Mmkoo的個人專頁

難得一日放假，就入下郊區行吓，見大埔大美督近近地，就搭75K巴士入去享受一個lunch之後，就去附近行吓睇吓影吓相。呢間餐廳位於斜路一間村屋嘅地下位置，一入村口靠右邊行就見到，紅色門面裝修都幾搶眼。之前見到朋友網上打卡影出嚟嘅走地燒春雞相片實在太吸引，雞迷點可以錯過，見到餐牌上lunch Menu有呢個套餐選擇，二話不說order先出面有一個自助沙律吧，仲有我最鍾意嘅鮮木瓜，加一點蔬菜認真開胃。先每人一份巴馬火腿配蜜瓜，一啖食落口咬幾啖，鍾意佢外層薄薄地嘅巴馬火腿，包住甜到漏嘅蜜瓜，好想再encore幾件。然後就是餐湯黑松露忌廉湯，雖然份量唔太多，但係黑松露味出色，唔會太鹹，味道剛剛好。本身已經好鍾意食雞煲，所以這一份蒜香慢燒走地雞配新鮮入口菠菜好啱我胃口，有滿滿的菠菜鋪底，一切開雞油及肉汁滲透晒出嚟，但油分就頗多，但係雞肉肉質非常鮮嫩，而且味道好新鮮好有口感，食落去唔似冰鮮雞嘅味道。而烤紐西蘭羊排外皮燒得好香好脆，不過就生咗少少，幸好可以再煮熟少少🤏，煮出嚟就啱啱好七成熟了，如果怕騷旁邊仲有醬汁可以點，不過我鍾意佢嘅羊味夠濃郁，而且口感好軟口。而且套餐仲有餐飲附送，我一杯凍檸茶、朋友一杯凍檸樂，食飽飽又去下一個景點了。餐廳名稱 : R&Y‘s International Cuisine餐廳地址 : 大埔汀角路大尾篤村145號地舖#RYsInternationalCuisine #大美督高質西餐 #大埔西餐 #郊區西餐…查看更多

日常工作那麼忙碌，那要對自己好一點，每一個月都會去食好西，我突然心血來潮想吃廚師發板日本菜，趁着工作期間午飯時間就去試 壽司豐 。係我最鍾意嘅胡麻菠菜配搭京都豆腐，一小磚一啖放落口，由於非常滑溜，只需咬幾啖就吞落肚了。一碗即叫即蒸的燉蛋，同樣地都係滑溜嘅口感，雞蛋味道很香，味道適中唔錯。壽司🍣嘅部份，平時食日本菜比較少食到嘅壽司記憶猶新，包括 :鰹魚壽司經過醬油漬江戶前做法，除咗可以癖除魚的腥味，一啖放落口嘅口感仲滑啲添。真鯛𩶘魚壽司，鍾意佢嘅魚皮做到爽口嘅口感，而且清新的粒粒柚子皮咁樣match落去都幾香，難怪堪稱鯛魚之王。鱆紅魚腩壽司睇落去都很肥美，咀嚼嘅時候感覺好爽口，而且味道非常鮮甜。深海池魚腩壽司，鍾意佢有油分又爽口，百般滋味在心頭呢。劍魚腩壽司堪稱白拖羅，有爽口油份重嘅特質，咬落去啖啖肉咁。另外蔥拖羅手卷配以白飯魚一齊食，原來都幾match個喎。食唔夠飽，仲有熱辣辣的到庭烏冬暖笠笠送落肚，鍾意佢煮得恰到好處，帶一點煙靱口感。最後還有我最鍾意嘅士多啤梨蛋糕🍰，仲咬到一粒粒士多啤梨肉添，食完覺得滿載而歸公司。…查看更多

突然好想食餃子就係附近搵到一間叫做《餃掂手工餃子雲吞專門店》非常開陽嘅地鋪揸車人士更可以泊喺附近非常方便餐牌上太多選擇主要都係以餃子為主冬天天氣寒冷隨即叫咗一支自家製山楂雪梨水仲要係暖暖地飲落去甜甜地好暖胃牛魔王必叫這裏的新款 - 壽喜燒牛肉餃子煎餃煎成金黃色嘅外皮咬落去外脆內軟 非常香口入面嘅牛肉內餡好豐富龍鳳松茸雙餃係餐廳嘅鎮店之寶即刻叫嚟試吓一次過可以試晒兩款味道而且每一隻都好大隻蒸餃皮薄饀靚食落去入面有好多豬肉碎仲有細細粒嘅松茸果然足料龍鳳松茸雙餃配以一碗狀元九鼎湯額外再叫多了一碗絕對不含味精用古法去研製出來非常多功效餐牌上一一列明出嚟我哋每人都飲咗一碗即刻精神返晒其他食物都同樣新鮮美味總括而言這裏的餃子很有質素🥟而且份量多同埋大隻難怪食lunch嘅時間都全場滿座…查看更多

雖然冇得去我最喜歡的台灣旅行，但是也可以留在香港享受台式美食，今次去到荃灣就試吓呢間文青Feel的小店，舖頭名好得意叫做你妳you you，啱晒情侶去啊！餐廳門面以紫白色及裝修以木為主，少女們一定很喜歡，難怪那麼多年輕一族來幫襯呢。餐牌圖文並茂，睇到我都好肚餓了。秋風台風美食中，藥膳排骨湯配滷肉飯套餐很豐富，當中包括滷肉飯配半隻糖心蛋，入面的滷肉份量都好多，我就會將佢撈埋珍珠米飯🍚一齊食，可以中和味道，又唔會太鹹，又有咬口呢！這個藥膳排骨湯有很濃郁的藥材味道，很像飲緊新加坡的肉骨茶喔，而且裏面的排骨肉質很軟身很入味，好好食。小食是涼拌台式四季豆，爽脆的口感配以醬汁都幾滋味㗎。套餐加$8就可以轉其他台式飲品，每一款台式飲品都好想試吓，最後揀咗仙草凍奶茶🥤，奶茶香醇滑溜之餘，仲可以啜啜仙草。小食款式都幾多，炸澎湖花枝丸睇到都想食了，香脆嘅外皮加上食落去粒粒墨魚🦑，點埋佢特製嘅香蒜辣汁，一口氣就食咗幾粒了。食咗咁多肉，要叫返碟燙青菜🥬清一清腸胃了。呢一餐真係好抵食，食到捧住個肚出門口，都只係$200有找兩個人炸！…查看更多

踏入秋天天氣轉涼，和朋友生日到海港城見面聚餐，他提議去吃台式火鍋，經過海運大廈寬巷子的門口很吸引，古色古香的台式風格，吸引了我們到這裏試一試。落地玻璃可以望出去乘搭渡海小輪碼頭⛵️，日光照射入來感覺很舒暢。這一個午後•百艷茶宴下午茶火鍋餐很豐富，而且價錢很相宜，當中包括五款美食及茶，也很適合我們的口味，最重要是賣相很精美。Light Spicy Soup 很大鍋很香呢，整個火鍋湯底是紅紅的，裏面有滿滿的配料，包括必食的台灣鴨血，索哂湯底的麻辣精華味道。店員隨即拿了一個三層架，有雙層至下層分別是一些肉類、丸類及蔬菜類等等，不得不讚第一層頂層的肉類，師傅製作成三棵不同顏色的玫瑰花🌹，睇見都唔捨得食。當中牛魔王喜愛的澳洲和牛牛舌花，每一條都很大片，口感很嫩口，牛味濃郁，可以附送的酸甜醬汁，點嚟食很開胃呢。中層的糖葫蘆原來是一粒蕃茄肉丸🍡，難怪外層非常入味，肉質爽口彈牙呢還有這個紫菜腐皮卷，同樣地索晒湯的精華味道。迷你花團錦簇七彩顏色，就好像繁花盛放的一刻，可以清一清腸胃。Pineapple Cake 也很吸引，上面有幾粒cream，還有一些花瓣，女士們必定很喜歡💕Rose Tea Drink 🍹 很香的玫瑰氣味，在口裏也有一些餘韻。…查看更多

COVID了成年, 很久沒有出食評。今日襯住生日月要食個片甲不留，正所謂執輸行頭慘過敗家....朋友請吃的「Amelia」坐落在尖沙咀海港城，可說是近日人氣之店．這來自聖塞巴斯提安的米芝蓮星級食食評，原創辦人兼行政總廚Paulo Airaudo，有聖塞巴斯提安開到香港，開業短短六個月就獲頒米芝蓮一星．嗯嗯～當晚八點餐廳竟然爆人，剛巧朋友前幾日來過又話呢樣好食果樣好食，本來還好啦的我都開始肚餓，特登坐低等吳切就叫左幾樣野。招牌包括牛骨髓麵包、魚子醬配香蕉及冧酒雪糕等。可惜啦我地 order 時候已經無曬。忍吳住就叫左帶有中東菜特色的 Chickpea Falafel鷹嘴豆泥蔬菜球配無花果。作為義大利菜而言真係幾特色，無花果襯得好．Wagyu Beef Tongue Sandwich和牛舌三文治非常Tender非常好口感...和牛舌質的微量鹹味質地勁似Corned beef,三文治外脆內部鬆軟。就好似出名的和牛三文治但係帶有鹹牛治風味.Iberico Pork Loin with Miso Sweet potato, Kohralbi 黑毛豬里肌配味繒地瓜 個菜來到我先發現黑毛豬原來可以生食. 即刻查左一下: 伊比利亞黑毛豬因為只進食橡果，比其他黑毛豬具更高的營養價值。而西班牙政府更頒佈了法例，只有100%伊比利亞血統的黑毛豬（Iberico）加上以100%橡果作唯一飼料放養的，才算是最頂級正宗的黑毛豬。生吃原片黑毛豬，是西班牙很普遍的食法；但由於本地入口的黑毛豬質素參差，大多餐廳不會售賣生食的黑毛豬，因為只有吃橡果的黑毛豬才可生吃。真係要試下，豬味濃郁但完全沒有豬騷。義大利傳統總有個母親情意結, 義大利人對食譜的審美要求, 就是有無Grandma recipe的味道。緊系就吳少得Hand Made Pasta拉。掃左下餐牌，就挑左個簡單的黑松露cheese pasta。個pasta幾特別, 形狀有D似狗仔粉，然而非常掛汁，D cheese醬有Ｄ白醬味而且非常濃的cheese. 三分二的東西都係幾impressive，只不過係個 pasta個醬家常了一點，未能充分利用黑松露的味道來提升。綜觀來講絕對值得一試，餐廳有室內有戶外，戶外景色開陽，可以吹吹海風，喝杯酒和朋友聊聊天，生日朋友來摸下酒杯低都夠曬chill。…查看更多

由細到大都好想養寵物，但係由於自己有鼻敏感關係就冇得養，所以就去到大埔一間寵物Cafe食晚餐之餘，可以玩下睇吓狗仔。這裏很貼心，還提供寵物餐牌，主人享受晚餐之餘仲可以令寵物食得飽肚。這裏有多款串燒、紅白酒啤酒等等供應，我就分別點了幾款串燒，仲可以揀選原味和辣味口味。香烤雞翼一串有兩隻，即叫即燒外皮笑得很香脆可口，咬一啖肉汁滲透出來，不過可以再入味D。我最喜歡的惹味羊架叫了七成熟，中間半生熟的羊肉咬落去好軟口，而且好有份量好大件添。還有原條燒茄子🍆，燒得好香好入味，而且口感比較硬身，相信燒得耐啲會更林。食咗咁多肉類叫返串燒翠玉瓜清一清腸胃，這個翠玉瓜很多汁，啖啖脆口。還Order了燒豬仔脾、本地新鮮雞肝、香烤雞腿肉、鹽燒牛舌粒及燒豬頸肉。飲返啖蘋果汁解一解渴，好爽！最後兩人消費只是$300，平均一人 $150，也算是超值吧！…查看更多

喺大埔收咗工但係感覺好肚餓，經過屋企必定經過一些餐廳食肆，見到日本餐廳 溏串小町 招牌門口好搶眼，佢啲食物都好啱我地嘅口味，所以就約咗幾個朋友一齊去食。呢度嘅座位有吧枱同埋二人以上嘅位置選擇，而且職員殷勤嘅招呼，感覺到好貼心。用電話落單既環保又方便，而且有埋食物圖片參考，好吸引到我！先叫咗杯熱蜂蜜柚子生薑茶滋潤一下喉嚨，柚子味好香濃。刺身方面點了我最喜歡的牡丹蝦刺身，牡丹蝦非常大隻肥美，點少少豉油同Wasabi食更鮮味。燒物中的開邊雞中翼串燒得很香，外皮香脆，而且肉汁滲透出來，食落去很鮮嫩呢。平時都好喜歡吃烏冬，這個醬油湯烏冬最適合我不過，湯底唔會太鹹，而且烏冬食落去恰到好處，仲索哂湯底嘅味道，夠晒入味。朋友點的可樂好大杯呢，唔夠1分鐘就飲晒🙈。一邊同朋友傾偈一邊食嘢，確實很放鬆很開心的一個晚上。…查看更多

一向都喜歡四圍試吓茶飲，去到尖沙咀行緊街當然要飲番杯野，經過一間門面好開陽吸引-花斑茶社，就停下來休息一下。下單以自助形式，而且可以選擇少甜小冰，能夠迎合客人的需要！飲品款式味道分門別類列明清楚，我就比較喜歡每日限定系列。當然要試一試這裏的招牌飲品黑糖珍珠厚鮮奶，賣相像豹紋一樣那麼吸引，估唔到佢嘅珍珠一樣Q彈，而且鮮奶香醇滑溜，簡直能夠爽一爽喉嚨。朋友還叫了賣相也非常吸引的黑糖珍珠抹茶鮮奶，他也大贊抹茶帶點苦澀，配襯鮮奶非常match的口感。難怪這裏那麼多客人幫襯呢，相信下次經過會再試其他飲品。…查看更多

大埔除咗住得舒服，而且美食仲好多添。知道大埔墟開咗一間西餐型格小店，樓高兩層裝修好特別，就吸引左我入去試吓晚餐。由於最近疫情關係，店員先給我們消毒噴手液讓我們消毒雙手，再給我們一個透明袋裝住口罩，認真體貼！門口的擺設也相當有特色。餐牌多款食物選擇，分門別類列明好，非常清晰。鍾意飲湯嘅我即刻叫咗伊比利亞黑毛豬清湯，原來它是用上了黑毛豬熬製出來的精華，難怪飲落去鮮甜無比。朋友點的鮮打香濃忌廉湯也大贊非常Creamy呢！先吃沙律🥗小食醫肚仔，巴馬火腿凱撒沙律酸酸甜甜的醬汁先開胃。脆炸粗直薯條🍟松露蛋黃醬及酥炸雞翼配柚子蜜醬汁都是新鮮即叫即整，難怪外皮香脆之餘，肉質仲好鮮嫩。主菜的香煎澳洲黑毛安格斯西冷扒點了七成熟，賣相吸引之餘，牛肉中間的鮮嫩粉紅色肉質很鮮嫩，牛肉味道濃郁，簡直係牛魔王至愛。朋友的香煎伊比利亞豬肩肉好大塊，我都忍唔住偷咗一小件來吃。食咗咁多菜式都只係$600有找埋單，店員招呼周到之餘，食物有質素，所以會推介比身邊朋友去試吓。…查看更多

又係醫肚嘅時候，今晚決定出街食，位於大埔中心的茶餐廳2.0之前喺出面食過佢嘅分店都唔錯，就去大埔分店試吓。餐廳落地玻璃可以直接望到出面，仲有卡位四人枱等座位選擇，環境空間好大、感覺舒適。餐牌厚厚的，入面嘅食物圖片非常吸引，而且多款選擇。最後我哋揀咗西式晚餐，加拿大西冷牛扒及香草燒羊扒套餐，餐湯仲有中西式選擇，我們各叫了一款。平時屋企少湯水，呢度嘅紅蘿蔔湯都幾鮮甜，仲有大大嚿紅蘿蔔。我朋友係牛魔王，西冷牛扒都幾大塊，叫了七成熟，牛肉都幾軟口，而且味道濃郁，配白飯黑椒汁一齊食更加滋味。我的就是香草燒羊扒，羊排一份有三條，食落去一啲都唔騷，肉質仲頗為鮮嫩，今次我就點了意粉 🍝。仲有得飲黑糖珍珠鮮奶，可以比我咬下啲Q彈珍珠，而且鮮奶香醇，朋友也叫了一杯熱的。最後美味的牛乳蛋糕甜品為呢一餐豐盛的晚餐畫上句號，整體來說食物質素不錯，值得再試。…查看更多

為咗慶祝朋友生日就揀選位於旺角有海景睇的西餐 - Sky 726，預先book了四個位，由於餐廳好爆滿，所以去到都等左一陣。差不多黃昏時候餐廳望出去的景色好靚，可以俯瞰整個旺角鬧市，而且臨近聖誕節，餐廳佈置得很有氣氛。原來而家做緊優惠，餐牌上的飲品全部八折優惠，而且生日月部份食物可享有全單八折。而我們之前在openRice訂座，所以有九折優惠。呢度嘅飲品實在太吸引，我就揀選了 Tropical Punch，啱晒鍾意飲橙汁嘅我，估唔到橙汁味都幾濃郁，仲飲到一點果肉。朋友選的飲品也很吸引呢，當然要相機飲先。前菜點了一份蟹餅 Crab Cake，外脆內軟的口感，而且食到啖啖都係蟹肉，真的是非常足料。由於唔夠喉，所以再encore左一份。當中有一位朋友是海鮮迷，他就提議點 Sea food Platter ，價錢唔貴，入面嘅生蠔有我手板咁大隻，食落去好新鮮Creamy。主菜的 Sea food Squid Ink Spaghetti 🍝 很有份量呢，當中有兩大隻蝦及青口，蝦肉肉質爽口彈牙，意粉很入味。女士們當然不忘叫幾份甜品一起開心Share 。Lava Cheese Tart 包含一些水果 士多啤梨和藍莓等，還有些花瓣拌碟，不過當中的Tart先係主角，外皮的餅底好香脆，Cheese 很滑溜，為呢一餐豐盛的生日晚餐畫上句號。…查看更多

銅鑼灣的鉄人旨花鐵板燒專門店，裝修雍容華貴，侍應們態度親切、服務有禮，隨即安排我們坐鐵板燒枱。除咗鐵板燒枱同埋刺身吧枱之外，仲有大房間，可以供客人包房之用，進餐時更有私穩度。餐廳更富有濕毛巾給客人作清潔抹手之用。套餐有多款選擇，我哋揀咗二人前嘅鱈場蟹鐵板燒套餐。前菜沙律菜味道酸酸甜甜，好開胃。其後就有汁煮白鱈魚🐟，美美的鮮花拌碟，醬汁是特別烹調，師傅建議我們先食皮，魚皮很香脆可口，魚肉更加鮮味無比。接着就是清酒焗鱈場蟹，一人有四隻蟹腳，還有一些鮮Wasabi汁，本身蟹肉都很鮮味，點小小Wasabi汁亦好滋味。特別料理就是椰菜奶油白蘆筍，可以清一清口腔的味道。熊本縣產A5和王牛好有質感，口感好林，係用熊本縣和王牛加新鮮即叫即整嘅南瓜同埋蘑菇等製成，師傅建議第一件牛肉可以原味食，其餘可以點鹹鹽或者wasabi一齊食。蟹膏炒飯好有鑊氣，還有一小碟酸菜可以調味。清酒煮雞湯帶子用錫紙為底盤，師傅加少少酒入雞湯，帶子有三隻，味道很鮮味！甜品好有特色，橙加一點粒粒的無花果，可以清一清腸胃。埋單都只係2600蚊左右，食物質素高，真係值回票價。…查看更多

夏天天氣真係熱，一出街一定要買番杯嘢飲爽一爽喉嚨，大圍火車站一出就見到一間連鎖台式飲品店 - 丸作食茶。遠處已經見到大大嘅招牌，同埋有不少客人在外面等候飲品。餐牌飲品種類分門別類列明清楚，當然要試一試他們的招牌飲品！我就點了殿堂級黑糖珍珠鮮奶，飲品賣相呈現豹紋條紋，真係打卡影相一流！飲之前先搖一搖勻，黑糖醬及鮮奶就會混合一起，估唔到佢啲黑糖珍珠真係好彈好入味，鮮奶好香滑，飲一啖都好有咬口！朋友都說黑糖珍珠黑糖奶茶味道很濃郁！很少會喝到台式飲品店有這樣高的質素，下次經過一定再試！…查看更多

其實有時食茶檔都幾寫意㗎，嘢食又平靚正。今次宵夜又去到我最鍾意嘅大埔墟民華魚蛋粉麵醫下個肚仔。其實深夜都比較多人，呢度嘅食物夠晒多選擇，有蒸飯、點心、常餐及多士等。魚蛋河加紫菜簡直係我嘅招牌配搭，湯底魚味道好濃郁，一啲都唔腥，而且魚蛋夠晒爽口彈牙，認真新鮮！見到大部份客人來到這裏都必吃常餐和多士，我也不忘點了一份西多士及雙拼三文治🥪，三文治🥪加一蚊仲有烘底。當中的多士脆口之外，入面嘅餐蛋非常足料，一啖有幾種口感，可以說是極級享受。還有淨雲吞、點心燒賣，同樣地新鮮美味。最後還Order了我最喜歡的熱檸檬水暖一暖胃，今晚肯定好好訓🤣。朋友就點了可樂爽一爽喉嚨。食到非常飽肚，四個人都只係$150，本人覺得這間餐廳的食物質素唔錯，而且上菜速度快，難怪經常爆滿。…查看更多