白告山的個人專頁

早一個星期訂午餐四位，期間餐廳有用WhatsApp聯絡我說座位安排，因為5樓裝修不開云云。到今日上去，安排好入座，叫埋飲品，睇埋菜單，就跟菜單上叫各自一人鍋。嘿，呢個時候部長才告訴「冇晒一人鍋」，要叫大鍋。我立即起身走人。咁多時間你唔話畀我哋知，完全係想焗人食a la carte，唔想你食抵食午市套餐！我都食過你哋晚市，閑閑哋千幾二千（二人）落樓嘅，點會甘心畀你叫人均二百嘅午餐套餐吖。又一間幫忙唱好大灣區消費嘅餐廳。…查看更多

地方頗為狹窄，但是它的食物令我忘記它的不寬敞。我叫的「黑胡椒肉蟹濃湯鍋」（鬼記得是甚麼公主），等了很久，然而上檯燃點酒精後，就明白為何要久等。肉蟹鮮甜肉嫩，蜆隻食極都有又肉厚，重點是其豉椒濃汁好味到多次舔手指（因為吃蟹要用手），而且之後多次加湯只會令汁液更濃更香辣！叫的食物不算多，但油麥菜清甜，鴛鴦蚌新鮮爽脆，山根不太油，蟹黃餃啖啖蟹肉，芝心墨丸好芝味，與及邪惡又抗拒不了卻吃兩條即刻飽晒的黃金響鈴，每一樣都令人回味無窮。未埋單已經約定友人下次再來。…查看更多