digimonnnnn的個人專頁

本身黎酒吧都係諗住飲下酒吹下水, 野食質素係其次, 主要都係用黎餸下酒有d野咬下, 但呢間酒吧出品既串燒質素相當出色, 比起出面專門食串燒既餐廳有過之而冇不及, 當晚我地食左超過10款野食, 每樣都好好食, 調味同燒既時間都冇野挑剔, 完全表現出廚房既功架, 價錢又唔貴, 性價比極高因為真係樣樣都好味, 呢度講幾款大家必定要試下既：汁燒金菇五花肉捲豬肉同金菇比例岩岩好, 食落有好既香既燒汁味同肉味, 金菇中和到豬肉既油膩感, 同時比到爽脆既口感, 講緊只係10蚊串, 抵到爛！🔥🔥🔥香燒翠肉瓜翠肉瓜一咬落去非常juicy, 又食到醬汁既味道, 燒既火喉控制得好好, 唔會太生或者太熟影響質感, 又係10蚊一串, 唔叫點得😝鹽燒雞頸皮燒香左既雞皮表面超級鬆脆, 好似食緊薯片咁, 但又不失雞皮應有既煙韌口感, 雞皮係成條卷起黎燒冇切細片, 所以每串既份量都有返咁上下🐔蒜蓉燒生蠔48蚊就有兩大隻, 差唔多有成個蠔殼咁大, 食落鮮味多汁, 再加上香濃既蒜蓉醬, 睇得出係自家秘制再炒香過先放落隻蠔度燒, 好味又飽肚🐚炸芝士年糕無錯, 除咗串燒, 連炸物都一樣出色, 炸到蘇脆既外皮包住軟綿綿既年糕, 中間仲有流心芝士, 配上煉奶一齊食, 簡直一絕😋…查看更多

餐廳位置於甲級商場, 佈局高級, 黎慶祝重要節日就岩晒前菜：Homemade Pork Meatballs兩大粒肉丸浸泡係鮮紅既番茄醬中, 表面灑滿細碎既白芝士絲, 食落肉丸鬆軟多汁, 番茄醬酸甜平衡, 更能帶出豬肉既鮮香, 芝士碎入口融化後增添奶香, 整體口感豐富🐖主菜：Crab Linguine蟹肉份量相當多, 賣相十分吸引, 蟹肉鮮味出, 意粉彈牙而且掛汁, 蒜蓉既香氣濃郁唔嗆辣, 搭配微微既辣椒清新, 好味又飽肚甜品：Tiramisu意大利甜品點可以唔食Tiramisu, 頂層有厚厚既可可粉, 中間有鬆軟既咖啡餅層, 配合綿密既忌廉, 咖啡既苦澀與甜蜜完美融合, 滿足而唔肥膩🍰…查看更多

可以食成4個半鐘既火鍋放題, 簡直係大胃王既福音, 就算幾個人黎吹住水慢慢食都得, 唔驚趕時間, 我地兩個人黎食, 食兩個零鐘基本上都停晒手😂麻辣蕃茄牛肉+日本壽喜燒湯底湯底選擇有成20種, 望住d圖真係會花多眼亂😃 麻辣牛肉鍋配上蕃茄, 味道相當濃郁, 鍋入面搵到4大舊牛腩, 肉質都算淋, 我地叫左中辣, 但食落唔算太辣🐂鴛鴦鍋緊係要配多個清清地既味中和下, 壽喜燒汁都幾清新, 有少少日本甜豉油既感覺, 湯底一樣配上大量蘑菇類, 食下肉又食下菇感覺冇咁肥膩🍄火鍋配料肉類主要都係一牛一豬既選擇, 都係薄切即叫即到, 兩款望落d雪花都唔錯, 入口易咬易食, 肉味就唔多食到, 主要都係食火鍋湯底既味, 其餘配料都係丸, 菜, 魚柳, 午餐肉果d, 種類都齊全, 值得一提係d丸都係自家手打, 整到細細粒, 方便大家可以試多幾款都唔怕飽飲品有冷熱飲品提供, 各式既茶, 汽水, 紙包飲品, 涼茶等等, 應有盡有, 而且仲有d係室溫既野飲, 相當貼心💯…查看更多

旺中都幾多掃街小食店, 要突圍都唔係咁容易, 仲要賣章魚小丸子呢d大路野, 唔好食真係做唔得耐, 呢間章魚燒就比到我驚喜, 本身只係兩個人一人叫一盒, 最後要加單買多盒食, 認真出色！蒜香牛油粟米看似好普通, 但其實驚喜十足！蒜蓉味好重, 加上牛油既香, 配上章魚燒一齊食估唔到個味係咁挾, 令人有種食唔停口既感覺💯黑松露松露醬加上松露粒, 由章魚燒既熱力帶出濃濃既松露香, 真係好難唔好食, 如果松露粒份量多d會更佳😋蟹子章魚燒上面鋪滿常見既燈色蟹子同埋較少見既綠色蟹子, 因為本身蟹子都唔係重口味既野, 兩者味道食落差唔多, 蟹子主要作用都係增加章魚燒既口感👍…查看更多

餐廳位置方便, 位於旺角市中心, 行完街肚餓就可以即刻黎食, 而且無論湯底火鍋配料定飲品, 選擇都有好多, 唔怕唔岩食😎先講湯底, 有成16款咁多, 台式日式蕃茄麻辣藥膳養生樣樣有, 真係一黎就選擇困難症發作, 好彩有得揀鴛鴦鍋, 就揀左個麻辣蕃茄牛肉配藥膳椰子雞🐂🐔麻辣蕃茄牛肉當然就係濃味d嘅選擇, 打得邊爐緊係想食重口味, 我覺得呢個鍋就岩晒, 個湯底顏色濃到接近黑色, 有幾舊蕃茄, 仲有幾舊台灣牛肉麵既牛肉, 大舊得黎都算淋, 落配料之前飲左啖湯, 真係濃到不得了, 超級惹味🤤藥膳椰子雞就用黎平衡返個濃味, 清清地得黎又有陣陣椰子香味, 入面一樣有幾舊嫩雞, 食落一d都唔嚡, 多肉少骨, 都唔錯👍火鍋配料選擇一樣有好多, 仲有啲出面較少見既, 例如爆漿芝士牛丸, 花膠片, 帆立貝, 黑松露墨魚丸等等, 平時任食打邊爐都食唔到幾多粒丸, 因為多數都大大粒, 佢地自家製既手工丸size做到細細粒, 可以試多幾款都唔怕好快食飽晒😛飲品方面, 都係樽裝茶, 涼茶, 汽水, 紙包飲品之類, 都係大路款式, 有度值得一讚係佢有兩個暖櫃, 提供埋熱飲品, 絕對係女士們冬天既恩物😆…查看更多

番到大埔 戚起條筋 好想食糖水!即刻走落廣福道附近睇吓有咩糖水舖見倒有間排長龍 咁跟住食應該冇錯嫁喇~一次過叫左4碗! 其實糖水呢啲野 叫10碗都食得哂😂最後揀2碗桃膠系列+2碗芋圓系列每碗既固體配料vs液體糖水既比例都幾過分😹大約係4:1真係做到每啖多多料 少少水~勁高享受所以食完4碗之後 真係飽到上心口!性價比極高~桃膠口感正常 唔係桃膠碎! 係桃膠!芋泥夠綿 冇顆粒感 食落sup一聲就吞左 又芋頭香!西米同芋圓係normal size, 量多~最愛仙草🫶🏻口感味道好Nice 唔會好碎.…查看更多

服務唔錯👍🏻一坐低即刻有人招呼拎晒啲茶水碗碟+洗碗兜比你然後就上開胃菜 (唔太清楚咩名堂 簡單形容下)份量以開胃茶標準黎講 算幾大碟淮鹽花生+ 豆腐粒 + 雲耳 + 青瓜粒味道帶酸甜 少少辣, 慢慢有啲鹹味滲出~食完好開胃! 由於份量多 食完飽左10%椒鹽山林串燒 x8 (雞+牛）賣相looks good! 面頭灑滿蔥粒每寸肉都有肥有瘦 食落個感覺唔會太dry得肉 有脂肪部分去平衡下調味方面亦都唔會過分重口味令到肉味冇咗醬油炒飯色水非常好, 望倒以為會好重鹹味但其實係食到醬油既鮮味! 唔會死鹹!唔止聞落好香 食落得好鮮味 好香! 夠味 而又唔會重口味~黃金四季豆非常之impressive! 通常喺出面食既黃金四季豆都係鹹蛋黃+四季豆一齊炒.. 但呢度既做法好有驚喜! 果15mins絕對值得等!竟然係用鹹蛋黃包實每一條四季豆再去炒/炸🤡驚喜到癲! 一 上枱果下 我地都呆左😹鹹蛋黃嘅鹹香味好突出咬落嘅四季豆皮亦都好爽脆總之就好值得嗌😹紅糖糍粑每條糍粑都長到好肉腸粉咁🤭炸好上碟外皮好脆 建議趁熱食!黑糖醬 同埋 紅糖另上可以自行決定甜度~整體黎講, 每碟菜賣相精緻得來又真係大大碟味道好講求平衡, 唔會一味死甜死鹹~好適合一家人去食!…查看更多

小店位於旺角市中心, 朗豪坊斜對面, 行完街就順便黎到, 十分方便🚶招牌香鍋黎得呢度梗係要試下佢既招牌香鍋, 有不同口味同辣度可供選擇, 同埋最少要揀五餸, 我地就揀左麻辣小辣, 初頭食第一啖唔算辣, 食到最後先比較辣d, 而麻既感覺較重, 經常食到條脷麻晒, 都幾惹味😉餸就揀左有肥牛, 牛舌, 豬頸肉, 豬大腸同金菇肥牛較薄, 容易入味掛汁牛舌相對較厚身, 口感偏淋, 易咬開豬頸肉肉身實淨, 肉汁都豐富豬大腸有d乾身, 比較其他有d失色, 但勝在份量夠多金菇條條分明, 可以輕鬆連埋上面堆肉一齊食, 增強口感之餘, 亦中和一下d油膩感口水雞雞既份量正常, 都多肉既, 唔會淨係話得骨, 而口水汁就一d都唔孤寒, 成大pat淋係上面, 最後食晒d雞都仲有好多汁淨🐔泡椒魷魚鬚有乾同濕兩款整法, 既然香鍋已經食左乾炒整法, 呢個菜就試下濕炒, 魷魚鬚大大條有咬口, 估計都食左10條以上, 因為濕炒關係, 多汁之餘仲帶有陣陣香氣, 非常香口😋…查看更多

利申左先, 今次唔係餐廳現場食, 而係叫外賣返屋企食既檳城福建蝦麵味道唔錯既, 個粉份量都正常, 不過個湯實在太少, 大概得5份1個膠碗,個粉放左落去幾乎見唔到湯, 仲要好快吸乾晒, 以呢個價錢嚟講顯得有啲孤寒🥹椰香咖哩豬頸肉喇沙味道都係正常發揮, 但個問題同樣係少湯, 本身叫湯麵就係想要碗湯, 唔係既話叫炒麵就得啦椰香咖央多士唔知係咪外賣嘅關係, 食落個麵包皮已經開始淋, 雖然未到淋曬, 但一啲都唔脆口, 醬料就正正常常不過不失🤔…查看更多

講野食之前, 一定要講講個環境先, 呢度唔似一般既中式酒樓, 一入門口就感受到個高級既裝修同氣派, 門面光猛潔淨, 未食野已經加左分先💯川椒安格斯牛肉牛肉生熟程度岩岩好, 肉質好淋, 唔會食到有筋或者食唔斷既情況, 汁既味道以咸味為主, 冇咩辣味, 男女老幼都岩食, 伴碟加上少少紫菜, 令賣相顏色更好睇🐂潮式椒鹽九肚魚可謂其中一樣必食既潮汕菜, 九肚魚炸到金黃色, 皮薄餡靚, 椒鹽亦都入味, 起骨功夫都做得唔錯, 完全冇食到有骨🐟鹵水鵝片鹵水野又係潮汕名菜, 各式各樣既鹵水鵝呢度都有供應, 亦都似係呢度既招牌菜, 每塊鵝片都大大片, 鋪滿兩層, 再加堆豆腐墊底, 望落好大碟, 鵝片有口感有鵝味, 脂肪比例較少, 啖啖肉好抵食😛反沙芋頭食左咁多肉緊係要食返d甜品作結, 芋頭本身炸得皮脆肉嫩, 再連埋大量既糖一齊炒, 外層黐滿一層厚厚嘅糖, 咬落去除左糖既甜, 亦有芋頭既淡淡香味中和, 所以唔會話死甜, 係外面較少見到既菜式😋…查看更多

喺紅磡要搵間小店食Dinner好輕鬆~但搵間 又好食+又有heart+價錢親民+ 環境舒服既小店 真係唔易嫁!今次就係搵倒勁餃笑喇🙌🏻玩食字 勁搞笑😂本身諗住而家香港嘢繽紛~ 諗住8:30後應該好多位可以堂食…點知勁餃笑得返兩個位😂啱啱好平時坐吧枱位🥲最怕就係冇位擺袋而呢間舖頭好貼心!吧枱位枱底下面會有個鉤俾你掛袋~餐牌上面都好多選擇, 餃子為主另外有幾款麵食同甜品~好多都好吸引! 好想試多幾款~所以每人都叫咗個雙拼🙌🏻一份煎餃+一份湯餃In general~ 無論煎餃定湯餃, size都好大隻~ 成個散子包咁大🤡餃子皮唔會薄到一夾就穿, 但咬落又唔覺得厚皮~餡料非常之多, 而且唔會散晒出嚟!辣菜脯可以免費加~連埋餃子一齊食, 口感好加分 & 香味亦都好突出🥟煎: 黑松露粟米豬肉餃+芝士辣雞餃松露餃勁香黑松露味🤡啖啖肉辣雞餃好香口可能因為揀咗煎餃, 食起上嚟多咗一份焦香🫶🏻🥟湯: 大蔥牛肉餃鮮蝦帶子豬肉餃湯底比較清香. 飲落唔會有味精味, 真係飲得㗎!豬肉餃入面, 真係會見到有粒帶子! 真材實料啊~唔係帶子碎!如果怕唔飽🤡可以加多個麻辣雞絲拌麵/花甲粉我地兩個都叫哂😂麻辣雞絲拌麵麻辣醬撈得夠勻淡淡都有味，而且份量好足夠花甲粉有金菇, 粉絲, 6-7隻花甲~ 過足口癮…查看更多

第1次試馬祖😹又係今個冬天第1個邊爐作為一個怕凍既人..20度已經想著羽絨邊爐簡直為冬天恩物!但都有個問題 就係我會愈打愈凍🫠但呢間以打邊爐為主既餐廳好impress倒我!竟然有熱飲櫃🙌🏻! 好抵讚!講到打邊爐既重點 首先就係湯底!由於今次病病地 就唔食麻辣住 揀清啲~今次揀左藥膳椰子清雞湯大家千其唔好比藥膳兩隻字嚇親 唔會好重藥材味湯頭好香鮮甜椰子味 椰子既甜味膳雞湯鮮味好balance!另外🙋🏻‍♂️揀左藥膳台灣麻辣鴨血湯底同樣地 冇藥材味既~ 因為係台式既麻辣湯底 所以略為甜甜地如果唔好甜既朋友 揀四川麻辣會fit心水啲我地兩個都只係試左$228果個set肉既種類雖然唔多 但係都算夠鐘食既有牛有豬~ 但我地都係中意牛多啲~牛味夠 肉既厚度算薄身 好快淥熟 又可以叫下一盤😹出面配料區既選擇種類正常~同平時出去打邊爐差唔多.雪糕櫃都算揼本 movenpick任食!仲有Dryers, 牛奶公司, 雀巢甜筒, 雪條etc總有一款岩口味.總括黎講 CP值唔錯~ 可以再幫襯!…查看更多

呢間意大利餐廳個地點真係好方便, 係正尖沙咀鬧市, 仲要一出地鐵站口就見到, 所以在場都見唔少約埋一家大細, 三五知己黎食, 好爆場, 建議黎食最好都book定位好d😂同埋餐廳職員每次上菜都會作詳盡介紹, 又會不時關心下你食成點, 親民既表現不輸係外國既餐廳💯我地叫左兩份all day set menu, 可以一次過試晒佢d意粉同pizza😉沙律分別叫左IBP意式沙律同牛油果沙律, 本身沙律呢d前菜都冇話有咩特別期待, 都係諗住得一兩啖開下胃咁, 點知黎到見到份沙律要用超大個碗裝住, 份量相當驚喜！唔止係菜多, 配料例如乾蕃茄, 芝士片, 牛油果粒, 甚至吞拿魚肉都相當足料, 清晒成碗相當滿足😛蜆肉意大利麵蜆肉嘅size同數量又再一次比到驚喜我地, 蜆肉真係有成個五蚊銀咁大, 仲要差唔多有成十粒八粒, 粒粒都脹卜卜, 鮮甜爽口, 咬落去好似有海水味由口湧出嚟咁, 十分推薦！扁意粉都炒出應有既水準, 又唔會蓋過重點蜆肉既鮮味😋Pizza有兩款口味 - 黑松露蘑菇同蕃茄芝士, 好味既野唔使整到咁複雜既, 兩者都係好簡單既食材, 配搭埋一齊再加上烤得岩岩好既薄餅底就已經好好味, 呢度就完全掌握到意大利pizza既精髓所在 …查看更多

因為第一次試呢間餐廳 唔係幾知道食物份量所以就好似平時咁.. 一人一碗麵+一個小食~而最後就係食唔晒😹個份量真心好多🙋🏼‍♀️紅酸湯牛肉片扁粉個size真係大到有啲嚇親我!碗麵係用個好大既金色鍋裝住 望落都好有gimmick~份量絕對夠一個成年男人食飽晒!紅酸湯其實係蕃茄湯底真係見到好多蕃茄肉 絕對唔係用湯粉沖出嚟既感覺~牛肉既量好多, 而且個形狀都幾特別唔係一片片嗰種鮮牛肉既shape,而係有啲似牛肉碎~但一夾上黎就係一大抽牛肉碎~口感好好 有嚼勁!至於麵底~ 我就揀咗扁粉個口感似撳扁咗既烏冬🙋🏻‍♂️台灣紅燒牛肉麵有兩大舊牛腩~ 炆到好淋 好索湯汁一咬落去唔止牛味 仲一定會食倒湯頭既鮮甜!除咗主角牛肉之外~ 仲有好多大大舊紅蘿蔔所以飲啖湯嘅時候就會發現有份紅蘿蔔既甜~麵底份量足夠! 算彈牙~🐣台南鹽酥雞見到價錢, 以為得幾舊雞..心諗我哋兩個人一定食得晒啦!點知一黎到, 原來有成1x 舊雞😹勁多外皮炸得夠脆, 雞肉嫩滑但調味方面可以再香口啲~🐖麻辣大腸可能因為要迎合大眾對辣既接受程度所以個麻辣唔算好辣~反而調味方面加左好多蒜頭令到個大腸好香口份量方面..多得好誇張😹…查看更多

餐廳定期都會換下個special menu, 今次個推薦都幾出色！🐂🦐🐟照燒魷魚筒伴墨魚汁意大利飯就係今期既special menu, 墨魚汁意大利飯有好多餐廳都會提供, 但食到既成日都係得個色, 但味道就一係好淡一係好咸, 呢度煮得唔錯, 色同味都有比到之餘, 味道適中, 汁既濃度都岩岩好, 唔會話好水或好杰身💯藍青口, 魷魚, 蝦肉, 珍珠帶子, Parmesan 芝土, 龍蝦汁意粉一份好正嘅海鮮大集薈, 咩都有唔怕唔岩食, 每個餸個份量都唔細, 青口同蝦都有兩大隻, 帶子又有4-5粒, 龍蝦汁味道濃郁, 意粉有咬口又掛汁芝士汁辣味牛肉薯條睇餐廳個名應該都係主打薯條, 小食就當然要試佢個薯條, 今次叫個出面未見過既芝士汁牛肉薯條, 即係薯條上面再加d牛肉碎, 配搭都幾新鮮, 味道亦都夾, 加埋芝士汁啱曬重口味嘅大家…查看更多