ewezer的個人專頁

好幾次行過佢門口,都會被門口個張大型韓二妹海報吸引.見到佢有好多炒飯,部隊炒飯,鰻魚炒飯,滑蛋鰻魚炒飯.個個都好吸引,今日我終於試到其中一個鰻魚炒飯.先講我曾經食個有3樣野係會食到嘔,一個係當年日本人俱樂部既個鰻魚炒飯,一個係快餐店良友既個咸魚雞粒炒飯,仲有就係快加好既鹼水車仔麵.所以今次再試鰻魚炒飯,我係有心裡陰影呢?韓二妹既鰻魚炒飯係即炒,所以一定唔會係凍冰冰,第一啖食真係有鰻魚味(廢話!),唔係腥但好明顯係心理多於一切,食多幾啖我好快已經OVERCOME左果個鰻魚味.所以我最終都全部食曬.仲有老闆介紹既野飲,無冰奶茶.我唔多飲奶茶但我都覺得好好飲.唯一我覺得就係個鰻魚炒飯太大份,下次一定要叫少飯OR一半飯,加埋個野飲就O岩O岩好.誠意推介去開銅鑼灣,可以去試下.…查看更多

石門最常幫襯其中一間,今次點左個豬仔骨薯菜.豬仔骨其實要奶野真係好難,但要好食其實一樣咁難.所以叫之前我都唔會有咩特別既期望.豬仔骨要焗就一定要等,等左10多分鐘.碟野來啦,有沙律,薯菜同最重要既豬仔骨.薯菜即炸,沙律新鮮,豬仔骨夠入味,但又唔係太重手.最重要係個汁掂呀.ONE MAN BAND既廚師,掂呀.…查看更多

新店開張,由2位年青人主理.今次第一次光顧,選擇左我最鐘意食漢堡.等左10分鐘,我既漢堡來啦.外觀好似有點麻麻,唔緊要,味道最緊要.一直食漢堡個包都係咸既,好少食到漢堡個包係甜包.就係依個甜味,令到個安格斯牛肉味更加出.唔似之前食開果D,包又咸,舊肉又咸.另外叫左個煙三文魚意粉,三文魚OK,意粉就覺得濕左少少,可以改善下.整體都OK,店員同廚師雖然都係ONE MAN BAND,但SERVICE真係唔錯.繼續努力呀.…查看更多

日秋日食唔係西餐,就係日本放題,幾好食都有D厭,今日中午經過開佐敦,有人派左張LEAFLET,係間印度餐廳.依間野,其實差不多日日都有經過,都有留意過,不過門面,地點都唔係好吸引到人,所以都無幫襯過.既然有張LEAFLET,禽晚就同老婆試左.去既時間係18:30左右,門口出面一個人都無,裡面呢?由開始食到尾都係得我地2個.無人都有個好處,唔駛等位,最重要係D野掂唔掂先真.開始叫野,MENU一定有既係英文,隔離亦有中文,有D仲要有相,唔驚唔舍叫左D乜.我地2個人叫左...清炒西蘭花,咖哩羊肉,薄餅,北印度魚焗飯(老婆都問左,要少辣),雞肉炒麵.本來仲想叫個咖哩角,不過老婆話食唔晒,無得叫.最先來左雞肉炒麵,微辣,即叫即炒,用青招,洋蔥,雞肉炒成一碟,幾香,味道亦唔錯.之後來左個清炒西蘭花,咖哩羊肉,薄餅,西蘭花感覺不是用蒜蓉來炒,但食唔到用乜來炒,但入味,而且西蘭花炒到剛剛好熟同唔熟之間,但我自己厭有少少咸.咖哩羊肉就不用講,味道一定好過大家樂,配上薄餅更是一留,咖哩羊肉內亦有大量既青招,味道濃,但辣度亦可接受.最後是北印度魚焗飯,煎魚加炒飯底,旁邊有蕃茄伴碟.煎魚是不錯,不過飯底就只有2個字,好辣.平時叫食到辣既我,都食到頭髮都滴汗,爬左幾啖最終都係放棄.好辣之下,食左伴碟果幾片蕃茄,又無左辣既感覺.早知叫多蕃茄少飯啦.幸好個焗飯唔係我叫,唔係一陣老婆又話啦...hoo.埋單HK$220,價錢我覺得OK,如果唔要個焗飯,加返個白飯同咖哩角應該都係差不多.最後個WAITER都有同我地講SORRY,話唔知我地食唔到個咁辣既焗飯.但我諗,都叫左要少辣都辣到咁,正常既會係點樣辣法呢?依間野我覺得服務OK,野食同價錢都OK,只係位置唔係好方便,係廣東道同柯士甸道交界位,叫(Yak & Yeti Resturant & Bar),係中港城去就10分鐘左右.有興趣印度野既師兄師姐,有興趣可以去試下.…查看更多