cherry1306的個人專頁

路德圍多野食就係人都知，但有間咁正既韓國菜你又知唔知🤤原本呢間韓閣係細間啲，轉左大舖多位左，坐都坐得舒服左。睇下有咩食先～依家啲小食好抵，我地嗌左魚膏湯同紫菜粉絲卷。黎到韓國餐廳，點都要嗌份炸雞🤤嗌左蜂蜜牛油味🤤另外仲嗌左大醬湯～講下小食先，魚膏湯同紫菜粉絲卷，魚膏有3塊，個湯仲有啲人蔘味☺️紫菜粉絲卷熱辣辣，沾下茄汁咁食都幾好味🤤炸雞上線～聞落香噴噴，好似都有5-6件。第一啖食落真係好似日式燒汁味，不過嗒真啲，又真係有蜂蜜同牛油味，食食下都幾好味，雞肉嫩滑，皮都炸得夠脆大醬湯好鮮甜蜆既份量好多，送飯一流！百香桂花烏龍，同想像既味道一樣，百香蓋過左桂花既味不過！都好飲既，唔會太甜。…查看更多

Hotel icon出名食物有質素，環境同氣氛都好舒服。沙律bar有好多醬汁、菜同生果可以選擇。亦有現成嘅沙律、煙三文魚、火腿等等。熱食十分多，適合帶長者及小童黎食。有北京片皮鴨，廚師即場片鴨，脆薄好食另一邊有日式刺身，放系凍櫃，需要時問廚師領取，十分衛生。凍食都唔少，有唔同嘅海鮮，蝦、蟹、螺，樣樣都好新鮮甜品區亦有好多款式，而且有唔同口味，芒果、朱古力、綠茶，迎合到唔同人嘅口味。鐘意食榴連嘅朋友，就一定唔可以錯過榴連甜品區餐廳自制榴連雪糕，味道好濃，重榴連味比利時雪糕，入口濃厚綿密…查看更多

今晚到屋企附近商場行下街，搵野食。好耐冇食過School Food，今晚決定同朋友去食下。School food 同以前唔同左，有一set可以叫，抵食咗。1個set$68，有碗麵，紫菜包飯加飲品。朋友同我分別揀咗拌冷麵+部隊鍋。冷拌麵醬汁好好味，味道濃，麵好彈口。而部隊鍋就比較普通，冇乜驚喜。墨魚汁魷魚紫菜包飯墨汁夠，可以見到2大舊魷魚，味道較淡。韓式烤豬肉紫菜包飯咬落脆卜卜，包飯內有醬汁，味道好夾。韓式飲品…查看更多

放寬左6人一齊食飯，可以食啲中式野，share多幾碟餸啦！尖沙咀呢間分店，星期一夜晚黎冇咩人，好靜坐得好舒服，傾計一流，店員仲好好服侍☺️.我地6個人都嗌左幾多野，不過啲點心一碟都係得2-3件，多人黎可能要嗌多幾碟啦！.個外型非常精緻.鮑魚酥好味，$28/件，個底有啲曲奇既感覺，好鬆脆。.黑松露菇包，外型係一粒菇，包好鬆軟，黑松露味好濃👍🏼.呢碟芥蘭好靚，好新鮮，炒得岩岩好，嗌碟菜消下濟就岩哂。.煙三文魚流心蛋，呢個都好好味，味流心蛋唔會太鹹，因為本身煙三文魚都鹹，煙三文魚份量都多架。.最後嗌左個榴槤糯米糍，鐘意食榴槤一定唔可以錯過！望落去細細粒，但啲餡好厚實。Overall樣樣都唔錯，睇黎都冇咩點心難食😹可以隨便叫，應該冇伏。環境又唔錯，用餐愉快～…查看更多

想打邊爐好耐啦，約左個frd打邊爐，我地又唔想去啲限時餐廳，趕頭趕命，上openrice見到呢間評價唔錯，menu望落都多選擇，訂座仲有8折加大閘蟹送添，一於試試佢～.我地平日夜晚黎，唔算多人，有卡位座，正。一入到黎就聞到陣陣麻辣味，好香，不過朋友唔食辣，我地嗌左個養生花膠螺頭雞湯，入面仲有蜜瓜，做湯底，夠哂特別，同平時食開既清湯湯底好唔同。個湯滾滾下個感覺都似老火湯。啲雞好滑，不過花膠同螺頭就冇乜味，可能煲哂啲味出黎，所以個湯超甜～！湯底嗌左$338～.一開始都唔知個湯底咁足料，都嗌左好多餸，好彩最後都食得哂。下次應該嗌一半再加單。打邊爐唔少得既肥牛，$138，牛味都重。.牛脷就擺得好靚，味道就冇肥牛咁正，可能冇咩油脂，岩燒烤多啲！$88，份量都多，平時出面燒一串3塊都$30！.打邊爐最鐘意食餃，咩餃都有齊哂，啲餃好足料，好新鮮！$98有8粒🤓啲蝦餃入面粒粒蝦（本人好鐘意食蝦）不過個黑松露餃就略嫌唔夠重黑松露味～.響鈴好脆，都係新鮮製造，食得出岩岩炸起既口感。仲有蝦滑同墨魚滑，個人都係鐘意蝦滑多啲～人均消費$500左右，好滿足～～☺️…查看更多

之前聽人推介citywalk後面有間隱世日式小店，平靚正，一於試試佢！不過呢到有啲難搵，夜晚都比較黑，要小心睇路～.舖頭真係唔算大，但都算坐得ok。我地嗌左個魚生飯同鰻魚飯，睇下相先！呢個魚生飯大約$160，但咩都有！有帶子、海膽、厚切三文魚、仲有甜蝦，大大隻！雖然未講得上好新鮮同鮮甜，但呢個價錢咩都有，算好抵！另外仲嗌左個鰻魚飯，鰻魚原條上，望到都覺得吸引！成條鰻魚應該有手肘既一半，配埋滑蛋冇得輸，飽飽埋單冇問題！…查看更多

今日相約左鐘意食辣嘅朋友，去食下荃灣麻辣風雲。門面裝修得幾靚，入到去有播音樂，氣氛唔錯。內裏都好有心思，連餐牌都整得好靚。Book左星期五7:00，上到去已經好多人。建議係OpenRice 訂座，咁就唔洗等位。食主角雞煲之前，叫左個小食，麻辣牛展。菜式可以揀大，中，小辣。麻辣牛展叫左小辣，有少少麻，麻辣味道未算太明顯，所以唔太辣。雞煲到左，服務員會幫手放喺檯正中間加熱。味道好香，食落好野味。雞煲叫左半份，2個人都夠食，因為想食下其他唔同菜式。餐牌上干鍋肥腸都係推介，肥腸又粗又厚，睇落洗得幾乾淨，而且蓮藕作為配菜，辣椒同芝麻夠足料，吸到哂麻辣味道。回鍋肉半肥瘦，落左好多菜去炒，所以食起上嚟唔會太油膩，可以盡情地食，亦都好岩送酒，啤一啤。…查看更多

難得黎到鰂魚涌咁遠，見到呢間nuttea好似幾出名，決定食完飯去買杯野飲先🤤睇相覺得啲相好靚，沿路行見到有茶湯會、一芳、coco espresso等，最後都堅持去到nuttea。不過有個現象，就係間間都多人排，唯獨呢間冇乜人排。但因為我想試伯爵朱古力堅果茶既決心太大，所以都係買左～.見到佢餐牌，呢杯伯爵朱古力茶有3粒星推薦，好期待！.杯野真係幾靚，配左一枝羹食下面頭啲奶蓋，枝羹好靚😹首先講下啲奶蓋，有啲鹹，有堅果既質感（粗糙啲），好厚，好似食緊好厚既朱古力味cream，冇cream咁滑。不過本人唔鐘意食cream，但平時稀啲既芝士鹹香奶蓋可以接受，所以佢啲朱古力奶蓋咁厚有啲surprise。.試下個茶先！因為我本身都好鐘意飲茶，伯爵茶既味不嬲好濃，諗住呢杯都一樣，點知好淡😧伯爵茶都沖到咁淡，好慳皮喎，呢個淡既程度究竟加左幾多水😹鐘意濃啲茶味既朋友就唔建議啦，鐘意淡淡茶香可以揀！.奶蓋同伯爵茶既組合真係麻麻地，個奶蓋好厚，啲茶好淡，一齊飲就好似有舊野係你個口到浮游，感覺好不安😖想挑戰下呢種感覺歡迎揀呢個3粒星既伯爵朱古力堅果茶。…查看更多

上次食完favilla，排緊隊果陣見到前面果間都排哂長龍，原來係食魚生飯今次我都排下隊，睇下係咪咁正先！.條龍都幾長，心諗應該要排半個鐘，點知15分鐘就入到（但原來限時食半個鐘，佢比單我地話半個鐘啦我先知用餐時間半個鐘佢門口有寫但我掛住睇有咩食 冇留意到😆）.雖然好rush，但啲staff服務態度都好好！會介紹下點食，因為佢有一碟壽司醋啫喱，係撈落啲飯到既。今日廚師推介係全拖羅飯（$190）好吸引不過$190 lunch有啲貴，最後揀左海宝丼［並］（$90）等左一陣，好快上菜～講下個魚生飯，有紅肉、白肉、章魚、穴子、蛤蜊、小扇貝、鮭魚子、青瓜，同［上］既分別就係少左啲蟹肉。魚生好新鮮，啲飯都唔會太硬，就連啲飯都係新鮮既～好容易撈均。仲想讚下佢杯凍烏龍茶，好甘香呀不過食唔切，最後爬多兩啖飯，飲多啖茶就讓檯，打打下食評都有啲掛住佢杯凍烏龍茶。下次食快啲，再嘆佢杯茶😭…查看更多

鰂魚涌呢條海光街好多選擇，今次試下呢間，可以做左會員先，有得草分睇下有咩食先！好似影漏左頁，我同frd最後嗌左鰻魚滑蛋定食登登！個鰻魚好正，質地厚實，大大份！仲有生果同沙律，咩都有啲好健康佢啲生果好好味好甜！跟住講下個滑蛋，真係好滑，又好厚實，好滿足.飯就另上，夾舊魚，爬啖飯，enjoy~~雖然個定食有湯，但我地都嗌左杯咖啡，試試佢～跟餐有得平啲嗌杯咖啡，岩哂上班族，食完飯唔好恰眼訓。.我嗌左杯mocha，有拉花，好靚～仲有得揀豆，揀左nutty，味道唔會太酸。黑朱古力味好濃，唔甜～好特別既mocha…查看更多

係隔離青衣城睇完戲，9點半，發現冇乜餐廳做未收，好多都收10點，次次睇完戲都唔知食乜好。.諗住行過隔離長發睇下譚仔閂門未，點知都係好早閂，睇黎青衣居民都好健康，早睡早起。.入長發街市行左個圈，都多野食，不過for takeaway，見到門口有間茶記，照殺～.嗌左晚市小菜套餐，一份柚子西檸雞，一份蜜椒薯仔牛仔粒，配飯送湯$65，熱飲加$5，凍飲好似加$8。.一上到黎，碟餸比想像中大碟😹西檸雞味道唔錯，檸檬重，第一啖食落係酸啲，啲雞都淋，唔偕。蜜椒薯仔牛仔粒聞落幾香，牛既份量好多！大大碟實食得飽。薯仔冇炸過先，就咁煎炸當然冇咁脆口，但薯仔味好重。牛就嫌佢鹹左啲，最後都食唔哂😖.健康啲，加左碟菜，跟餐$14，散嗌$28。…查看更多

黎到灣仔，夜晚食咩好？聽聞灣仔有間雞白湯拉麵好出名，一定要試。夜晚去諗住好多人排隊，點知都係等一檯，可能比較晏，我地食完都差唔多閂門。我同友人都嗌左至尊，想食多幾塊雞可以嗌特盛。除左兩碗拉麵，我地仲嗌左份炸雞🤤.先講下炸雞，炸粉仲得唔錯，一咬落去啲雞油漏哂出黎，好嫩口。熱辣辣既野食都係特別好味😋.拉麵方面，一上到黎，飲啖湯先！嘩～雞白湯味濃到爆，又唔會太鹹，拉麵有得揀曲或者直，我地都揀左直麵，但掛湯能力都好高。湯既面頭有啲雞油，不過都唔會太漏。雞肉方面都好嫩，唔會煮到老哂，有機會大家都要黎試下😋…查看更多

星期日晚經過荃灣廣場，就去附近睇下有咩食，因為商場對出既舖頭都多人等位，我地就行後一條街。.之前經過見到佢新開已經想試下，不過都係等佢run順啲先幫襯。我地去果陣冇新開張優惠，不過都照試試佢。我地嗌左招牌海南雞、金邊粉加生菜包，野飲就嗌左菜蜜同柑桔蜜。.落完單，海南雞好快上到黎，因為唔洗煮，但個炒金邊粉等左成粒鐘先上。好彩個飯我地share，咁就可以開餐先😁。雞味濃，夠嫩滑，要讚下個油飯，鹹香岩岩好！.我地食得好慢，差唔多半個鐘之後，上埋生菜包。生菜包都好正，肉碎都好夠味，熱辣辣，包住生菜好juicy好好味～.生菜有4塊，我諗我地都食左20分鐘，終於上埋個金邊粉。金邊粉炒得唔錯，有茄汁味，條條粉都有味！.好彩我地係share食，如果同朋友黎一人一碟，嗌左金邊粉果個要等成粒鐘先有得食😹好彩我地都唔趕時間，好多人等唔切都cancel左單。.本身諗住嗌埋蝦餅黎試下，點知夜晚7點佢話蝦餅已經賣哂。如果下次好得閒既都會再黎試😹…查看更多

荃灣西既日落出名就係人都知啦，所以耐唔耐都會去荃灣西果邊行下😎。海之戀商場入面開左好多野，有Donki有牛角包有打邊爐咁，不過食完野好飽，就想買番杯台式飲品。見呢到有花斑茶社，一於試下佢！之前聽朋友講白桃烏龍正，咁我menu都冇睇就嗌左白桃烏龍，果然冇令我失望。.杯野飲入面仲有一粒粒桃，好正～烏龍茶咪都重，有少少回甘好正！冇嗌少甜，都唔會太甜，建議大家可以試下正常糖度。最重要既係，佢係黃店！大家要多多支持🥳🥳…查看更多

放假諗住輕鬆下，所以今日就去飲個茶、食個點心全記點心2:30就開始下午茶，好多人係店外排隊等飲茶，望一望都十分抵食，各款點心$13唔好以為$13蚊點心會唔足料，事實係賣相唔錯、足料，而且款式都好齊，店內環境懷舊蝦餃皇，大大粒，一籠有3粒入面冇偷工減料，啖啖蝦因為同友人都比較鐘意食蝦，所以叫埋蝦春卷，即炸即上，春卷入面真系捲成條蝦，好鬆脆同朋友總共叫左7樣嘢，加埋以上2樣仲有燒賣、金錢肚、鳳爪、叉燒腸，食到飽一飽。埋單100蚊都唔洗，唔洗加一，茶位3蚊，係一人一杯提供茶包。…查看更多