話＂有咩幫到你呀？＂使唔使咁大聲？我冇耳疾！…查看更多

星期日晚上，點了＄33 的好立克冰。付錢時卻要收＄35， 問點解收多＄2。收銀答， 因为收銀機顯示＄35， 所以要收＄35。這就是原因和理由。 仲話點都要俾！！！這是什么服務態度？？？ 唔係＄2既問題，係收唔啱一個＄2，十個＄20，一千個咪＄2000？咁樣做生意係完全唔得！人是生的， 會變通； 收銀機是死的， 是靠人來控制！不變通， 不著重客人， 服務態度如此差， 不會再去幫襯！ …查看更多