中村大雄的個人專頁

在屯門市廣場返工都幾幸福，因為附近有好多有質素的食肆，稻城係其中一間，每次去食午餐都不會令我失望，今次點咗擔擔麵和醉雞，擔擔麵個麵身非常爽滑，口感豐滿，湯味鮮美，花生味濃郁，花生粒新鮮酥脆，醉雞香滑，切割整齊，花雕酒芳香濃郁，雖然有點鹹，但係都忍唔住飲埋…查看更多

住響天水圍，經常去流浮山食晏，今次食下晚飯，揀咗一間歷史悠久（創業於1963年），口碑唔錯，仲係食神蔡瀾食過嘅老牌酒家，這間酒家雖然沒有什麼特別的裝修，外表毫不起眼，但坐落覺得整潔企理，食得很舒服，食物質素也不負所望，老師傅功夫了得，火喉和味道都拿捏得啱啱好，唔會過熟、過老和過鹹，生猛海鮮全部沒有浪費，全部都以最佳狀態上枱入口。多年來食過不同的海鮮酒家，這間確實帶來一點驚喜和滿足，希望佢能夠保持水準，因為我仲想繼續食。…查看更多

唔能夠唔讚一讚師傅仔，個肉餅肥瘦均勻，煙韌彈牙，鹹蛋黃甘香可口，再加埋豉油熟油同埋蔥花，入口爆香有嚼勁，唔會過硬或過軟，樣樣都恰到好處，睇得出係用個心嚟整嘅，連碗白飯都甘香軟熟過人，一個$45嘅平民午餐都可以有咁高水準，香港人真係有口福，肉餅好多餐廳都有整，但係師傅仔嘅肉餅，真係食完會心思思想再食的…查看更多

早在八年前，經常踩單車往來元朗沙田等地，經過軍地都會響度買嘢飲，直至一天看見頭條日報的介紹，方知道佢嘅月餅咁巴閉，而且可能係最後一造，於是買來食下，點知一食返唔到轉頭，覺得其他名牌月餅都唔好食，於是這八年來，每年臨近中秋都會去朝聖一下，我啲同事朋友食過都問我係邊度買，真係人人食過都話好食，連一啲唔鍾意食月餅嘅人食完都話好食。有冇咁犀利呀？哈哈，就係有。…查看更多

廿幾年冇入過坪洲了，今倘一行竟然有意想不到的收穫，這廿幾年來結識了一些坪洲的原居民，雖然已遷出市區，但對家鄉美食的概況瞭如指掌，多得好友介紹，令我食咗難忘美味的一餐，𥮉一坐下，老闆娘即報告有咩海鮮供應，說到海捕的有「劑」魚（恕我唔識寫正字，唯有寫同音字）,$140一份，真是快人快語，沒法，老公在廚房，樓面就只得她一人，一腳踢，真係少啲效率都唔掂，我唔知佢地係出名煎封，仲問佢點整好，佢於是很自信地說：煎最好，果然不負我所望，食咗呢世人最好味嘅煎魚，我地另外再叫了籠仔蝦蒸飯，豆卜湯和炒玉豆茄子，也頗有水準，全部都是用心製作，睇得出也食得出。…查看更多