guardbear的個人專頁

前幾日特登約朋友去試呢間叫十三姨既餐廳，牛四喜係新出既鍋麵，食過之後，我只可以形容係「牛四悲」。其中新嘅餸就係粒牛丸，但係呢粒牛丸係完全無味既，仲要得兩粒勁細粒。另外啲麵係煮到淋哂，就黎爛咁款。至於侍應方面無咩禮貌，上菜又成日搞錯，搞錯完之後sorry 都無句就走左。埋單果時，收完錢多謝都無句。唔講以為自己入左茶記。重點係…呢間野係要收加一服務費的。最慘嘅係，食完返屋企未夠一個鐘，我就開始肚屙。朋友話佢都係咁….總結就係，一鍋教訓，千祈唔好試！…查看更多

我哋去咗Fleur，一間喺將軍澳的澳洲菜餐廳。點知，我哋好失望。係「lunch餐牌」入面，是沒有餐飲的，與散叫是沒有分別。我哋叫咗封門牛柳，薯條，但係要成300蚊。牛柳嘅份量好少，得幾小塊，仲煮得好乾好老，伴碟上是不錯的，有不同的顏色，起初看似很好食。而薯條似係啱啱由雪櫃拎出嚟咁，而我哋等咗20多分鐘。呢個價錢係完全唔合理，完全唔抵食。Fleur係一間名不副實嘅餐廳，我哋唔會再去，亦都唔會推薦比任何人。…查看更多

中午同同事出去食飯，喺出面見到個裝修都幾靚幾懷舊，就走入去試下。個餐牌價錢都幾嚇人，叉燒滑蛋飯都要成九十蚊，仲要加一。上網見到個焗豬扒飯都幾吸引，就叫黎試下。落單果時職員話要等十五至二十分鐘。OK ， 一路等一路期待。廿分鐘後，個焗豬終於黎到。點知……..大失所望先講最上面果層芝士，焗到一塊塊硬膠咁，唔知咩黎既。入面塊豬扒又乾又無味。啲飯都係又乾又硬。成個焗豬扒飯仲衰過茶餐廳同快餐店收費連加一共$108…查看更多

雖然話係small plates, 但係啲野食真係好細碟應該叫mini plate。連碗湯都細得可憐，用個比中式茶杯大少少嘅size 裝比你，但係收你七八十蚊。之後加左個pie ，試吓佢有幾咁好食，食左一啖之後，完全失望，再望一望個價錢，可以係話用垃圾黎形容。一個批收成$150左右，呢個價錢絕對可以係五星級酒店買兩個焗批或以上。最後加左個甜品，presentation非常之普通，味道都係普通平價cafe質素⋯⋯…查看更多

近來土瓜灣開了不少新餐廳，聽朋友介紹過呢間，今日就決定去試試。我地叫左個套餐，價錢合理。佢地擺盤比較細碟, 但是份量就一點都不少。前菜係西班牙黑毛豬拼盤，配埋個蒜蓉包可以令到成碟肉無咁鹹。之後到餐湯，其中一個upgrade 左大蝦濃湯，雖然要加$68，但係完全物超所值。職員叫我地用隻蝦去攪下碗湯先飲，因為個湯係放左蝦頭去淆，個湯飲落去有豐富既大蝦原味。之後黎黑松露薯條同沙律係任食的。 主菜就揀左個西班牙棕毛豬肩胛同銀雪魚，豬肩肉質非常淋，完全唔硬。銀雪魚係今日special ，佢個醬配得好，同銀雪魚好夾。在土瓜灣食到咁高質的西餐，難怪朋友再三光顧。…查看更多

呢間離西營盤站有點遠，不過行過去又唔係太辛苦，都係十分鐘內就到 。成間餐廳比較自助 ，餐具是要自己拎的 ，落Order就直接去cashier 度落。我地叫左水果茶同青檸薑啤特飲，兩款飲品味道都非常濃郁，另外價錢都好合理。鴨脾上枱時發現原來有兩件，份量都算大。雖然是油封鴨脾，但一點也不覺得油膩，外皮燒得很脆，肉質不會鞋，好快就食曬成隻。另外我地仲叫左個小食，墨西哥粟米花，個名好特別，賣相都很惹味。雖然是燒粟米，外面加左小小辣粉，但燒得唔會乾還保留左粟米的甜味同水份，非常清新。之後黎個法式豬鞍架配燒露筍苗，豬鞍好厚肉，肉質好嫩有肉汁。…查看更多

係河內道附近搵日本野食，被我地發現呢間居酒屋，外面望入去好似唔太大，不過原來坐到好多人，而且weekday都滿座，食物應該唔差。二人座不用等就有位，打開餐牌發現很多選擇，壽司刺身、燒物、主食、前菜都有很多款。我們點了海膽壽司、吞拿魚腩、帆立貝蟹膏壽司、燒酒甘魚鮫、原條鰻魚飯同店員推介的燒花甲。餐廳上菜速度非常快，第一碟上左吞拿魚腩刺身，肥美得來唔會成口油，不錯。海膽都非常新鮮，仲食到濃濃的海膽味。帆立貝蟹膏壽司很夠味，濃濃的蟹膏不會覺得膩。原條鰻魚飯十分吸引，又厚身又長，吃下去還覺得十分肥美，第一次叫到鰻魚比飯份量還要多的鰻魚飯！燒油甘魚鮫沒想到咁大份咁抵食，魚肉大大啖仲燒得好嫩滑。小小的居酒屋想不到食物水準這麼高，大家都吃得很滿足。…查看更多

係河內道附近搵日本野食，被我地發現呢間居酒屋，外面望入去好似唔太大，不過原來坐到好多人，而且weekday都滿座，食物應該唔差。二人座不用等就有位，打開餐牌發現很多選擇，壽司刺身、燒物、主食、前菜都有很多款。我們點了海膽壽司、吞拿魚腩、帆立貝蟹膏壽司、燒酒甘魚鮫、原條鰻魚飯同店員推介的燒花甲。餐廳上菜速度非常快，第一碟上左吞拿魚腩刺身，肥美得來唔會成口油，不錯。海膽都非常新鮮，仲食到濃濃的海膽味。帆立貝蟹膏壽司很夠味，加上蟹膏不會覺得膩。原條鰻魚飯賣相很吸引，又厚身又長，吃下去還覺得十分肥美，第一次吃到鰻魚比飯份量還要多的鰻魚飯！燒油甘魚鮫沒想到咁大份抵食，魚肉大大啖仲燒得好嫩滑。小小的居酒屋想不到食物水準這麼高，我們都吃得很滿足。…查看更多

原本諗住去呢間打邊爐 ，但係個friend 坐底後見到刺身又想食 。好啦，咁我地最後就叫直接叫左刺身同串燒 。刺身就試左一板馬糞海膽，價錢上唔算貴，只係四百蚊。另外再加左少少三文魚，池魚，海老同赤貝。整體來說，刺身係好新鮮，每一塊都幾厚下。串燒就叫左大啡菇，和牛、雞翼、白鱔、牛舌同雞腎串燒都燒得幾好，無燶雞腎好爽唔硬，大啡菇又夠多汁。最後飲品方面我地叫左「醉」同「胡」。話就話「醉」有清酒，但係飲落酒味又唔太勁。…查看更多

朋友係九龍灣放工又唔放得早，就開左個app 搵直接附近有咩食，比我地見到呢間。一路以為係間地鋪，我地圍住棟大廈兜左個圈都搵唔到個入口，點知原來要入去工廠大廈入面。入到去有三個餐揀，我地決定食豪啲，一人一個龍蝦餐。個餐裏面包好多海鮮，多寶魚，龍蝦，鮑魚，聖子皇，黃金蜆同貴妃蚌。另外仲有8款配料。每張台有個牌係教埋每樣海鮮要滾幾耐，好貼心。總括黎講，海鮮都幾新鮮，加埋跟住個牌滾啱時間，唔會曬左啲海鮮。最重要嘅係，食咁多海鮮都只係二百幾，價錢唔算貴。…查看更多

中環lunch搵到呢間食素食/健康食品的cafe, 見到佢有lunch set就點左個雜菌湯配台式肉躁紅米飯。唔知是否素食的關係，個湯d雜菌好粗糙好raw, 紅米飯都比平時食的硬身，食完胃有點唔舒服。…查看更多

晚上到element睇戲，6點左右見呢間台灣野唔使等位，決心一試。餐牌不是十分吸引，我們點了紅燒牛肉麵，牛肉餅和春卷。牛肉餅乾身沒有爆汁，還要吃到牛肉不新鮮，有點後悔點這個。春卷也炸得不夠脆，反而個麵過過得去。…查看更多

星記這家出名的海鮮小菜一直都很想試，終於有機會約朋友一起去進餐。我們點了椒鹽鮮魷，咕嚕肉，和魚湯浸菜。椒鹽鮮魷做得非常不錯，外脆內軟，魷魚不韌又易咬，很吸引。咕嚕肉也炸得不錯酸甜剛好。…查看更多

朋友極力推薦這間日式燒肉店，說性價比非常高，前排終於有機會試到。中環來講，的確抵食，我們還額外加了一碟豬頸肉。肉質鮮嫩多汁，烤過龍都不會太乾身，加上食完個身完全沒有油煙味，非常滿意。…查看更多

朋友介紹了在利園的權八，非常推介。午飯時間特定搭車去銅鑼灣食晏。我們點了蟹肉三文魚子飯，和串燒定食。蟹肉飯比較乾身，都食唔到蟹肉的鮮味，有點失望。串燒也不過不失，是燒牛肉也一串比較好味juicy.…查看更多