呀貝的個人專頁

印象中既蝴蝶酥總係在酥餅上鋪滿大大顆既砂糖粒食落總係甜味太多 脆度欠缺 多食肥膩今次專誠慕名而來, 果然冇令我失望蝴蝶酥上既糖粒份量適中 酥餅色澤帶微金黃一口咬落去 第一個感覺就係 [[[[ 脆 ]]]]]從來都未食過咁脆既蝴蝶酥!!仲有淡淡既牛油香味係 香而不膩 而且甜度剛剛好!絕對係令我重新認識蝴蝶酥!! :)真係超好味呀 一啖接一啖咁食呀食...一路食一路望住d蝴蝶酥 其實都幾似兔耳仔唔知當初係邊位師傅發明蝴蝶酥既呢?小女子才疏學淺 只好繼續努力進食蝴蝶酥 以示敬意 …查看更多

小妹好日都唔出旺角 因為唔鍾意旺角咁人多車多今次跟住個朋友入左黎食野 對我黎講真係誤打誤撞食到好野開頭見到個門面係好傳統既茶餐廳 仲要叫做"冰廳"心諗到底入面有冇好野食架呢?不過覺得好肚餓就跟住朋友行左入去tea time時間 都坐滿人 好彩咁岩有人食飽走 所以唔駛等位我叫左 雞批($9) 同埋 豬扒菠蘿包 ($15)雞批唔駛1分鐘就送到批皮係香同鬆化既 不過餡料方面就雞肉唔多同埋味道唔夠香濃 感覺Pie&Tart既雞批更好味雞批食到一半既時候 豬扒菠蘿包就黎到見到個包有手板咁大 有d擔心食唔哂 haha原本落單既時候同阿姐講要豬扒包 不過阿姐推介我食豬扒菠蘿包而且同價第一啖咬落去 就覺得好彩有聽阿姐講! 菠蘿包熱辣辣 菠蘿皮脆脆甜甜 配上夾住既鬆軟豬扒 加埋爽口生菜蕃茄 沙律醬 :):):)味道出奇地夾! 成件事加埋變得非常好!!一啖有齊咸咸甜甜爽爽脆脆既口感!! :):):)比起食M記果d漢堡包健康有益得多啦~到最後食哂成個包 帶住滿足既心情離開 嘩而家講起都肚餓tim~襯住放假過2日再去食過先 …查看更多

星期一既下晝 悶悶地又見有少少餓見到商場入面既柱賣哂廣告咁有大大隻字寫住和民一於去食下午茶 反正我從來都未試過下午茶時段去幫襯和民/和亭$32 星鰻魚天婦羅卷有6件 仲有碗麵豉湯同細沙律 都幾抵食沙律既芝麻醬好醒胃 所以連最後一粒粟米都唔放過食得乾乾淨淨星鰻炸得脆脆的 味道ok$29 朱古力芭菲可能係天氣熱 曬到個人好興 特別想食雪糕降溫見到杯雪糕一黎到 賣相絕對做到同張相似模似樣細心既服務員專登一次過拎左2隻甜品羹俾我同darling一人一隻 哩點絕對抵讚:)1球雲尼拿 1球朱古力 仲有1粒mini size內藏雪糕既puff 2條朱古力味威化卷雪糕面仲有左少少杏仁片同朱古力醬 講起上黎都好耐冇見過餐廳d雪糕上面有杏仁片中間有好幾粒咖啡凍 底層有粟米片一路食一路覺得好驚喜 不過同時感覺自己好似大鄉里出城咁 總括黎講呢下午茶既質素幾好 做到價錢同質素成正比最抵食就係下午茶餐包埋野飲 唔係得汽水揀架 飲奶茶咖啡烏龍茶都唔駛加錢如果唔係今日特別想食雪糕 應該會揀新出既Cream Brulee 試下只係$15咋 仲包野飲喎 咁當然我冇試過就唔知個size啦 不過睇相起碼都有10啖啦唯一要彈就係隻甜品羹有少少油跡 次次去食和民/和亭都會發現d餐具有污糟唔係碟就係羹 哩樣真係要改善…查看更多

乳酪店開到成行成市 不過我一直冇乜興趣直到有日上網見到哩間tuttimelon既廣告介紹佢d乳酪講到好似好正咁o係沙田行街行到口痕想食甜品又咁岩見到間野一於入去做一次港女 我揀左益力多味乳酪 可以自己裝乳酪真係好 可以自己控制份量 想食幾多就裝幾多topping方面有好多選擇見到有芒果 士多啤梨 奇異果 桃好多殼類早餐例如可可脆片 粟米片 果d都有得揀連 Gummy Bear 都有得落真係好surprise又有朱古力漿 士多啤梨醬果d可以落仲有好多topping揀 都唔記得咁多最後我落左芒果 士多啤梨 可可脆片 Gummy Bear 少少朱古力漿埋單計數 $35 第一次試 已經好忍手裝得好少乳酪架啦 點知都要3字頭 :$乳酪既味道酸酸地 食完好醒神 質地都幾smooth比起食雪糕個口感更加正 唔怪之得咁多人食乳酪芒果好甜 同乳酪好夾不過Gummy Bear俾凍凍既乳酪 凍到硬左 又係咁咬 我諗我下次食唔會落gummy bear喇 第一次食乳酪 感覺良好!不過發現隻裝乳酪既碗其實都幾重 哩個應該都係價錢唔平既原因之一黎緊夏天熱辣辣 應該會再幫襯的 :)…查看更多

壽司$3件 價錢當然吸引新張期間更加只係$2 一件 當然唔執輸要去排隊不過每人限買20件排左15分鐘隊之後終於輪到我可以入舖頭範圍同成班姨媽姑姐一齊搶壽司三文魚冇得買一件 一買就要買一盒10件既"三文魚餐盒"唔知係$2特價先冇得散買定係不嬲都冇呢d三文魚望落都幾新鮮 肥肥地食落都有魚香味 係薄左少少姐 不過哩個價錢黎講絕對抵食啦但係我食到其中一件有條魚骨 -_- 好彩冇整損個口講下其他壽司啦..吞拿魚就麻麻地燒三文魚肚食落幾香魚油味哩個值得揀以為有得散買一件三文魚點知原來係煙三文魚 不過食落都ok貪得意買左件腐皮 食落唔會太甜 都唔錯三文魚鬆 都真係食到有魚味架夏天熱辣辣 食sushi 就岩哂 :)…查看更多

睇完戲行左陣街 已經6點鐘 有d肚餓 但係又唔想咁早食晚飯於是同朋友share左一個肉鬆土司餐 $29肉鬆土司即叫即做 所以店員俾左個牌我埋位等於是食左2隻嫩滑煎蛋先 如果唔係果排腸胃不太好我都會想試下半熟蛋主角肉鬆土司大概5分鐘後由店員送上因為我係第一次食土司工坊 所以感到好驚喜肉鬆+煉奶 配上熱哄哄脆脆既厚土司 非常好味我冇諗過肉鬆同土司會咁match熱奶茶 味道比較甜 我喜好甜食 所以哩杯茶都幾岩我心水好期待下次再去幫襯 :)…查看更多

鐵板餐並非新產品只係晚上9點幾去到大家樂冇咩好揀有一段時間冇食牛肉於是就揀左 "紐西蘭爵士牛扒+雞扒+煙腸 鐵板餐" 盛惠$44"紐西蘭爵士牛扒+雞扒+煙腸 鐵板餐" 配一碗炒飯 同埋一碗中湯牛扒 係早餐、午餐都賣既貨色 = 又薄又韌又冇牛味雞扒 都一樣係早餐、午餐既貨色 不過雞扒就算數啦煙腸 即係腸仔一條 仲有肉味過塊牛扒炒飯 = 焗豬扒飯果d炒飯底中湯 = 味精紅蘿蔔粟米豬骨湯早餐 午餐 晚餐 都係一樣咁既質素加多幾隻中文字做噱頭 就賣貴廿蚊錢真係易賺…查看更多

襯住放假出左紅磡行下第一次食 雙層芝士蛋漢堡包 配沙律汁 :)麵包烘到又熱又脆 微微既麵包香氣 咬落口感幾好漢堡肉熱騰騰幾juicy 同食開既m記漢堡包裡面果d"實的的"既肉完全唔同 質感比較有人情味食完成個包 飲埋杯凍朱古力 都ok夠飽簡單一個漢堡包 唔需要太多花巧 就係香港其中一種味道無奈薯條食得出係炸好左一段時間 唔夠熱 食得多覺得有d"銀"胃 質素有待改善... :(…查看更多

第一次去和田食放題朋友介紹話幾好所以拉埋男友去試試因為預先book左位7點半 所以7:35pm一去到就唔駛等即刻有位reception果位女士都幾友善 :)大部份既位都係茶餐廳卡位設計 d位ok闊 就算3個人坐埋一邊都唔會太逼d板都圍到幾高 私隱度算唔錯 燈光氣氛適中 環境唔嘈 入正題講下d食物:日本麥茶 - 好麥刺身 - d刺身都幾厚, 一食落口覺得新鮮同冇雪味已經帶來幾好既第一印象, 我就最鍾意d三文魚同劍魚 好有魚味haha羊架 - 幾有羊味, 幾香口芝士焗薯仔 - 薯仔係我既最愛之一, 焗薯角夠哂健康完全唔油膩, 不過如果d芝士多d仲開心 燒菠蘿 - 熱熱地好得意 一路食一路覺得自己好健康 微酸帶甜 好開胃:)天婦羅 - 炸得好靚 d粉薄薄地包住 又脆又香口又冇油光 出面有d餐廳都整唔到咁靚 估唔到放題食到哩個質素既天婦羅炸蝦 隻蝦都幾大隻 肉質ok幾好食, 炸蕃薯 正常, 炸芋頭 冇乜味, 炸香蕉 好搞笑 第一次熱食香蕉 好香甜 可以當甜品咁食!炸物 - 脆口 唔太油, 吉列炸蠔 有蠔味 都算大隻, 炸帶子 ok甜品 - 得雪糕揀有少少失望 紅豆/芝麻/綠茶 3隻味 淨係食左紅豆同綠茶 紅豆雪糕有紅豆粒 唔會太甜 味道一般啦, 綠茶雪糕冇乜味 要食好大啖先有dd綠茶味漏單情況可以接受啦, 第一轉叫刺身同壽司 可能因為同一張紙 黎左刺身漏左壽司 再入紙叫過就有到同埋有兩三樣食物叫左冇到 不過冇再入紙所以唔知係漏左定冇貨臨尾想encore炸香蕉+吉列炸蠔 各一 結果黎左2隻吉列炸蠔 lol有件事都幾好笑 金菇肥牛卷黎到既時候我嚇左一跳 一隻迷你碗仔裝住一條仔金菇肥牛卷 頓時覺得食物好珍貴之後睇返張紙先發現原來金菇肥牛卷係逐件計 我寫得1 唔怪得之得一條咁珍貴 HAHA整體黎講食物質素以放題黎講已經幾好而家諗起都想再食多次 尤其係炸蠔同炸香蕉 等我下個月再食多次先…查看更多