or#Tm66304251的個人專頁

突然心血來潮想食放題，就過咗嚟大埔超級城呢間滿屋到試吓啦，因為睇食評話任食海膽榴槤同埋雪糕，都係我最鍾意嘅嘢食☺️☺️一嚟就當然嗌咗轉刺身先啦，刺身全部都好新鮮，個牛油果吞拿魚他他杯都好特別，最開心係有海膽手卷，海膽鮮甜冇怪味，仲有柚子醋味嘅海蜇，仲有鮑魚，真係好多好多選擇🙌🏻食完一輪刺身就叫左啲熟食，扇貝炒蜆全部都好高質，串燒都啱啱好，唔會話太鹹又唔會無味，烤榴槤都啖啖肉呀😋呢個清酒煮大蜆鍋都好食，啲蜆好新鮮冇晒沙架雖然舖頭唔算話好大，但係自助吧都好多選擇㗎，飲品仲包埋啤酒，然後出邊仲有10幾款嘅前菜，甜品櫃又有十幾款，雪糕都有10幾款呀，出邊仲有熱食有薑蔥炒蟹，小丸子同埋青口，呢個價錢真係食到你捧住個肚出門口呀住近呢邊嘅朋友真係要黎試下呢間放題喇🙌🏻…查看更多

開到凌晨兩點，收夜嘅話必食呀🙈同老公一人叫左一個餐，因為係齊柏林副線，所以我叫左黑松露漢堡，老公就叫左鰻魚牛肉雙拼飯。個包熱辣辣，芝士都溶哂架☺️☺️☺️個牛肉好鬆軟，唔係實的的嗰啲牛肉餅，好食😋鰻魚牛肉雙拼飯洋蔥好入味，牛肉都唔會好乾，鰻魚份量都唔細，都霸咗半個碗架，男人食MSize啱啱好加左魚手指，麵豉湯同埋白桃汁🙌🏻魚手指完全冇腥味，白桃汁少甜，但係可以接受😆😆整體呢個價錢十分滿意💙消夜之選…查看更多

同朋友收工就過左黎工廠區呢邊搵食，叫到呢個工業風好靚，就揀左距喇🙌🏻好彩收工收得早呢，我坐低咗都冇15分鐘就已經爆場了我哋叫咗一個意粉，一個燒春雞同黑松露薯條個薯條熱辣辣㗎，黑松露都好多呀，俾啲薯條遮住咗😆好食👍🏻燒春雞擺盤同賣相都好吸引，個雞皮燒到脆卜卜，然後雞肉係一啲都唔嚡，佢仲會幫你分開埋2邊，兩個女仔食啱啱好呀👍🏻值得一試再叫咗一個蟹肉芝士蕃茄長通粉，個醬汁入邊有好多蟹肉架，個醬汁啱啱好，唔會太酸，又唔會太Creamy🙌🏻仲要個份量都好大，好底食呀💙大家去開附近都可以試吓，下次會想去試吓PIZzA🍕同牛呀…查看更多

朋友住係大角咀，所以今日就去咗距個區搵食，見到呢間米線門口有得領養小動物架🥰就馬上入去食距喇🙌🏻我哋兩個人叫咗兩碗紅薯粉，加兩個小食我叫咗蕃茄濃湯加豬軟骨，蘿蔔冬菇個湯底好濃郁，豬軟骨同冬菇都好夠林好入味，蘿蔔超大份🙌🏻朋友叫咗酸辣湯底7份濃湯加咗秘製豚肉，豆卜同辣筍絲，湯底酸度啱啱好，唔會好鹹，食食吓會唔小心飲晒啲湯🙈豚肉好林呀，好好味😋小食我哋叫咗巴蜀狂野雞翼黑椒味雞翼煮得好嘢味，同埋$29有五隻真係值得一試呀🙌🏻🙌🏻🙌🏻另外一個小食係麻辣雞絲山，真係超多雞絲，雖然佢係麻辣但係唔算好辣，有種鹹鹹辣辣嘅味，鍾意食雞肉既都一定要試下😆同埋入邊啲壁畫都好靚，位置都坐得舒服，大家有興趣都可以去試吓💙💙💙…查看更多

今日同老公去尖沙咀買野，距話想食車仔麵，我地就揾左呢間喇💙距話入口要行入大廈中間上樓既我地叫左一個豬什麵一個三餸車仔麵再加2個小食豬什麵叫左重口味汁少辣，個湯好濃郁，好有地道車仔麵口味，好食😋另外叫咗三餸麵，蘿蔔雞翼同豬紅加咗兩蚊要多芫荽，啲芫荽真係多到成個碗都唔夠放啦😂個蘿蔔超級出色，滷水超入味，勁林，仲要無渣架～～～～豬紅又係超級入味，呢兩個餸真係必點呀，雞翼竟然有三大隻，真係好抵食㗎小食我哋叫咗太陽蝦餅同埋魷魚鬚個魷魚鬚又係超級好食，爽口彈牙醬汁甜甜酸酸咁太陽蝦餅係用魚肉同🍤🍤炸出黎，完全唔油，點埋甜酸醬好食整體所有嘢都好出色呀，服務態度非常好我會俾95分呀💙…查看更多

今日同朋友去尖沙咀剪完頭髮，就過嚟山林道搵食啦，見到呢間西餐門口幾靚，就入去試下喇🙌🏻🙌🏻我哋叫咗兩個dinne set share ，包埋餐湯沙律同埋餐包，餐湯係蘑菇湯，味道都好濃郁😋個餐包係熱辣辣外脆內腍啤啤架Main 我哋叫咗菠蘿雞肉Pizza同埋巨🍤龍蝦汁意粉，真係超級大份，我哋兩個女仔真係食唔晒🙈，個大蝦好爽口，個Pizza雞肉同菠蘿超級多呀，呢度個份量真係三個人食都得👍🏻👍🏻我哋叫咗奶茶蛋糕做甜品，好好味，份量同甜味啱啱好，唔會食完好膩🙌🏻跟餐加$18轉左柚子沙冰，係限定嚟嘅鍾意柚子朋友唔好錯過啦💙…查看更多

今日屋企人生日去咗食愛文生，因為我哋都好鍾意食小炒同中式小菜，所以就揀咗呢間喇🙌🏻我哋四個人叫咗蒜蓉粉絲蒸蟶子王($78/1)，小炒王($108)，椒鹽豆腐($78)同埋薑蔥蠔煲($208)蟶子皇嚟講，我覺得偏細隻，味道正常小炒王好食🤤，有鑊氣，亦都好大碟好足料薑蔥蠔煲味道都唔錯，可以再濃味啲🙈同埋啲蠔都好大隻🙌🏻🙌🏻椒鹽豆腐都好食，唔會好油，外脆內軟嘢飲，我叫咗龍眼冰，屋企人飲啤酒，我覺得個龍眼冰唔太甜，價錢都算合理，下次應該會想再試埋其他小菜☺️整體我會比80分💙…查看更多

早排約咗朋友去AIRSIDE京都勝牛食lunch，成個體驗好有驚喜！餐廳環境好闊落，裝修簡約帶啲日式味，坐得舒服，落單用自助QR code好方便。今次我叫咗招牌經典元祖牛御膳，啲吉列牛肉外層炸到金黃酥脆，但牛肉仍然保持粉嫩多汁，入口好有牛香；點埋芥末或特製醬汁，味道層次再提升，真係會不自覺一塊接一塊咁食。飯都好夠份量，配埋漬物、沙律同味噌湯，簡單得來好有日式風味。服務方面，店員雖然唔算多，但都主動送水同解答疑問，上菜等咗一陣，但見全場full house都可以理解。人均大約$160可以食到咁高水準吉列牛肉，真心抵！甜品都值得一試，抹茶蛋糕香濃而唔苦，食完成餐更加滿足。整體嚟講，京都勝牛AIRSIDE無論食物水準、環境同價錢都令人好滿意，如果你鍾意食牛，一定要試下佢個吉列牛御膳！整體我俾90分💙…查看更多

適逢爸爸生日，爸爸都比較鍾意食中菜，點心呀酒樓呀小炒大排檔個類，所以就揀咗觀塘呢間小炒嗰日我哋六個人叫咗一個羊腩煲，因為老闆大推羊腩煲呀，叫咗芝麻雞，一個鮮魷炒豆苗，再有一個冷盤，跟住老闆就叫我哋食住先，因為呢羊腩煲好大架，都怕我哋食唔晒但我就唔食羊，不過我屋企人都食到舔舔脷話真係幾好食，芝麻雞嗰皮炸到脆卜卜，然後同埋芝麻一啖擺入口，真係好好味，炒豆苗有鑊氣，見到隔籬枱有碟大腸到炸到好香好似好好食，不過我哋冇叫喇因為已經好飽😆😆然後再嗌咗一查佢哋嘅自家製雪梨茶，都係老闆大推㗎，然後我哋切埋個蛋糕，開開心心走人嚕整體我都會比85分呀💙💙…查看更多

Mamaday係尖沙咀嘅人氣樓上cafe，以玩味十足嘅裝修同創意菜式吸引大量打卡客。餐廳環境色彩繽紛、滿滿幽默金句同復古布置，打卡一流。一打開menu，菜名都非常搞鬼，試過蒲燒鰻魚蛋包飯、蟹蟹蟹意粉、軟殼蟹薄餅等，全部用料新鮮又足料，特別推薦鰻魚蛋包飯，鰻魚厚切無骨、蛋滑飯香，配合得好出色；甜品如紫薯芝士蛋糕同焦糖脆脆窩夫，味道層次豐富。仲有live band表演同生日驚喜，氣氛好適合慶祝聚會。唯一缺點係有啲高峰時段需要等位，但服務算快、店員有禮。總括而言，Mamaday唔止有搞笑元素，食物、環境同氣氛都好出色，絕對值得同朋友一齊去試！🎉整體我會比80分💙💙…查看更多

有一日行街經過快樂番薯，本身係俾佢$20.2杯珍珠奶茶吸引咗嘅，所以就行咗過去買咗兩杯珍珠奶茶，點知行到過去就發現佢啲番薯超級香，所以又忍唔住帶咗兩舊番薯，舊番薯係超級甜，好好味😋😋😋不過價錢就中價啦，唔算好平然後見到佢有手抓餅同番薯腸，所以我哋又買咗一個黎試下，叫咗肉鬆蛋手抓餅，估唔到出到嚟份量都幾大，啲醬汁幾好食，但係番薯腸我就覺得一般啦，本人都係比較喜歡食雞肉腸多啲😂😂不過手抓餅同番薯我係推介嘅經過想食小食嘅朋友可以試吓整體我會俾80分💙💙…查看更多

每一次去MegaBox都會唔知點解就會想食IKEA餐廳，其實味道我覺得穩打穩扎，佢唔會難食，但係我又冇覺得特別好食，但係就總會好想食可能因為每一次去到都有唔同嘅嘢揀，例如意粉會唔同咗啦，甜品又會有新出㗎喇，所以每一次去食都好似去一間新嘅餐廳食一樣不過每一次去我都一定會識佢嘅凍🍤，蔬菜薯餅同埋小食拼盤😂呢三樣係鐵膽嚟嘅佢嘅凍蝦雖然細細地但係真係好好食，然後前排去食有榴槤蛋糕，不過都係比較鍾意食佢嘅榴槤雪糕整體我會比80分💙…查看更多

三三骨肉係尖沙咀韓國菜新寵，人氣極高，主打薯仔脊骨湯和韓式烤肉。餐廳以創新menu、打卡風裝潢，吸引唔少韓食迷。最受歡迎係招牌辣味薯仔脊骨湯，湯底濃郁，帶微辣但辣中帶甜，脊骨肉質軟腍，分量十足，薯仔亦吸晒湯汁精華，勁好味呀，而且可以加刀削麵、拉麵、白飯等同湯底一齊食，建議必試刀削麵，彈牙又足料。好食到忍唔住我要送啤酒一齊食呀泡菜、蘿蔔等小食可以免費追加，配搭烤肉更加惹味。餐廳環境乾淨，座位闊落唔焗促。唯一小缺點係價錢中價同晚市通常要排隊，但整體水準正宗，適合三五知己聚會食飯。如果想試正宗又新派韓國脊骨湯，三三骨肉絕對值得一試👍🏻。整體我會比90分💙…查看更多

同朋友喺中環做完運動，就去咗呢間意大利餐廳食lunch , 因為突然好想食spicy rigatoni,又好似幾多人推介就嚟試吓啦😋😋我哋每人叫咗一個lunch set $148，我朋友就叫咗慢煮雞胸，我就叫左spicy rigatoni (add$20)佢個set包一個湯，或者沙律，我哋兩個都揀咗沙律，因為好似咁啱嗰日係白湯，而我哋兩個都麻麻白湯，沙律正正常常啲菜都好新鮮兩個主菜，我覺得都好食嘅，rigatoni 真係都幾spicy , 所以唔係好食得辣嘅，可能要同佢講聲，不過略嫌份量細咗少少🙈🙈因為我一個唔算話超大食既女仔都覺得有少少唔夠飽😂😂😂最後甜品就係tiramisu, 都係略嫌細份咗少少😂佢哋嘅服務態度都幾好嘅，會keep住留意吓大家有啲咩需要整體我會俾75分呀💙…查看更多

見到好多負評，不過呢間我冇堂食過嘅，一直都係用外賣平台叫外賣，因為佢快而真心我覺得味道係唔錯嘅一直食開都係食佢¼隻雞配薯仔同雜菜，之前係距佢嘅牛肝菌或者麻辣醬，我覺得呢兩個將最好食，而薯仔同雜菜第一次食嘅時候係有少少驚喜嘅，係有少少鹹味，但係又唔會太過分係幾好食嘅，然後雜菜都係有炒咗啲調味，所以個雜菜有味得來又唔會太乾，覺得都算好食隻雞都好有份量，佢¼隻唔會真係比勁少，點都有搭夠雞胸落去，所以係好夠飽嘅😋不過前牌我見佢已經冇咗¼呢個揀，所以我就叫咗半隻，而又有新味道，韓式柚子味，我覺得都係好食既，不過呢個將就偏甜咗少少，同埋價錢越來越貴了🥹整體會比80分呀💙…查看更多