福如飯堂的個人專頁

chez moi @ 銅鑼灣呢度係一間主打法國私房菜的餐廳，隱身於鬧市高樓之中。餐廳裝潢古典，燈光柔和，座位之間保留足夠私隱，無論是情侶約會還是小型慶祝都非常合適。餐廳以套餐為主…不過都有一d餐廳推介可以額外order今晚我地選擇左五道菜的晚餐套餐餐前有個蒜蓉包 即叫即焗 外脆內軟熟 要讚下好清爽唔會油淋淋前菜 龍蝦竹笙雲吞配香茅龍蝦汁 個脆面係西米加紫薯粉 好靚同好味 雲吞飽滿…因為入面放左好多龍蝦肉…加上竹笙增添口感。個香茅龍蝦汁好濃郁…食完雲吞忍唔住用羹筆埋d汁飲朋友點既鵝肝外脆內creamy…配上cranberries醬可以平衡番鵝肝既膩…配菜有五仁餅…食完可以吸引番油份 設計貼心跟住就係一道燈籠椒忌廉湯 湯好鮮甜同creamy…濃稠度剛剛好…店員即席為你加湯…非常有儀式感之後係青檸味雪葩清清味蕾…最正係連埋塊薄荷葉食主菜非常好貼心 碟都預熱左 確保食物保持溫度炭燒澳洲和牛扒 medium 時間控制得非常好 配上烤蕃茄同豆 羊兩吃 有羊鞍同埋開心果保雲酥羊柳配上烤茄子 尤其開心果保雲酥非常有特色…個酥皮好香開心果味最後甜品有雞蛋布甸配燴車厘子同埋雪糕批配碧根果仁。呢個兩個甜品都非常之有驚喜…雞蛋布甸質感綿密配上燴車厘子同埋橙皮忌廉感覺非常完美。碧根果仁非常脆口…配合雲尼拿雪糕一齊食真係一個完美配搭。估唔到連甜品都咁有驚喜服務方面，當晚侍應親切有禮，感覺貼心之餘又令客人感覺唔會太拘謹。如果你對法國菜有興趣，對食材有要求之餘又想在鬧市中尋找一個靜謐的用餐空間，Chez Moi 絕對值得一試。#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #銅鑼灣 #法國菜 #finedining …查看更多

十三姨酸菜魚 @ 紅磡演唱會黎過快食🐟 酸菜魚米線 呢度用既係鱸魚🤩🤩…肉質好嫩滑…再加上冇骨啱晒我呢啲懶人…配料仲有大豆芽同萵筍…米線質感煙韌…唔錯…湯夠熱…酸辣度啱啱好🐔 口水雞 用上去骨既雞脾肉👍🏻👍🏻…肉質嫩滑。佢地個汁又調得好惹味…帶少少豆板醬味道…麻麻辣辣好開胃…送飯一流！🥚 擂椒皮蛋 要讚下皮蛋呢個醬汁又另外做 ( 好多地方都一個醬汁走天涯)…微辣加上醋之後配皮蛋幾好味。皮蛋有溏心👍🏻。環境都幾乾淨…價錢都合理。唯一地方就唔太方便…除非去睇下演唱會…快食好啱#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #紅磡美食 #十三姨酸菜魚 #酸菜魚 #香港食評 #川菜…查看更多

貳叁肆 @ 紅磡香港越南餐廳…🅑🅐🅚 🅑🅐🅚心目中一路都有兩間心水店。最近起左新既變化…出現在第三間🎉🎉🎉事緣睇到Youtube介紹左一間位於紅磡巷仔裡既越南餐廳…當然要以血肉之軀試下啦…因為🅑🅐🅚 🅑🅐🅚真係好鍾意食phoYoutube主持提醒要記得訂位就即刻屈濕店主今晚有無位…竟然有位就響住軚去。餐廳位置絕對稱得上隱世…真巷仔裡面既巷仔…去到門口見到8pm都未坐滿心諗係咪俾人滾左🥹🥹🥹。後來見有幾位walk-in客人…店員都話無位…原來好多人訂左位未到時間…咁都放心d入到去話訂左位就即刻安排入座…地方唔太大…都有少少迫。不過食物質素最緊要。店員話咖哩化骨綿掌牛舌同事頭婆福食賣哂…其實對事頭婆福食好有興趣。牛舌都係鍾意燒既原來呢度有二人餐…價錢都幾ok…包個沙律…兩個主食加個小食仲有兩杯野飲。咁就要個牛骨湯手切牛pho…燶邊豬頸肉加多隻燶邊蛋…小食要左個墨魚餅…野飲就青檸檸打同桔仔檸檬水先黎個沙律…竟然有4隻鮑魚…雖然細仔但幾有咬口…沙律菜都好新鮮…入面撈左炸左既洋蔥…配埋個甜甜酸酸既汁幾開胃…有誠意先講個湯粉…有肥仔芽菜…香葉…仲有好多洋蔥絲…加分…湯頭好熱…加分…個湯底好有以前食pho嗰種好傳統舊派既味道…好飲…河粉有米香…又嫩滑又有口感…加分…手切牛有牛肉味有嚼頭…個人覺得呢碗粉高分燶邊豬頸肉配既係香料飯…個飯夠乾夠鬆身…淡淡既香料味…仲要唔油膩…豬頸肉唔係平時食開既爽彈口感…呢度感覺有炆煮過…好鬆化…私人加多隻燶邊蛋簡直係錦上添🌸🌸墨魚餅 好味…同1986有得揮…有墨魚香…有墨魚粒…個餐係俾足4件墨魚餅真心覺得好味…即刻加多個火爆香辣香葉牛柳 呢個都唔錯…黑椒味好濃…甜甜辣辣幾開胃…即刻加多個香料飯。有耆英優惠…請左🅑🅐🅚 🅑🅐🅚食飯我相信好多人睇左片過黎…不過座上客好多都熟客…真心覺得有💛💛小店。服務有禮…食物質素真係唔錯…已經諗定下次食事頭婆福食同三高炒飯大家唔洗咁急去住…等me食多幾次先😌😌😌#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #紅磡 #越南菜 #pho #小店 …查看更多

生生市場 @ 灣仔生生市場大家聽過未呢？未？新國華呢？都未？ meat dee有啦掛。 原來都無🤣🤣🤣生生市場主要做韓餐式外賣…不過都有凍肉賣。 之前試過元朗分店唔錯。平時黎呢度就買凍肉多…佢地既韓牛幾正架。今日放工經過灣仔 …就順手買埋野返屋企開飯。 點知第一樣點既炒粉絲就賣光光…好彩有炸醬麵補番數😌烤牛肉紫菜飯捲 辣豬肉紫菜飯捲 飯卷份量都幾大…每一款都有8大件…入面有玉子…青瓜絲 紅蘿蔔絲 醃左既漬物。 飯卷飯粒分明…感覺健康又好味…食完好有滿足感。炸醬麵 醬香濃厚…麵條煙韌…加多隻煎蛋…食落好有種家既感覺。生醃八爪魚 一見到就諗都唔諗點左。 八爪魚口感爽脆…醃料微辣帶甜…絕對係一款好適合配啤酒嘅小食。新鮮辣泡菜 同傳統發酵既泡菜唔同…因為新鮮泡菜發酵時間比較短…所以仲可以保持到白菜爽脆鮮甜。醃牛蒡 牛蒡纖維感強…醃得夠味…味道帶微甜…係一款健康又有層次嘅小食。KFC店員推介既Honey Garlic K唔係Kentucky係korean呀…就算返到屋企…炸雞仲保持到微脆…肉質juicy…蜜糖蒜香醬汁甜中帶鹹…果然無推介錯雖然外賣店…但係選擇非常之多…你黎睇下就知…查看更多

厚興瑜記手撕雞 @ 屯門呢間大部份分店主打做外賣…而且好都地方都有一間…非常方便。平時唔知食乜都會幫襯下…呢間最愛係佢地既手撕雞烏冬機緣巧合下經過屯門分店…發現呢度有堂食就坐低試下。 望下餐牌比外賣店多d款式點左霸王雞飯同麻辣雞絲烏冬霸王雞最正就係多蔥…個餐跟左白飯同老火青紅蘿蔔…好足料同飲到無味精。正…俾左脾位…份量都幾大…雞肉嫩滑麻辣手撕雞烏冬…呢個每次外賣必點…重點係無骨…麻麻辣辣雞絲配煙韌既凍烏冬…好味…店員介紹參加會員可以用coupon, $20就食到個下午茶…呢個優惠好抵#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #厚興手撕雞 #手撕雞 #屯門 #外賣…查看更多

憶食尚臘味煲仔飯 @ 佐敦今日去佐敦飲啡…就順便附近食個便飯…今次揀左熱辣辣食煲仔飯…呢度個煲仔飯有d料到…店員一打開煲蓋…一陣臘味香味即刻衝出黎…店員即時加入蔥…芫荽…醬油…連埋臘腸…臘鴨…臘肉拌勻。 臘味d油份滲落個飯度…成個飯即刻閃拎拎。 試啖飯…好香臘味味…飯夠乾身…粒粒分明…之後店員仲幫忙刮埋d飯焦🤩🤩🤩另外加多個午餐家鄉炆麻鴨飯 鴨肉已經炆到好腍…呢個調味比較濃味…加上有花椒八角…帶少少麻同辣…個汁送飯一流健康d加多個湯菜心 有瑤柱絲…薑片…蝦米…菜心好揀手…清甜無渣呢度個煲仔飯有水準…下次會試下其他煲仔飯同小菜…今次唯一美中不足係冷氣唔太涼#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #憶食尚 #佐敦 #煲仔飯 #小菜 #claypotrice…查看更多

鳥貴族 @ 屯門日本大阪人氣鳥燒店由日本開到黎喺香港都一段時間…而家連大埔分店都開埋。 其實我日本同香港都未試過。 既然未有機會飛日本…咁就試下香港分店睇番資料…香港當然無日本咁平啦…不過大部分串燒, 食物都係$29.9兩串，香港黎講食串燒算係性價比極高。見咁抵…真係點左好多串燒…有雞中翼…雞肉丸…雞胸軟骨…雞趐根…雞爽肉…雞皮…貴族系列同炸串等等。串燒當然要飲下野…點左兩杯sour…一杯係mega…呢杯好大杯好抵飲。串燒方面，調味有鹽燒, 秘製醬汁揀。有d仲可以配個辣醬。試完咁多款…個人比較鍾意汁燒多d…感覺惹味d除左串燒…原來呢度炸串好好味 我地點既雞肉炸串 絕對成晚既MVP 熱辣辣, 外脆肉嫩 仲好juicy 炸串配既汁甜甜酸酸好夾另外雞趐根配既秘製辣醬都好好味…無論係秘製醬汁, 鹽燒定辣口味都各有特色, 串燒都做到外皮微焦香, 肉質嫩滑多汁。dry食串燒硬係爭少少…所以點左釜飯同一碗拉麵釜飯店員話要等到熄火先得…大大話話都等左成20分鐘先熄。睇番介紹…釜飯用左特製雞湯, 加入赤板魚蛋, 雞肉, 甘荀同牛蒡慢煮。米飯吸收晒湯汁精華，粒粒分明又充滿香氣，配料豐富，口感層次分明。雖然需時約20分鐘，但都值得等下既拉麵就正常發揮咁啦餐廳裝潢以木系設計為主，配上日式紙燈籠…感覺都幾舒服整體而言, 食物唔錯, 舒適環境同埋合理價錢…成晚都坐無虛席係有原因…查看更多

祥興咖啡室 @ 跑馬地朋友是要見的…有台灣朋友過黎香港玩…當然要盡下地主之誼。 朋友酒店近跑馬地…醒起跑馬地祥興…到達時見到長長既人龍…一行7人等左一粒鐘就分批入座…重點係仲趕到食早餐…無論舖面…舖內…水吧…紙皮石地板…木檯木凳…全部都散發懷舊色彩…牆上仲掛左好多名人既簽名。 最緊要係成個地方保持得好整潔…絕對懷舊唔殘舊上網摷過資料蛋撻…菠蘿包出名。 不過對麵包zero feeling既…更興奮係喜見"沙嗲牛柳絲"。非常期待既沙嗲牛柳絲米黎到……外觀好特別…好乾身…一d汁都無…唔緊要…好可能入哂牛柳絲度。 食一啖…zero satay味牛柳絲…飲啖湯…淡而無味。 可能我年紀大味蕾無咁靈敏。 朋友既叉燒意都係咁上下…跟餐既多士煎蛋就一定發揮到正常水準。 不過都有驚喜…食菠蘿油既朋友讚好味…另外男"熱心禮貌"店員服務態度由內至外…再由外至內…由排隊…座位安排…落單…都睇到將熱心同禮貌都發揮到極致。 有位婆婆問下係咪要俾錢先再去排隊攞包…男店員就答: 食野梗係要俾錢。 雖然我撐香港依然有好多真心禮貌小店…總難免唔好彩遇到例外…食物質素+服務態度=一次就夠…未去過既都建議去一次…真係執一間少一間#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #祥興咖啡室 #港式茶餐廳 #懷舊 #nostalgic…查看更多

竹家莊 @ 佐敦不約而同…兩個朋同事強列推介話呢度既辣蟹好好味…仲叮囑我記得試埋個燒鴨河咁話。 咁大推無奶油唔試下今日入門時留意到門口有韓文…應該都幾多韓國人幫襯咁。 入到餐廳…店員熱情招待安排座位。 餐廳地方唔太大…不過坐卡位是ok的望下餐牌都唔算太多選擇…辣蟹…海鮮…白灼野…無小炒。就點朋友推介既辣蟹(中辣)…燒鴨河…白灼水魷…蒜蓉炒韭菜花蟹肉時間掌握唔錯…肉質都保持到嫩口。 料頭真係靈魂…惹味乾身…不過略嫌中辣唔夠辣…未夠惹味。 剩餘料頭打包返屋企淥米粉用燒鴨河…燒鴨俾胸位多肉…唔會鞋柴…湯底應該有加燒鴨殼煲…都幾甘香。 河粉都幾香滑。 不過再黎都唔會點🤣🤣🤣。 因為幾貴白灼水魷…正常啦…跟左個辣椒豉油點下唔錯蒜蓉炒韭菜花…韭菜花揀手…嫩口一d渣都無整體食物唔錯…不過食辣蟹…身價高…就預左貴dd。 #相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #竹家莊 #辣蟹 #燒鴨河 #白灼水魷 #蒜蓉炒韭菜花 #佐敦…查看更多

victoria @ 太子矇茶茶試左間唔錯西餐…平時係太子兜圈時已經見到呢間餐廳好好生意…雖然未至於排長龍…不過總有幾個客人門口等位…呢樣未算吸引…最吸引me係呢條街有3間舖都有咁既表現…bak bak覺得一定有佢個人之處今次終於忍唔住去望下個餐牌…價錢都算抵食…話哂都叫西餐…裝修又企企理理。 就咁就入左去點左個西班牙黑毛豬鞍同燒牛肉蒜香辣意粉一個係dinner set一個可以加$$散打變套餐。 餐湯好似似忌廉xx湯…味道正正常常…都幾creamy…不過如果熱d就好了黑毛豬鞍大塊又厚切…煎得好焦香…肉質juicy…最正係豬油香慢慢滲入個白飯度…搞到個白飯都變得好好味。燒牛肉蒜香辣意粉…牛肉就普普通通…不過意粉煮得好味又惹味…因為香辣意粉真係幾辣下…而質感都尚算軟硬適中。 唔錯唔錯食物cp值好高…絕對係經濟西餐首選。除左價廉外…服務真係超級有禮貌…係每一位都好有禮貌。 隔離檯發生打爆水杯意外…第一件事就過黎道歉同了解有無傷及客人。 清理完現場再黎問好。 香港仲有好服務既餐廳既。『 價錢+食物質素+服務態度 』…雖未至於變飯堂…但一定值得再訪既餐廳…查看更多

漢間 @ 九龍塘無聊過黎扮下大學生…估唔到呢個商場有間咁唔錯既burger店…對上黎呢個商場真係咸豐年前…過到黎先發現原來係外賣店…不過…側邊巷仔有兩張檯…加上微黃燈光又幾有feel…最緊要係涼涼地呢度個menu都幾搞野…漢堡包以"間"做分類…除左有漢間…你有日間…中間…夏間…餅間同森間可以揀。唔同間都代表左唔同口味…最愛中間路線既me…揀左"中間"…**中間係麻辣代表…另一成因漢間唔好聽**另外點左柚子和牛, 雞肉牛油果沙律同炸單骨雞翼。首先麵包質感好鬆軟…入面烘到微脆…塊漢堡扒煎到好焦香。配埋芝士, 炒洋蔥同埋有羽衣甘藍…好有❤️"中間"既輕"麻辣"好惹味…有麻辣得黎又唔會過濃冧左burger應有味道。 有兩塊patty口感更加豐富柚子和牛…油香更濃…如果你like油香必點。 點柚子係好好既選擇…因為柚子味可以中和番和牛既味道…烤雞沙律…烤雞份量好慷慨…重有牛油果…蕃茄…生菜…好味又健康炸單骨雞翼…外脆肉嫩…個炸漿都做得唔錯…單骨食起黎非常方便…我杯🍊🍋🍍梳打幾好飲…無論配burger salad 或者雞翼都好好味😌😌#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #漢間 #漢堡包 #burger #麻辣 #九龍塘…查看更多

yum yum @ 上環之前試過yum yum感覺唔錯…又可以食勻成個東南亞…佢地有泰國…越南…韓國菜式選擇。黎呢度當然要叫佢地signature雞脾冬蔭公湯粉 冬蔭公湯底酸辣度啱啱好 有粟米仔 魚片 炸雞脾好大隻…即叫即炸 皮脆…切開仲有好多肉汁另外叫左蔥油豬扒蛋飯 個樣超級靚仔 檯面有支豉油撈飯用 個調味唔錯…帶少少甜又唔會大鹹…再加埋蔥油同蛋黃…無餸都可以爬兩碗飯。 個香茅豬扒份量都幾大…味道唔錯加多個沙嗲串燒豬肉 個沙嗲醬好有印尼style…好味飲品有青檸梳打同泰式奶茶。個泰式奶茶茶味好濃唔錯除左味道…呢度最緊要係個價錢經濟實惠…所以都經常滿座#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #上環 #東南亞菜 #yumyum #味道…查看更多

船渦 @ 銅鑼灣原來蒸鍋都有自私食…咁就要試下呢度主打蒸氣海鮮鍋…裝修都幾木系…配合埋柔和燈光…氣氛唔錯。 話明support自私食…每張枱都裝左獨立蒸爐…如果你真係得一個人黎的話…仲可以落簾…咁就啱哂I既你同me今日點左兩款餐…大家都以海鮮為主…貴d既就多少少海鮮同跟安格斯牛肉。 就算平個餐…海鮮種類都算豐富「九品芝麻官」套餐有白蜆…大蜆…蝦…北寄貝…鮮魚片…而「八府巡按」 套餐就有白蜆…蝦…北寄貝…鮑魚…元貝…貴妃蚌…鮮魚片…龍蝦…子王。 兩個都包左餐前小食呢度最貼心就係清楚列明每款食材既蒸煮時間…咁就唔會嘥左咁靚既食材呢度所有海鮮都清洗得好乾淨…貝類無沙。 所有海鮮都好新鮮…特別是龍蝦，肉質飽滿，入口彈牙仲有鮑魚都好爽口彈牙。 肉類方面有美國肥牛…安格斯牛同豚肉。 牛就當然安格斯比較優勝dd…話時話佢地個豉油調得幾好味…帶少少甜…唔鹹…蒸完既食物點少少就啱啱好除左蒸鍋食材外…呢度都包左主食一份…我地點左米線同蟹粥。 當你蒸到咁上下…店員就會為你準備好主食既安排。 蟹粥底由店員代為處理，加埋其他海鮮精華後味道濃郁…為呢餐畫上完美句號船渦不單止提供新鮮海鮮食材…見到有自己魚缸就知。 服務都洽到好處…整體唔錯#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #船渦 #銅鑼灣 #蒸鍋 #海鮮 …查看更多

misu seafood @ 灣仔灣仔同朋友吔lunch…想搵個坐得舒服d又唔洗咁趕既餐廳…呢度環境好闊落…牆上見到有幾張相…老闆應該係做開海鮮…同埋餐廳有魚缸養住長腳蟹同魚…呢度lunch set包左頭盤…主菜同雪糕米糍頭盤有味噌湯同沙律…香烤黑松露雞 呢個店員推介…又真係無介紹錯。 原個鑄鐵煲上…食到尾都熱辣辣。 個雞份量好足…真係有成半隻雞。 烤雞皮脆肉嫩滑…蜆肉鮮甜肥美…個飯加入左鮑魚汁…鮮味濃郁…如果多d飯仲正月見霜燒刺身丼 全部刺身都有經過火炙…帶子 三文魚 左口魚 tuna 火炙左口魚係最正 魚香滲出黎…入口即溶呢個價錢…食物質素唔錯…加上好好坐…好啱慢慢食傾下計#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary ##foodblogger #hkfoodie #香港好去處 #灣仔 #misuseafood #fusion #西餐 #日本菜 …查看更多

牧羊少年 @ 將軍澳雖然唔踏單車…不過都黎單車館食下野…記得以前去葵青睇劇都會過隔離牧羊少年食野。 今次誤打誤撞黎左單車館店…真係好有驚喜。 單車館外貌特別…出面公園好靚…重點呢間分店裝修好靚…樓底又夠高…燈光柔和舒服…坐係度食野感覺好cozy另外要讚下檯面本menu…真係好有心思…前面係介紹番餐廳background…後面就係餐牌…d相影得好靚…睇完對食物好有期望選擇困難症…即刻點左個二人餐先點兩個appetizers牛油椰菜花配金槍魚醬 椰菜花煮得軟硬適中 加左甜椒粉做點綴 重點係金槍魚醬好好味。 而且份量好多…最後椰菜花食完就直接用匙羮𢳂黎食另一個係是拉差雞翼 雞翼真係好大隻…唔似好多地方d雞翼小兒麻痺咁。 炸漿做得好脆好薄 而亮點係個樹拉差醬…調得好味。 大約似係帶辣味既thousand island醬…點完令個炸雞翼味道提升幾cup主菜點左蝦頭油香辣肉碎意粉 呢個意粉好有誠意…有蝦…肉碎…菇 …蒜蓉。 意粉用左蝦油炒…成個意粉變得鮮味又惹味…意粉質感好al dente👍🏻👍🏻BBQ ribs BBQ sauce 甜酸剛剛好…ribs都煮得好夠時間…好容易就骨肉分離(好sad)。 呢個配左個炸蕃薯條…點刁草檸檬蛋黃醬好鬼夾…比點茄汁更夾 甜品要左個心太軟同哈根大師雪糕 心太軟都唔錯…因為唔太甜🤣🤣。 若然多d流心就完美野飲點左氣泡鳳梨lemonade同埋蘋果蜜桃紅茶…兩杯都好飲好refreshing強列推介呢個分店俾大家…因為從環境…到食物質素再到服務都非常有水準…溫馨提示: 大家食飽左記得係公園散下步幫助下消化#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #牧羊少年咖啡 #cafe #將軍澳…查看更多