DerHo的個人專頁

是日假期睡到日上三竿,就想兩餐拼一餐吃火鍋放題.豉油街和荃灣的一鍋堂都去過了,就想試試瓊華中心新開的一鍋堂.曾在豉油街分店walk-in排長龍,所以就預早1145到,可能店舖大,就算12點到都不用等座位,不用跟人逼著等叫籌號,這點比其他分店好.店內座位已設好固定的間隔檔版,疫情期間是會衛生一點.坐好後立即繞場一周,冰到出霧氣的丸類和冷盤櫃,這情況好像未在火鍋店看到過.或者為了迎合大眾口味,冬蔭公湯底不太辣.很多火鍋店冬蔭公湯底的蝦都煮到梅梅爛爛還好這裡不會.飲品櫃選擇不少先吃冷面涼一下,麥味很不錯,為了留肚不敢吃多碗全部的丸類都被我拿了,魚腐比較好魚皮和響鈴都很香脆這個一開始看不知道是什麼,也不是我點的,以為是什麼冷盤就生的吃下去了,之後才知是朋友點的魔鬼辣安格斯牛肉鯇魚和白鱔片非常新鮮,鯇魚還有點爽牛肉不算很軟林但有肉味羊沒有膻味,不過我喜歡膻味就是了~我總是買不到的甜粟米豬肺要一開始就放入湯底才煮軟，竹笙吸了湯汁好吃極了~魚雲夠大件才好吃蝦滑鮮味爽口以這個價錢計, 環境和食物質素是非常好的…查看更多

喺朋友強烈推介下去咗間滷味店本身一向對滷味無乜興趣,總覺得滷味店都殘舊污糟見朋友話係新式既先免為其難去下店面係乾淨企理既，好似係台式風格，唔係潮州滷味趁留得夜映下特別格局可能還是對滷肉有點戒心，就點了蔗香台式牛肋條湯飯說是蔗香我以為只是意思意思，湯底還真的有淡淡的蔗甜。而且還有蔗在碗內，而且還能咬出味道來，都多少年沒咬過蔗了。清甜青紅羅白都非常清甜，而牛肋已經煮得軟嫩，真的非常不錯。天氣悶熱就點了杯酸梅湯山楂綠茶酸酸甜甜又清涼正好開胃，有山楂餅和山楂碎在頂，飲落都多啲層次。去滷味不能不吃滷味吧，就叫了一份拼盤雞翼、鴨血、木耳、西蘭花、麻吉燒各種食料沒有被炆到軟淋淋保留了口感，麻吉燒作為滷水食材比較少見，吃下去還是普通麻吉燒鴨血就比較入味了，夾起聞下去還有滷水味最驚喜的是竟然有水蓮，之前去台灣旅行吃過就念念不忘，在這裡意外重遇，是這餐最大驚喜！而且口感味道都還是在台灣吃的感覺，清脆爽口！蟲草花是炸還是烘的，脆脆的很特別也很也不錯。滷肉，豆腐味道更濃就好了, 但沒關係，有水蓮就滿足了~總結還是有驚喜的一餐，應該會再來吧下次lunch試下依個都好~…查看更多

星期五早下班, 最近壓力有點大, 約了朋友去西環海邊走走, 也看看附近有什麼吃的7時左右到達, 見店內有不少人, 看來應該不錯反正沒座位就再逛一下看完海後8時再次到達就開始有點座位了嗜辣的我毫不猶疑的要了赤虎拉面, 朋友點了黑鳴虎不知是我太吃得辣還是什麼赤虎拉面不算很辣, 但無論氣味跟味道都很香濃相對純粹的辣, 對我這種會喝清湯底的人負擔更少吃得更舒服我也搶吃了兩口, 雖然知道是用了黑蒜但蒜味還是比我想像中重得多喜好這種的必選~溏心蛋煮得剛剛好也是加分項~另外點了龍蝦沙律和餃子龍蝦沙律很鮮美, 雖然不知道有多少龍蝦, 但好吃就是了餃子飽滿得誇張, 熱騰騰的很多汁而且非常香脆如果要排名, 這餐最滿意的必定是餃子…查看更多

同朋友行開donki, 諗著去海旁行下但越落越大雨去附近商場避雨順便食啲野大家都攰攰地唔想諗, 就叫咗個套餐泡菜唔濃味, 幾清新開胃筍絲有點甜, 晒了芝麻喺上面更香黑魚子帶子刺身沙律, 帶子和魚子的份量很多而且新鮮, 加埋醋酸酸地好夾, 裡面仲有米通脆脆地口感幾好芝士玉子伴上櫻花蝦, 甜甜地幾香滑面豉湯濃而不咸, 海帶未煮到淋晒, 咁樣好啲咬口仲好杏飽菇大啡菇燒得啱啱好, 仲係好多汁, 調味唔會過濃蓋過本身味道燒五花腩好肥美, 雞汁又夠嫩, 配上孜然粉唔錯鰻魚本身夠肥加上都算厚切, 剛燒起都油脂味香到爆松葉蟹肉蟹膏炒飯, 第一口濃濃既蟹膏衝擊很大北海道石狩鍋, 鮭魚不是煮到好滑果種咁, 反而味道很突出朋友不吃葱和豆卜, 些才是精華吧食埋甜品大滿足, 但因為太飽, 都忘了味道...…查看更多

最近幾個朋友都介紹這間餐廳，就book了枱約埋朋友來吃飯但朋友約定時間半粒鐘前才臨時甩底，當時還下著雨雖然匆忙間還是約到其他朋友，但心情真是糟透了幸好這間餐廳的體驗非常不錯，還意外得知朋友的好消息，拯救了整晚的心情~第一時間叫了番薯酒、蕃茄沙律和明太子龍蝦沙律，酒冰涼沙律清新雞肉大葱串燒的火候剛剛好，肉還很嫩滑，配上大葱更惹味！牛舌肉厚多汁，還好沒有很重的醃料蓋過它味道雞軟骨是比較香脆，而不是軟身那種當晚沒有白鱔，銀雪魚看起來以為有點乾，想不到裡面還是很軟嫩我很愛的多春魚，沒什麼特別，就是燒得剛剛好之後還叫了鰻魚&三文魚飯團，餡料毫不吝嗇追加了波羅酒，跟番薯酒比較，這更順口更推薦說得興起，巨型珍寶珠狀的冰，攪下攪下就沒了要提一下的是，我吃飯是很怕被打擾的，這裡的待應會自動來介紹食物，又會點到即止，這點真的很滿意本來帶著滿腹不快，吃了不錯的食物，喝了適量的酒精後，爽晒~有機會還要再來！…查看更多

放假行開旺角,很多店舖都關門了有點掃興唯有找點好吃的安撫一下~地鐵出口附近有姐姐派單張,反正沒主意就去了這間大瀛喜吧以此價錢還算比較滿意,完全沒有其他舖頭漏單的情況.吃得太多都想不起了,只提幾款印象比較深的比目魚煎得很香,甜甜的可吃幾份~牛舌很入味,軟軟嫰嫰的魚生大部份都新鮮,唯獨吞拿比較一般天婦羅推介炸薯和蠔,薯又香又甜, 蠔的炸粉不厚, 不像我在其他地方吃到炸粉像盔甲盤厚羊肋骨有點乾,烤太久了吧魚蓉sushi,有已經很開心了花之戀, 算很肥美喇, 又不會太大件好滯芒果出乎意料地好食, 原本以為是懲罰遊戲煮蜆,忘了拍, 算了~ 有點像冬陰公的辣, 很輕微…查看更多

約咗朋友食飯，知我中意食越南嘢佢就帶咗我去依間餐廳可能因為聖誕節後，新年又未到，啲人諗著過節先聚餐，果晚去既時候都唔使點等位，靜靜地傾計幾好全程用app落單，大家都食咗下午茶，只係簡單叫咗2碟粉同小食小食拼盤有春卷、䉀蝦、豬頸肉、鳳爪春卷裡面有芋頭、蘿蔔絲、肉碎，爽爽地質感都唔錯豬頸肉好嫩滑，邊皮位少少焦脆，配埋炸蒜仲惹味，今餐最突出係佢庶蝦吸咗啲汁幾香甜，庶仲有味㗎，有牙力可以𡁻埋，都好甜~鳳爪俾我朋友食晒，唔知呢…火車頭湯底幾香濃，配料主要有牛肉，牛丸，牛柏葉。雖然不算多，但我最愛的牛肉很軟嫩，牛丸都好爽口，唔錯！馬拉盞金邊粉，有點黏身但可接受，炒得均勻所以著色同味道都不錯。裡面有幾隻蝦，爽爽的還可以。坐下坐下已經快要收舖, 好在依度食完唔會做啲動作逼你走, 慢慢傾計都無問題~好似係最後果枱走，臨走先留意到有個ET(?)擺設~…查看更多

去開附近嗰間餐廳突然結業唯有去附近啲餐廳搵嘢食經過好多次呢間日式餐廳門口用日文實在叫唔出個名價錢平平哋，感覺係品質一般嘅拉麵不過裏面都有唔少客，試一試都無妨入到去好大陣味，可能通風有啲問題？行到去餐廳中間等俾位，話係一位，老闆娘命令式咁叫“坐門口”。枱無餐牌，我擰去玻璃睇餐版時佢過嚟問食乜，我問佢攞餐牌，佢個樣十萬過唔願意…揀完九洲叉燒拉面套餐，佢問係咪跟餃子，我搵緊仲有乜揀果陣，佢又再問一次，我問返佢仲有乜揀，佢話“我咪問你係咪要餃子囉”…真係吹漲…老闆娘答非所問，態度又差，果刻已經想拍枱走人！上台無筷子，fine，問佢囉，佢皺曬眉叫我喺隔離枱攞，我話隔離枱都無，佢先死死地氣攞過來，然後順便refill隔離枱個筷子盒時，好大力咁隊啲筷子入去…我去食個飯，你做單生意啫… 心情唔好，果日唔好開舖囉，無謂搞到你啲客，包括我附近果幾枱，個個都唔開心受你氣吖隔離枱一路都用匙羹食飯，聽到老闆娘叫我去隔離攞筷子，佢都有少少無奈咁笑，我估佢可能費事受老闆娘氣所以都費事問佢攞佢叫咗4次檸茶，老闆娘接單3次，老闆聽單1次，每次都問係咪熱…好彩最後都有嚟咁無記性點解唔寫單呢？Btw隔離埋單果陣已執晒袋預備走，老闆娘無啦啦走過去問佢第4次，你飲乜野？你唔飲野呀？公道啲咁講，因為服務嘅印象太深刻，淨係記得食物麻麻地，唔敢好差但係睇返啲圖片，啲叉燒…大概都估到質素啦…不過我起碼仲記得，嗰兩件壽司冇俾豉油碟，但係我實在唔想同佢再講多一句說話，就咁隊wasabi就算…伏伏伏呢間嘢真係絕對冇下次！完！…查看更多

放咗工同媽子去九號水產添置物資，行到肚餓就隨意去附近搵間舖頭食嘢。去到街頭都決定唔到食乜，行返去街尾見到有間pizza鋪。近海旁嗰邊，平時跑步已經留意到心血來潮入咗去。嗰度客人唔多，我哋坐喺窗口位，座位都好寬敞。雖然仲係11月，估唔到咁早已經有聖誕menu。本來諗住散嗌既，sense到阿媽好想食，雖然睇落貴貴地，算啦就叫呢個餐。先講結論，係有驚喜嘅。龍蝦湯幾濃郁，一開始以為中間嘅係龍蝦肉，食到鮮甜味道，睇完menu先知道係蟹肉，不過只要味道好who cares...塊麵包我試過沾湯或者就咁食，覺得就咁食更加香口。跟住就嚟沙律，可能我食開中菜，一開始竟然只諗起七星伴月同埋片皮鴨生菜夾煙三文魚、火腿、再加埋其他酸酸甜甜嘅配菜，真係好開胃麵包唔係熱哄哄嗰種，點完中間嗰盤芝士之後立即昇華雖然鍾意食芝士但係完全冇研究，只要creamy就ok睇menu知道係金文拔芝士，去自助餐我最鍾意食嗰種，唔怪之得啦食完沙律其實已經有少少飽，諗緊之後嘅主菜薄餅係咪要打包呢好似完全唔畀我休息咁樣，喺我就嚟食完沙律嗰陣薄餅就上枱切起嘅時候覺得好軟腍，當覺得係咪烤嘅火喉唔夠，上半部餡料嘅部分的確係軟啲嘅，但係邊皮嘅部分仲係非常煙韌香脆，唔係薯片嗰種齋脆。最驚喜個part係燉牛肉非常軟嫩，味道除咗甜酸之外仲有微微辣味芝士香、牛肉嫩、配菜爽口、味道酸甜加少少微辣，我同阿媽都意想不到地食得曬成個pizza價錢唔敢話平，但係起碼食完覺得豐富又滿足老實講一向比較少食西餐，今次為咗就阿媽先至食，估唔到真係幾唔錯！…查看更多

返工返到身心俱疲，難得有日早少少放工，就約埋喺附近做嘢嘅舊同事食嘢吹水一路行一路行都冇乜心水，突然見到有間恆香冰室，香港同元朗恆香有關，都算有啲名氣就入去試試啦大門口有包點可以買，原本諗住食完飯之後叫但係唔記得…反而食完飯諗住叫蛋撻但係已經賣曬大胃王嘅我叫咗個海陸空鐵板餐餐湯係忌廉湯，稀咗少少，好在奶油多仲好香脆，又唔會脆到卡卡聲，點湯都ok。鐵板份量唔細，鰻魚算厚，牛仔骨有幾件，雞扒都大塊，配埋碗飯其實唔係好食得曬。朋友就叫咗個招牌炒飯，依佢講法話啲飯粒粒分明，香口唔油膩，而且份量都好大。最重要係配料多， 蝦、叉燒、臘腸、鹹蛋黃、蔥花，唔會覺得好寡。紅豆冰嘅紅豆煮得透，都幾香而且非常甜，辛苦完成日就係要食甜嘢！雪山阿華田嘅雪山係灑啲糖粉喺上面，其餘同普通囉華田差唔多，想試特別嘢可以叫下。呢間餐廳未必係以食物質素取勝，但係咁既價錢有咁大份量真係非常超值！…查看更多

放工去油麻地交收啲嘢.約埋朋友漫無目的咁搵嘢食.印像中油麻地果幾條街有好多煲仔飯同埋大排檔, 估唔到仲有間拉麵店.一開始有啲驚唔夠冷氣, 因為店舖冇門而且對街既廚房開大個窗, 好在入到去通風非常好完全唔覺得悶熱.睇餐牌見到有藍色湯底嘅拉麵, 叫做清雞湯拉面, 老闆娘話好多男人都揀依款, 咁啱我又係男人, 就聽佢講啦.老闆好神秘咁同佢哋講話有神秘menu, 係特濃雞湯拉麵, 係限量發售嘅.最唔受得限量兩隻字, 梗係叫啦~藍色拉面先到!蛋上有支筒仔, 待應話裡面係檸檬汁, 唧落湯底會由藍變紫湯底都幾香, 唔會好黏口, 面係我最鍾意嘅少少彈口, 軟硬適中.兩塊叉燒雖然對我嚟講瘦咗啲, 但都非常嫩滑.藍拉麵有成隻蛋, 我朋友果碗濃雞湯拉麵只有半隻.流心既質地啱啱好~照朋友講, 佢碗麵味道好濃, 雖然我冇食, 但氣味都聞得出, 好多蔥粒而且切得碎, 特別香呢度都有串燒供應一般去食串燒要等好耐, 今次等待時間算好快。燒鰻魚最緊要皮脆脆地, 而且唔可以太薄, 2樣都做到了~炸雞非常驚喜.上枱時見到濕濕地驚已經淋晒, 估唔到皮脆肉嫩, 裡面真係有汁既, 火候啱啱好, 同甜甜地嘅汁好搭.燒茄子原來唔係原條而係切片, 好在兩件都幾厚, 可以再燒耐少少烘乾啲, 但調味落得好足, 啱我重口味~最後係甘薯蛋糕, 店員話可以攤一攤先食, 可能驚太凍牙齒會痺, 好少有咁貼心嘅提示雖然都好食, 但感覺更深既係$16兩大件, 都好抵喎喺依個地區, 喺依幾條街, 有唔錯質素既拉面, 有啲驚喜.食得好滿足, 絕對有下次!…查看更多

朋友在觀塘工作, 不停介紹這間食店. 店名“雲南啊老表黑山羊湯鍋米線”真係有小小翹口, 但係既然有我中意既羊, 就叫埋同樣咁中意羊既媽子去食~放工去, 觀塘站行去大約10分鐘吧, 工廠區既人放工都急著回家, 店內人不多而且寬敞, 坐幾耐都得. 一入去見到外場只有一個姐姐(嬸嬸?)一腳踢, 做野好爽手, 估唔到咁快. 攞起menu唔使點睇, 過嚟為咗食羊, 梗係叫羊啦. 羊肉辣米線, 一碗辣一碗唔辣. 羊肉碎上, 香口唔算騷, 無食開羊既應該都唔怕. 辣既阿媽子食, 佢話唔會淨係死辣, 有層次. 我食唔辣既就咸咗少少, 不過應該唔係重味精, 至少我地都無口渴. 羅白又淋又入味, 如果多幾件就好喇不過印象最深應該係果碗面既份量. 有得揀大碗同普通, 我地唔餓選咗普通. 嚟果陣有啲嚇親, 好大碗米線, 我地食之前再三同姐姐確認係咪落錯單俾咗大碗米線.$25有3件豬手,  我唔清楚, 但阿媽話街市都買唔到. 真係煮到好軟好嫩滑, 仲帶有啲香味, 依餐最滿意係豬手, 份量又足又好味~ 有驚喜喎!口水雞賣相一般,  唔算好滑, 初食唔覺辣, 但係幾有後勁, 越食越辣. 紅油唔多, 都算清爽.檸蜜就係檸蜜, 咸檸七就係咸檸七, 我映隻吉杯做乜....總括嚟講真係好抵, 食物質素中上, 可以再去!…查看更多

每一次經過都見到呢間坐滿曬人,今日咁啱放假喺非繁忙時間經過見到唔多人就走入去幫襯.隨便坐低咗,望過曬所有檯都好似冇餐牌,唯有睇黐喺牆身嘅過膠餐牌.睇落好似冇乜禮貌,其實只係隨意,即係街坊態度,受得嘅話就會覺得感覺親切. "一位坐吖. 2位?都坐吖"真係唔該晒~~唔知係咪我果日傷風既關係,冷氣都開得幾大下,好凍.叫咗個鮮茄牛扒燴意粉同奶茶,叫完餐好快就送上杯底黐住粒飯既奶茶,雖然我唔會舔杯底,亦唔期待茶仔會乾淨,但依粒飯真係好奀眼.但奶茶本身係沖得香既,雖然唔算濃.番茄本身係淡味,不過芡汁落足茄膏/汁,都算夠味.意粉既份量非常大.裏面嘅青椒,洋蔥,磨菇仲爽爽地,唔會淋晒.牛扒竟然唔係乾爭爭或者醃味重喎,淨係咁樣已經比一般茶仔好啦.最正係成碟都係熱辣辣,真係一炒起就拎來.其實好多人嘅要求就係咁簡單,點解咁多餐廳都做唔到喇.坐我對面果位女士既鯪魚球米有成5粒超大鯪魚球,佢不停夾畀老公食,淨係睇個份量普通OL應該好難食得晒.都幾肯畀嘢客人食,下次再試下呢個鯪魚球米粉啦.…查看更多

放工已經非常攰,返到屋企附近只係想快快趣趣搵嘢食,之後極速回家瞓覺.就食米線啦,一定唔會耐,最後就隨便嚟咗呢一間.冇乜胃口,叫咗個麻辣小鍋米線加肥牛,果然好快就到.好少麻辣米線裏面會加榨菜,本來係應該讚嘅,但係啲炸菜已經浸到冇曬味而且淋曬,又無味又唔爽口,叫做聊勝於無,起碼茶餐廳肯落心機吖.叫咗中辣,一開始係覺得唔辣嘅,有少少不滿嘅時候,先發覺越食越辣,雖然唔太麻,但係辣味好有後勁呀!面質實在太淋喇,唔知係咪浸得耐咗.肥牛就唔唔肥而且厚身,少少嚡.雖然碗湯最後真係辣嘅,但總係覺得湯有湯啦,面同埋牛肉好似沾唔到佢嘅辣味咁.唔太識得形容,或者肥牛醃咗未先會好啲.順帶一提,喺碗底打撈到一段豬大腸,心裡暗暗希望只係上一碗喺個鑊裡面撈唔晒,而唔係碗洗唔好.話時話,湯裡面係膏狀物係乜呢,調味料未撈均?…查看更多

同阿媽去飲早茶,唔想行得太遠,所以就去咗附近嘅megabox.今日就揀咗依間御苑皇宴,其實一路都有去開,發覺點心嘅質素真係每況愈下. 幾鍾意食懷舊點心,所以叫咗個燒腩卷,真係大失所望.啲皮又實又韌,完全唔鬆軟,只有隔咗夜嘅包先至會有呢種質感,其實就咁望落去都已經睇到.裏面嘅燒腩仔乾爭爭,而且非常細嚿,真係非常差.粉果嗰層皮厚到呢,而且一夾上嚟就黐實對筷子.加上因為皮厚而破壞曬質感,裏面嘅餡料又頗為清淡,可以話係冇嚟聞味.總之食落去就係一塊冇味嘅厚皮加上冇味嘅餡料.如果合埋眼食完都唔知食咗乜.奇怪喇...腐皮卷明明浸著湯㗎喎,點解食落去會覺得又乾又嚡嘅呢,上面變咗色嗰撻嘢係咪因為曬傷咗?依一碟蜆介鯪魚球竟然就咁樣上枱,係咪原本一家四口,其中一隻鯪魚球唔生性離家出走?算,圓形嘅嘢碌嚟碌去係正常物理現象,雖然我從未見過咁樣.點解可以炸得咁唔靚,咬落去真係冇炸過嘅感覺㗎喎.仲有,蜆蚧點解可以稀釋到好似1比99咁,唔通廚房搞緊環保. 老實講,通常一間餐廳就算食物再差我都總會搵到1,2個優點,老闆都係搵食啫,又唔好講得太盡.阻人搵食猶如.... 我一向係咁諗嘅.但係今次咁差劣嘅食物質素實在令我不吐不快.呀我諗起喇,呢度嘅好處就係星期日就算11點幾到都唔算難搵位.唔想等位嘅話可以一試,或者你都會有難忘嘅體驗.…查看更多