bb2的個人專頁

今次已是第二次幫襯午市一人火鍋，最鐘意呢間環境光猛清靜，同朋友可以慢慢食慢慢傾。佢個鴛鴦湯底好正，我叫左一邊麻辣，一邊皮蛋芫茜，朋友就麻辣配山珍菌湯。兩人叫左一個嫩牛肉，一個豚肉，套餐份量適中，食材有質素，蝦彈牙，$98再加一，價錢合理。店員先送上雪耳紅棗糖水，說可保護胃部。店員服務態度親切，經常主動添湯添茶，值得讚賞。已約了朋友下星期再encore。…查看更多

星期日lunchtime揾野食，見附近開了間韓國餐館李家，午市套餐幾吸引，不妨試試。四個人點了半份原味炸雞，石鍋伴飯，海鮮豆腐湯同韓式炒豬肉。先來炒豬肉，伴有多款地道前菜，味道ok。石鍋伴飯賣相不俗，最驚喜係個飯焦底，真係非常脆口，讚。豆腐湯味道濃郁，辣度適中，豆腐真係好軟滑，配合多款韓式地道伴菜，不錯。最後上菜係炸雞，即叫即炸，外皮香脆，半份份量也不少，共有8件雞，可惜不是每件d肉都 juicy，我食左兩件，一件好 juicy, 一件可能係雞胸部位，比較鞋口，另配有醃蘿白同菜絲沙律，蘿蔔好爽口，好正，沙律也好清新。午市套餐可加$7配罐裝飲品，試了韓國latte，奶味太重，一般。4個人午餐不用 $300，李家確是不錯的選擇。以後會再來。…查看更多

好耐好耐無黎過強記, 今日特別同老爺奶奶同兩個小朋友黎試下..因為時間尚早, 所以唔駛等位, 門口仲有吉車位添..好彩唔駛行咁遠家鄉秘製田螺: 呢個千祈唔好叫..個汁OK, 但係D田螺真係唔掂紅燒乳鴿:我地四大兩小本來叫左兩隻, 但係小朋友好LIKE, 咁就後補多一隻, 熱辣辣好味!椒鹽九肚魚:都唔錯, 不過好似乾身左少少..果皮蒸泥鯭: 老爺話唔夠果皮香同埋D豉油甜左D喎...但整都算滿意..豉油皇炒面:好多芽菜, 但係我嫌佢炒得濕左少少..招牌雞粥:粥都算綿, 不過可以杰番D..D雞都算滑..可能睇過食評好多人彈, 所以預左唔係咁好食, 食落又唔覺太差..清炒菜心菜好甜下..有鑊氣..好味上菜速度算OK, 但係伙計好似COOL左D囉..…查看更多

老公啱啱出左BONUS,今晚話出街食...我同仔仔一致投票番叮呢間泰國野今次叫左:鴨肉湯河: D鴨肉好滑, 個湯底清清地, 唔錯!串燒: D肉唔會燒到好乾好硬咁, 好味, 我大仔(7歲咋)一個人食左3串...炸芝士蝦丸:$60/一客4粒, 有D貴...但係我覺得好似唔係咁特別啫, 同埋有D漏..上次叫炸蝦餅($45)一件切開兩片黎食反而仲易入口D..蝦醬炒飯:呢個我全家都覺得咸左D...唔啱口味..蒜蓉包:上次食過番尋味, 今次再ENCORE, 味道雖然一樣咁好味, 但係我覺得好似細片左咁...送甜品:香芒椰汁糕+椰汁大菜糕, 我都係鍾意食香芒椰汁糕多D, 又香又滑; 至於大菜糕我同老公都覺得麻麻地, 覺得無咩味, 但係兩個仔仔就話好食喎唔知係咪做開街坊生意, D侍應服務態度真係好好, 好友善..上菜好快, 未食完已經送埋甜品上黎..呵呵...其實係佢地一心想等D客快D食完可以SERVE第二枱做多轉, 但係街坊生意, 係咁架嘞..食完即閃, 唔好阻住人地搵$$$$$阿姐見兩個仔仔鍾意食甜品, 仲想每人比多件佢地, 但係由於食得太飽嘞..仔仔個肚仔都無位裝嘞..下次先啦..多謝呢位阿姐的心意!呢度雖然話全日免加一, 但係都要每位收$3茶錢架!…查看更多

未到六點去到,停車場已FULL晒, 心知不妙...假日真係勁多人!好彩等左10分鐘左右就有枱. ..坐定無耐就有個哥仔走黎幫我地寫菜, 仲介紹我地食咩菜式, 所以好快搞掂食乜, 可以安心等食!燒鵝半隻: 個皮好脆, 燒鵝肥瘦適中, 好好味!仔仔一個人就食左9件西洋菜燉鮮陳腎: D陳腎好淋, 呢個老火湯, 正!味菜炒鵝雜: 呢味菜好醒胃, 老爺同奶奶食到讚不絕口...味菜同鵝腸好夾, 但係D鵝腎就唔係太啱口味.....咕嚕肉:呢個餸主要係叫比兩個仔仔食, 估唔到呢度D咕嚕肉都做得咁好, D肉用豬頸肉整架, 唔會炸到實一實, 好味!海參冬菇炆鵝翼海參同埋鵝翼都好淋, 好入味, 煱底仲有好多津白, 入晒味, 又淋, 好好味!上湯菜心:呢個無咩特別, 如果早知海參碟餸有咁多菜都唔會叫呢個菜...食物同服務都好滿意, 老爺奶奶同仔仔都食得好開心, 下次一定會再黎...不過下次會再早D黎, 因為走既時候見到門口有過百人係度等,,怕怕...…查看更多

啱啱收到宣傳單張, 話全日免加一, 趁假期就同埋老公同仔仔一齊黎試下...生蝦: $70, 一客有10隻, 好新鮮同好味, 不過如果可以將個蝦頭炸埋黎食就VERY GOOD LAR..冬陰功大蝦湯: $48一碗, 可以分到兩小碗份量..個湯好濃, 不過估唔到會咁辣, 好味!炸蝦餅: OK好食招牌海南雞飯: $48, D雞好滑, 有味飯唔係好夠香, 可以重手D...附送冬瓜湯一碗, 唔錯!蒜蓉包:勁多蒜蓉, 好香...一客有件贈送香芒椰汁糕, 都好味, 重有8件咁多,一人分到兩件大部份侍應都好友善, 係有一個年紀大少少既女人態度好似無咁殷勤囉, 上菜速度好快...不過呢間都會成為我地以後開飯既選擇之一!…查看更多

一落船就黎呢度開餐, 黎度中午12點度, 已經好多人, 攞左飛等左10分鐘度樓上就有位..叫左蝦籽撈面, 海蟹粥, 炸鯪魚球,揚州炒飯,灼菜心, 食物都算快黎, 質素其實都無咩特別, 係個海蟹粥好鮮味, 老爺奶奶鍾意食海鮮就話個粥好靚同好鮮, 不過成$58一碗, 都幾貴, 阿姐聽到即刻話呢度d蟹係即劏, 好新鮮喎; 蝦籽撈面d蝦籽都幾多, 味道就ok啦; 炸鯪魚球都ok, 不過個硯蚧汁就咸左d...服務算算係咁架嘞, 要水要碗要筷子都好快比你, d阿姐幾好傾, 仲教我地點搭車同去邊度玩囉下次唔會得登黎, 會試下第二間囉.. …查看更多

去完媽閣廟就黎呢度開餐食lunch, 睇食評唔錯, 對佢d食物都有d期望.....去到12點多, 啱啱開門無耐, 我地係第二枱客, 地方唔係好大, 不過都算乾淨, 同埋有好多可樂飾物, 都有d特色。店員好熱情, 仲問我地係咪第一次黎...因為之前溫左書, 所以好快就決定到食乜...我地4個大人兩個小朋友, 最後叫左燒牛肋骨(因為之前果晚係小飛象試左呢個, 所以想係呢度再回味下),燒鮮墨魚, 燒風鱔, 馬介休炒飯, 西洋炒雜菜, 因為叫左太多燒野食, 好似好熱氣咁, 叫多渣菊花茶消消熱...馬介休炒飯同埋炒雜菜都ok, 燒牛肋骨同之前係小飛象食比較, 呢間好似咸左少少, 不過其實都好味; 燒鮮墨魚點埋wasabi黎食..唔錯, 不過無乜驚喜既感覺, 反而燒風鱔就有驚喜feel...(不過張相唔啱format upload唔到上黎) 超好味... 一路食呢d熱氣野, 一路飲住杯熱菊花茶, 真係好正! 最後食完好似意猶未盡咁, 就叫埋個炸南乳雞翼,一碟8隻, d肉炒得好鬆化..其實如果呢碟係第一碟上黎, 一定唔駛一分鍾食晒..不過而家兩個小朋友都食飽飽, 所以每個大人食兩隻就好似多左dd...埋單$360度..ok啦!有機會下次都會再黎…查看更多

黎澳門緊係要食下葡菜啦...問過係澳門D FRIEND 邊間最好食又抵食,就推介左呢間...因為係星期四晚同埋我地未到6點就到, 所以雖然無訂位, 都無問題..不過如果係旺既日子, 最好訂位先!坐低已經好心急搵野食,4大兩細, 叫左燒牛肋骨, 燒咸豬手, 三文魚子炒飯, 炒雜菜, 馬介休餅..點完菜無耐侍應就送黎6個熱辣辣硬豬仔包...澳門D硬豬又真係幾好味..老爺話食完呢個包都飽左一半啦, 點解個老板咁儍架, 咪做少左生意..呵呵..食物好快就陸續送到, 不過竟然係炒飯最快黎到..有D奇怪..不過仔仔係飯痴..佢就好LIKE嘞!跟住炒雜菜都唔錯..馬介休餅都好快就黎到, 哇, 一碟竟然有12件..咁抵食... 入面有薯蓉, 椰菜絲同埋馬介休...我都係第一次食..感覺有D熱氣, 但係奶奶話好好食...食唔停口..主角燒牛肋骨同燒咸豬手陸續登場, 先講燒牛助骨, 伴住d薯條..黎到仔仔就搶住食薯條, 大人就一人一舊搶住食d牛肋骨, 叫左7成熟, 肉質鬆軟, 超好味!至於個燒咸豬手, 配菜有成舊薯仔一齊上..見到都飽(由於太飽, 最後呢舊薯仔都無人掂過..唔知好唔好味..)...豬手D皮燒到好脆..加埋有少少肥...好好味..份量都唔少..不過越食越覺得好似咸左D..反而送酒就一流..於是就叫左樽青島啤黎送D豬手..呢個配搭真係PERFECT!我平時唔多飲酒, 不過為左食D豬手..我都飲左大半杯囉叫左咁多野都係$480...very good!…查看更多

呢間係我地兩日一夜澳門美食團第一餐TEA., 去到未夠3點, 不過樓下已經坐滿人, 所以上左樓上...店員招呼非常親切, 見我地第一次黎都有介紹我地食咩好..我地一行4大兩小, 飲品小朋友叫左紅荳冰;大人一律係柑桔檸檬茶, 冷熱都有試, 冷飲無咁酸, 不過都好好味!食物就試左淨雲吞, 豬手, 招牌咖哩角同埋吞拿魚角...全部都好掂!豬手好'淋'同入味, 咖哩角好鬆, 好味!下次黎澳門一定會再黎TEA 一TEA...…查看更多

見到網友推薦呢間小店, 本來book左金田都即刻cancel, 一於試下呢間掂唔掂, 唔駛食親放題都只得金田ma.....我地兩大兩小係七點前入座, 哇, 大人只係$138咋, 仲免加一添....小朋友就$88/位, book既時候已預左要比兩個小朋友$$, 因為佢地高度都過左...點知個帶位姐姐好好人, 竟然主動話我一個小朋友可以免費..呵呵..因為我大仔生得好細粒同埋個樣好bb....呢度真係好細, 名符其實係小店, 但係食物款式反而比金田仲要多...仲有任飲添...我地要左凍熱柑桔檸檬,侍應仲不停為我地添飲, 真係好正!刺生好ok, 我地叫左三文魚腩, 帶子,赤貝, 甜蝦, 壽司最正係海膽同鰻魚..好鮮就略嫌d紫菜淋左少少...最驚喜就係佢個清酒煮蜆，炸生蠔，,燒魚頭, 燒雞翼, 秋刀魚同埋條多春魚...最值得一讚係侍應生服務態度非常好, 店子小小, 但係見佢地都好努力咁幫客人清理枱面同埋不停添飲雖然限時個半鐘, 但係對我地黎講已經好夠...走時真係抱住個肚走雖然無左金田個甜品, 不過如果係荃灣食日式放題, 呢度肯定變成我既首選兩大兩小埋單竟然只係$364..呵呵..真係超值仲有雖然係閒日, 但係一定要book位, 因為店子太小, walk in 未必有位哩!…查看更多